Umberto Tozzi

Da Wikipedia, l'ençiclopedia libara.
Jump to navigation Jump to search
Umberto Tozzi
Informasion xenerałi
In atività dal 1968
Xenere muxicałe Pop Rock
Eticheta discografega Numero Uno (1969-1975)
CGD (1976-2005)
HBO (2006-2007)
Momy Records (2008-oggi)
Discografia
Àlbun publicai 28
Studio 18
Live 3
Racolte 7
[umbertotozzi.com Sito web]

Umberto Antonio Tozzi (Torin, 4 marso 1952 xe un cantautor e chitarista itałian. Co' 70 milioni de copie vendùe, Umberto Tozzi xe infra i artisti itałiani che gà vendùo el maxor nùmaro de dischi.

Biografia[canbia | canbia el còdexe]

El nasse a Torin el 4 marso 1952 da genitori orixinałi de Rodi Garganico in Provincia de Fogia. El xe el minor de so fradèło Franco Tozzi conossùo discretamente 'ntei ani sesanta, el move i primi passi a livèło musicałe deventando el chitarista del grupo che ło 'conpagna in tournée.

'Ntel 1968, co'l gà sedese ani, el intra nei Off Sound, un grupo rock torinese de bocie co' cui el 'conpagna anca so fradèło co'l qual el debuta in discografia 'ntel 1970 indove el canta una strofa ne ła canson Qui. A Miłan el conosse Adriano Pappalardo e co' eło crea un grupo de tredese ełementi e se zonta anca par el tour. El intra anca 'ntel grupo La Strana Società restandoghe insìn al 1976, co' cui gà parteçipà anca a Un Disco Per l'Estate, a un Festivalbar e a 'na edision del Festival de Sanremo; de sto grupo xe famosa la canson Popcorn.

I ani Setanta e i Data[canbia | canbia el còdexe]

'Ntel 1973 el sona ła chitara ełetrica nel solo del brano Incontro d'amore inciso so un 45 ziri de ła Numero Uno (Caxa discografica) de Lucio Battisti che come lai B gà Go man, de ła cantautrice 'mericana Marva Jan Marrow. Senpre in quel medemo periodo el continua a far el session man par la Numero Uno, sonando co' el baterista Euro Cristiani in nùmarosi dischi de sta casa discografica, cofà par esempio Un essere umano ed Infinite fortune de Oscar Prudente.

'Ntel 1974, a l'età de vintido ani, el scrive co' Damiano Dattoli ła canson Un corpo e un'anima, che interpretàda da Wess e Dori Ghezzi vinçe "Canzonissima" de quel'ano; co' el stesso Dattoli e Massimo Luca forma un grupo (i Data) che inçide nel medemo ano un disco singoło (''Strada bianca'') par la casa discografica de Lucio Battisti, disco dasseno raro parchè stanpà in poche copie. 'Ntel 1975 el xe stà autor de ła musica (sempre co' Dattoli, so testo de Maurizio Piccoli) de un brano un puòco conossùo par Mia Martini el cui titòło jera Io ti ringrazio; inazonta el cołabora co' Ivano Fossati come coarangiator par l'albun Good-Bye Indiana.

L'incontro avùo co' el musicsita produtor-parolièr Giancarlo Bigazzi crea un doto fisso e pien de sucesi. 'Ntel 1976 el debuta co' l'albun ''Donna amante mia'' che al so interno gà anca Io camminerò, za inciso co' Fausto Leali ma drìoman reciapà anca da Mina.

El sucèso a liveło personałe ghe riva un ano drìo quando ch'el insìde Ti amo che vinse el Festivalbar e resta in sìma a ła clasifica dei singołi pì vendùi sensa mai fermarse dal 23 lujo insìn al 22 otobre 1977, (1.147.000 copie vendùe in Fransa, 8.000.000 in volta par tuto el mondo. 'Ntel 1978 ese Tu che sevita el suceso avùo da ła canson "Ti amo".

El 1979 xe l'ano de ''Gloria'', el so brano pì famoso che, dal 1979 al 1984, vende 29 milion de copie par tuto el mondo, e a coràndo se poxisiona al primo posto anca in Svisera e in Spagna.

Ste tre canzon ("Ti amo", "Tu" e soratuto "Gloria") farà el ziro del mondo. Sia Ti amo che Gloria sarà cantàe in Inglese da Laura Branigan, che rivarà al primo posto de ła clasifica dei singołi americana pròpio co' Gloria 'ntel 1983. Resultado riussìo nome che a un altro itałian : Domenico Modugno co'''Nel blu dipinto di blu''. In Fransa invese, Ti amo gà un gran sucesso ne ła version fransexe interpretàda da Dalida , mentre inveçe in Xermania sarà Howard Carpendale a far 'na cover de sto brano.

In azonta ghe xe ła produsion de un singoło del so baterista Euro Cristiani insìo pròpio durante l'istà del 1979. L'amore è quando non c'è più, che Tozzi reciaparà 'ntel 1991 ne l'albun Gli altri siamo noi e ne l'albun Superstar del 2009.

I ani Otanta[canbia | canbia el còdexe]

I ani 1980 se verze co' l'albun Tozzi, strassinà da l'hit single Stella Stai, seguìo dal so primo disco live, In concerto, dagnora del 1980. 'Ntel 1981 ese Notte Rosa seguìo da Eva del 1982. El gà l'uso de publicàr ogni ano un albun (e sempre poco prima che vegna l'istà, vegnindo mensonà "cantante par l'istà" - defiision poco amàda da eło) - se interompe 'ntel 1983 co'l xe drìo publicàr nome ch'el 45 xiri Nell'aria c'è, hit dal saor de istà. 'Ntel 1984 el publica un altro disco Hurrah, drìoman el se slontana par un çerto periodo insìn al 1987, quando in conpagnia de Gianni Morandi e Enrico Ruggeri vinçe el Festival de Sanremo 1987 co' Si può dare di più, brano che gera a l'interno de ła racòlta Minuti di un'eternità publicà a l'indoman de ła vitoria de Sanremo. Co' Raf el parteçipa a l'Eurovision Song Contest co' Gente di mare clasifegandose terso. Ne l'otobre del 1987, ese su'l mercà, (dopo tre ani de atesa), el so albun de inediti invisibile (che gà anca Immensamente). 'Ntel 1988 ghe xe ła publicasion del so segondo disco dal vivo Royal Albert Hall, registrà nel medemo teatro de Łondra el 21 febraro de quel ano.

I ani Novanta[canbia | canbia el còdexe]

'Ntel 1991 el parteçipa darecào al Festival de Sanremo co' la canzon Gli altri siamo noi, brano che dà il titolo a quel albun, anca se el gavarave vossùo parteçipàr co' Un adagio per dirti addio; sto brano, so decision de Bigazzi, el so cołaborator, xe stà riciapà da Marco Masini par creàr Perché lo fai, par sta razon ghe xe stà la garbéta separazion artistica tra i do : Tozzi e Giancarlo Bigazzi. Sto fato menarà Tozzi a fermarse par un periodo.

'Ntel 1994 Umberto vinçe darecào el Festivalbar co' la canzon Io muoio di te trato da l'album Equivocando, i brani estrati xe Io muoio di te, Lei e Equivocando. Ne l'albun Tozzi deventa a tuti i efeti cantautor, scrivendoghe sia musiche che testi.

'Ntel mese de avrìl del 1996 el publica Il grido seguìo da Aria % Cielo del 1997 (a quei testi gaveva cołaborà anca Mogol). L'albun publicà 'ntel 1999 che gà serà el miłenio xe Bagaglio a mano de cui i primi do brani Conchiglia di diamante e Mai più così gera inediti . El primo dal saor estivo, e 'l segondo dedicà a ła separasion avùa co' so mugèr Monica. I altri tredese brani se refà ai so brani più famosi.

I ani Domìłe[canbia | canbia el còdexe]

El nòvo miłenio se verze par Tozzi co' el ritorno a Sanremo co' la canzon Un'altra vita(2000) seguìa da un albun drìo che soło in Itałia gà vendesto più de 150.000 copie, l'albun Un'altra vita da l'omonema canzon ch'el gà menà a Sanremo.

'Nntel 2002 ghe xe ła publicazion de un CD dopio The Best of el cui singoło de rimarco xe E non volo (R. Pacco - U. Tozzi - G. Giacomello).

'Ntel 2005 el partesipa par l'ultima volta al festival de Sanremo co'l brano Le Parole (scrito a quatro man co'l zovene cantautor Riccardo Ancillotti dando el nome a l'albun publicà.

'Ntel 2006 el festegia i so primi trent'ani de carièra da sołista, registra tre eventi de rimarco, a fevrèr, un concerto sold-out che xe intrà ne la storia a l'Olympia de Parigi, e insenbre a l'insìda de un novo progeto Heterogene in cui el proa nòvi soni e stiłi muxicałi, cofà ambient, lounge e chill-out e co' cui Tozzi sbandona l'esperiensa de trent'ani avùa co'ła casa discografica Warner par tacàr 'na nòva esperiensa co' MBO. Inazonta el 26 de Mazo vien publicà un dopio cd dal nome Tutto Tozzi, greatest hits in cui ghe xe 43dei so più grandi sucessi, do de questi xe in franseze, in cùbia co' Lena Ka e Céréna, za best-seller nel mercà de oltralpe 'ntel 2002 e 2003.

El xe uno dei cantanti pì conossùi a l'estaro e durante ła so carièra gà vendùo oltra 50 milioni de dischi.

El 24 novenbre del 2006 el publica un albun in colaborazion co' Marco Masini, co'l qual gavea za colaborà durante el concerto al Royal Albert Hall de Łondra 'ntel 1988. Sto albun ciamà co'l nome dei do Tozzi Masini gà sedese trasse, conponeste da tre inediti seguìi da le rivisitazion da parte de uno de le canzon de l'altro, cavando fora T'innamorerai che xe stàda cantàda in dòto.

'Nte l'istà del 2008 el organiza 'na tournée internazional co' data de spico el 18 lugio a Verona co' l'U.T. Day, zornada realizàda dal so sito internet ufiçial in cui Tozzi par la prima volta gà dedicà 'na zornada intièra ai so fans, prima co' na direta radiofonica, può co' un incontro e in fenimento co' un concerto in piassa co' 11 000 parteçipanti che rivava da tuta Europa.

L'8 setembre 2008 vien publicà nome che sul web Petite Marie, cover de 'na vecio canzon del 1974 incisa in Franza da Francis Cabrel, cantautor franseze ben conossùo. El recavàdo de la vendita del signolo vien devolùo par intièro in benefiçenza par un ospeàl pediatrico. Sto brano, inazonta, verzarà la strrada ad un duplice progeto : un dopio CD dal titolo Non solo (Live), insìo el 23 zenèr 2009, precedùo da un singolo de gran presa tipicamente "tozziana" dal titolo Anche se tu non vuoi, seguìo dal segondo singolo Cerco ancora te, componesto da Emilio Munda e Matteo Gaggioli. Tal insìda se 'compagna al slanzo de un setemanàl audio tuto dedicà a la so musica, la Tozzi Radio Web gestìa da Massimo Bolzonella e Bruno Mannella, co' el suporto grafico tecnico de Maurizio Calvani. I tre gestisse el sito ufiçial e xe oramai considerài streti colaboratori a puzo de l'atività promozional de l'artista torinese.

I ani Domìłediese[canbia | canbia el còdexe]

Çitadìn italian residente 'ntel Prinçipado de Monaco da diversi ani. El 2 lujo 2011 se esibisse 'rente el Pałaso dei Prinsipi de Monaco a le nosse del prinçipe Alberto II de Monaco co' Charlène Wittstock, drìo l'invìdo del stesso prinçipe.[citasion nesesaria]

El 26 marzo 2012 xe insìo uscito in Franza, Belgio e Svisera l'albun Yesterday, today. El 15 magio 2012 xe insìo el nòvo albun de Umberto Tozzi, un dopio cd, rispetivamente co' el riarangiamento dei so 17 singołi e co' 11 nòve canzon.

'Ntel 2013, la so famosa hit, Gloria, viene sielta da Martin Scorsese, par el so film co' Leonardo Di Caprio, The Wolf of Wall Street cofà cołona sonora orizinàl.

Da l'8 febraro 2014 parte, dopo çinque ani de asenza dal palcosenico, el Tour 2014 de Umberto Tozzi, co' tape, tra łe pì inportanti, Torin, Roma, Miłan, Bołogna e 'l Teatro Ariston de San Remo. Nei vari concerti el cantarà tre nòvi inediti, non ancora disponibiłi in CD o in download digitałe, Sei tu l'immenso amore mio, Meravigliosa e Andrea.

Prosedimenti giudisiari[canbia | canbia el còdexe]

El 16 xugno 2012 el vien condanà a un ano de reclusion par evasion fiscałe.

Partecipaison al Festival de Sanremo[canbia | canbia el còdexe]

Edision Artista Brano Autor Categoria Poxision Premi
Festival de Sanremo 1987 Umberto Tozzi & Gianni Morandi & Enrico Ruggeri Si può dare di più Bigazzi/Tozzi/Raf Canpioni 1 Premio Primo Posto
Festival de Sanremo 1991 Umberto Tozzi Gli altri siamo noi Bigazzi/Tozzi Canpioni 4 -
Festival de Sanremo 2000 Umberto Tozzi Un'altra vita Tozzi Canpioni 16 -
Festival de Sanremo 2005 Umberto Tozzi Le parole Tozzi & Ancillotti Omeni Non Finałista

ista | -

|}

Discografia[canbia | canbia el còdexe]

Albun co' i Data[canbia | canbia el còdexe]

Albun sołista[canbia | canbia el còdexe]

Albun cover[canbia | canbia el còdexe]

Albun speciałe[canbia | canbia el còdexe]

Racòlte co' riarangiamenti[canbia | canbia el còdexe]

Racòlte clasiche[canbia | canbia el còdexe]

Live[canbia | canbia el còdexe]

45 xiri[canbia | canbia el còdexe]

Cd Single

Materiałe video[canbia | canbia el còdexe]

  • Live Royal Albert Hall (VHS, 1989 - ed. Don't Worry)
  • Le Mie Canzoni in Concerto (VHS, 1991)
  • Live at Maple Leaf Gardens Toronto (VHS, 1993)
  • Equivocando Tour (VHS, 1994)