Catanga (provìnsia)

Da Wikipedia, l'ençiclopedia libara.
Va a: navigasion, serca
Catanga
(FR) Katanga
provincia
łago Mweru
łago Mweru
Dati aministrativi
Stato Flag of the Democratic Republic of the Congo.svg Rep. Dem. del Congo
Cavedal Lubumbashi
Aministrador locałe Moïse Katumbi Chapwe (AMP)
Lengue uficiałi fransexe
Teritorio
Coordinae
de ła Cavedal
9°00′S 26°30′E / -9, 26.50Coordinate: 9°00′S 26°30′E / -9, 26.50
Superfise 496 871 km²
Abitanti 5 608 683 (2010)
Densità 11,29 ab./km²
Altre informasion
Fuxo orario UTC+2
Locałixasion

Catanga – locałixasion

Sito istitusionałe


Catanga[1] ła xe na rejon de el Congo sudoriental. Ła xe conpresa intra ła Tansania a est [2], el Sanbia a sudest, e ła Angoła a ovest.

El teritorio el va da 600 a 2500 m.. El xe ocupà da un altipian inciso da łe vałi de el alto Congo e de altri sui afluenti, łimità a est da el riłievo de łi monti Mitunba (monti Mugila e monti Marungu a nord, monti Mulumbe e monti Kundelungu a sud).
Łi fiumi pi' inportanti łi xe el Lualaba[3], co łi so afluenti de drita Lukuga[4], Luvua[5] e Lufira; łi afluenti de sanca del fiume Congo: Lomami, e Casai (co łi so afluenti de drita Lulua e Sankuru-Lubilash). Łi pi' grandi łaghi naturałi łi xe el łago Tanganica, el łago Mweru, el łago Upemba e el łago Kisale; el łago Tshangalele e el łago Nzilo łi xe artifisiałi.
El clima el pasa da tropegal de ła savana a subtropegal umido indando da nordovest verso sudest.
El teritorio el xe coverto da savana boscata e savana erbosa. Al sentro de ła provinsia łongo el corso del Lualaba ghe xe na estexa area de pałù.

Łe sità pi' inportanti łe xe el cavołogo Lubumbashi[6], Kolwezi[7], Likasi[8] e łe sità industriałi de Kalemie e Kambove.
Oltre a el fransexe, xe difuso el swahili.

Ła prinsipal risorsa economega ła xe el desfrutamento del sotosioło (rame, arxento, uranio, manganexe,cadmio, xinco, stagno, carbon, wolframio, radio); manco inportanti łi xe agricoltura, ałevamento e ła industria consentrada inte łe sità.

Note[canbia | canbia sorxente]

  1. noto in pasà anca cofà Shaba, che in łéngoa łocal el vol dir rame
  2. oltre el łago Tanganica
  3. el pi' grando ramo sorgentifero de el fiume Congo, ma no el pi' łongo, sendo chesto el Lualaba-Luvua-Luapula-Chambesi.
  4. emisario del łago Tanganica
  5. parte del ramo sorgentifero pi' łongo del fiume Congo
  6. noto in pasà cofà Elisabethville o Elisabethstad
  7. noto in pasà cofà Mariaville
  8. noto in pasà cofà Jadotville