Etiopia

Da Wikipedia, l'ençiclopedia libara.
Va a: navigasion, serca


Etiopia
Etiopia - Bandiera
Etiopia - Stemma
Motto: 

Ethiopia in its region.svg


Informasion
Nome par intiero: Republica Federale Democratica Etiope
Nome ufisiałe: Ityop'iya Federalawi Demokrasiyawi Ripeblik
Łéngoa uficiałe: Amarico², Tigrino
Cavedal: Addis Abeba  (3 400 000 ab. / 2006)
Polìtega
Governo: Repubblica Federale
Capo de stato: Girma Woldegiorgis
Capo de governo: Meles Zenawi
Indipendensa: Da l'Italia formalmente el 27 novembre 1941 (Caduta de Gondar).
Ingreso a l'ONU: 13 novembre 1945 1
Area
Totale: 1 127 127 km²
Pos. nel mondo: 27°
 % delle acque: 0,7 %
Popolasion
Totałe: 67 851 281 ab.  (2004)
Pos. nel mondo: 16°
Densità: 60 ab./km²
Giografia
Continente: Africa
Fuxo oràrio: UTC +3
Economia
Vałuta: Birr etiope
Energia:
Varie
TLD: .et
Prefiso tełef.: +251
Sigla autom.: xx
Ino nasionałe: Whedefit Gesgeshi Woude Henate Ethiopia
Festa nasionałe: 5 majo

Et-map.png

1Xe on de i 51 Stati che gha dá vita all’ONU nel 1945.

La Republica Democratica Federale de l'Etiopia (1 127 127 km²; 67 851 281 ab.) xe no Stato de el Corno d’Africa. La confina co l’Eritrea, Gibuti, la Somalia, el Kenya, el Sudan e el Sud Sudan. L’Etiopia xe considerá la pi vecia nasion africana. Se se esclude la curta ocupasion italiana (1936-1941) l’Etiopia xe la sola nasion africana che no gha subì la colonizasion. En Etiopia se parla amarico, tigrigno e inglexe. La cavedal xe Adis Abeba.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia de l'Etiopia.

I pi veci ricatamenti de l’esere umano se cata ne la region de l’Afar, en Etiopia. Lo scheletro de Lucy, considerá el pi vecio reperto umano fin ora trová, se pol vedar al museo nasional de Addis Abeba. Za en tempi preistorici, l’Etiopia gavea de i regni importanti. La Bibia la parla de l’Etiopia, testi scriti in geez, la vecia lengoa de l’Etiopia, parla de i habash che abitava la zona. Da habsh vien el nome Abissinia. El nome de ancò vien dal greco aithiopia, el paese da le face brusá, nome che i re etiopici usava par el loro regno dal IV secolo d.C.

La majoria de la zente che vive en Etiopia desende da etnie locali che le sa misciá co popoli semitici che vegnea da la penisola arabica inrono al 1000 a.C. Nel 300 a.C. circa ghe i primi segni de el regno de Aksum. El regno xera al centro de trafici tra el Mediteraneo, la val del Nilo e l’Oceano Indiano. El guadagno de sti trafici gha parmeso lo svilupo de una cultura complesa e, caso unico en Africa, de lo svilupo de la leteratura scrita.

El cristianesimo xe rivá co do misionari siriani, Frumentius e on so compagno. La zente se convertì al cristianesimo. El regno de Aksum andò vanti fin al VI secolo de la nostra era, quando le invasioni arabe gha tajá fora l’altipian da le carovane de marcanti. I re cristiani fù boni de mantegnar el control de i altipiani, ma i gha dovesto speso combatar co i musulmani. En tel 1270, dopo na grave crisi politica, la cexa gha iutá la casa reale a tornar en control de el paexe. En cambio, el re gha dato a la cexa tuta la tera che la volea. El sistema de feudalesimo, co pochi propietari che controlaa la tera agricola, xe andá vanti fin al 1974.

La fin del XIX secolo gha visto la spartision de l’Africa tra le potense eoropee. Nel 1870 na compagnia italiana gha comprá el porto de Assab da on sultan locale. Dal porto de Assab le partìa la conquista de l’Eritrea. L’espansion italiana gha portá al conflito co l’Etiopia. La bataglia finale xe stá a Adua nel 1896, quando el negus (re) Menelik II gha fermá i italiani e salvá l’indipendenza. Co l’apertura del canal de Suez, la zona del Corno d’Africa xe diventá importante. L’Italia ataca l’Etiopia el 3 otobre 1935 e i entra ne la cavedal el 5 magio 1936. L’ocupasion dura fin al 1941 quando i inglexi i catura Adis Abeba e restituise el trono a Haile Selasie, che el governará fin al 1974.

En tel 1974, el paexe xera a tera par la sicitá. Mentre che el negus fasea feste par i so sostenitori, la gente la morea de fame. L’esrcito gha fato on colpo de stato e Haile Mariam Menghistu sa tolto el poder. N’altra carestia (1984-1985) gha portá a la morte oto milioni de persone. La guera civile contro Menghistu e la guera par l’indipendenza de l’Eritrea gha sugá le case de lo Stato. Menghisto gha dovù scapare nel 1991. L’Eritrea l’è diventá indipendente e i ribeli gha meso al poder Meles Zenawi. Le prime elesioni multipartitiche le se tegnù nel 1994. Dopo le lesioni del 2005, co l’oposision che gavea la majoria in tanti segi, el governo xe intervegnù par mantegnar el control del paexe. Da alora, el parlamento gha na majoria governativa, ma i centri urbani xe governá da persone filo-governative imposte da Zenawi.

Guera de confine[canbia | canbia sorxente]

Dopo qualche ano de pace tra Eritrea e Etiopia, na guera de confin l’è sciopá en tel 1998. L’Etiopia gha acetá el cesate el fogo quando la xera rentro a l’Eritrea nel 2000. I soldai etiopici xe torná sul confin mentre che i soldai de l’ONU gha ocupá na strisia de tera de 20 km par tuta la lungheza del confin. L’Etiopia sa rifiutá de acetar el risultato de na comision internasional che gha studiá i confini. L’Etiopia la se pol parmetar de tegnar la tension a on minimo, mentre che l’Eritrea no gha bastanti soldai e schei par tegnar bota.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia de l'Etiopia.

En Etiopia se cata paesagi diversi. Le montagne e i altopiani xe tajá da la Rift Valley. A sud se cata zone desertiche e savane. El lago Tana, ne l’acrocoro Amara, da vita al Nilo Azzurro. Da i laghi del sud partono l’Omo, che se buta nel lago Turkana, e altri fiumi.

Economia[canbia | canbia sorxente]

L’Etiopia xe un paexe agricolo. La produsion locale xe suficente par sostener la popolasion, però el paexe resta en pericolo de carestia. La majoria de la zente segue na dieta monotona par motivi religiosi. Quando ghe na sicitá xe dificile ofrire cibo difarente.

L’industria la se cata sopratuto rente a la cavedal e el turismo no l’è ancora en grado de ofrir entrate sicure. A majoria de la zente vive soto el livel de povertá

Popolasion[canbia | canbia sorxente]

I grupi etnici pi importanti xe: Oromo 40%, Amhara 32%, Tigrini 7%, Sidamo 9%, Shankella 6%, Somali 6%, Afar 4%, Gurage 2%, altri 1%. Le lengoe pi parlá xe: amarico, tigrino, oromigna, guragigna, somali, sidamo e altre lingue locali. L’inglexe xe lengoa oficiale e l’italiano xe parlá da i pi veci.

Religione[canbia | canbia sorxente]

La Cexa Ortodosa Tewahedo, originaria de l’Etiopia, xe seguia da al 51% de la popolasion. I catoleghi xe l’1%, le sete cristiane de vario genere el 10%, i musulmani el 32% e el resto segue le religioni tradisionali.

Curiositá[canbia | canbia sorxente]

Na legenda la vol che la regina de Saba, on regno de i altipiani, saria andá a catar el re Salomone a Gerusaleme. Dopo verghe fato a l’amor col re, la regina gha dato luce a on fiol, che se ciamaa Menelik. Menelik sarea stá el primo imperatore de Etiopia e tute le dinastie che lo gha seguí dovea dimostrare de esare disendenti de Menelik par poder regnare. La veritá xe che el re Menelik storicamente conosù no gha niente a cche fare co Salomone e la regina de Saba.

Stati del mondo | Africa
Flag of Algeria.svg Algeria | Flag of Angola.svg Angoła | Flag of Benin.svg Benin | Flag of Botswana.svg Botswana | Flag of Burkina Faso.svg Burkina Faso | Flag of Burundi.svg Burundi | Flag of Cameroon.svg Camerun | Flag of Cape Verde.svg Capo Verde | Flag of Chad.svg Ciad | Flag of Côte d'Ivoire.svg Costa d'Avorio | Flag of Egypt.svg Egito | Flag of Eritrea.svg Eritrea | Flag of Ethiopia.svg Etiopia | Flag of Gabon.svg Gabon | Flag of The Gambia.svg Gambia | Flag of Ghana.svg Ghana | Flag of Djibouti.svg Gibuti | Flag of Guinea.svg Guinea | Flag of Equatorial Guinea.svg Guinea Equatorial | Flag of Guinea-Bissau.svg Guinea-Bissau | Flag of the Comoros.svg Comore | Flag of Kenya.svg Kenya | Flag of Lesotho.svg Lesotho | Flag of Liberia.svg Liberia | Flag of Libya.svg Libia | Flag of Madagascar.svg Madagascar | Flag of Malawi.svg Malawi | Flag of Mali.svg Małì | Flag of Morocco.svg Maroco | Flag of Mauritania.svg Mauritania | Flag of Mauritius.svg Mauritius | Flag of Mozambique.svg Mozambico | Flag of Namibia.svg Namibia | Flag of Niger.svg Niger | Flag of Nigeria.svg Nigeria | Flag of the Central African Republic.svg Republica Sentrafricana | Flag of the Democratic Republic of the Congo.svg Rep. Dem. del Congo | Flag of the Republic of the Congo.svg Republica del Congo | Flag of Rwanda.svg Ruanda | Flag of Sao Tome and Principe.svg São Tomé e Príncipe | Flag of Senegal.svg Senegal | Flag of Seychelles.svg Seychelles | Flag of Sierra Leone.svg Siera Leon | Flag of Somalia.svg Somałia | Flag of South Africa.svg Sudafrica | Flag of Sudan.svg Sudan | Flag of South Sudan.svg Sud Sudan | Flag of Swaziland.svg Swaziland | Flag of Tanzania.svg Tanzania | Flag of Togo.svg Togo | Flag of Tunisia.svg Tunixia | Flag of Uganda.svg Uganda | Flag of Zambia.svg Zambia | Flag of Zimbabwe.svg Zimbabwe
Enclave e posedimenti europei
Flag of Spain.svg Ceuta (Spagna) | Flag of Spain.svg Melilla (Spagna) | Flag of France.svg Réunion (Fransa) | Flag of Saint Helena.svg Sant'Ełena (Regno Unìo)
Teritori con stato legałe mìa definìo
bandiera Sahara Ocidental