Chitara

Da Wikipedia, l'ençiclopedia libara.
Va a: navigasion, serca
Na chitara acustica

chitàra xe un strumento musicàe a corde. Ghe ne esiste de tanti tipi ma comunque tute ga in comune l'impostasiòn costrutiva: e corde xe tacà dàea parte del corpo a un suporto ciamà ponte. El ponte serve a trasmetare e vibrasiòn dee corde al corpo dea chitara (se eà chitara no xe eletrica) el quae, vibrando a so volta, genera el suono carateristico dea chitara. Al corpo xe tacà el manego, àea cui estremità ghe xe eà paètta. El primo monta sòea parte frontàe eà tastiera, che permete al musicista de fermare coi dei 'e corde al tasto voeùo, cambiando cusì eà tonaità dea nota; eà seconda serve a tegnere e corde daea parte oposta al ponte, permetendo oltretutto de poderle tirare singoeàrmente, tramite e meccaniche, pa regoeàre l'accordatura. Soitamente 'e chitare xe a sie corde, ma sèrti stili privilegia chitare a dodexe corde. L'acordatura pì comune xe: Mi Si Sol Re La Mi.

Principalmente i tipi de chitare xe i quatro seguenti:

  • Chitara classica: el corpo xe formà da 'na cassa armonica, che poe vibrare efficacemente dando un suono abastansa alto, no ghe xe quindi bisogno de amplificatori (almanco in pìcoi ambienti).El manego xe pì largo rispeto ae chitare de altro tipo. 'E corde xe in nylon e questo ghe dona al strumento el tipico timbro dolse deà chitara classica.
  • Chitara acustica: anche questa xe dotà de 'na cassa armonica, pì grande de eà cassa armonica dea chitara classica, rispeto aea quae eà ga anca el manego pì streto e pì longo. E corde se metaiche, cusì che el suono de 'na acustica xe particoearmente pien e intenso, rendendo sto tipo de chitara adatto ai generi folk, blues, country.
  • Chitara eletrica (o solid body): a difarensa dee prime do el suono de 'na eletrica no xe generà daea cassa armonica, el corpo so sto caso xe ricavà da un toco de legno pièn. Xe e corde che vibrando desòra a dei magneti, i pick-up, trasmete el so moto al campo magnetico che vièn cusì perturbà. Sta variasiòn del campo genera sòe bobine dei pick-up un segnàłe deboissimo, che ga da esare apositamente amplificà. A sta funsiòn pensa apunto l'amplificatore. Dato che el segnàe xe de natura eletrica, xe particoearmente fàsie aplicarghe i effetti pì diversi: distorsiòn, eco, riverbero, flanger, chorus e altri. Xe inoltre posìbie, e fato de frequente, cambire eà timbrica deà chitara ciapando el segnàe da diversi pick-up: i pick-up pì visini al ponte, ciamai apunto pick-up al ponte, dà un suono ricco de armoniche e particoearmente pièn soi acuti, i altri pick-up invese, dà altre sfumature de suono; xe pratica comune anca giustàre el suono finàe tramite i oportuni potensiòmetri dea chitara, dell'amplificatore, o dei apositi filtri. Combinando insième tute ste posìbii regoeasiòn se poe avere da sto tipo de chitara na gamma de suoni praticamente infinita, el che eà rende adatta a generi musicài pì diversi.
  • Chitara semiacustica (o hollow boby): se tratta de 'na chitara eletrica avente però eà cassa armonica. El corpo xe legermente pì grande de 'na eletrica pura (e dimensiòn comunque varia da modèo a modèo) e l'apertura circoeàre al centro dee acustiche o clasiche xe sostituìa da dei tàji a 'f'. E tinte de suono, data sta carateristica, xe legermente diverse dàe altre chitare; in pì, dato che xe anca posibie smisiare a piacimento el suono acustico a queo eletrico, se poe otegnere e sfumature pì diverse. E chitare semiacustiche xe usà massiciamente nel jazz.

Altri progeti[canbia | canbia sorxente]