Pato de Varsàvia

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Pato de Varsavia
Eror Lua: callParserFunction: function " [[Categoria" was not found.
Infotaula d'organitzacióPato de Varsàvia
(ru) Договор о дружбе, сотрудничестве и взаимной помощи Cànbia el vałor in Wikidata
Coat of arms of Warsaw Pact (en) Traduzi Cànbia el vałor in Wikidata

Cànbia el vałor in Wikidata

BomòUnion of peace and socialism Cànbia el vałor in Wikidata
EpònemoTrattato di Varsavia (it) Traduzi Cànbia el vałor in Wikidata
Dati
Nome scursàОВД, WTO, 华约, 華約, ОВД, АВД, OTV, VMT, ՎՊԿ, ВШТ e VShT Cànbia el vałor in Wikidata
SorteEror Lua: callParserFunction: function " [[Categoria" was not found.
Łéngua ufisałeruso, todesco, połaco, ungarezo, ceco, rumen e bùlgaro Cànbia el vałor in Wikidata
Istoria
Creasion14 de majo del 1955 Cànbia el vałor in Wikidata
Desołusion1° de lujo del 1991 Cànbia el vałor in Wikidata

14 de majo del 1955Trattato di Varsavia (it) Traduzi Cànbia el vałor in Wikidata
Governo d'impresa
Inpiegai7,2 Cànbia el vałor in Wikidata
Formà da
Eror Lua: callParserFunction: function "

[[Categoria" was not found.






















































El Pato de Varsàvia, ufisalmente ciamà Tratà de amicìsia, cooparasion e mùtua asistensa, el zera un acordo de cooparasion miłitare intrà i stati comunisti par garantizar ła so defeza contro un pusibiłe ataco osidentałe, inte el cuadro de ła Guera Freda. Sto pato el ze sta costituio el 14 de majo del 1955 a Varsàvia in Połònia e ufisalmente desfada intrà el 25 de febraro e el 1° de lujo del 1991 col receso de ła Cecoslovàchia[1] e el guałivo desolvimento de ła Union Soviètega del disenbre de l'isteso ano.

Descrision[canbia | canbia el còdaxe]

La sede de sto organismo el zera a Mosca, andove el zera sta formà un Comitato consultivo pułìtego conponesto da tuti i paezi aderidori. La funsion prinsipałe de sto Comitato ła zera cueła de discórar su de na pusìbiłe aplicasion de un artìcuło del tratà inte na situasion interna o esterna che ło dimandase[2]. Tutavia, łe figure pì influenti łe zera chełe sovièteghe. Co sto pato, l'URSS ła farà in magnera che sto corpo miłitare el sudìsfee i so intieresi in pułìtega. In pì, el ze servio a neutrałizar ogni deviasion ideołòzega dei paezi firmatari dal modeło soviètego. Durante ła so vałidità el ze stato aplegà pì volte, un ciaro ezénpio el ze sta inte l'invazion de l'Ungaria inte el 1956 e ła Primavera de Praga[3].

A ła fin de ła dècada 1980, i zera stai ciapai contati biłaterałi intrà ła NATO e el Pato de Varsàvia par métar in pie un guałivo dezarmo. Sta pazefegasion ła zera sta fata pusibiłe gràsie a łe decizion pułìteghe de Mikhail Gorbaciov, che el ghea sbasà ła prezensa de łe trupe sovièteghe inte i paezi de l'Eoropa orientałe. Le revołusion de l'autuno 1989 e ła sevente desołusion de ła URSS mèdema łe ghea provocà ła consevente sparision del bloco comunista, e de consevensa del Pato de Varsàvia inte el 1991.

Contesto stòrego[canbia | canbia el còdaxe]

Verso ła fin de ła seconda guera mondiałe, a ła Conferensa de Yalta i Liai i ghea concordà na pułìtega comun che i garia dopo adotà tenporaneamente inte i paezi libarai dai nazisti, o sia cueła de fasiłitare a sti pòpułi ła resołusion democràtega dei so problemi interni. Tutavia, cheło che ze realmente sucedesto el ze che inte i paezi libarai dai poderi capitałìsteghi i ze vegnesti formarse goerni democràteghi e in cuełi libarai dai comunisti i se ga formà goerni de influensa ciamai Democrasie popołari. Par via de łe grande difarense ideołòzeghe intrà i liai capitałisti (i Stati Unii de l'Amèrica) e i comunisti (l'URSS), se zera descaenai sospeti e tension che i ghea fato vegner timor che podese èsarghe na tersa guera mondiałe. Sto timor e sta tension, ła ze cueła che ła saria dopo divegnesta conosesta cofà ła Guera Freda.

Uno dei primi confliti che i do blochi i ghea catà el ze sta ła ocupasion de ła Zermània. Sto paeze el zera sta ocupà da vari liai, sia capitałisti che comunisti, e a ła Conferensa de Potsdam ze sta concordà de spartirse el paeze in cuatro zone de influensa, goernae da fransezi, americani, inglezi e sovièteghi. Sta situasion ła ze stada adotada anca a Berlin, siben che l'ex capitałe todesca ła fuse zeografegamente situada inte el mezo de ła sfera de influensa de l'URSS. De sevente de ła reintrodusion del marco todesco (Deutsche Mark) inte i teritori de influensa britànega, franseza e statunitensa par protèzar da l'inflasion łe tere osidentałi de ła Zermània, el lìder soviètego Stalin, irità da sta reintrodusion, el ga interonpesto tute łe comunegasion co l'òvest, blocando strade, ferovie e canałi, decretando el Bloco de Berlin. I americani i ghea invià continuamente aèrei a Berlin Òvest inportando inte ła sità magnar e altri beni de prima necesità. Le prinsipałi consevense de sto conflito łe ze stae ła creasion de ła NATO e de ła Repùblega federałe de Zermània (Bundesrepublik Deutschland). In resposta a sta organizasion, l'URSS e altri stati sociałisti del bloco orientałe i se zera consołidai in magnera simiłar a cueła osidentałe, par contrapezo[4] e par bałansar łe forse in canpo[5]. Par-tanto, łe ze stae creae ła Repùblega Democràtega Todesca (Deutsche Demokratik Republik) e un tratà de cooparasion miłitare (Pato de Varsàvia)[6][7][8].

Menbri[canbia | canbia el còdaxe]

El Pato de Varsàvia el zera conponesto da oto Stati comunisti[9], tuti de l'Eoropa orientałe, eceto de ła Jugoslàvia:

Stato Partio Forsa armada Entrada Receso
Union Soviètega Partio Comunista de l'Union Soviètega Ezèrsito soviètego 1955 1991
Repùblega Sociałista de Romania Partio Comunista Rumen Armada Popołare Rumena 1955 1991
Repùblega Popołare de Bulgaria Partio Comunista Bùlgaro Armada Popołare Bùlgara 1955 1991
Repùblega Popołare di Polonia Partio Operaro Unifegà Połaco Armada Popołare Polacca 1955 1991
Repùblega Democràtega Todesca Partio Sociałista Unifegà de Zermània Armada Popołare Nasionałe 1956 1990
Repùblega Sociałista Cecoslovaca Partio Comunista de Cecoslovàchia Armada Popołare Cecoslovaca 1955 1991
Repùblega Popołare d'Ungaria Partio dei Lavoratori Ungarezi (1948-1956)

Partio Sociałista Operaro Ungareze (dal 1956)

Armada Popołare Ungareze 1955 1991
Repùblega Popołare Sociałista d'Albania File:Partia e Punës e Shqipërisë.svg Partio del Lavoro d'Albania Armada popołare albaneze 1955 1968

Oservadori[canbia | canbia el còdaxe]

Republica Popołare Cinexe, Corea del Nord, Repùblega Popołare de Mongòlia, che ła ghea dimandà de entrar par via de l'artìcuło 9 del Statuto[10], e Vietnam i ga avesto el status de oservadori, ma ła Cina ła se ghea retirà dopo ła divizion sino-soviètega inte i primi ani de ła dècada 1960[11].

Notasion[canbia | canbia el còdaxe]

  1. Steven Greenhouse, DEATH KNELL RINGS FOR WARSAW PACTnytimes.com.
  2. Bob Reinalda, Routledge History of International Organizations: From 1815 to the Present Day, Routledge, 11 September 2009.
  3. Amos Yoder, Communism in Transition: The End of the Soviet Empires, Taylor & Francis, 1993.
  4. Bob Reinalda, Routledge History of International Organizations: From 1815 to the Present Day, Routledge, 11 September 2009.
  5. Amos Yoder, Communism in Transition: The End of the Soviet Empires, Taylor & Francis, 1993.
  6. Formation of Nato and Warsaw Pact, History Channel.
  7. The Warsaw Pact is formed, History Channel.
  8. "In reaction to West Germany's NATO accession, the Soviet Union and its Eastern European client states formed the Warsaw Pact in 1955." Citation from: A short history of NATOnato.int.
  9. The Warsaw Pact is formed - May 14, 1955 - HISTORY.comhistory.com.
  10. A Cardboard Castle?: An Inside History of the Warsaw Pact, 1955-1991, Central European University Press, 1º January 2005.
  11. ABC-CLIO, Warsaw Treaty Organizationfreecontent.abc-clio.com, 3 March 1990.


Altri projeti[canbia | canbia el còdaxe]


Linganbi foresti[canbia | canbia el còdaxe]





Controło de autoritàVIAF (EN130896299 · ISNI (EN0000 0001 2158 1586 · LCCN (ENn50002351 · GND (DE14767-9 · BNF (FRcb11865226c (data) · NDL (ENJA00574154 · WorldCat Identities (ENn50-002351
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pato_de_Varsàvia&oldid=1077857"