Guera siviłe grega

Da Wikipedia, l'ençiclopedia libara.
Infobox de Conflito Guera siviłe grega
Parte de: Guera Freda Cànbia el vałor in Wikidata
Vladina edinica, Gradjanska vojna vo Grcija.jpg
Tipoguera siviłe Cànbia el vałor in Wikidata
Data3 disenbre 1944 Cànbia el vałor in Wikidata
LiogoGresa Cànbia el vałor in Wikidata
StatoGresa Cànbia el vałor in Wikidata
Schieraminti
Comandanti
Efetivi
150.000 ómani51.000 ómani
Pèrdite
16.753 morti
40.398 ferii
6.986 perdesti
865 dizertori
Se stima 25.000 morti[2]


La Guera siviłe grega (in grego: ο Eμφύλιος [Πόλεμος], o Emfýlios [Pólemos], "ła guera siviłe") ła ze stada na guera intrà el 1946 e el 1949 intrà łe forse del goerno monàrchego e conservatore grego (col juto del Regno Unio e dei Stati Unii de l'Amèrica) e ła rama armà del Partio Comunista Grego (KKE), l'Ezèrsito Popołare de Libarasion Grego (ELAS).

El ze considarà èsar el primo conflito armà de ła Guera Freda, e ła ze stada ła prima prova de łe àree de influensa concordae dai Liai[3]. La vitòria del goerno monarchego, jutà da americani e inglezi, el ga portà ła Gresa a l'adezion a ła NATO e a bandir el Partio Comunista[4].

El conflito el ze nasesto dopo de ła lota de podere intrà monarcheghi e comunisti inte l'intierior de ła rezistensa a l'ocupasion todesca e italiana inte el ndar de ła seconda guera mondiałe. A ła fin de l'ocupasion, i comunisti no i ga vołesto partesipar a łe ełesion se prima no ghe sta na votasion su ła monarchia, che ła zera stada restaurada prima de ła guera dal rezime del zenerałe Ioannis Metaxas. El refudo de dezarmar łe miłìsie el ga portà a un conflito armà.

Contesto[canbia | canbia el còdaxe]

La prima faze pre-guera siviłe ła se ga vesto intrà el 1941 e el 1944, inte el ndar de l'ocupasion nazista. Col goerno grego oncora in bando e de consevensa miga bon de controłar ła situasion inte el paeze, ghe zera vari grupi pułìteghi che i sercava de torse el poder, el prinsipałe dei cuałi el zera el Fronte de Libarasion Nasionałe (EAM) controłà dai comunisti. El setore conservatore fedełe a re Zorzi II el ghea formà un goerno in bando che no el zera sta reconosesto dai comunisti. Inte l'autunada del 1943 i zera scumisiai sporàdeghi scontri armai intrà Fronte de Libarasion Nasionałe e altri grupi de rezistensa ndai vanti fin a ła primavera del 1944, cuando che sti grupi i zera rivai a un acordo e i ghea formà un goerno nasionałe de coałision in bando al Cairo, che el gaveva drento ministri sia monàrcheghi che comunisti.

Confronto e pato de Varkiza (1944-46)[canbia | canbia el còdaxe]

La seconda faze ła ghe ze sta intrà el 1944 e el 1946, dopo che el paeze el zera sta libarà dal nazismo. El goerno monàrchego tornando dal bando el ghea afrontà i comunisti. El Fronte de Libarasion Nasionałe dei comunisti el zera sta bon de torse el controło miłitare de ła major parte de ła Gresa continentałe, co l'ecesion de grande sità cofà Atene o Salònego, che i monarcheghi i zera stai boni de conservarse col juto dei Liai. I comunisti no i ghea ciapà el controło de nisuna de łe izołe. Racuanti partii comunisti i ghe zera ndai in clandestinità inte łe montagne de Creta e no i zera cascai fin a ła dècada del 1970, dopo de ła ditatura dei cołonełi. La presion dei liai e dei sovièteghi ła ga portà inte el febraro del 1945 al Pato de Varkiza, che el ga portà a łe ełesion del 1 de setenbre del 1946, co ła formasion de un goerno conservatore e a ła restaurasion de ła monarchia.

Guera siviłe (1946-49)[canbia | canbia el còdaxe]

Inte ła tersa faze, dal 1946 al 1949, se ga ła vera e pròpia guera siviłe grega. Le forse guerajere controłae dal Partio Comunista de Gresa col sostegno dei novi paezi sociałisti (Albania, Jugoslàvia e Bulgaria) e de l'Union Soviètega łe ghea afrontà el goerno de ła Gresa, el cuało el zera sta reconosesto a liveło internasionałe dopo de łe ùlteme ełesion del 1946. I comunisti i se ghea rebełà inte łe montagne setentrionałi, in Macedònia e Epiro, andove i ghea stabiłio un goerno revołusionàrio a Konitsa, andove i ghea ricevesto sostegno miłitare e econòmego da l'Union Soviètega e da ła Jugoslàvia. El goerno monàrchego, vedesto tuto el juto che i ghea i comunisti dai paezi foresti, el ghea dimandà juto ai inglezi, i cuałi a so volta, co l'inpusibiłità de poder provédare a ła seguresa del tradisionałe lià grego insieme a ła dificultà inte el contegner ła vansada de Mosca verso sud, ła tension ła ghea obligà Londra a dimandar juti al lià american.

Durante el conflito, i paezi a rente i ga tolto l'ocazion par portar vanti revendicasion teritoriałi su parte de ła Gresa setentrionałe. I masèdoni i ghea formà el Fronte de libarasion nasionałe masèdono, creà inte el 1944 col sostegno de Tito, che el vołea anétare ła Masedònia grega. El Fronte de libarasion nasionałe masèdono el vołeva crear na Repùblega Sociałista de Macedònia, che ła garia vesto drento ła Macedònia grega e ła Macedònia jugoslava. De sevente, l'Ezèrsito Popołare de Libarasion Grego e el Fronte de libarasion nasionałe masèdono i ga ronpesto ła so liansa.

No-ostante ła inisiałe ezemonia comunista, łe forse del goerno conservatore łe ga finio par vìnsar ła guera gràsie ai grandi juti econòmeghi, miłitari e lozìsteghi ricevesti dai Stati Unii dopo del vegnimento de ła nova dotrina Truman e a łe deverzense interne de ła parte comunista intrà URSS e Jugoslàvia.

La guera siviłe ła ga dasà el paeze pezo de cofà che el zera sta dasà da l'ocupasion nazista inte el 1944. Miliaja de greghi i se ga catà costrinzesti a emigrar par motivasion econòmeghe prinsipalmente verso Stati Unii, Austràlia e Zermània.

La guera siviłe ła ga anca dasà un paeze pułitegamente tanto połarizà. El Partio Comunista, el cuało no el ze sta bon de tornar al goerno fin al 1989, el zera sta bandio. El goerno monàrchego grego el zera divegnesto un lià dei americani e el ghea portà ła Gresa inte ła NATO. Le rełasion coi Sovièteghi e i visini paezi balcàneghi, tuti fati da rezimi comunisti, łe se ghea erodesto considerevolmente. Dopo de ła guera siviłe ghe ze sta l'avegnimento che dal 1967 al 1974 se ghea instaurà na ditatura miłitare fasista dei cołonełi greghi.

Notasion[canbia | canbia el còdaxe]

  1. Braso armà del Partio Comunista de Gresa
  2. Γιώργος Μαργαρίτης, Η ιστορία του Ελληνικού εμφυλίου πολέμου ISBN 960-8087-12-0
  3. Noam Chomsky, World Orders, Old And New, Pluto Press London, 1994.
  4. Nikos Marantzidis and Giorgos Antoniou. "The Axis Occupation and Civil War: Changing trends in Greek historiography, 1941–2002." Journal of Peace Research (2004) 41#2 pp: 223–231.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàLCCN (ENsh85057104
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Guera_siviłe_grega&oldid=1078037"