Cexa Ortodosa Tewahedo

Da Wikipedia, l'ençiclopedia libara.
Va a: navigasion, serca
Capela de le Tavole de la Lege en te la cexa de Nostra Signora Maria de Sion.

La Cexa Etiopica Ortodosa Tewahedo (unitaria) la xe na Cexa Ortodosa orientale en Etiopia. La Cexa Tewahedo la fasea parte de la Cexa Coptica (Egixiana) fin al 1959 co el Patriarca de Alesandria Cirilo VI el ga dà on patriarca propio a la Cexa Etiopica. La Cexa Etiopica Tewahedo la xe ona de le poche Cexe africane che le ga continuà a vivare anca soto l’ataco de l’Islam. La ga na quarantina de milioni de fedeli.

Storia[canbia | canbia sorxente]

El nome Tewahedo el se riferise a la natura de Cristo, che la Cexa Etiopica la vede come unitaria (Gesù omo e Dio en te na sola realtà). Questa teoria la contrasta co l’insegnamento de la Cexa Catolega e de le Cexe Ortodose Orientali che le segue el insegnamento de el Concilio de Calcedonia (451) che insegna che Gesù el xe vero Dio e vero omo, do nature en una sola persona. La Cexa etiopica la se vanta de disendar da l’eunuco tesoriere de la regina Gersamot Hendeke VII (regina dal 42 al 52) de Candace (Etiopia) batesà da Filipo (Ati de i Apostoli 8). En realtà, la Cexa la xe rivà en Etiopia co do diaconi nestoriani i ga fato naufragio so la costa eritrea e i xe stà portà dal re. Uno de sti diaconi el xera Frumenzio, l’altro el xera so fradel Edesio. La Cexa la se sa ligà a la Cexa Coptica de Alexandria e, par secoli, el xe stà el patriarca de Alexandria a mandar vescovi en Etiopia. Dal 1959, la Cexa Tewahedo la xe autocefala, la se scelie el so Patriarca da sola. La Cexa eritrea – da senpre ligà a quele etiopica - la xe diventà autoceffala en tel 1998.

Medio Evo[canbia | canbia sorxente]

Co l’arivo de le armate islamiche so le coste eritree, l’Etiopia la ga perso tanta influenzas economica. Prima, la controlava tute le strade carovaniere dal nord Africa verso le Indie. Anca sensa la richesa de na olta, el regno etiopico el ga continuà a esare inportante e la Cexa la ga funsionà da fatore de unificaxion. A la fin del XV secolo, i portoghexi i ga mandà de i soldati en Etiopia par jutar el re cristiano contro l’invasion musulmana. Co lori, i xe rivà anca de i misionari gesuiti. Questi i ga laorà par portar la Cexa Tawahedo soto l’influensa de Roma. Dopo on secolo de tentativi, el re Susenyos el se ga convertio al catolicesimo, ma la popolazion – e sopratuto la casta monacale – la ga resistio. Susenyos el xe stà costreto a dar le dimisioni. El fiol Failides el ga subito roto I legami co Roma e el xe tornà a la comunion co Alesandria, el ga espulso i gesuiti (1633) e el ga ordenà che tuti i libri de i Franchi (i bianchi) i vegnese brusà.

Ancò[canbia | canbia sorxente]

Prete etiopico

En tel 1948, le Cexe de Alesandria e de Addis Abeba le ga firmà on acordo par far diventar la Cexa Tewahedo autocefala, saria a dir bona de elezare el so patriarca. Dopo on longo proceso, el Patriarca de Alesandria el ga odernà on arcieparca (arcivescovo) etiopico (Abuna Basilios) en tel 1951, e en tel 1959 el lo ga incoronà Patriarce de Etiopia. El so sucesore el xe stà Abuna Tewophilos. Co la caduta de l’imperatore Haile Selassie, en tel 1974, la Cexa Tewahedo la ga perso el posto de religion de Stato. El novo governo marsista el ga fato arestar el patriarca e lo ga copà en tel 1979. El governo el ga ancà ordenà de elegere on novo patriarca en te la pesona de Takla Haymanot. Le altre Cexe sorele le ga rifiutà de riconosarlo. Dopo la caduta del governo Menghistu, el patriarca Merkorios – na marioneta ne le mane de i comunisti - el ga abdicà e la Cexa la ga eleto Patriarca Paulos.

Dotrina[canbia | canbia sorxente]

La Cexa Tewahedo la riconose la Bibia usada da le Cexe ortodose, co la zonta de el Libro de Enoc, el Libro de i Giubilei, i do libri de Esdra, el terzo libro de i Macabei e el Salmo 151. Alcune vecie Bibie le ga altri libri conservà solo che en te la lengoa amarica, la lengoa de la majoria de i fedeli. L’insegnamento de la Cexa Tewahedo el se basa pi so el Vecio Testamento che sul Novo. En modo particolare par quanto riguarda la dieta e del come el se ga da copare i animali da magnare. El maiale el xe proibio. Le done no le pol entrar en cexa co le ga le mestruasioni e le ga da cuersare la testa co le prega. Done e omeni i prega separadi e tuti i se leva le scarpa par entrar en cexa. I sabati i xe festa come le domeneghe.


Lengoa[canbia | canbia sorxente]

La liturgia la xe fata en te la lengoa gheez, la vecia lengoa de i altipiani etiopici. Ancò, i preti i predica en amarico o tigrigno, le lengoe de la majoria de le persone che va en cexa.

Architetura[canbia | canbia sorxente]

Cexa de San Giorgio a Lalibela.

En Etiopia se cata cexe costruie en tuto l’arco de la storia de la Cexa Tewahedo. Iportanti le xe le cexe monolitiche de Lalibela. Se trata de 12 cexe costruie en te le rocia. De solito le xe stà scavade dal teto en zo. En sto modo, no le se vede da distante. Sta tecnica la xe stà usada par scanpar a i atachi de i musulmani. Se cata anca cexe de pianta a baxéłega, come en te le cexe ortodoxe. Se cata anca cexe costruie secondo on disegno lacale a pianta circolare. En tel sentro ghe sta i preti, on circolo interno el xe par i fedeli. A l’estertno ghe n’altro circolo cuerto par le procesioni.

Ligadure foreste[canbia | canbia sorxente]

Laori en corso!
In sto moménto qua, l'uténte Ciaurlec (msg) el xe drio far modìfeghe inportanti a sta vóxe o sesion
Par scansar confliti de edision, no sta a modifegar sta vóxe fin a có che sto avixo no'l vien levà via.
Se l'ùltima modìfega ła xé de desferénte ore fa, par piaxer cava 'l avixo.