Mao Zedong

Da Wikipedia, l'ençiclopedia libara.
Jump to navigation Jump to search
Sto articoło el xe scrito in vixentin
Mao Zedong inte 'l 1938
Mao Zedong inte 'l 1949
Mao Zedong inte 'l 1949
Mao Zedong con Gerald Ford e Henry Kissinger inte 'l 1975

Mao Zedong (trasliteraxion alternativa: Mao Tse-tung, cin.: 毛泽东; Shaoshan, 26 de diçenbre 1893 - Pechin, 9 de setenbre 1976) l'é stà un rivołuxionario e statista cinexe, tra i fondatori inte 'l 1921 del Partito Comunista Cinexe[1][2][3] e presidente deła Republica Popołare Cinexe dal 1949 al 1958[1][2][3].

Biografia[canbia | canbia el còdexe]

Mao Ze Dong l'era nato a Shaoshan[1] inte 'l 1893 [1][2][3], fioło de 'na fameja de contadini[2].

Inte 'l 1927 el rompe col Kuomitang, el partido de Chang Kai-shek, guidando l'insurexion contro lo steso partido, che però fałise.[1][2][3]

In seguito el organixa grupi armà de estraxion contadina inte ła rejon del Hunan[1][3] e inte 'l 1931 el vien eleto presidente deła neo-costituatasi Republica Comunista del Hunan e del Kiang-shi[1][2][3].

Costreto ała fuga, inte 'l 1933-1934, el organixa la Longa Marcia fin a Yenan.[1][2][3]

Inte 'l 1937, co ła guera contro el Giapon, el firma un acordo col Kuomitang.[1][2][3]

Terminà el conflito inte'l 1945, el sconfige definitavemente el Kuomitang durante ła guera çiviłe del 1946-1949[3] e l'1° de otobre 1949[2] el proclama la Republica Popołare Cinexe, che 'l guidarà fin al 1958[2][3].

Inte'l 1959, el scumisia ła so bataglia ideologica contro el revisionismo sovietico e ła destalizaxion vosuda da Nikita Chruščëv[2][3][4], bataglia propedeutica ała cosideta rivołuxion culturałe del 1966-1969 [2][3][4], da cui nase anca ła costixion cinexe del 1975[2][3][4].

Note[canbia | canbia el còdexe]

  1. 1,0 1,1 1,2 1,3 1,4 1,5 1,6 1,7 1,8 cfr. A.A.V.V., Millennium Panorama - Storia, De Agostini, Novara, 2002, vol. 4, p. 200
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 cfr. A.A.V.V., Millennium Panorama, De Agostini, Novara, 2002, vol. 7, p. 98
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 cfr. Le Garzantine - Enciclopedia Generale, Garzanti, Milano, 2003
  4. 4,0 4,1 4,2 cfr. A.A.V.V., Millennium Panorama - Storia, cit., p. 201

Altri projeti[canbia | canbia el còdexe]

Commons

So Commons ghe xè de i file multimediałi so Mao Zedong

Cołegamenti esterni[canbia | canbia el còdexe]