Luca Barbarossa

Da Wikipedia, l'ençiclopedia libara.
Infobox de personajo Luca Barbarossa
Luca Barbarossa.JPG
SitadinansaItàlia
Nasimento15 de apriłe 1961, Roma
MorteCànbia el vałor in Wikidata
Łéngue parlaeitalian
Discografia
Targheta discogràfegaFonit Cetra (it) Traduzi Cànbia el vałor in Wikidata
ZènareMusica pop (it) Traduzi Cànbia el vałor in Wikidata
StrumentoVoze Cànbia el vałor in Wikidata

Sito ufisiałe
IMDB: nm1485810
Facebook place: luca.barbarossa.735 Twitter: LbarbarossaLuca MySpace: barbarossaluca Musicbrainz: c7cfe737-a67a-46a9-85f1-03770d9cfc6d Songkick: 117803 Discogs: 376570


(VEC)
«Di quale sete ci disseteremo / e quale luce ci raggiungerà al mattino / di quale volo le nostre ali di cartone / stanno volando già »
— Luca Barbarossa, Ali di cartone

(De cuała sen se disataremo / e cuało ciàro ne rivarà al matìn / de cuało svòło łe nostre a łe de cartón / łe xe xa drìo svołàr)

Biografia[canbia | canbia el còdaxe]

I exordi[canbia | canbia el còdaxe]

El taca ła manéta uxando el palcosènego cofà fuse na strada, sonando el repertorio folk merican e i claseghi dei cantautori itałiani. In sto perdiodo inte el cuało el se forma a livèło profesionałe e personałe el conose Mario Amici che xe senpre stà so cołaborador.Inte el 1980 el vien rimarcà da Gianni Ravera, che ło invita a partesipàr al festival de Castrocaro. Durante cheła manifestasion el prexenta el brano Sarà l'età e donca el firma un contrato co discografego, el primo par łù, co ła Fonit-Cetra. Avendo vinto el Festival de Castrocaro el gà el dirito de partesipàr al Festival de Sanremo 1981 co Roma Spogliata, otegnendo suìto un gran suceso ma clasifegandose co maravegia al quarto posto (Luca gà conponesto sta canson so'i banchi de scòła durante l'ora de itałian. A setenbre ese el so primo albun, Luca Barbarossa, prodòto da Shel Shapiro, indove se cata anca ła cołaborasion co Antonello Venditti. Da sto albun vien ciapà el 45 xiri Da Stasera, ch'el cantautor roman publicixa a ła Mostra Internasionàl de Muxica Łixièra de Venesia sensa parò aver el steso suceso del singoło de Sanremo; a fìn de l'ano el parte in tournée fasendo da spała a Riccardo Cocciante.

Inte l'Istà del 1982 el publica el singoło La strada del sole che anca se el xe intrà in clasifica no el ga avùdo el suceso sperà risentindo cussì de ła crixe che gavea ła Fonit-Cetra, par sta raxon el decide de firmàr co ła CBS che 'vanti de darghe fiducia par un albun intièro ghe gà dà l'ocaxion de publicàr na serie de 45 xiri. Colore del 1984, Vita del 1985 e Via Margutta inte el 1986. Questa gà segnà anca ła cołaborasion co Antonio Coggio e 'l ritorno a Sanremo. Da nòvo al Festival de Sanremo inte el 1987 co Come dentro a un film, titoło de l'albun che a ła fìn ła CBS gà acetà de publicàr; pochi mexi drìo el vinse Un disco par l'estate a Saint Vincent cofà mejo albun e megio canson co Roberto mentre inte el Setenbre senpre de quel'ano el riseve anca el premio come mejo revełasion inte el concorso Vota la voce.

El suceso[canbia | canbia el còdaxe]

Inte el 1988, grasie a ła partecipasion a Sanremo, crese ła so notorietà. So el palco de l'Ariston el se exibise prexentando ła canson L'amore rubato, un tòco che parla sensa remore so l'atuałe tema de ła viołensa sessuałe e che ghe fa ciapàr el terso posto. In direta Luca gà risevùo i conplimenti da Franca Rame e Dario Fo, che ghe gavea spedìo un tełegrama. N'altra canson famoxa xe Yuppies, satira so stereotipo ani 80 mentre Fiorella Mannoia partesìpa a ła canson Quartiere. A ła fìn de l'istà 1988, dopo eser andà in xiro in tournée in conpagnìa de Paola Turci, par la prima volta el se ritrova daseno in sima al vero suceso, l'albun Non tutti gli uomini infati gà vendùo 350.000 copie. Senpre inte el steso ano el raprexenta l'Itałia a l'Eurovision Song Contest co Ti scrivo (vivo).

Inte el 1989 ese Al di là del muro albun che gà el singoło omonemo el cui titoło profetico gà antisipà de pochi mexi ła cascàda del muro de Berlìn anca se ła canson se riferiva a łe bariere mentałi. Inte el disco xera prexente anca na canson dedegà a Nelson Mandela mentre Eros Ramazzotti cołabora sonando ła chitara ełetrega in Senza panico. Un altro brano che gà da esser minsonà xe La fin di un amore, una intrà łe canson d'amor pì pasionàe scrite dal cantautor roman.

Inte el 1992 el pasa a ła Columbia e drìoman el partesìpa al so quinto Festival de Sanremo, indove el vinse co Portami a ballare, canson dedegàda a so mare Annamaria. Sia ła canson che l'albun Cuore d'acciaio prodòto da Roberto Costa, ło fa resbalsàr ne łe prime poxision in clasifega.

Inte el 1993 vien publegà Vivo (titoło ispirà a l'omonema canson del 1988), un albun live che xe na racòlta dei so tòchi pì famoxi, dove el regała na anteprima de l'atmosfera che se respira quando Luca taca exibirse So el palco.

Inte el 1994 el partesìpa al Festivalbar col brano Cellai solo te, canson che trata i rapòrti de cùbia, contài in ciàve ironega (scominsiando da ła grafia sbalià del titoło). Inte l'albun Le cose da salvare, ła cui produsion xe stà reałixà da Vincenzo Mancuso, vien rimarcà ła partecipasion a ła chitara de Francesco De Gregori ne ła canson Ho bisogno di te, oltra a ła cover de Shower the people (sciogli l'amore) de James Taylor. El disco gà anca na trasa ciamà Cercautore dove Luca invita chi che cronpa el disco a remeterghe un testo novo creà de bałìn, indegando ch'el gavarìa sielto i mejo testi par proponerli durante i so concerti. El testo presielto e indrìoman incixo xe stà Onda Controvento scrito da Paolo Audino.

Drìo el suceso[canbia | canbia el còdaxe]

Inte el 1996 el firma co ła Sony Music e al Festival de Sanremo se exibise col brano Il ragazzao co la chitarra, canson dal saor country. Drìo vien publegà l'albun Sotto lo stesso cielo dove se trova tra łe altre Ali di cartone (fra łe più bèłe scrite da l'artista roman) e Sette candele, che trata so'łe persecusion rasiałi verso i abrèi durante el fasismo.

Inte l'istà del 1999 el publega 'musica e parole, canson che ciapa nòme da l'albun, prodòto da Romano Musumarra publisixà col singoło Segnali di fumo cantà in doto co Tina Arena.

Ani 2000[canbia | canbia el còdaxe]

Luca Barbarossa e Neri Maroneri durante el spetacoło Attenti a quei due, Teatro Colosseo de Torin, 1° disenbre 2009

Inte el zugno del 2001 ese ła so prima racòlta de sucesi Viaggio di ritorno, coi brani nòvi Viaggio di ritorno, Zerosei e Nessuno come noi. Inte el 2003 el partesipa a Sanremo co Fortuna inserìa inte el disco omonemo, che vede ła prexensa de ospiti cuałi Marco Conidi e Roy Paci; senpre in quel'ano el conpone el brano Il canto par Luciano Pavarotti, che xonta inte el so albun. Come autor Barbarossa, gà scrito par Gianni Morandi, Fiorella Mannoia, il Gabibbo, Raquel del Rosario, Paola Turci, Tosca, Tina Arena, Alessandro Safina e i Dahmm.

Inte el zugno del 2007 dopo 4 ani de fermàda, fa insìr el singoło Aspettavamo il 2000, un antìçipo de queło che vien distribuìo l'ano drìo.

So el fenìr de avrìl 2008 vien publicà Via delle storie infinite, che ciapa el titòło da l'omonemo brano trasmeso da alcune stasion radio.

Intra el 2008 e 'l 2010 el xe stà protagonista de un spetacoło teatrałe de suceso dal titòło Attenti a quei due (ispirà da ła serie tełevixiva omonema). co l'ator Neri Marcoré. Inte el 2009 el gà cantà ne l'albun de Claudio Baglioni Q.P.G.A., ne ła canson 'mia libertà

Barbarossa Social Club e Super Club[canbia | canbia el còdaxe]

Dal xenaro 2010 xe el prexentador de Radio 2 Social Club, un programa de Rai Radio 2 trasmeso el sabo e ła domenega da łe 11.00 a łe 12.30. In sto programa ła cui anbientasion xe un locałe imaxenario indove se ciacòła, se xoga e se fa muxica, Barbarossa xe in conpagnìa de Virginia Raffaele ed Andrea Perroni. El 7 disenbre 2010 vien meso sul marcà l'atexo dvd+cd live de Attenti a quei due, mentre inte el febraro del 2011 el partesipa al Festival de Sanremo in cùbia co Raquel de Rosario, col brano Fino in fondo[1]. El 16 febraro 2011 ese ła raccolta Barbarossa Social Club, par sełebràr i so oltre 30 ani de carièra, che vede ła partecipasion de Fiorella Mannoia, Max Gazzè, Roy Paci, Neri Marcorè e Raquel del Rosario.

Inte el steso ano el partesìpa al Concerto del Primo Magio e fa parte del Sete di Radio Tour.

El 9 magio 2012 Barbarossa debuta in tełevixion co Max Giusti prexentando el programa Super Club so Rai 2.

Vita privà[canbia | canbia el còdaxe]

El xe spoxà co Ingrid Salvat, xe pare de tre fiòi, Valerio, Flavio e Margot.

Inpegno sociałe[canbia | canbia el còdaxe]

L'è el caocanonier de ła Nasionałe cantanti, avendo segnà 207 gol in 225 partìe xogàe[2][3].

Curioxità[canbia | canbia el còdaxe]

El gà scrito ła prefasion del libro A est dell'Avana de Roberto Goracci.

Discografia[canbia | canbia el còdaxe]

Albun[canbia | canbia el còdaxe]

Racòlte[canbia | canbia el còdaxe]

Live[canbia | canbia el còdaxe]

45 xiri[canbia | canbia el còdaxe]

CD singołi[canbia | canbia el còdaxe]

45 xiri publicà a l'estaro[canbia | canbia el còdaxe]

Note[canbia | canbia el còdaxe]

  1. Sanremo 2011 – LE CANZONI, Rai.it. entrada il 24 febbraio 2011.
  2. Clara Caroli, Luca Barbarossa e Neri Marcorè – Non siamo una strana coppia, in la Repubblica, 29 marzo 2009, pp. 18. entrada il 24 febbraio 2011.
  3. Interviste – Luca Barbarossa, Yahoo!.net, 3 ottobre 2010. entrada il 24 febbraio 2011.

Bibliografia[canbia | canbia el còdaxe]

  • Dizionario della canzone italiana, di Autori Vari (a cura di Gino Castaldo), ed. Curcio, 1990; alla voce Barbarossa Luca, di Stefano Mannucci, pag. 105-106

Łigadure foreste[canbia | canbia el còdaxe]

Controło de autoritàVIAF (EN79701067 · ISNI (EN0000 0000 5746 4165 · SBN (ITIT\ICCU\ANAV\037481 · Europeana agent/base/118696 · LCCN (ENno98060024 · GND (DE13462520X · WorldCat Identities (ENno98-060024
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Luca_Barbarossa&oldid=1071083"