Feudałesemo

Da Wikipedia, l'ençiclopedia libara.
Va a: navigasion, serca

El feudalesemo, dito anca "rea vassaladego-benefissaria", el gera un sistema politigo prima che social che el se ga afermà inte l'Europa ocidental co l'Inpero Carolinzo, IX secolo, fin a la nassùa dei primi Stati nazionai, anca se i so strassini i se ga portà vanti fin al XVIII secolo, ai albori de l'Età Contemporagna. In senso social e economego el xe stà na evoluzion de la società cortense.


Inquadramento storego[canbia | canbia sorxente]

L'Europa intorno al 1328
L'espansion de l'Inpero dei Franchi soto de Carlo Magno

Antenai[canbia | canbia sorxente]

El sistema feudal el ga chiapà orisene da do tradizion antighe e simii - quela zermànega dei fedei che i torgnava el cavo, e quela romana dei clientes del ministrador de le provinzie; che le se gaveva catà insieme inte i regni roman-barbareghi. El doparamento da banda del cavo barbaro de fedei, zà testimognà da Tacito, al gaveva vùo un cïaro desvelupo inte l'età merovinza, quando che intorneghe a la figura del re se gaveva formà un grupo de guerieri sielti (trustis) che i ghe prestava servizio militar e che par questo i se colocava su de un pian pì alto inte la scala social: chi che feriva o copava uno de lori el pafava un indenizo, el guidresildo, triplo rispeto al normal. I lementi del raporto feudal i ga cïapà forma zà có i guerieri de la trustis i gera drìo principiar a ricevar dal re no solo protezion ma anca beni in canbio del so servizio armà.