Diana Est
| Biografia | |
|---|---|
| Nasimènto | (it) Cristina Barbieri  12 de zugno del 1963 (61 ani)Miłan (Itàlia) |
| Dati personałi | |
| Altri nomi | Diana Est |
| Atività | |
| Ocupasion | |
| Atività | 1982 al 1984 |
| Zènare | Italo disco (it)  |
| Instrumento muzicałe | Voze |
| Repertòrio | |
| Fameja | |
| Zenitori | |
   | |
Diana Est, nome d'arte de Cristina Barbieri, cantante taliana de musica d'el gènere New Wave (Onda Noa) in i àni '80.
— Diana Est - Tenax
La cùrta cariéra
[canbia | canbia el còdaxe]El nome Diana l'è sta sièlto in onor de la dèa romana de la càcia, el "cognome" Est l'è sta n'omagio a la lengoa latìna: "est" el vol dir "è". Diana Est la g'avéa na voce in póco malmaùra, specie in i primi do singoli. La se presentàa al pùblico co n'aspèto gran particolar, un peplum rivedùo in version modèrna che l'éra na mèza via tra la New Wave e l'antichità clàssica.
Prima de tacar la cariera de cantante, Diana Est l'ha laorà come cantorina arente Ivan Cattaneo in television, drénto un programa musical de la RAI, ciamà "Mister Fantasy".
L'esperiensa musical l'è sta gràn cùrta: l'ha tacà in el 1982 scrimajàndo in contrato d'en lustro co la eticheta discogràfega Ricordi. Con la colaborazion de Enrico Ruggeri che l'avea scrimajà zo i testi de le cansoni de i primi do singoli e le musiche de Cesare Previsti, Diana Est la ciapa su in sucèso imedià.
Le coértine de i primi do singoli i fa véder Diana Est co no stile gran particolàr: ispirà al "peplo postmodèrno" che l'era usa méterse durante le so aparizion televisive.
- Tenax l'è na canson dedicà a le atmosfere noturne, le discoteche con luci fluoresienti che le naséa de gran moda in i ani '80. El ritmo l'è tipico d'el gènere New Wave, fito e "ossessivo", mesià gran ben a la baterìa eletrònega e el sintetizador i crea la strutura de na canson interessante e original. El testo el ga l'impronta de Enrico Ruggeri, un stile gran interessante e mìa banal, co na sprussada de citazion latina de Seneca.
- Le Louvre l'è el secondo singolo de Diana Est, co sta canson la vinsarà el Festivalbar 1983. La canson la parla de la moderna, trìsta e dolsa "çiviltà de le banalità" che no la riésse mìa a destrigarse in la so mediocrità. La canson la va denansi, descrivendo i dipinti che, ideologicaménte, i va fora da i musei, par nar in mèzo a la jénte par portar cultura e nova linfa vital.
- Diamanti el parla de na storia de amor gran travajà e dificile. Na storia con tragico suicidio, che l'è sta fato come par sfida a la persona amà ma che no la corisponde mìa: "che bisogno che hai di me, te ne accorgerai. Questione di ore..."
Dopo el terzo disco, Diana Est la decide de serar la cariéra de cantante e no la vol rinovar mìa el contrato con la Ricordi par altri çinque ani. Diana Est durante na rara intervista a Radio Popolar el 2004, l'ha spiegà le so resoni: disendo che l'avéa deciso de no cantar pì, par via che l'aveà giudicà l'ambiente discografico mìa adato a éla. La se sentìa come na pùa tra le mane de i discografici e dopo i tri singoli no la g'avéa pì voja de continuar.
El DJ Tony Carrasco el conferma sta teoria in n'intervìsta scrimajà in internet: La g'avéa (Diana Est) la testa da n'altra parte. Dopo l'incision de l'ultimo singolo no la ghe la faséa pì a nar ensà parché l'avea perso interèse"
Inte el 30 de agôsto d'el 2013, dapô 29 àni de silènsio, la se ga exibìa a el 80 Festival de Radio Company, a Marén, Trévixo.
Discografìa
[canbia | canbia el còdaxe]- 45 giri
- 1982 Tenax / Notte senza pietà
- 1983 Le Louvre / Marmo di città / Le Louvre (version strumental)
- 1984 Diamanti / Pekino
- Mix 12"
- 1982 Tenax (extended) / Tenax (version strumental longa)
- 1983 Le Louvre (extended) / Le Louvre (version strumental longa)
nota: tùti i brani in i 12" i ze stè remissiè da el DJ Tony Carrasco
Colégamenti forèsti
[canbia | canbia el còdaxe]- Na storiéla ispirà a Diana Est Archivià il 3 de marso 2008 in Internet Archive.
el detien schemi gràfeghi so
