Enrico Ruggeri

Da Wikipedia, l'ençiclopedia libara.
Infotaula de personaEnrico Ruggeri
Enrico Ruggeri - 2006.jpg
Cànbia el vałor in Wikidata
Biografia
Nasimento5 zugno 1957 Cànbia el vałor in Wikidata 64 ani
Miłan (Itàlia) Cànbia el vałor in Wikidata
Atività
Ocupasion
Atività1972 Cànbia el vałor in Wikidata –
ZènareRock e rock duro Cànbia el vałor in Wikidata
Instrumento muxegałeChitara, voze e canto (it) Traduzi Cànbia el vałor in Wikidata
Àlbun32
Àlbun stùdio28
Àlbun dal vivo2
Àlbun compilation2
Partesipante in
1993Eurovision Song Contest 1993 (it) Traduzi Cànbia el vałor in Wikidata
Fameja
ConviventeAndrea Mirò (it) Traduzi (1994–) Cànbia el vałor in Wikidata
FiołiPico Rama (it) Traduzi Cànbia el vałor in Wikidata

Sito webenricoruggeri.me Cànbia el vałor in Wikidata
IMDB: nm1488157
Facebook place: tuttorouge Twitter: enricoruggeri MySpace: enricoruggeri Youtube: UC90opPGHdTw3Uqrwqw5jWEQ Musicbrainz: 98fa485f-827e-4790-af95-48743a3d1606 Songkick: 96433 Discogs: 503126 Allmusic: mn0000309708

Enrico Ruggeri (Miłan, 5 de zugno, 1957) el ze un cantaudor, scritor, condutor tełevizivo e condutor radiofònego italian.

Biografia[canbia | canbia el còdaxe]

I scominsi (1972-1983)[canbia | canbia el còdaxe]

Che beło, el łavajo del sèrveło! , op. cit., Il lavaggio del cervello - Enrico Ruggeri


Łe prime espariense muzegałe de Ruggeri łe risałe al 1972 cuando, studente cuindezene del Liceo Ginnasio Giovanni Berchet de Miłan durante i ani de ła contestasion studentesca, el taca sonar in càneva co i amighi[1] e el fonda el suo primo grupo, iJosafat, che inte'l 1974, co l'ingreso de Silvio Capeccia, i se trasforma in Champagne Molotov (nome che ricorarà speso inte ła prima parte de ła cariera sołista del cantaudor).

Inte'l 1977 da ła fuzion dei Champagne Molotov co'l grupo Trifoglio, nase i Decibel, co i cuałi el inside inte'l 1978 el primo àlbun Punk, publegà par ła Spaghetti Records, che se mostra un insuceso (poche sentinere de copie vendeste). Dopo el sìngoło Indigestione disko e'l ritorno de Silvio Capeccia a łe tastiere el grupo se slontana da łe sonorità punk rivando al suceso co ła partesipasion al Festival de Sanremo 1980 co ła canson Contessa (mùzega de Fulvio Muzio, testo de Ruggeri). In primavera, ezaurìo el slanso del 45 ziri Contessa, ze stà ła volta dell'LP Vivo da re (40.000 copie vendeste, el pì grando suceso del grupo, publegà da novo inte'l 1986 co'l nome de Decibel) produzesto da Shel Shapiro, ła cuała title-track ła ciapa parte al Festivalbar de chel'ano, indove ła se clasifega al 4º posto e suìto dopo i Decibel i parte co el conseguente tour promosionałe a łe sentinere de radio e TV łìbare che se divideva l'etere in chel pariodo. Ga venjesto po' łe tradisionałe manifestasion estive cofà el Cantagiro e Un disco per l'estate. La tournée estiva ga tèrmenà co na serada inte'l Stadio de San Siro, davanti a un pùblego de 50.000 spetadori.

Inte'l 1981 Enrico Ruggeri intraprende ła propia cariera sołista produzesto da cueło che deventarà el so produtor stòrego, Silvio Crippa, e inviando ła pluridesenałe cołaborasion co'l chitarista Luigi Schiavone. Ne scaturise l'àlbun Champagne Molotov par ła caza discogràfega SIF che no otien el suceso sperà anca a cauza de problemi łegałi co ła "Spaghetti Records" so'l presedente contrato e so i disaori co i so ex conponenti. In sto pariodo Ruggeri łaora anca come autor de serti pop cofà Diana Est scrivendo par èła i testi de łe canson dei primi do sìngołi Tenax, del 1982 e Le Louvre del 1983 che ze stà un suceso inportante inte łe discoteche e inte łe vendite, deventando un ino dei zovani discotecari del 1983. Tra i altri autori pop co'l cuało Ruggeri łaora A trovemo Den Harrow, Jock Hattle e Albert One.

Studente in Giurisprudensa, inte'l fratenpo el insegna cofà suplente de italian e łatin a ła scoła media Tito Livio a Miłan.[2]

Grasie a l'àlbun Polvere (1983) e ła single-track omònema Enrico otien un bon suceso, coronà dal segondo posto al Festivalbar de ła title-track, che partesipa anca a ła gara canora Azzurro. El brano Il mare d'inverno (scrivesto drìoman a na dełuzion sentimentałe e ispirà da ła sità marchezana de Marotta in provinsia de Pesaro-Urbino, indove el ga pasà co so mare e łe zie łe so vacanse da adołesente, tornandoghe anca drìoman), che'l insidarà solchè l'ano seguente, ze afidà a Loredana Bertè e ło inpone come autor de esełensa, verzendo i so orizonti artìsteghi verso el zènare cantautorałe, pur sensa renegar ła so pasion par el rock.

El consołidamento del suceso (1984-1989)[canbia | canbia el còdaxe]

Parte pianeto el novo swing intanto che ti cori inpasiente so'l ring , op. cit., Nuovo swing - Enrico Ruggeri

Inte'l 1984 Ruggeri torna al Festival de Sanremo co n'altro suceso, Nuovo swing, che segna ła svolta verso el stiłe dei chansonnier fransezi. Ghe va drìo l'àlbun Presente, che smisia nove canson e ezecusion dal vivo, tra cui na reintarpretasion de Vecchio frack de Domenico Modugno, che ze anca in gara inte'l Festivalbar 1984. Inte ła stesa edision sanremeze, Ruggeri produze el grupo emerzente dei Canton, scrivendo par łori Sonnambulismo, che se ga clasifegà a 4º posto tra i zovani de chel'ano e ła ze stà anca insidesta in ingleze.

Inte'l 1985, dopo un tour e un sìngoło co Mimmo Locasciulli intitołà "Confusi in un playback", Ruggeri conosr ns stazon de prołìfega ispirasion che ło vede publegar tre łaori inte'l ziro de dizdoto mezi, àlbun che sancise definitivamente l'ingreso inte'l novero dei cantaudori itałiani pì apresai. Inte l'isteso ano el partesipa otenjendo un otimo suceso al festivalbar 1985 co'l sìngoło Poco più di niente, che se clasifega segondo. Tutto scorre (che ancora ancùo el cantaudor definise el so àlbun pì conpleto[Fonte nesesària]), l'EP Difesa francese ed Enrico VIII, sto ùltemo el primo a far el so ingreso inte ła Top 20: in zonta al Festival de Sanremo 1986 otien el premio de ła critica par Rien ne va plus, canson in ritmo ternario co conpanjamento de fizarmònega. Al prinsìpio Ruggeri el gavarìa vołesto proponer al Festival de Sanremo ła canson Dalla vita in giù, contenjesta inte l'medemo àlbun, ma po'l testo ze stà retenjesto masa gajardo par el palco de Sanremo, e insénbre al so entourage el ga desidesto de prezentar Rien Ne va Plus.

Ruggeri deventa uno dei autori pì risercai da numaroze interpreti femenine, tra łe cuałe Fiorella Mannoia, Loredana Bertè, Anna Oxa e Fiordaliso. Enrico VIII otien el disco d'oro.

Si può dare di più (1987)[canbia | canbia el còdaxe]

Inte'l 1987 Enrico Ruggeri el se riprezenta a Sanremo co Gianni Morandi e Umberto Tozzi (sodałìsio nasesto inte l'ànbito del projeto benefico de ła Nazionale italiana cantanti). Ła so canson Si può dare di più ła vinse ła manifestasion. A ghe va drìo na anbisioza tournée inte i teatri italiani co l'orchestra fiłarmònega de Ałesandria e 'l steso grupo de fiducia, de'l cuało restarà testimoniansa inte'l dopio live Vai Rrouge!, un live che in poco tenpo riva a vendite da disco de platino.

Sénpre in chel'ano el ze premio de ła critica a Sanremo Quello che le donne non dicono cantada da Fiorella Mannoia, ła cui mùzega ła ze de Luigi Schiavone, che savarà firmar tanti altri sucesi intrà i pì aclamà de Ruggeri.

Inte'l 1988 el reałiza l'àlbun La parola ai testimoni, utiłizando piataforme dizitałe e strumenti ełetròneghi, otenjendo un discreto riscontro. L'ano drìo A ze ła volta de Contatti, che prezenta tre inediti e ła coeva Il funambolo (scricesta insénbre a Riccardo Cocciante), orchestrai da ła fiłarmònega de Mosca, insénbre a cover de altri cantaudori italiani: Ivano Fossati, Lucio Dalla, Francesco Guccini, Sergio Endrigo, Lucio Battisti, Francesco De Gregori e i Alunni del Sole.

Ritorno al rock e i masimi sucesi (1990-1993)[canbia | canbia el còdaxe]

Con gli occhi bene aperti chiediamo un po' d'amore alla persona che vorremmo fare rimanere., op. cit., Mistero - Enrico Ruggeri (Co i òci ben verti A chiedemo un fià d'amor a ła parsona che voresimo far restar.)

Ruggeri zvolta da novo verso sonorità pì visine al rock e crese verso i łivełi de vendita pì alti de ła cariera, grasia anca ai sìngołi Ti avrò e Punk (prima di te). Drìoman a un tour in Unione Soviètega, poco prima de l'istà 1990, el pùblega l'àlbun "Il Falco e il Gabbiano" che se azudega el dopio disco de platino. El duałizmo antitètego tra i do vołatiłi, oltra a costituir un vero e propio logo, raprezentarà a ciare łétare ła duplise identidà artìstega, de ła cuała el deventarà fiero a despeto de serte critiche che venjarà movesto da chi no'l condividarà el so seguir do zènari cusì contrastanti tra de łori (el rock sanguinjo de ispirasion punk, e ła canson d'autor intimista de scòła franseze).

Segue, l'ano dopo, el so àlbun de mazor suceso, Peter Pan: 400.000 copie vendeste in pochi mezi e ben cuatro dischi de platino. El 23 de novenbre 1991 el sìngoło Peter Pan monta al segondo posto, suito daspò Black or White de Michael Jackson. El 18 de zenaro, dopo do mezi e mezo, el sìngoło łasa ła top ten. So l'onda del trionfo del disco l'ano drìo Enrico el ze protagonista de un fortunatisimo tour de pì de sento conserti. Senpre inte'l 1992 A vien publegà "Beneficio d'inventario"[3], ła so prima biografia ofisiałe, scrivesta dai zornałisti Donal Cantonetti e Lucio Mazzi.

In sima al suceso, inte'l 1993, Ruggeri concuista par ła segonda volta el Festival de Sanremo co ła canson Mistero, da łù steso considarà masa de zènare par anbir a na vitoria scontà. A st'altro sevita l'àlbun La giostra della memoria, che ze tra i primi a sperimentar ła formuła de l'àlbun misto de vece canson, inedite, intarpretasion de canson scriveste par altri ed ezecusion live, tra cui serte de st'altre inedite. Inte l'steso ano el partesipa a l'Eurovision Song Contest co ła canson Sole d'Europa, clasifegandose alosi al 12º posto. El partesipa al 33º Zecchino d'Oro scrivendo el testo de ła canson "La canzone dei colori".

Pasajo al Rock progresivo (1994-2000)[canbia | canbia el còdaxe]

Andiamo incontro all'avventura con le vele al vento, non è rimpianto né paura ciò che sento , op. cit., Ulisse - Enrico Ruggeri (Andemo incontro a l'aventura co łe vełe al vento, no'l ze rinpianto né paura cueło che sento Ulisse - Enrico Ruggeri)

Inte'l 1994 vien fora l'àlbun Oggetti smarriti, che risente inte i testi e inte łe atmosfere de ła fin de l'union co so mujer Laura Ferrato (spozà inte'l nel 1986). L'àlbun segna na serta evołusion muzegałe.

Inte'l 1996 ła crizi inte i raporti co ła caza discogràfega CGD (pasada da calche ano soto el controło de ła statunitense Warner) detarmina l'insuceso de l'anbisiozo concept àlbun Fango e stelle. El steso àlbun ze stà prezentà al Festival de Sanremo 1996, a'l cuało Ruggeri ciapa parte in extremis sostituìndo Ornella Vanoni, e clasifegandose al cuindezèzemo posto co ła canson L'amore è un attimo (mùzeghe de Schiavone, testo de Ruggeri). Sénère inte'l 1996 el festeja el 6 de febraro i tre miłion de dischi vendesti inte ła so cariera. In istà el sona a l'Hammersmith de Łondra e a San Paolo del Brasile danansi a 50.000 spetadori. Propio a Sanremo, come cantante, conparise Andrea Mirò (al sècoło Roberta Mogliotti), za in gara a Sanremo inte łe edision 1987 e 1988, che sarà ła so futura conpagna de vita: A scumisia cusì un parcorso muzegałe cołaborando a ła scritura dei brani e dei aranzamenti de łe canson future de Enrico, fin a dirizer l'orchestra inte l'edision del 2002, cuando che'l prezentarà Primavera a Sarajevo.

Inte'l 1997, pasà a ła caza discogràfega PDU, el insiede Domani è un altro giorno. L'àlbun vardarà anca al marcò estaro inaugurando ła serie de àlbun in łengua spanjoła, publegà a poca distansa. L'àlbun deventa dopio disco de platino. In sta ocazion el tìtoło La gente con alma, se rifarà a ła canson La gente di cuore che inte ła varsion italiana ła ze cantada insénbre a Marco Masini. Inte'l 1999 vien fora L'isola dei tesori, conponesto in prevałensa da brani scrivesti in pasà par altri interpreti e grupi, serti co ła partesipasion dei stesi artisti. Come bonus track fegura anca La chanson de Mimie, varsion franseza de La poesia, che ła ze stà scrivesta in ocazion de ła partesipasion so malgrado a Scherzi a parte, andove el jera stà "acuzà" de aver copià un brano franseze, de sana pianta, co tanto di intarvento acuzatorio del Gabibbo. Ruggeri, apresando el scherso, ga desidesto de insìdarla, uzando ła baze orizenałe.

Inte'l 2000 Ruggeri pasa a ła SONY-BMG. Vien foraL'uomo che vola, àlbun de stanpo progressive che raprezenta ła suma del stiłe intraprendesto dal cantaudor da Oggetti Smarriti. El brano Gimondi e il cannibale sarà doparà come sigla da ła Rai par l'83º Giro d'Italia.

I ani de ła de ła madurità (2001-2011)[canbia | canbia el còdaxe]

Il fiume va più nero della sera, oltre la torre e l'università., op. cit., (El fium va pì moro de ła sera, oltra ła tore e l'univarsità.) Primavera a Sarajevo - Enrico Ruggeri

El 2001 ze l'ano de łe reintarpretasion in stìłe acoustic del dopio live La vie en Rouge ndove che'l cantaudor torna parcorer ła so cariera dazendoghe na nova veste folk a łe so canson.

Inte'l 2002 Ruggeri el partesipa co ła bałada Primavera a Sarajevo al festival de Sanremo: Andrea Mirò ghe fegura cofà autora e diretora de łocuestra. El brano se ispira a ła guera in Bosnia ed Erzegovina dei ani presedenti, reciapando anca łe sonorità de cuełe rejon. L'ano sucesivo, dotando co Andrea Mirò, el ze ancora a Sanremo co Nessuno tocchi Caino, canson contro ła pena de morte, scrivesta daspò l'adezion a l'omònema asociasion, indove Ruggeri canta i pensieri del bòja a łe preze co ciò che par èło ze soło el so mestier, mentre ła Mirò dà voze al condanà che spera in un ato de clemensa. Dopo èsarse clasifegà respetivamente al cuinto e cuarto posto co łe do canson prezentae in sucesion al Festival, el cantaudor pùblega Gli occhi del musicista, àlbun segnà da sonorità pretamente folk.

Ruggeri e'l basista Fabrizio Palermo in concerto inte'l 2007

Inte'l 2004, in Punk prima di te, el reinside i sìe òtavi del primo àlbun dei Decibel insieme a cover de brani punk ani setanta dei Clash, David Bowie, Lou Reed, Sex Pistols e Ramones. Łe cover łe vien fora anca in un CD intitołà Rock'n'Rouge, łigà su a ła rivista Rockstar. Sénpre inte'l 2004 A vien fora el so primo dopio DVD dal vivo, Ulisse, par ła Sony Music.

Inte'l 2005 el pùblega Amore e guerra mentre l'ano drìo A vien fora ła rancura Cuore, muscoli e cervello, triplo cofaneto anca st'altro dividesto tra materiałe publegà e novo, indove Ruggeri el prova de sudividar ła so òpara inte łe tre categorie che ghe ne conpone el titoło. De sto triplo cd A venjarà fora anca na varsion conpata in un disco ùnego. In corespondensa del Nadałe 2007 A vien fora un novo disco de cover de nadałe dove Ruggeri reinterpreta in ciave rock clàseghi cofà White Christmas, Jingle Bells e altri.

Inte'l 2008 A vien fora un novo disco de inediti, Rock Show, indove Ruggeri el torna al rock e parla in prima parsona de łe espariense de cantaudor so ła strada da oramai 30 ani.

El 30 de zenaro 2009 A ze venjesto fora el łaor dal tìtoło All in - L'ultima follia di Enrico Ruggeri, un triplo CD de brani inediti, intrà i cuałi ghe ze anca el brano Incontri (Dimmi quand'è) che ga dazesto vita al jingle publisidario de l'Amaro Averna.

Inte l'avriłe 2009 el ga partesipà a l'insizion del brano Domani 21/04.2009 de Mauro Pagani, i cui proventi ze stà devołesti a łe popołasion colpìe dal tàremoto dell'Aquila. Senpre inte'l 2009 el ga cantà inte l'àlbun de Claudio Baglioni "Q.P.G.A." inte'l brano Lungo il viaggio, che ze el tìtoło orizenałe de ła canson mejo conosesta co el tìtoło de In viaggio.

Ruggeri torna a partesipar al Festival de Sanremo inte'l 2010 inte ła sesion "Artisti" co'l brano La notte delle fate. Contenporaneamente A vien fora el àlbun dal tìtoło La ruota, contenjente ła canson in gara a ła cuała sèita un fortunà tour teatrałe.

El se ga riunìo par un soło live co i Champagne Molotov el 1º de avriłe 2011.

L'incontro con il panorama Indie e il concept àlbun: Frankenstein (2012-2015)[canbia | canbia el còdaxe]

Dio dell'immagine e dell'apparenza, salva l'effimero più dell'essenza, op. cit., Frankenstein (Dio de l'imàjine e de l'aparensa, salva l'efìmaro pì de l'esensa) - Enrico Ruggeri Inte'l zenaro 2012 A vien fora el CD Le canzoni ai testimoni andove i sucesi de Ruggeri i vien rivizità da serti fra i pì inportanti nomi de ła sena "indie-alternativa" itałiana, infrà i altri Bugo, Dente, Serpenti, L'Aura, Rezophonic, Marta sui Tubi, Africa Unite, Boosta e Linea 77. Ruggeri ga łasà l'inisiativa ai vari artisti de trovar el stiłe muzegałe che pì i retenjese adato par rivizitar łe canson, e'l ga cantà soło curte strofe de łe canson łasando piena łibartà ai altri cantanti.

El 7 de majo 2013 Ruggeri pùblega el concept àlbun Frankenstein, presedesto dal sìngoło "'Diverso dagli altri". Ruggeri tołe ispirasion dal romanzo de Mary Shelley Frankenstein par parlar de emarzenasion, sołitudine e amor inposibiłe, imedèzemandose inte'l protagonista del romanzo e esprimendo tuta ła so rabia e tristesa.

L'ano dopo el cołabora co'l rapper e cantaudor itałian Dargen D'Amico inte ła trasa È già contenjesta inte l'ùltemo disco del rapper, Vivere aiuta a non morire. El rapper ga po' contracanbià ła partesipasion cantando in un brano del novo àlbun de Ruggeri: Frankenstein 2.0, remake co nove sonorità de l'àlbun venjesto fora un ano prima e co zontai cuatro novi brani, tra cui L'onda, estraesto cofà sìngoło. «A ghe tenjo a sotołinerar che Frankenstein 2.0 no'l ze un senplise re-package del presedente àlbun - spiega Ruggeri - ze łe istese canson ma co un inpianto sonoro asà difarente, resonae e riaranzae»[4].

Enrico Ruggeri inte'l 2015, A se reconose el basista Fabrizio Palermo e Luigi Schiavone

L'11 de łujo 2014 el pùblega el sìngoło "In un paese normale" in una varsion riaranzà dal produtor Marco Barusso e co ła partesipasion del do comico Ale e Franz inte'l video ofisiałe.

El 28 de setenbre 2014 el torna sonar insenbre a Silvio Capeccia e Fulvio Muzio (Decibel) a Miłan, cantando sìe brani dei Decibel fra cui ła prima varsion orizenałe de "Vivo da Re" co'l testo in ingleze. Fra el pùblego prezente Roberto Turatti (el baterista del primo LP dei Decibel).

El 14 de febraro 2015 el ze ospite durante l'ùltema serada del Festival de Sanremo conduzesto da Carlo Conti ezibìndose co Tre Signori, inedito dedicà a Giorgio Gaber, Enzo Jannacci e Giorgio Faletti prezente inte'l so àlbun venjesto fora el medèzemo ano dal tìtoło Pezzi di vita.

El 1º e l'8 de avriłe 2015 el ze special coach inte'l programa The Voice of Italy par el team de J-Ax.

El 13 de disenbre 2015 vien anuncià ła so partesipasion a ła 66ª edision del Festival de Sanremo inte ła sesion "Campioni" co'l brano Il primo amore non si scorda mai, produzesto da Marco Barusso[5] co'l cuało el se azudega el cuarto posto e'l Premio Lunezia come mejo testo fra cuełi dei big in gara.

Ła reunion dei Decibel[canbia | canbia el còdaxe]

Inte'l marso 2017 A vien fora l'àlbun Noblesse oblige che senja ła reunion dei Decibel co Fulvio Muzio e Silvio Capeccia.

Inte'l disenbre 2017 el interpreta co i The Price On the Edge of Madness, canson co un sound potente e scuro in cui converze l'alternative rock, el metal de raìza scandinava e ła new wave anni ’80.

Inte'l 2017 el canta "Canone Europeo" insenbre a Renato Carpaneto dei Ianva.

El 6 de febraro 2018 i Decibel i torna al festival de Sanremo, a 38 ani de distansa, co ła canson Lettera dal Duca.

El 16 de febraro A vien fora l'àlbun L'anticristo, el segondo da ła reunion, el sesto del grupo.

Scritor, condutor e altre atività[canbia | canbia el còdaxe]

A ła só òpara de muzicate e interprete Ruggeri afianca senpre pì frecuenti atività come scritor de romanzi, raconti e poezìe e condutor tełevizivo.

Inte'l 1989 el pùblega La giostra (Forte Editore), inte'l 1994 , per pudore (pronunsià virgola per pudore), inte'l 1997 Racconti e poesie e inte'l 2000 Piccoli Mostri. El 2011 A ze ła volta del so primo romanzo, intitołà Che giorno sarà, mentre l'ano sucesivo dà a łe stanpe Non si può morire la notte di Natale. Inte l'otobre 2014 el vien oparà par na diverticołite de l'intestin, dezenarà in peritonite[6], ma senpre el steso meze el pùblega el terso romanzo, La brutta estate e torna ai concerti.[7]

Inte'l 2006 el taca ła só prima espariensa tełeviziva, so Italia 1, co ła condusion de ła trasmision Il bivio - Cosa sarebbe successo se..., durà oltra un ano e riproponesta inte'l 2007 e 2008. Inte'l novenbre 2008 A ghe vien afidà un segondo programa intitołà cofà na só çéłebre canson, Quello che le donne non dicono, talk show insentrà so ła conosensa de l'universo femenin. Dal 1º de łujo 2009 fin a l'8 de zenaro 2010, senpre so Italia 1, el coverze par do stazon el ròło de condutor de ła trasmision Mistero (posto che'l ghe łasarà drìoman a Raz Degan). Propio so łe medèzeme temàteghe tratàe da st'altro programa, el pùblega inte'l 2010, insenbre a Candido Francica, el łibro Alieni. Un mistero fra noi. Dal setenbre 2010 el entra a fare parte de ła zurìa del talent show X Factor di RAI 2.[8] In sto contesto el ze autor, insenbre a Fabrizio Palermo, de l'inedito Atlantide, cantà par ła prima volta dal do Kymera in ocazion de ła semifinałe del programa, el 16 de novenbre 2010.[9] Inte'l 2013 Ruggeri partesipa a Canzonissima a l'interno de I migliori anni so RAI 1 e'l conduze so RAI 5 I leggendari. Inte l'inverno del steso ano e inte ła primavera 2014 el torna in onda so Italia1 conduzendo in prima serada insenbre a Marco Berry el programa Lucignolo.[10]

Revardo a łe só condivizion połiteghe (speso el ze stà visinà a ła dreta, par serte preze de pozision contro l'anbiente muzegałe połitisizà dei ani setanta[11], nonostante le sue smentite sulla presunta appartenenza a quest'area[12]) el ga dichiaràMi me sento prensipalmente un omo łìbaro e zenaralmente critico inte i confronti del poter, calsiase el sìpia, e credo che st'altra ła sipia una de łe funsion de un artista anca parchè uncò definirs de dreta o de sanca, el sia desizamente antistòrego... De volta in volta na parsona che vive inte'l conteto çiviłe el ciapa de łe pozision, el ga dei pareri, che i pol parer considarà de dreta o de sanca a segonda de łe contingense[13] (...) A vojo discuter cazo par cazo. So l'Iraq, par ezenpio, poso aver na idea de sanca e so l'indulto[14] di destra.[12], [[#CITEREFMi me sento prensipalmente un omo łìbaro e zenaralmente critico inte i confronti del poter, calsiase el sìpia, e credo che st'altra ła sipia una de łe funsion de un artista anca parchè uncò definirs de dreta o de sanca, el sia desizamente antistòrego... De volta in volta na parsona che vive inte'l conteto çiviłe el ciapa de łe pozision, el ga dei pareri, che i pol parer considarà de dreta o de sanca a segonda de łe contingense[13] (...) A vojo discuter cazo par cazo. So l'Iraq, par ezenpio, poso aver na idea de sanca e so l'indulto[14] di destra.[12]|op. cit.]] Tutavia, a łe ełesion połìteghe del 1994, el ga esplisitamente puzà el Polo delle libertà, inte ła fatispesie ła Lista Pannella, che in cueła tornada ełetorałe ła rezultava ałeada co ła coałision de sentrodreta[15]. Inte'l 2016 el se dichiara convinto sostenjidor del połìtego del Movimento 5 Stelle Alessandro Di Battista e'l dichiara de votar no al referendum costitusionałe. El 6 de łujo 2011 el ze intrà i prensipałi firmadari de l'apeło promovesto da ła SIAE ato a sostenjer l'asion de lobby al fin che ła venja defendesta e aprovada, inte ła só prima e più strenzente stezura, ła dełibera AgCom (presiedùa da Corrado Calabrò) 668/2010[16]; dełibera che ła dichiara el fin de conbater posibiłi viołasion del derito d'autor e de protezer i intaresi econòmeghi łigai a l'industria discogràfega e del multimediałe in rede; grasie a sta dełibera, a l'Autorità par łe Garansie inte łe Comunicasion, senplise autorità aministrativa independente de nomina połìtega, se gavarìa da dar el poder de blocar, scurìr, censurar o scansełar calsiase sito sospetà de viołar un copyright, tramite na senplise asion aministradiva (anca indota da ła senjałasion de ła lobby che se retenjese danezada), sensa el bezonjo de na previa asion de l'autorità zudisiaria che gavarìa da apurar l'eftetiva prezensa del reato.[17]

Inte'l 2015 el inisia so Radio24 ła condusion de na trasmision cotidiana, intitołada Il falco e il gabbiano (da łe 15 a łe 16)[18], e inte l'agosto de'l steso ano ghe vien confarìa ła sitadinansa onoraria de Marotta, łocałità balnear in provinsia de Pézaro e Urbin.

Pasionà de calcio, el ze presidente e zogador de bałon de ła Nasionałe cantanti, scuadra inpenjà in ativià de sołidarietà, de ła cuała el fa parte dal 1984. El 16 de avriłe 2021 el vien ingagià dal Sona, club veneto de Serie D inte'l cuało el zoga Maicon, só idoło che zogava inte l'Inter, ła scuadra de ła cuała el ze tifozo.[19][20] El 6 de zunjo drìoman, a l’età de 64 ani, el el só ezordio co ła maja nùmaro 10 inte ła partìa contro ła Tritium zogando i primi 9 minuti prima de andar fora dal canpo; el ezaudise cusì el so sonjo de zogar co'l braziłian e deventa el zogador pì vecio a zogar in Serie D.[21]

Vita privà[canbia | canbia el còdaxe]

Inte'l 1986 el spoza Laura Ferrato, da ła cuała el divorsiarà inte'l 1994, cuando che'l conose l'atuaeł conpanja, ła cantaudora Andrea Mirò. Dal matrimonio co ła Ferrato A ze nasesto el fio Pier Enrico, dito Pico, anca èło cantante, deso conosùo cofà Pico Rama, mentre da ła rełasion co ła Mirò ze nasesti i fiòłi Ugo Federico Benedetto ed Eva Clara.

Discografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Discografia de Enrico Ruggeri.

Da sołista[canbia | canbia el còdaxe]

Àlbun in studio[canbia | canbia el còdaxe]

Àlbun dal vivo[canbia | canbia el còdaxe]

Rancure
EP

Co i Decibel[canbia | canbia el còdaxe]

Search ballonicon2.svg Par savèrghene de pì, vardarse ła voxe Decibel (grupo muzegałe)#Discografia.

Àlbun in studio[canbia | canbia el còdaxe]

Òpare łetararie[canbia | canbia el còdaxe]

Romanzi[canbia | canbia el còdaxe]

Raconti e poezie[canbia | canbia el còdaxe]

Altro[canbia | canbia el còdaxe]


Partesipasion al Festival de Sanremo[canbia | canbia el còdaxe]

Interprete[canbia | canbia el còdaxe]

Autor[canbia | canbia el còdaxe]

Notasion[canbia | canbia el còdaxe]

  1. “Ci siamo salvati grazie alla musica”Berchet 2.0, 13 aprile 2017. entrada il 14 gennaio 2021 (archivià il 22 de otobre 2020).
  2. Gigi Vesigna, La gavetta dei VIP?, in Oggi, 12 giugno 2013, pp. 94-98.
  3. ed. FuoriThema
  4. Enrico Ruggeri: «Mi metto nelle mani dei fan», mentelocale.itgenova.mentelocale.it. entrada il 1º aprile 2014 (archivià dal URL orizenałe il 7 aprile 2014).
  5. Festival di Sanremo 2016, Carlo Conti da Massimo Giletti svela i venti Big in gararepubblica.it, La Repubblica, 13 dicembre 2015. entrada il 13 dicembre 2015.
  6. Enrico Ruggeri: "I me ga cavà 25 cm de intestin, ma deso riparto"
  7. ENRICO RUGGERI: in libreria con il noir “La brutta estate”
  8. Enrico Ruggeri sarà il quarto giudice a X Factor - Spettacolo - ANSA.it
  9. Kymera, Atlantide (inedito) (testo e video) « Zona Reality
  10. http://www.kataweb.it/tvzap/2013/10/19/lucignolo-2-0-con-due-conduttori-marco-berry-e-enrico-ruggeri-1405572/
  11. Intervista a Enrico Ruggeri
  12. 12,0 12,1 Enrico Ruggeri: «Fabio Fazio non mi chiamerà mai su Raitre» - Style.it Archivià il 3 aprile 2009 Data inte l'URL no conbazante: 3 de aprile 2009 in Internet Archive.
  13. [r] Enrico Ruggeri: il tour 2004 Archivià il 14 luglio 2014 Data inte l'URL no conbazante: 14 de lujo 2014 in Internet Archive.
  14. Ruggeri, sostenjidor de Nessuno tocchi Caino, grupo contro ła pena de morte e l'ergastoło ostativo łigà al Partito Radicałe, so i problemi de łe prezon itałiane el se ga dichiarà contrario a ła sołusion proponesta dai radicałi stesi, l'amnistia e l'indulto, come ga scrivesto so ła pàjina Facebook: «Go vizità diezene de prezon e so bene cuanto che łe sia inadeguàe. A go conosùo e fradernizà co tanti prezonieri vitime de struture fatisenti. Ma no ze asetabiłe che'l stato rezolva sta enezema vargonja co na sołusion cofà l'amnistia, che, par tentar de rezolver un problema ne crearìa n'altro. El senso de inpunità el ze za fin masa prezente in sto paeze».cfr. Enrico Ruggeri - Facebook
  15. http://www.radioradicale.it/scheda/93964/94302-elezioni-politiche-1994-sostegno-alla-lista-pannella
  16. DELIBERA N. 668/10/CONS (PDF), AgCom, 17 dicembre 2010. entrada il 26 luglio 2011 (archivià dal URL orizenałe il 27 gennaio 2012).
  17. Il provvedimento AGCOM per il diritto d'autore - Appello della Siae, SIAE, 6 luglio 2011. entrada il 26 luglio 2011.
  18. Il falco e il gabbiano, Radio 24
  19. Carlos Passerini, Serie D, dopo Maicon il Sona ingaggia Enrico Ruggeri: «Voglio giocare con un mito»Corriere della Sera, 16 de apriłe 2021. entrada il 21 de apriłe 2021.
  20. [1]
  21. Enrico Ruggeri esordisce in Serie D con il Sonawww.tuttocampo.it. entrada il 6 de zugno 2021.


Controło de autoritàVIAF (EN22331210 · ISNI (EN0000 0000 7839 1284 · SBN (ITIT\ICCU\TO0V\370191 · Europeana agent/base/71598 · LCCN (ENn94029501 · GND (DE119503603 · BNF (FRcb13933547h (data) · WorldCat Identities (ENn94-029501
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Enrico_Ruggeri&oldid=1090704"