Eros Ramazzotti
 | |
| Biografia | |
|---|---|
| Nasimènto | (it) Eros Luciano Walter Ramazzotti  28 de otobre del 1963 (61 ani)Roma |
| Atività | |
| Ocupasion | |
| Atività | 1981 |
| Zènare | Pop, poprock e rock alternativo |
| Voze | Tenor e barìtono |
| Instrumento muzicałe | voxe |
| Targheta discogràfega | |
| Àlbun | 18 |
| Àlbun stùdio | 12 |
| Àlbun dal vivo | 3 |
| Àlbun compilation | 3 |
| Repertòrio | |
| Fameja | |
| Cògnuze | Michelle Hunziker (it)  (1998–2002)Marica Pellegrinelli (it) (2014–2019), Divòrsio |
| Fiołi | |
| |
| Sito web | ramazzotti.com |
 
              | |
Eros Ramazzotti (Roma, 28 de otobre 1963) el ze un cantante italian, in atività dai ani otanta.
Biografia
[canbia | canbia el còdaxe]Eros Ramazzotti, fio de Rodolfo Ramazzotti, operaio ediłe e de Raffaella Molina, cazałinga; el pare de ła provincia de Viterbo, ła mare de cueła de Vibo Valentia, (el cui nome orizenàl el ze Eros Walter Luciano, el crese inte'l cuartier pariférego de Roma sud Cinecittà in un cuartier de caze popołare ciamà Lamaro. Só pare el zera cantante e muzicista amatoriałe Fin da zòvane el mostra de aver na pasion straordenaria par ła mùzega avéndoghene na bona predispozision. El se intaresa a'l studio de'l pianoforte e po' de ła ghitara. El taca sonar co do amighi de'l so cuartier, uno ghitarista jazz, l'altro che'l sonava de frecuente in un piano bar. Otenjìa ła łisensa media el fa domanda de amision al Conservatorio de Roma, ma el vien respenzesto. Na volta che'l s'à iscrivesto a Ragioneria el lasa i só studi. No'l se separava mai da'l só can de nome Billy.
In sèito a un tentadivo fałìo de emigrar in Austrałia, el pasa un ano intiero a studiar ingleze.
Tifoso de ła Juventus[1], Eros el uno dei conponenti pì forti de ła Nasional Cantanti inte'l roło de atacante, e da'l 1992 al 2004 el ze stà anca presidente de sta Asosiasion [2].
I primi pasi inte'l mondo de ła mùzega
[canbia | canbia el còdaxe]El 1981 ze l'ano inte el cuało el taca ezibirse. El partesipa a'l concorso Voci Nuove de Castrocaro co ła só canson "Rock 80" che'l ga scrito calche ano prima. I vinsenti de 'sta manifestasion i ze stài Zucchero e Fiordaliso, ma łu el ze stà fato ezibìr da Gianni Ravera co tuti i zòvani tałenti. El ga resevùo soło do prefarense, da Roberto Galanti e da'l baron Lando Lanni che i zera i fondadori de ła caza discogràfega miłaneze DDD - Droguera di Drugolo. I do ze stài imagài da'l só partegołàr tinbro nazałe e cusì A ze stà fato un contrato inte i ofisi de Roma. Inte'l 1982 el partesipa a Un Disco par l'estate de Saint-Vincent co ła canson "Ad un amico'", conposta co Roberto Colombo, dedicada a un só amigo masa presto desconparìo.
Inte'l 1983 A se pol dir che ghe ze stà el só primo aprocio inportante al mondo muzegałe ai Castełi Romani, cantando Pezzi di Vetro, na canson de Francesco De Gregori.
I tre festival de Sanremo
[canbia | canbia el còdaxe]Inte'l 1984, el 3 febraro, Eros el se fa conóser da'l pùblego vasto che ga el Festival de Sanremo e el ło vinse inte ła Sesion "Voze nove"; ła canson che ła ghe fa aver 'sta só fortuna ła ze "Terra Promessa", na bałada. Un disco cuesto, che'l gaveva da esar publegà inte'l meze de Otobre, ma che invese el ze stà proposto a łe sełesion de Sanremo Giovani. Ameso a ła final de 'sta manifestasion el vinse inte ła sesion "Nuove proposte" [3]. Vien fata anca n'altra varsion de 'sto tòco pì esteza che ła se cata so discomix. El taca eser conosùo e ad aver notorietà, anca a łeveło intarnasionałe, scominsiando ad afrontàr partèr todeschi, austriaghe e zvisare. Senpre in 'sto ano el partesipa a ła Veła d'Oro de Riva de'l Garda, e el prezenta ła canson Buongiorno Bambina.
Inte l'edision daspò el Festival de Sanremo de'l 1985, el partesiparà, 'sta volta inte ła sesion dei "big", cantando "Una storia importante"[4] incluza inte'l primo àlbun "cuori agitati". Anca se in clasifega el riva a'l sesto posto,'sto àlbun el ze un tronfo sorpasando un miłion de copie vendùe in Fransa. Vien publegà anca in łengua spanjoła Almas rebeldes el ze el titoło.
Inte'l 1986 senpre a Sanremo riva n'altra vitoria par łu. Ła canson che'l prezenta ła se ciama "Adesso tu" [5], tòco verzipista de l'àlbun Nuovi eroi [6] àlbun, publegà anca in łengua spanjoła, che'l ghe fa anca vinser el Festivalbar inte ła categoria 33 giri; co 'sta canson el conferma ła só atuałe popołarità in Itałia (el ga conpìo da poco i só ventido ani), ma l'intarese par 'sto cantante el riva anca a łeveło intarnasionałe.
Ła notorietà intarnasionałe
[canbia | canbia el còdaxe]Inte'l 1987, el 28 otobre, (zorno de'l só vinticuatrezemo conpleano) A ze venjùo fora el terso Ip, In certi momenti. Da recordàr ła partesipasion de Patsy Kensit par ła canson La luce buona delle stelle, che ła ghe segura oncora de più un suceso eoropèo. Patsy ła sarà soło una de łe tante ospiti co'l cuało el cołaborarà durando ła só cariera. El ze stà el primo àlbun a intrar inte łe pozision pì alte de łe clasifeghe europèe. Ła tournée, seguìa da ła publegasion de l'àlbun, ła mena Ramazzotti ad ezibirse danànsi ad oltra un miłion de spetadori e el dura nove mezi. El nùmaro de copie vendùo par 'sto àlbun el ze ecesionałe : oltra 3 miłion e 700 000 copie vendùe. Inte'l 1988, durando ła stazon primaveriłe, A ze publegà el mini-disco "Musica è", che'l ga un inpato so i mercà discografeghi che nisuni el se spetava, otenjindo anca pì suceso de "In certi momenti".
In sèito, come de frente nase par i cantanti, el se ferma par do ani fin a tornàr inte'l 1990 po' co un novo àlbun In ogni senso che fursi el contien łe canson pì séłebri de'l só reperotorio e che antisipa ła prima ezibision de Eros inte i Stati Unii (inte'l Nord), un spetacoło el ze exaurìo a'l Radio City Music Hall de New York. 'Sto parìodo che'l pasa in tournée el finise co ła publegasion, inte'l novenbre 1991, de un dopio àlbun live, "Eros in concert". Sucesivamente ghe ze un conserto a Barsełona In Spanja el ze un mucio seguìo) trazmeso in Mondovision e che po' inte'l 1992 el sarà reproposto in VHS "Eros Ramazzotti - In giro per il mondo", dove vien mostrài i tòchi pì senjifegadii de cuel conserto de Barsełona e altre imàzeni che'l ga zirà a New York.
Tutte storie co Spike Lee
[canbia | canbia el còdaxe]Eros el conparise da novo so el palco a distansa de tre ani co "Tutte storie", el łaoro che ło ga fato inpegnàr de più in asołuto fin cuel momento e el razonze in poco tenpo ła sima de tute łe clasifeghe. Vien fato un videoclip par el só singoło "Cose della vita" e el ze reprezo da Spike Lee [7], che par ła prima volta el łaora co un artista europèo. Ła tournée che'l fa par tuta Europa ła infrà cuełe co pì inportansa de ła stazon otenjindo anpi trionfi e el fenìse oltreoaseano inte'l Nord America e par ła prima volta ndando a inpenjir i stadi de cuindeze paezi łatin-'mericani dove che'l se ga ezibìo e no'l zera mai stà. Co el torna in Itałia, el cantante el ze el creador de'l "Trio", l'avenimento muzegałe che'l ga senjà 'sto ano, inte'l cuało el ze protagonista co Pino Daniele e Jovanotti. Inte'l 1994 a novenbre Eros el ze invità ai MTV Europe Music Awards de Berlin dando vita a'l só live. L'albun el vendarà pì de 6 miłion de copie in tuto el mondo. El ze oramai uno dei pì inportanti artisti in tuta Europa.
El deventa anca produtor
[canbia | canbia el còdaxe]Inte 'sto parìodo el reałiza na strutura de management "Radiorama" e el firma un novo contrato discogràfego mondiałe pa' ła BMG International, na famoza caza discogràfega. Inte l'Istà de'l 1995 el partesipa a'l Summer Festival, un avenimento muzegałe de rełevansa europèa dove A se cata protagonisti cofà Rod Stewart, Elton John, Joe Cocker, Jimmy Page, Robert Plant e Sheryl Crow. In cuel'ocazion, dopo un conserto a Miłan, el conose ła modeła zvisara Michelle Hunziker, da ła cuała el 5 desenbre el gavarà só fia Aurora, e el 24 apriłe el se spoza co Michelle a'l Casteło Odescalchi de Bracciano [8][9].
Dove c'è musica
[canbia | canbia el còdaxe]El 13 Magio 1996 A vien fora l'otavo àlbun "Dove c'è musica", el primo che'l ze stà stà autoprodoto par intiero. El toco sielto par antisipar l'àlbun el Più bella cosa, publegà anca in varsion House par el marcà statunitense da'l famoxo remixer Todd Terry. El disco reałizà infrà l'Itałia e el Nord America el ze pien de muzeghisti de fama intarnansionałe cofà Mike Landau, Nathan East e Vinnie Colaiuta, el zmisia sonoridà alternative rock e venadure mełòdeghe, co esełenti rezultadi comersiałi. Inte un méze 'sto disco el vendarà 7 miłion de copie dominando łe clasifeghe eoropèe. Dopo de n'altra serie de conserti in volta par l'Europa el se repoza meténdose a conpóner soło un brano That's all I need to know par el só amigo Joe Cocker.
Megaconcerti inte i stadi
[canbia | canbia el còdaxe]Inte'l otobre de'l 1997 A vien fora el novo disco Eros. A ze na rancura che ła ga a'l só interno do inediti: ła bałada dolse asè Quanto amore sei - dedicà a só mujer Michelle Hunziker e a só fia Aurora - e Ancora un minuto di sole. Ghe ze anca dei doti muzegałi: Musica è co Andrea Bocelli, e Cose della vita che ła ze intarpretada co ła prezensa de na cantante de'l całibro de Tina Turner. L'àlbun el gavarà un suceso enorme vendendo 7 miłion e mezo de copie inte'l mondo.
Inte l'Istà de'l 1998, poco dopo el só matrimonio che el ga avùo co Michelle Hunziker, el se ezibise a'l Filaforum de Asago ed a'l Stadio de łe Alpi de Torin fazendo el tuto ezaurìo. Ła data de Torin ła ga parò na coa połemica dovùa a'l fato che Eros Ramazzotti, in sèvito a l'infortunìo che ga subìo el basista Flavio Scopaz che'l ze stà colpìo da na picoła monèa, el deside de intarónper el conserto suponendo che i autori de'l zesto i podeva èsar stài dei "tifozi granata"; ła reasion che el pùblego el gavarà ło costrenze a zlontanarse da'l palcosenico [10].
Drioman el partesipa a'l grando avenimento Pavarotti & Friends dove el se cata da novo co Spike Lee e el ga el piaser de ezibirse co'l gran mestro Luciano Pavarotti, co'l cuało el fa na nova varsion de'l toco Se bastasse una canzone. Inte'l otobre de'l 1998 A vien fora l'àlbun. Inte'l marso 1999 el ze stà premià ad Anburgo co el'Echo Awards - che in Zarmania el sarìa cofà l'Oscar muzegałe - inte ła categoria Miglior artista maschile internazionale. A vien anca prezentà el novo albun de Gianni Morandi Come fa bene l'amore indove Eros el cołabora cofà produtor e co-autor de testi e mùzeghe. Durando l'istà de'l 1999 el partesìpa a serti Festival in Zarmania.
Stilelibero
[canbia | canbia el còdaxe]El 27 otobre de'l 2000 A vien publegà e vien fora so'l marcà in previa vizion mondiałe el só otavo àlbun, Stile libero e par difarenti mézi el restarà inte łe zone pì alte de łe clasifeghe. Infrà i singołi publegà trvemo Più che puoi canson in cui el dota co Cher ła famoza cantante; un gran suceso europèo; vien rezistrà un video e venjarà ciapàe łe mejo imàzini fate durando łe rezistrasion e ghe sarà de łe varsion dance che utiłizarà łe discoteghe. Inte'l 2001 el taca far un novo tour che ło portarà anca a Mosca. Da recordar ze par ezenpio i conserti a'l Kremlin Palace da'l 2 a'l 4 novenbre 2001. A Miłan, el 30 novenbre 2001 inte l'ùltema data de'l tour, so'l palco riva a cantar calcheduni dei só amighi, el canta co Raf par Anche tu, oncora Patsy Kensit par La luce buona delle stelle e Antonella Bucci co ła canson Amarti è l'immenso par me. I sucesi profesionałi i łasa un fià sconti i disapori che'l ga co só muger Michelle Hunziker, che menarà i do a separarse, e sendo po' protagonisti de varie bataje łegałe [11][12].
9
[canbia | canbia el còdaxe]Inte'l magio 2003 A vien fora el nono disco, che'l se ciama senplisemente "9", e anca 'st'altro el zbanca łe clasifeghe de vendita [13] e el resta par 14 setimane consecutive ne ła clasifega itałiana, vadanjando dieze dischi de platino e vendendo oltra 3 miłion de copie inte'l mondo. Inte 'sto disco el descrive łe só espariense parsonałe cofà par ezenpio a'l dołorozo devorsio co só muger. Un'emozione par sempre scrito in orìzene par Alex Baroni, el zbanca łe clasifeghe deventando uno dei singołi pì vendùi de l'ano. Ła vita privà che ła ło rivarda ła ze senpre protagonista de'l petegołeso e ghe ze cusì un forte contùrbo cuando Michelle Hunziker, in ocazion de'l Festivalbar, che ła prezenta, ła ghe toca anunsiar cofà vinsidor de 'sta manifestasion, el cantante, davanti ad un pùblego in dełirio.[14][15] .
Eros Roma Live e Calma apparente
[canbia | canbia el còdaxe]Inte'l desenbre 2004, A vien fora el pì-spetà DVD de Ramazzotti, Eros Roma live indove el se ezibise a'l ''Stadio Ołinpico' de ła só sità nadàl indove tuto A ze scumisià.[16]
Inte'l novenbre de'l 2005 A vien fora el łibro Eros - Lo giuro de Luca Bianchini che'l conta ła vita e i sucesi de'l cantante. El łibro el fa descovèrzer anca dei aspeti, conportamenti e anedoti che el più de ła zente no ła conose. I proventi de 'sto łibro i ze stài devołùi a ła Lega del Filo d'Oro.
El 28 otobre 2005 [17], dì de'l só conpleano, A vien publegà e meso so'l mercà el só desimo disco Calma apparente che in Europa el vende un miłion de copie in un soło meze (el razonzarà 4 miłion de copie) e el venjarà premià co'l Platinum Europe Award che'l ghe ze stà consenjà a Parize. El ze primo artista a utiłizar par 'sto łaoro oltra a'l normal CD, el DualDisc, suporto formà, da na banda da un senplise CD e da cheł'altra un DVD dove che A se cata dei contenjùi spesiałi. Inte l'àlbun A se cata 13 canson, co più un doto, I belong to you (il ritmo della passione) , publegà anca cofà singoło co ła cantante Anastacia. I altri singołi tirài zó i ze La nostra vita, Bambino inte el tempo e ła struzente Sta passando novembre. A ze fasilmente intuìbiłe che anca 'st'altro, cofà n'altri só albun, i ze stà un suceso a łeveło mondiałe. Eros Ramazzotti in 25 ani de cariera, el ga vendùo calcosa cofà oltra 55 miłion de dischi in tuto el mondo.
e2 - La seconda raccolta
[canbia | canbia el còdaxe]Dopo na istà oncora pasà in sima a łe clasifeghe co el doto Domo mia (canson cantà in sardo co i amighi Tazenda),[18] Eros torna co un novo àlbun.
El 26 otobre de'l 2007 A vien publegà na dopia rancura de sucesi, co 4 novi brani e revizitasion e anca de łe cołaborasion inportanti cofà cueła par el primo singoło estraesto, Non siamo soli dotando co Ricky Martin che el ze za trazmeso da łe radio scominsiando da'l 21 setenbre 2007. El singoło el razonze suito el primo posto in clasifega.[19] L'àlbun, formà da do cd, el primo co 4 inediti 14 canson remasterizàe, inte'l segondo 17 grandi sucesi revizità co artisti de'l całibro de Carlos Santana, Wyclef Jean (Fugeees), Steve Vai, John Spencer, Amaia, London Sesion Orchestra, Pat Leonard, Rhythm Del Mundo, The Chieftains. A pochi dì da l'insìda el scode suito un gran suceso: el otien ła sima de ła clasifega in Itałia e segonda in Europa dadrio soło che ai Eagles.[20] A distansa dei pochi mézi l'àbun el razonze pì de 2 miłion de copie vendùe in Europa, el se clasifega a'l primo posto infra i albun pì vendùi in Itałia, Zvisara e Zvesia inte'l 2007 e el resta inte ła top ten europèa par cuatro mézi.
In azonta, el sona l'asoło de ghitara inte l'àlbun Sei fantastica de Max Pezzali.
Inte'l méze de apriłe 2008 Eros inte i Stati Unii el reseve el premio de'l NIAF par el straordendario contribudo che'l ghe ga dà a ła mùzega itałiana inte'l mondo.[21]
A otobre 2008 el va in Austrałia par tre date "tute ezaurìe" e anca in 'sto cazo l'àlbun el entra in clasifega anca in Austrałia.[22]
Ali e Radici, el tour mondiałe e el novo DVD live
[canbia | canbia el còdaxe]Antisipà da'l singoło Parla co me, trazmeso in radio a partir da'l 24 apriłe 2009, el 22 majo 2009 in tuto el mondo el ze usìo Ali e radici (RCA/Sony Music), el novo disco che'l ga dei inediti. Ghe ze 11 canson sensa nesun doto. In pì, ghe ze na dodezèzema trasa che no se cata inte l'àlbun ma ła se pol descàregar da'l sito iTunes Store ciamada Linda e il mare.
L'usida de'l disco, rezistrà a Los Angeles, el ga antisipà de calche méze el tour mondiałe che'l jera stà anunsià, e che'l ze scumisiò inte'l méze de otobre 2009. Ne ła soła prevendita, co più de 210 000 prenotasion, el se ga azudegà tre dischi de platino.[23] A łiveło mondiałe, el disco, el ga vendùo più de 800 000 copie ne l'arco de 10 mézi da ła data de rełaso restando infrà i albun pì vendùi de l'ano 2009.
Par promóver el disco, Eros el deside de far un novo tour, Ali e Radici World Tour 2009/2010, che ło tenjarà ocupà infrà l'autun de'l 2009 e l'istà de'l 2010 in tuta Europa co oltra 60 conserti e par ła prima volta in Àfrega co na tapa a Cartàzene in Tunizia.
Inte'l méze de majo 2010 Eros Ramazzotti el se ga ezibìo inte i paezi de l'America Łatina cantando in Mèsego (Guadalayara, Monterrey, Mèsego City), USA (Miami), Venezuela (Caracas), Portorico e Santo Domingo.
In ocazion de ła tapa de Bergamo de'l 16 łujo 2010 Eros Ramazzotti el ze stà premià par el mejo tour de l'ano co 'sta motivasion: "Na produsion che ła ga savesto misiar el rafinà zviłupo de un concept teatrałe co ła music pop, utiłizando łe tecnołozìe pì a l'avanguardia inplementàe e megioràe co sołusion inovative zviłupàe ad hoc co creatividà e conpetensa co altisime profesionałità itałiane ed intarnasionałe ciamàe a redescovrìr paròmo el pròpio presizo roło, zviłupando un spetacoło straordenariamente vario e coinvolzente soto el ponto de vista senogràfego e alto łivèło intarnasionałe.
El 30 novenbre 2010 A vien fora ed dopio CD live e el DVD ciamà: 21.00 EROS LIVE WORLD TOUR 2009/2010 (Rca/Sony Music). Rezistrà durando el só ùltemo tour mondiałe che ło ga conpanjà in 30 Paezi de'l mondo.
2011-2012: Eros Best Love Songs e el albun che vegnarà
[canbia | canbia el còdaxe]El febraro 2011 vede Eros Ramazzotti trionfàr ne ła categoria "Best International Music Artist" indove el se ga ezibìo so'l palco todesco de'l Golken Kamera co un medley de "Cose della vita", "Più bella cosa" e "Non possiamo chiudere gli occhi".
Inte'l 2011 el cantante el ga razonzesto 50 miłion de copie vendùe, consacrandose ła star itałiana de mazor suceso inte'l mondo.
Senpre inte el 2011 Eros lasa ła caza discogràfega Sony Bmg, par firmar un contrato co Universal Music Itałia.
Inte'l 2010 el scrive anca el brano Inevitabile par la cantautora itałiana Giorgia. Ła canson ła se cata inte'l disco de inediti de ła cantante, Dietro le apparenze e A ze ła prima volta che Giorgia ed Eros i dota insieme. 'Sta canson ła ze estraesta cofà terso singoło da l'àlbun de Giorgia.[24] Inte el 1995 Eros el gaveva za cołaborà co Giorgia, el ghe gaveva scrito el brano "Come Saprei", vinsidor de'l Festival de Sanremo. El 31 zenaro 2012 Inevitabile el vien sertifegà da FIMI disco d'oro par łe oltre 15 000 copie vendùe.[25]
Inte'l 2012 vien fora na rancura de l'ex caza discogràfega Sony Music intitołà Eros Best Love Songs, che'l ga al só interno tuti i sucesi da'l 1985 al 2009, più el doto co Giorgia che ghe ze inte l'àlbun Dietro le apparenze de ła cantante romana.
Atualmente, el cantante el ze drio łaorar so l'àlbun che usirà de inediti che el sarà publegà soto el nome de ła só nova eticheta discogràfega, ła Universal Music Group.
Ła segonda paternità
[canbia | canbia el còdaxe]El cantante, che se ga fidansà co ła modeła bergamasca Marica Pellegrinelli che ło gaveva premià ai Wind Music Awards inte'l magio 2009, el ga avùo da eła na fìa, nasesta el 2 agosto 2011, che ła ze stà ciamà Raffaella Maria, da l'union dei nomi de łe none paterna e materna.[26]
Discografia
[canbia | canbia el còdaxe]
EP
[canbia | canbia el còdaxe]Studio
[canbia | canbia el còdaxe]- 1985 - Cuori agitati
- 1986 - Nuovi eroi
- 1987 - In certi momenti
- 1988 - Musica è
- 1990 - In ogni senso
- 1993 - Tutte storie
- 1996 - Dove c'è musica
- 2000 - Stilelibero
- 2003 - Stilelibero
- 2005 - Calma apparente
- 2009 - Ali e radici
Racolte
[canbia | canbia el còdaxe]Live
[canbia | canbia el còdaxe]DVD
[canbia | canbia el còdaxe]- 2001 - Eros Ramazzotti Stilelibero dvd live
- 2004 - Eros Roma live
- 2007 - E2 - Video Collection
- 2010 - 21.00 Eros Live World Tour 2009/2010
Discografia in lengoa spagnoła
[canbia | canbia el còdaxe]- 1985 - Almes rebeldes
- 1986 - Heroes de hoy
- 1987 - En ciertos momentos
- 1988 - Musica es
- 1990 - En todos los sentidos
- 1993 - Todos historias
- 1996 - Donde hay musica
- 2000 - Estilelibro
- 2003 - 9
- 2005 - Calma aparente
- 2009 - Alas y raices
Racolte spagnołe
[canbia | canbia el còdaxe]Live spagnołi
[canbia | canbia el còdaxe]Doti
[canbia | canbia el còdaxe]- La luce buona delle stelle - co Patsy Kensit
- Amarti ze l'immenso par me - co Antonella Bucci
- Andare... in ogni senso - co Piero Cassano
- Tu vivrai - co i Pooh, Enrico Ruggeri, Raf e Umberto Tozzi
- Anche tu - co Raf
- Non dimenticare Disneyland - co Alex Baroni
- Musica è - co Andrea Bocelli
- Inte el cuore lei - co Andrea Bocelli
- In compagnia - co Stefano Bozzetti
- Cose della Vita - co Tina Turner
- Se bastasse una canzone - co Luciano Pavarotti
- Stella gemella - co i Gemelli Diversi
- Più che puoi - co Cher
- I Belong to you (Il ritmo della psssione) - co Anastacia
- That's all I need to know - Difenderò - co Joe Cocker
- Inte el blu dipinto di blu - co Laura Pausini
- A ti - co Ricardo Arjona
- Domo mia - co i Tazenda
- Non siamo soli - co Ricky Martin
- Il ragazzo della via Gluck - co Adriano Celentano
- Quanno chiove - co Pino Daniele
- Solo un volo - co Ornella Vanoni
- Està pasando noviembre - co Amaia Montero
- L'Aurora - co Wyclef Jean
- Un attimo di pace co Take 6
- Più che puoi live - co Roberta Grana
- Inevitabile - co Giorgia
- Almeno non tradirmi tu - co Biagio Antonacci
- Così vanno le cose - co Gianni Morandi
Doti co muxicisti
[canbia | canbia el còdaxe]- Dove c'è musica - co Steve Vai
- Dolce Barbara - co Dado Moroni
- Fuoco inte el fuoco' - co Carlos Santana
- Un'emozione par sempre - co The Chieftains
- Mi cherie amor - co Rhythms del Mundo
- Il buio ha i tuoi occhi - co Rhythms del Mundo
- Taxy Story - co Jon Spencer
- Adesso tu - co Gian Piero Reverberi & London Sesion Orchestra
- Musica è - co Gian Pietro Reverberi & London Sesion Orchestra
- E ancor mi chiedo - co Gian Piero Reverberi & London Sesion Orchestra
- Solo ieri - co Gian Piero Reverberi & London Sesion Orchestra
Autor
[canbia | canbia el còdaxe]- Innamorato - par Gianni Morandi
- Almeno non tradirmi tu - par Biagio Antonacci
- Come saprei - par Giorgia
- La prima notte - par Annalisa Minetti
- Inevitabile - par Giorgia
- "La storia mia co te" - par Gianni Morandi
Cover
[canbia | canbia el còdaxe]- Insieme a te - par Paolo Vallesi
- Sposati subito - par Irene Grandi
- Come saprei - par Giorgia
- Una ragione di più - par Massimo di Cataldo
- That's all I need to know - par Joe Cocker
- Innamorato - par Gianni Morandi
- Canzone libera - par Gianni Morandi
- Bella giornata - par Gianni Morandi
- Se camminando - par Vitamina
- Il mare delle nuvole - par Antonella Bucci
- Testa (scrita co Claudio Guidetti ed Ezio Greggio - par la so sigla inisiałe del Telefilm Benedetti dal Signore
- Solo un volo - par Ornella Vanoni
Onoreficense
[canbia | canbia el còdaxe]Comendator del Ordene al Merito de ła Repubblica Itałiana - Roma, 4 marso 2006[27]
Incosamenti
[canbia | canbia el còdaxe]Inte el mexe de otobre 2011, Eros Ramazzotti, Rod Stewart, Sting, Julio Iglesias, ed Ennio Morricone ga tegnùo concerti a Tashkent, cavedałe de l'Uzbekistan, cofà avegnimenti prinsipałi del festival culturałe che se organixa co periodicità anuałe.[28] Łe połemiche nase dal fato che el festival xe considerà espresion del poter ditatorial de Islam Karimov, ła cui fìa, Gulnara Karimova, xe promotrice e organixatrice de l'avegnimento.[28] Il festival fornisce uno strumento di visibilità, propaganda e consenso a uno dei pexo regimi del pianeta, considerà, segondo i raporti de Human Rights Watch, infrà i pì truci e repsìvi del mondo, tanto da begàrse el primato negativo co i regimi de Corea del Nord e Birmania.[28]
Curioxità
[canbia | canbia el còdaxe]- Inte el 2006 Laura Pausini ga reałizà na reintrepretasion de Stella Gemella inte el so albun Io canto.[29] Ła canson xe stà prodota anca in version spagnoła (Estrella gemela). Inte el 2007 a Miłan, durante ła tapa del tour de Io canto registrà inte el DVD San Siro 2007. Laura canta Favola 'conpagnà ai strumenti da Gabriele Fersini e Paolo Carta: entranbi ex chitaristi in difarenti tour de Ramazzotti.
- Eros, a propoxito de alcune aparision inte i film de Fellini, ga dichiarà, in un'intervista ne ła trasmsion Che tempo che fa condota da Fabio Fazio, de aver ciapà parte al film Amarcord ne ła sena de łe bałe de neve.
- El ga na granda pasion par el calcio tanto da far parte ne ła Nasionałe cantanti de calcio e anca se nato a Roma el tifa par la Juventus.
- Inte el 2008 ła canpionesa de scherma Valentina Vezzali a łe Ołinpiadi de Pechino 2008, se autodedica ła canson Par me par sempre prexente ne l'albun de Eros Stilelibero in ocasion de ła so medagia d'oro.
- El fa parte de ła Nasionałe cantanti e'l xe el xogaodr pì prołifico co 128 gol.
- Eros Ramazzotti xe cità co Julio Iglesias ne ła canson Macho Macho de Rainhard Fendrich.
- Fabri Fibra, inte el so brano, La soluzione, cita el cantante co ste parołe: Eros Ramazzotti ze il mio grande fan/Capisci? Eros ze mio fan!.
Note
[canbia | canbia el còdaxe]- ↑ (IT)Brilla Maradona Roma ai suoi piedi - Gazzetta dello Sport
- ↑ (IT)Nasionałe Itałiana Cantanti
- ↑ (IT) [1] trato da La Repubblica.it
- ↑ (IT) wwww.repubblica.it/speciale/2003/sanremo/storia/1985.html trato da La Repubblica.it
- ↑ (IT) [2] trato da La Repubblica.it
- ↑ (IT) traesto da'l sito ofisiałe de'l Festivalbar
- ↑ (IT) traesto da La Repubblica.it
- ↑ [3] tratto da Corriere della Sera.it
- ↑ (IT)Nozze in aprile par Ramazzotti e par la Ventura
- ↑ (IT)Ramazzotti,-concerto-breve-e-insulti-ai-tifosi-del-Torino- www.rockol.it, 27 06 1998. URL consultà in data 07-12-2008
- ↑ archivio.sorrisi.com/sorrisi/personaggi/art023001000101.jsp Archivià il 20 de febraro 2009 in Internet Archive. «La musica e mia figlia Aurora mi aiutano a vivere»
- ↑ (IT)[4] Archivià il 28 de otobre 2007 in Internet Archive. Eros: "La vita oggi
- ↑ (IT) Articoło traesto da'l Corriere della Sera
- ↑ (IT)[5] (ligo ronpesto dispunìbiłe in Internet Archive; védarse el istòrego, la prima version e ła ùltema). dal sito ufficiale del Fesivalbar
- ↑ [6] tratto dal sito del Corriere della Sera
- ↑ (IT) [7]
- ↑ (IT) [8]
- ↑ (IT) Trado da'l sito de La Nuova Sardegna
- ↑ (IT) [9] Archivià il 22 de lujo 2012 in Internet Archive.
- ↑ (IT) [10] articoło dal Corriere della Sera
- ↑ (IT) Trato da Mtv.it
- ↑ (IT) traesto da'l sito Radio Italia solomusicaitaliana
- ↑ (IT) Articoło so ła rivista "Donna Moderna"
- ↑ (IT) GIORGIA: IL NUOVO SINGOLO "INEVITABILE" IN DUETTO CON EROS RAMAZZOTTIIN RADIO DAL 18 NOVEMBRE|FACEBOOK
- ↑ (IT)http://www.fimi.it/temp/cert_GFK_download_032012.pdf Archivià il 20 de zunjo 2012 in Internet Archive.
- ↑ (IT) [11] Archivià il 6 de lujo 2015 in Internet Archive. traesto da'l sito de Repubblica.it, titoło:"Ramazzotti papà; è nata Raffaella Marica
- ↑ (IT) Le gaffes di Ramazzotti (tra Pausini e Bocelli) alla Cerimonia co Letta
- ↑ 28,0 28,1 28,2 Marco Fraquelli, Al dittatore piace la musica. Ramazzotti in concerto in Uzbekistan: chi sono i preferiti dei potenti Archivià il 9 de disenbre 2012 in Internet Archive. , da «Lettera43»
- ↑ (IT) [12]
Voxe łigàe
[canbia | canbia el còdaxe]Altri progeti
[canbia | canbia el còdaxe]
Wikimedia Commons el detien imàjini o altri file so Eros Ramazzotti
el detien schemi gràfeghi so
Siti da vardàr
[canbia | canbia el còdaxe]- (EN) Eros Ramazzotti All Music.com
- Sito uficiałe de Eros Ramazzotti Archivià il 5 de majo 2012 in Internet Archive.
- Pagina de google co video e someje
- Pajina so facebook
- Sito par i fans de Eros Ramazzotti
- Pajina so Twitter del cantante
- Pagina de Eros so myspace
- Biografia de Eros Ramazzotti Archivià l'8 de zunjo 2013 in Internet Archive.
| Controło de autorità | VIAF (EN) 303098416 · ISNI (EN) 0000 0001 1476 5547 · El vałore CFIV033917 de SBN no el xe mija bon. · Europeana agent/base/69754 · LCCN (EN) nr97009321 · GND (DE) 119118351 · BNF (FR) cb13898797w (data) · BNE (ES) XX1081464 (data) · NLA (EN) 40542785 · WorldCat Identities (EN) nr97-009321 |
|---|