Republica Sentrafricana

Da Wikipedia, l'ençiclopedia libara.
Va a: navigasion, serca


Republica Sentrafricana
Republica Sentrafricana - Bandiera
Republica Sentrafricana - Stemma
Motto: Unità, Dignità, Laoro

LocationCentralAfricanRepublic.svg


Informasion
Nome par intiero: Republica Sentrafricana
Nome ufisiałe: Republique Centrafricaine
Łéngoa uficiałe: fransexe
Cavedal: Bangui  (560.000 ab. / 1994)
Polìtega
Governo: Republica
Capo de stato: François Bozizé
Capo de governo: Élie Doté
Indipendensa: Dała Fransa, 13 de agosto 1960
Ingreso a l'ONU: 20 de setenbre 1960
Area
Totale: 622.984 km²
Pos. nel mondo: 42°
 % delle acque: 0 %
Popolasion
Totałe: 3.683.538 ab.  (2003)
Pos. nel mondo: 124°
Densità: 5,8 ab./km²
Giografia
Continente: Africa
Fuxo oràrio: UTC +1
Economia
Vałuta: Franco CFA
Energia:
Varie
TLD: .cf
Prefiso tełef.: +236
Sigla autom.: RCA
Ino nasionałe: La Renaissance
Festa nasionałe:

Republique centrafricaine carte.gif

La Republica Sentrafricana (Ködörösêse tî Bêafrîka) xe no Stato de l'Africa Centrale. Prima de l’indipendenza l’era ciamà Ugangi Shari. La confina co el Ciad, el Sudan, el Sud Sudan, la Republica Democratica del Congo, el Congo, e el Camerun. La cavedal xe Bangui e la zente parla francexe e sango.

Storia[canbia | canbia sorxente]

I ricatamenti archelogici conferma che la zone xera abità almanco sie mila ani prime de Cristo. I regni de l’Africa Ocidentale controlaa anca parte del teritorio (imperi de Kanem-Bornu, di Baguirmi, di Ouaddai e i regni de i fur. I grupi islamizati usava la regione de Oubangui come riserva de sciavi, che i menava su le coste del Mediteraneo o al Cairo. Nel XIX secolo, ghe fu n’invasion de popoli che vegnea dal sud (zande, banda, e baya-mandija).

I eoropei xe rivà ne la zone de Bangui nel 1885. Nel 1894, le tere rente de i fiumi Oubangui e Chari xe stà prese da la Francia che gha dovuo comabatare contro el sultano Rabih az-Zubayr. En tel 1906, la regione fu unificà col Ciad. Rico de diamanti e adato a le pinatagioni de cotone, el teritorio fu sfrutà da companie francexi che gavea comprà i diriti dal governo de Parigi. Dopo la seconda guera mondiale, la Francia gha dato la citadinanza francexe a i abitanti de le colonie, che gavea anca el dirito de elezar de i rapresentanti. El preto catolego Barthélemy Boganda, fondatore de el Movimento par l’Evolusion Sociale de l’Africa Nera, gha conbatù per l’emancipasion de tuta l’Africa.

El 1 dicembre 1958 segna la nasita de la Republica Centraficana, Boganda xera el capo de governo. Boganda fu copà tri mesi dopo co un incidente aereo; so cusin - David Dacko - gha ciapà el so posto e guidà el paexe a l’indipendenza el 13 agosto 1960. Dacko gha imposto on regime monopartitico e totalitario fin a el colpo de Stato del 1965. El 31 dicembre 1965, el general Jean-Bédel Bokassa gha preso el poder e sa proclamà presidente a vita (nel 1972).

Nel 1976, Bokasa sa fato incoronare imperatore. Nel 1979, quando Bokasa xera in visita a l’estero, i francexi gha insienà n’altro colpo de Stato e rimeso Dacko a la presidenza. Nel setembre 1981 xe sta la olta de el general André Kolingba che l’è rimasto al poder fin al 1985. Nel 1990, Kolingba gha dovua cedar a la presion de la piasa e internasionale e acetare la nasita de on Consilio Nasional Politico Provisorio de la Republica. A le elesioni del 1993, Ange-Félix Patassé gha vinto e gha scominsià a estrometare i fedeli del vecio presidente da tuta l’aministrasion statale. Patassé l’è stà rieleto nel 1999, ma gha dovù combatar co i ribeli che volea far on colpo de Stato nel 2001. EL general François Bozizé fu mandà en esilio in Ciad, da doe xe tornà par tor el poder nel otobre 2002. Bozizé xe stà eleto presidente ne le elesioni del 2005.

Economia[canbia | canbia sorxente]

I problemi politici e la mancansa de democrasia gha vù n’influenza negativa su l’economia. EL paexe xe agricolo, la majoria de le persone le pratica agricoltura de susistensa. Coton e cafè xe prodoti par l’esportasion. El paexe xe cuerto da foreste e pascoli, doe se aleva cavre e vache. El sotosuolo xe rico de minerai (diamnti, fero, uranio, oro). No ghe industria.

Giografia[canbia | canbia sorxente]

El Centrafica xe un altipiano da cui se alza do catene de montagne a nord. El fa da spartiacue tra el Ciad e el Congo. Ghe fiumi e laghi, e speso la piova provoca aluvioni.

Religione[canbia | canbia sorxente]

Religoni tradisionali (34%), Cristiani protestanti (26%), Catoleghi (25%), Musulmani (15%).

Laori en corso!
In sto moménto qua, l'uténte Ciaurlec (msg) el xe drio far modìfeghe inportanti a sta vóxe o sesion
Par scansar confliti de edision, no sta a modifegar sta vóxe fin a có che sto avixo no'l vien levà via.
Se l'ùltima modìfega ła xé de desferénte ore fa, par piaxer cava 'l avixo.