Republica Democratica del Congo
Da Wikipedia, ła ençiclopedia libara.
| Republica Democratica del Congo | |||||||||
|---|---|---|---|---|---|---|---|---|---|
|
|||||||||
| Motto: Democrazsia - Giustizsia - Unità | |||||||||
|
|
|||||||||
| Informasion | |||||||||
| Nome par intiero: | Republica Democratica del Congo | ||||||||
| Nome ufisiałe: | République démocratique du Congo | ||||||||
| Łéngoa uficiałe: | Franzsexe | ||||||||
| Cavedal: | Kinshasa (4.500.000 ab.) | ||||||||
| Politica | |||||||||
| Governo: | Republica | ||||||||
| Capo de stato: | Joseph Kabila | ||||||||
| Indipendensa: | 30 de giugno, 1960 | ||||||||
| Ingreso a l'ONU: | 20 de setenbre, 1960 | ||||||||
| Area | |||||||||
| Totale: | 2.345.410 km² | ||||||||
| Pos. nel mondo: | 12° | ||||||||
| % delle acque: | 3,3 % | ||||||||
| Popolazione | |||||||||
| Totałe: | 55.225.478 ab. ( ) | ||||||||
| Pos. nel mondo: | 23° | ||||||||
| Densità: | 24 ab./km² | ||||||||
| Geografia | |||||||||
| Continente: | Africa | ||||||||
| Fuxo oràrio: | UTC +1, UTC +2 | ||||||||
| Economia | |||||||||
| Vałuta: | Franco congołexe | ||||||||
| Energia: | 0,011 kW/ab. | ||||||||
| Varie | |||||||||
| TLD: | .cd | ||||||||
| Prefiso tełef.: | +243 | ||||||||
| Sigla autom.: | CD | ||||||||
| Ino nasionałe: | Debout Kongolaise | ||||||||
| Festa nasionałe: | 30 de giugno | ||||||||
|
|
|||||||||
La Republica Democratica del Congo, za conosù come Zaire e da no confondar co la Republica del Congo, xe no stato de l’Africa Centrale. El confina co la Republica del Congo, Republica Centrafricana, el Sudan, l’Uganda, el Ruanda, el Burundi, la Tanzania, lo Zanbia, l’Angola e l’enclave angolano de Cabinda. El gha no sboco sul Oceano Atlantico. La cavedal xe Kinshasa. La gente parla francexe e pi de dozento lengoe locali.
Indice |
[modifica] Storia
 |
Par savérghene piesè, varda ła vóxe Storia de la Republica Democratica del Congo. |
Dopo el VII secolo de la nostra era, le migrasioni bantu xe rivà ne la zona ora conosù come Congo e sa stabiliò qi, fazsendo scapare i pigmei che i sa sconti en te la foresta (Ituri) o i sa mosi rente al confin co el Ruanda e Burundi de ancò. I bantu gha svilupà vari regni che i vivea de la trata de i sciavi e del marcà de l’oro e avorio co la costa. I eoropei xe rivà a la corte del re del Kongo za nel XV secolo. La prima mapa de la regione xe quela preparà da Alvise Cadamosto, esplorator venexian. A la Conferensa de Berlino del 1884-5, el teritorio a sinistra del Congo ghe stà da al re del Belgio Leopoldo II, che el le tengnea come propietà personale. I so agenti gavea libartà de copar i locali che no volea laorar par le so compagnie. Anca se no ghe documenti sicuri, da i 5 ai 15 milioni de congolexi xe stà copà tra el 1885 e el 1908 parchè i resistea l’ocupasion. Nel 1908, soto presion par i so metodi, el re gha venduo el Congo al governo Belga. No ghe fu cambiamento par quanto riguarda i diriti umani de i colgolexi. El Belgio gha dato l’indipendensa al Congo nel 1960. Patrice Émery Lumumba fu eleto primo ministro e segretario de la difesa. I soldai de l’esercito i se gha ribelà a i uficiali belgi che i gha dovesto scapare. L’esodo de i belgi ghe scominsià subito dopo. La situasion xera tesa e Lumumba gha domandà a l’ONU de mandar de le trupe par mantegnar la calma. Soto presion de gli USA, l’ONU gha rifiutà e Lumumba gha domandà el sostegno de la Rusia. I americani e i belgi gha alora pensà de libararse de lu. Nel genaro 1961, el colonel Mobuto Sese Seko gha arestà, torturà e siolto ne l’acido Lumumba. Se verze così el periodo pi bruto de la storia del Congo. Mobutu gha subito fato vedar che xera on ditatore duro e sensa rispeto de la zente. Dopo 36 ani de ditatura, el Congo – paexi tra i pi richi de l’Africa – xera distruto en tute le so infrastruture. Nel 1997, Laurent-Désiré Kabila, partendo da le so bazsi en Tanzania e Ruanda, e sostenù da i militari statunitensi, gha invaso el Congo e caturà la cavedal e sa meso a governo fin al 2001, quando el fo asasinà da on grupo de fedeli de so fiol Joseph Kabila. Dal 1998, el Congo vive na guera civil che no l’è ancra finia. Joseph Kabila gha vinto le elesioni del 2006 e xe el presidente del Congo.
[modifica] Giografia
|
Par savérghene piesè, varda ła vóxe Giografia de la Republica Democratica del Congo. |
La majoria del teritorio xe formà da basipiani cuerti da foreste. Quasi tuto el Congo gha na piovosità alta e i fiumi pereni ze centinara. El Congo xe navigabile fin a Kisangani, 2.000 km da Kinshasa e nel mezso de na foresta impenetrabile co altri mezsi. Al nord se cata de le savane, e al sud de le catene de monti. Al confin orientale, se cata i laghi Edoardo, Alberto, Tanganica e Kivu, che i xe quatro de i cinque Grandi Laghi de l'Africa.
[modifica] Economia
El Congo xe on de i paexi pi richi de risorse naturali de tuto el mondo. Diamanti, uranio, fero, mercurio, oro, petrolio e altri. L’industria forestale gha de le posibilità incredibili e anca l’agricoltura – par ora de susistenza – podaria esar na fonte de guadagni ingenti. La zente che vive soto el livel de la povertà xe sora al 80%. Le industrie no le funzsiona par via de la guera, ma gavaria anca lore de le posibilità imense de cresita.
[modifica] Popolasion
Ghe pi de 270 etnie co 242 lengoe parlà. Kikongo, lingala, tshiluba e swahili xe lengoe oficiali co el francexe.
[modifica] Religion
Cexa Catolega 55%, Protestanti 15%, Religioni tradisionali 28%, Islam e altre minoranze 2%.
[modifica] Province deła Republica Democratica del Congo
 |
Portałe Africa: varda łe altre voxe de Wikipedia che łe parla de Africa
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Mali |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Centrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Fransa)| Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
