Winston Churchill
Sir Winston Leonard Spencer Churchill (Woodstock, 30 de novenbre del 1874 – Londra, 24 de zenaro del 1965) el ze sta un pułìtego, stòrego, zornałista e miłitare britànego.
El ze sta Primo ministro del Regno Unio dal 1940 al 1945 e de novo dal 1951 al 1955. El ze sta par de pì menbro del Parlamento dal 1900 al 1922 e dal 1924 al 1964, raprezentando inte el corso de ła so cariera sìncue vari cołeghi. Come Primo ministro, el ze conosesto par gaver guidà el Regno Unio a ła vitòria inte ła seconda guera mondiałe; el ze sta anca lìder del Partio Conservatore par cuìndaze ani, dal 1940 al 1955.
Churchill el zera nasesto inte na fameja aristocràtega, fioło de Lord Randolph Churchill, inportante statista conservatore. El se ghea inrołà inte l'ezèrsito britànego, e el ghea conbatesto in India, inte ła guera mahdista in Sudan e inte ła seconda guera boera, otegnendo fama par łe so corispondense zornalìsteghe e par i libri de memòrie su łe canpagne a łe cuałe el gaveva fazesto parte. Entrà in pułìtega inte el prinsìpio del XX secoło, el gaveva cuerzesto incarghi ministeriałi inte el goerno libarałe presiedesto da Herbert Henry Asquith e, insieme col canceliero del Scachiero David Lloyd George, el ghea fato un'intensa atività reformatora in canpo sociałe. Nomenà primo lord del merajà, dopo del s-ciopo de ła prima guera mondiałe ghe ghea tocà sbandonare el goerno de sevente a l'èzito fałimentare de ła canpagna de Gałìpułi, de ła cuała ła zera sta uno dei promotori; inte el 1916, cascà Asquith, Churchill el zera tornà in inportanti incarghi de goerno inte el novo gabineto de David Lloyd George. Dopo de ła guera el ghea otegnesto ła carga de canceliere del Scachiero del novo goerno presiedesto da Stanley Baldwin (1924-1929) e el se gavea fazesto promotore de na pułìtega deflasionìstega, restaurando ła parità àurea de ła sterlina ai livełi pre-bèłeghi.
Escludesto da incarghi goernativi inte el ndar de ła dècada del 1930, Churchill el zera devegnesto una de łe voze pì crìteghe verso ła Zermània nazista, guidando ła canpagna par el rearmo. Al s-ciopar de ła seconda guera mondiałe el zera devegnesto de novo primo lord de l'merajà, ma de sevente de łe demision de Neville Chamberlain del majo del 1940 el ze sta nomenà Primo ministro. I so descorsi e trasmision radiofòneghe łe zera stae decizionałi inte el sostegnere ła rezistensa del Regno Unio, specialmente inte el difisiłe ano 1940 – 1941 co che el Commonwealth e l'Inpero britànego i se ghea catà far fronte lori sołi a ła menasa nazista. Churchill el ga guidà dopo el Regno Unio inte el ndar de l'intiero conflito e inte i mezi drioman de ła rendesta todesca.
De sevente a de ła sconfita dei conservatori inte łe ełesion del 1945, Churchill el zera devegnesto lìder de l'opozision mantegnendo un grando prestijo internasionałe; inte el 1946 el ghea vesto a Fulton el tanto conosesto descorso su ła "cortina de fero" che convensionalmente el segna el scumìsio de ła guera freda. Re-ełezesto Primo ministro inte el 1951, el so secondo mandà ła ze sta domenà da cuestion de pułìtega estera cofà l'insuresion comunista in Malaysia, ła revolta dei Mau-Mau in Kenya, ła guera de Corea e el colpo de Stato iranian del 1953. Churchill el se ghea demisionà da ła carga inte el 1955, stando in ogni cazo parlamentare finmente al 1964. A ła so morte ła rezina Elisabeta ła ghe ghea concedesto i onori del funerałe de stato, al cuało ghe ghea fato partesipasion un grando nùmaro de statisti.
Par l'atività de stòrego e scritore portada avanti inte el ndar de tuta ła vita el ghea recevesto anca el premio Nobel par ła letaratura inte el 1953. Protagonista de primo pian dei avegniminti pułìteghi britàneghi e internasionałi par pì de sincuant'ani, Churchill el ze intrà łe figure pułìteghe pì signifegative del XX secoło. El zera sta el prinsipałe intèrprate de ła tranzision del Regno Unio da potensa mondiałe a potensa locałe eoropea, segurando el rinłineamento inte un órdene internasionałe garante de ła seguresa e dei intaresi vitałi del Paeze. La so memòria ła sèvita restar ojeto de ełoji e crìteghe e el debatimento da torno a ła so conplesa eredità el resta inpisà.
Notasion
[canbia | canbia el còdaxe]
Altri projeti
[canbia | canbia el còdaxe]
Wikimedia Commons el detien imàjini o altri file so Winston Churchill
el detien schemi gràfeghi so
Linganbi foresti
[canbia | canbia el còdaxe]- Churchill, Sir Winston Leonard SpencerTreccani.it – Enciclopedie on line, Istituto de ła Ençiclopedia Italiana.
- Luigi Villari, CHURCHILL, Winston Leonard Spencer, in Ençiclopedia Italiana, Istituto de ła Ençiclopedia Italiana, 1931.
- Salvatore Rosati, CHURCHILL, Winston Leonard Spencer, in Ençiclopedia Italiana, II Appendice, Istituto de ła Ençiclopedia Italiana, 1948.
- Churchill, sir Winston Leonard Spencer, in Disionàrio de istòria, Istituto de ła Ençiclopedia Italiana, 2010.
- (IT, DE, FR) Winston Churchillhls-dhs-dss.ch, Disionàrio stòrego de ła Svìsara.
- (EN) Herbert G. Nicholas, Winston ChurchillEnçiclopedia Britannica, Encyclopædia Britannica, Inc.
- (EN) Winston ChurchillThe Encyclopedia of Science Fiction.
- Winston ChurchillBeWeb, Conferenza Episcopale Italiana.
- (EN) Winston Churchill / Winston Churchill (altra versione)Find a Grave.
- Opere di Winston Churchill / Winston Churchill (altra versione)openMLOL, Horizons Unlimited srl.
- (EN) Opere di Winston ChurchillOpen Library, Internet Archive.
- (EN) Opere di Winston ChurchillProgetto Gutenberg.
- (EN) Audiolibri di Winston ChurchillLibriVox.
- (EN) Opere riguardanti Winston ChurchillOpen Library, Internet Archive.
- (EN) Bibliografia di Winston ChurchillInternet Speculative Fiction Database, Al von Ruff.
- (EN) Winston S. ChurchillGoodreads.
- Bibliografia italiana di Winston ChurchillCatalogo Vegetti della letteratura fantastica, Fantascienza.com.
- Winston ChurchillLast.fm, CBS Interactive.
- (EN) Winston ChurchillAllMusic, All Media Network.
- (EN) Winston ChurchillWhoSampled.
- (EN) Winston ChurchillInternet Movie Database, IMDb.com.
- (DE, EN) Winston Churchillfilmportal.de.
| Controło de autorità | VIAF (EN) 94507588 · ISNI (EN) 0000 0001 2096 6628 · El vałore RAVV003813 de SBN no el xe mija bon. · LCCN (EN) n78085430 · GND (DE) 118520776 · BNF (FR) cb119836090 (data) · BNE (ES) XX850994 (data) · ULAN (EN) 500028788 · NLA (EN) 35908632 · BAV ADV10265748 · NDL (EN, JA) 00436010 · WorldCat Identities (EN) n78-085430 |
|---|