Max Pezzali

Da Wikipedia, l'ençiclopedia libara.
Infotaula de personaMax Pezzali
Max Pezzali at Cartoomics 20013-1 (cropped).JPG
Biografia
Nasimento(it) Massimo Pezzali Cànbia el vałor in Wikidata
Eror Lua: callParserFunction: function " [[Categoria" was not found. (54 ani)
Miłan (Itàlia) Cànbia el vałor in Wikidata
Morte
Formasion profesionałe
Supervizor dotorałe
Known by
Atività
Canpo de laoro
Ocupasion
Eror Lua: callParserFunction: function "

[[Categoria" was not found.

Atività1989 - in atività
ZènarePop Cànbia el vałor in Wikidata
Influense
Infuensa
Mision spasiałe
Instrumento muxegałeVoze Cànbia el vałor in Wikidata
Targheta discogràfega
Àlbun11 (883) + 11 (sołista)
Àlbun stùdio6 (883) + 5 (sołista)
Àlbun dal vivo2 (sołista)
Àlbun compilation5 (883) + 4 (sołista)
Òpare in rezalto
Sèrie
Filmografia
Papers destacats
Repertòrio
Pop Rock, Pop
Fiołi
Fradełi
Zenitori

Sito webmaxpezzali.it → Cloud download font awesome.svg Cànbia el vałor in Wikidata
IMDB: nm0679089
Facebook place: maxpezzaliofficial Twitter: MaxPezzali MySpace: maxpezzali Youtube: UCgednYguYgGbuK_kGp6QCbA Musicbrainz: b76f7323-183e-4b90-83b1-5111d04d6665 Songkick: 23366 Discogs: 630296 Allmusic: mn0000214648

Max Pezzali, a l'anagrafe Massimo Pezzali (Pavia, 14 de novenbre 1967), el xe un cantaudor itałian.

Deventà famoxo come ła voxe dei 883, grupo fondà insenbre a l'amigo Mauro Repetto inte el 1991, dal 2004 Pezzali el ga intraprendesto na carièra da sołista, abandonando definitivamente el marchio "883".

El so primo album sołista xe stà Il mondo insieme a te, seguìo inte el 2005 da ła racolta de gran suceso (disco de diamante in Itałia) TuttoMax, contegnente i sìngołi del preçedente disco e i pì grandi sucesi degli 883. Tra i album de inediti Time Out (2007) e Terraferma (2011) vien publegà l'album dal vivo Max Live 2008, mentre inte el 2012 e inte el 2013 ese Hanno ucciso l'Uomo Ragno 2012 e Max 20, album che rivixita i veci sucesi dei 883 in alcune nove version in doot co vari aristi de ła mùxica itałiana. El 2015 vede l'usìda del cuarto album de inediti, Astronave Max. Inte el 2017, par çełebrar i 25 ani de carièra vien publegà ła racolta Le canzoni alla radio, mentre inte el 2018 ese l'album dal vivo Max Nek Renga, il disco in cołaborasion co Nek e Francesco Renga. Inte el 2020, dopo 5 ani dal preçedente, ese el cuinto album de inediti Qualcosa di nuovo.

El xe uno dei cantaudori pì seguìi del panorama muxicałe itałian co pì de 7 miłion de dischi vendùi(conprexi cuełi dei 883)[1] inte el corso de ła so carièra, inte ła cuała el ga publegà conplesivamente 21 album e 61 sìngołi e el ga risevùo racuanti premi, incluxi tredexe Tełegati, tre Festivalbar so dodexe partesipasion, un riconosimento ad Un disco par l'estate so do partesipasion, diexe Italian e Wind Music Awards, un Premio Lunezia, tre partesipasion al Summer Festival, cuatro Premi Itałiani de ła Muxica, tre Venice Music Awards, sete Premi Roma Videoclip, do TRL Awards e tre World Music Awards.

Biografia[canbia | canbia el còdaxe]

Nasùo a Pavia, fiòło de na copia de fioreri (Sergio Pezzali e Alba Scanavini)[2], Max Pezzali xe fin da xovava un pasionà de moto, de mùxega e di rock, speçialmente inte i ani del łiceo. Dopo una bociadura in tersa łiceo (al Łiceo Sientifego Niccolò Copernico de Pavia), tra i banchi di scòła el conose Mauro Repetto[3]. Dopo eserse diplomà, Max Pezzali se iscrive a ła facoltà de siense połiteghe, sostegnendo un soło exame (in soçiołoxia) andà a bon fin[4].

I 883 (1989-2004)[canbia | canbia el còdaxe]

Search ballonicon2.svg Par savèrghene de pì, vardarse ła voxe 883 (grupo muxicałe).

Drìo i inisi col nome provixori I Pop e l'aparision inte el programa tełevixivo 1, 2, 3 Jovanotti inte el cauło i do propone el brano Live in the Music cantà par intièro in inglexe[5], inte el 1991 partecipano al Festival di Castrocaro con il brano Non me la menare[6]. In sti ani, Max se fa apresar sia par łe so doti vocałi che par i testi scrivesti insenbre a Mauro Repetto, scrivesti in un łenguajo senplise ma direto ed eficace. Grandi sucesi xe stai Hanno ucciso l'Uomo Ragno (traxesta da l'omonimo disco), Con un deca, Sei un mito (che łi ga consacrai come grupo de suceso), Nord sud ovest est e Come mai (co cui i vinse el Festival itałian 1993). L'album Nord sud ovest est vendarà pì de 1.300.000 copie. Cuando inte el 1994 Repetto abandona el grupo par łe so anbision sinematografeghe, Max deventa el leader e prinçipałe conpoxidor del grupo[6].

Drìoman i 883 publegarà La donna il sogno & il grande incubo inte el 1995, La dura legge del gol! inte el 1997, ła fortunada racolta Gli anni inte el 1998, Grazie mille inte el 1999 e Uno in più inte el 2001. Da recoradar xe el suceso del concerto del 21 de łujo 1998 a Miłan in Piasa Duomo, al cuało ga partesipà sìrca 100.000 persone[7]. Oltra a l'atività del grupo, inte el 1998 Max Pezzali se dedega a ła scritura e el publega Stessa storia, stesso posto, stesso bar (da l'incipit de Gli anni, uno dei brani pì çełebri dei 883), un łibro inte el cuało Max ricołega łe pròpie esperiense de vita ai testi de łe so canson. Inaxonta el xe stà protagonista de Jolly Blu, film baxà so łe canson dei 883, che ga avesto un scarso suceso al sinema ma bon riscontro in TV. Inte el 1995, tra l'altro, el se dedega a l'atività de autor par altri cantanti (el scrive Aeroplano par l'ałora sedexene Caterina Rappoccio e L'ultimo bicchiere par Nikki), e el proa par ła prima volta in carièra ła partesipasion al Festival de Sanremo. El ghe partesipa sia come cantante in gara c ła canson Senza averti qui, sia come coautor, insieme a Repetto, de ła canson Finalmente tu, interpretà da Fiorello.

Inte el 2002 vien publegà ła racolta Love/Life (sototitołà L'amore e la vita al tempo degli 883). Ła racolta contien łe pì famoxe bałade del grupo co ła xonta de do inediti, Ci sono anch'io (cołona sonora itałiana del film Disney Il pianeta del tesoro) e Quello che capita. El se firma col nome Max Pezzali/883, come a prexagir ła fin de l'era 883 e l'abandono del marchio par l'inisio de na carièra sołista. Tuti do i inediti xera usìi come sìngołi. Inte el 2003 ese el novo album de Elio e le Storie Tese dal titoło Cicciput, in te'l cuało tra i vari artisti che ga cołaborà partesipa anca Max Pezzali inte ła canson Shpalman®, sìngoło de slanso col cuało el vinsarà ai Italian Music Awards el premio al mejo videoclip.

Cariera sołista (2004-presente)[canbia | canbia el còdaxe]

Il mondo insieme a te (2004)[canbia | canbia el còdaxe]

Inte el 2004 Max deçide, donca, de sbandonar el storego marchio. Inte el 2004 el reałixa l'album Il mondo insieme a te, che el vien publegà in do version: ła version normałe, contegnente noma che el CD, e ła version speciałe co DVD, in edision łimitada, de cui xe stà publegae soło che 30.000 copie numarae. L'album xe un suceso e el riseve do dischi de platino par łe so 200.000 copie vendùe. Da staltro vien estraxesti sìncue sìngołi: Lo strano percorso, Il mondo insieme a te, Fai come ti pare, Eccoti e Me la caverò. A Lanpeduxa el partesipa inte el mexe de setenbre, al festival O' Scià, ciamà da Claudio Baglioni col cuało el dota in Come mai. In sto periodo Max Pezzali xe tanto visin ai so fan e asè ativo so Internet. El verxe infati el photoblog "Una al dì", inte el cuało el inserise 365 someje (cuindi un ano) scatae da eło isteso, na idea orixinałe, mai utiłixada prima da un cantante itałian[8]. Inte el łujo del 2004 el inisia el Max Live Tour 2004. Inte el 2005 Max otien anca do premi al Premio Roma Videoclip par i video de Lo strano percorso e Il mondo insieme a te.

El suceso de TuttoMax (2005-2006)[canbia | canbia el còdaxe]

Inte el 2005 vien fora na cołesion de sucesi sui e dei 883, intitołada TuttoMax. Nisun brano inedito, ma soło el riarangiamento de Eccoti (contegnùa inte el album presedente e primo sìngoło), e l'inserimento de un altro brano del presedente album, Me la caverò, usìo come segondo sìngoło. Ciò nonostante, el dopio cd resta par ben 12 setemane consecutive in sìma a łe clasifeghe itałiane inte el periodo estivo, e risevendo ben cuatro dischi de platino par łe oltre 350.000 copie vendeste e vinsendo al Festivalbar el premio come mejo album de l'ano. El 2 de avril Pezzali se spoxa e łe imàjini del matrimonio caraterixa el finałe del video de Eccoti. El 21 de otobre 2005 ese el segondo sìngoło de ła racolta in una speciałe edision Digipak contegnente i do sìngołi Eccoti e Me la caverò più i live de Bella vera, Come mai e Nessun rimpianto. El 25 de novenbre del steso ano ese anca TuttoMax Video, un DVD che contien 34 dei video de łe canson reałixae dal cantante co ła xonta de łe domande poneste pì frecuentemente a Max Pezzali. El 24 de disenbre 2005 vien mandà in onda so Italia 1 un special de un'ora del concerto del cantante tegnùo al Forum de Asago El 31 de otobre 2005. El verxe anca un podcast inte el cuało el inserise picołi filmati del tour, a dispoxision de tuti i fans. El 2005 xe anca l'ano inte el cuało Max Pezzali torna al Festival de Sanremo, dopo 10 ani, inte ła xornada dei doti, cantando co DJ Francesco el brano Francesca. Del steso doto ese anca ła version studio inte l'album de DJ Francesco col titoło Il mondo di Francesca. Na ulterior cołaborasion ło vede partesipar a l'album La fantastica storia del pifferaio magico de Edoardo Bennato, col cuało el dota inte ła canson La televisione, che felicità. A otobre el taca el Max Live Tour 2005. Inte el 2005 Max otien anca do premi al Premio Roma Videoclip par i video de Eccoti, Fai come ti pare e Me la caverò.

El 2006 xe un ano de pauxa par l'artista, anca se'l partesipa a l'album de cover de Lucio Battisti Innocenti evasion 2006 interpretando La metro eccetera co Stylophonic e cołabora co i Flaminio Maphia inte el sìngoło de slanso del so album, La mia banda suona il rap, partesipando sia come autor che come interprete del ritorneło del brano. Max Pezzali partesipa anca ai Venice Music Awards, indove el riseve el premio par el mejo album par TuttoMax. Drìoman el riseve, par el steso album anca el premio Tełegato.

Time Out (2007)[canbia | canbia el còdaxe]

Max Pezzali in concerto inte el 2007

El 25 de magio 2007 el publica un novo album, Time Out, el primo disco de canson mai publicae dal 2004, deventà disco de platino prima de l'usida inte i negosi par łe 80.000 prenotasion registrae. L'album xe entàr diretamente al primo posto inte ła clasifega itałiana dei dischi pì vendùi. El sìngoło de łanso, Torno subito, xe stà uno dei tormentoni de l'istà del 2007. Inte' sìngoło, come in tuto l'album, Max sviłupa e consołida el tema, ricorente in tuta ła so discografia, de ła vixion de ła vita come "viaxo". El steso Pezzali ga dito[9]: L'imàjine del viaxo xe uno dei temi che traversa tuto l'album e che più go sviłupà durante ła me carièra: vivemo in un'epoca senpre pì vełoce, inte łe cuałe bixogna senpre corer, łaorar e produxer, in cui xe nesesario moverse dal ponto A al ponto B el pì vełoce posibiłe. Sia inte el viaxo fixego che inte ła vita in xenerałe. Par mi inveçe inte el viaxo no inporta ła destinasion da raxonxer ma el percorso in sè, el fato de goderse ła strada, ła conpagnia, ogni sìngoło profumego. "Time Out" signifega pròpio cuesto: ciapemose na sosta godemose el viaxo indipendentemente da ła destinasion., op. cit.

Pròpio col sìngoło de łanso del novo album Max Pezzali partesipa al Festivalbar 2007. Ai inisi de setenbre (dal 7 in rodasion inte łe radio) viene slansà el segondo sìngoło, Sei fantastica. El brano vede ła partecipasion de Eros Ramazzotti, executor de l'asoło de chitara concluxivo. Inte l'album xe prexenti anca altre cołaborasion, co Syria e Tiziano Ferro.

El 12 de otobre parte el Max Pezzali 2007 Tour, in xiro par i pałaseti d'Itałia. Łe date de Cuneo, Bołogna, Miłan, Turin, Trevixo e altre oncora ga registrà el tuto exaurìo e a Roma xe stae organixae do date par łe ecesive rechieste.

Inte el 2007 Max otien anca do premi al Premio Roma Videoclip par i video de Torno subito e Sei fantastica. Senpre inte el steso ano Max Pezzali partesipa anca ai Venice Music Awards 2007 indove el riseve el premio par el mejo album.

Max Live 2008 e ła pauxa (2008-2010)[canbia | canbia el còdaxe]

El cantante xe ativo anca so Internet grasie al so novo photoblog "Qualcuna al dì"(Calcuna al dì) so piataforma tumblr. El cantante posta link, someje da łu scatae e video par condividerle co i so fan. L'8 de apriłe 2008 xe usìo in tute łe łibrarie el primo romanxo de Max Pezzali Par prendersi una vita, publegà da Baldini Castoldi Dalai. Xe ła storia de cuatro toxi del 1988 e de come i avegnimenti de na istà gabia canbià par senpre łe so vite: a l'inpensàda i deventa adulti a cauxa de na sielta difisiłe da tor. L'artista ga prexentà el łibro co un minitour par numaroxe łibrarie d'Itałia otegnendo tanto suceso. A zugno el ga ritirà el premio a ła cariera "TRL History" ai TRL Awards de MTV come artista che ga segnà ła storia de Total Request Live, segnando ła zenerasion dei spetadori del popołar show. Dopo oltre 17 ani de cariera e drioman a 13 ani de tour, ła discografia de Max Pezzali ła xe stà inpresiozìa da un album Live. El 23 de majo xe usìo infati Max Live 2008, el primo CD+DVD Live de ła so carriera. El CD ciapa rento 17 brani de grando suceso cantai inte el Max 2007 Tour co ła zonta de do inediti, Mezzo pieno o mezzo vuoto e Ritornerò. El DVD invese el contien el video del concerto de Trevizo del tour 2007 (tuto ezaurio). El primo sìngoło inedito estrazesto Mezzo pieno o mezzo vuoto el xe in rodasion radiofonega dal 2 de majo, e ła xe una de łe hit pì trazmetùe da ła radio de tuta l'Itałia e ła xe deventà un tormentone par l'istà. El segondo inedito el se intitoła Ritornerò, na bałada in rodadsion radiofonega dal 29 de agosto. Inte l'istà 2008 inisia el Max Live Tour 2008: el tour parte a zugno e pasa par pì de 25 sità itałiane. Spica i concerti a Monza (Villa Reale) par ła prima tapa el 14 de zugno, a Settimo Torinese el 24 de zugno, a Roma al RockFestival il 19 de łujo, a Lignano Sabbiadoro el 28 de agosto, a Firense el 30 de agosto, a l'Idroscalo de Segrate el 5 de setenbre, a Pavia el 7 de setenbre, a Verona el 15 de setenbre, e molte altre par finir dopo pì de 3 mezi a Padoa el 5 de otobre. Inte ła stesa istà el reseve ai Venice Music Awards el premio Assomela Mela d'oro. A setenbre 2008, in ocazion de l'MTV Day 2008, Max xe protagonista de na serada speciałe de Mtv Storytellers, el show indove i artisti conta ła zenezi de łe propie canson e el propio metodo de scritura, fazendo i so clàseghi in un'inedita version semiacustega co ła zonta del cuarteto de archi Solis String Quartet. Il 14 novembre 2008 esce ShowTime h. 21.30, un DVD che, in circa 110 minuti, racconta il backstage del Max Tour Live 2007.

Drio el Cao de l'ano in Sardegna a La Pianedda de Castelsardo, Max anuncia che el metarà in segondo piano i so inpegni muxicałi par incurarse de so fio Hilo, nasùo inte el setenbre 2008.

A marso el cołabora co i dARI, zovane grupo emo de Aosta, al sìngoło Non pensavo. Ła varsion orizinałe de ła canson, cantada dai dARI, fa parte del so album de debuto; inte ła nova varsion Max canta alcune strofe e partesipa come coprotagonista al video, zirà par intièro a Turin a metà marso. El 3 de apriłe ła canson vien difuzesta in tute łe radio e'l video xe in rodasion so łe redi muzegałi, e'l se ezibise (co ła canson) insieme ai dARI ai TRL Awards vinsendo el premio "Best Cartello".

El 21 de apriłe Max ga partesipà a ła registrasion del sìngoło Domani 21/04.2009, inisiativa de Jovanotti e dei Negramaro par sostegner ła ricostrusion de l'Aquila drìoman al taremoto de chel'ano.

Max inte'l meze de zugno el partesipa anca ai Wind Music Awards, durante i cuałi el riseve el disco de platino par łe vendite de Max Live 2008. Inazonta, inte'l steso pariodo, vien fora el video ofisiałe de Il meglio, canson contegnùa inte l'àlbun Time Out del 2007. Partegołarità de sto video xe che'l xe stà reałizà da un zovane fan che, notà da Pezzali e Claudio Cecchetto, el ga avùo l'oportunità de utiłizar el so łaor cofà video ofisiałe[10].

Inte i mezi de łujo e agosto, smentndo parsialmente i propoziti de na pazua artìstega dovùa a ła padernità, Max xe inpegnà in una tournée "a ranghi ridoti" respeto al grupo che ło segue in maniera fisa da un paro de ani. Inte ła stesa istà el riseva ai Venice Music Awards el premio a ła carièra.

El 2 de disenbre Max dota co łe Yavanna inte ła finałe de X Factor co ła canson Come mai. Inazonta, el 31 de disenbre, el se ga ezibìo a Rimini insenbre ad altri cantanti par el programa tełevizivo L'anno che verrà, andà in onda so Rai Uno par festejar el novo ano. Suito daspò Pezzali ga desidesto de torse un ano de pauza par dedicarse a ła scritura del novo àlbun, łontan dai palchi.

El 19 de marso 2010 Max aparise in un breve cameo inte ła cuarta stajon de ła serie tełeviziva L'ispettore Coliandro che ła ze stà trasmetesta in prima vizion in Italia da Rai 2.

El ritorno a Sanremo e 'l projeto Terraferma (2011)[canbia | canbia el còdaxe]

Max Pezzali partesipa in gara al Festival de Sanremo co ła canson Il mio secondo tempo[11], mentre inte ła serada dedicà al 150º de l'unidà Nasionałe, el propone el canto popołar Mamma mia dammi cento lire łigà al tema de l'emigrasion italiana, e'l ło esegue co Arisa. Inte ła serada dei doti el ezegue da novo ła canson in gara, insenbre a na ezibision comico/canora de Lillo e Greg. Inte ła cuarta serada el vien ełiminà. Drìoman in te i ani sucesivi el ga dichiarà de no aver nisun recordo łigà a ła gara gara.

Contestualmente al Festival, el 16 de febraro 2011, vien fora el so terso àlbun in studio da sołista, intitołà Terraferma. El 31 de majo de l'isteso ano vien fora na varsion "Deluxe" del disco co ła zonta de 3 trase bonus. Drìo l'usida de l'àlbun Max informa i so fan che'l Terraferma Tour 2011 gavarà inisio el 30 de apriłe a Roma par po' zirar tuta Italia.

El 25 de marso Max anuncia a ła radio che'l segondo sìngoło de l'àlbun Terraferma a vegnir fora sarà Credi, publegà po' el 30 de apriłe.

Max inte'l meze de apriłe el ga ciapà parte ai TRL Awards indove el ga prezentà el sìngoło Credi, venjùo fora inte łe radio a ła fin del steso meze. Verso fin de majo, Terraferma riseve el disco d'oro par łe oltre 30 000 copie vendùe, e Pezzali ze ciamà a ritirar el sìngoło premio ai Wind Music Awards. Max ze anca uno dei sincue finałisti par el Premio Mogol co Il mio secondo tempo. Max Pezzali partesipa ai MTV Days a ła fin de zunjo.

El 1º de łujo vien fora el terso sìngoło Quello che comunemente noi chiamiamo amore, par conpanjar ła parte estiva del tour de Pezzali, che si zvolze intrà łujo e agosto co nove date che, al contrario de cuanto avenjùo in primavera, si zvolze al sud d'Italia. Max se ezibirà a Note italiane nel mondo a Trento. A Łanpeduza el partesipa inte'l meze de setenbre, al festival O' Scià, ciamà da Claudio Baglioni. Max ze anca uno dei ospiti inte ła prima pontada de Star Academy, indove el se ezibise co i partesipanti co alcune so vecie canson e da soło co'l brano Quello che comunemente noi chiamiamo amore.

El 19 de marso 2011 vien fora el CD de Non smettere di sognare - La colonna sonora, distribuìo da Universal Music Italia, contenjente Ti vorrei amare de Lidia Schillaci, brano scrivesto da Max Pezzali.

Hanno ucciso l'Uomo Ragno 2012 (2012)[canbia | canbia el còdaxe]

Max Pezzali in concerto inte'l 2012

El 31 de zenaro 2012 el ze ospite de ła festa par i 30 ani de Radio Deejay tenjùa al Mediolanum Forum de Miłan davanti a 15 000 persone. A febraro Max cołabora co Irene Fornaciari conponendo el testo del brano Come ti è venuto in mente. Max ze anca ospite inte ła prima pontada de Non sparate sul pianista.

Inazonta el 27 de apriłe 2012 el ze ospite a MTV Spit come zùdeze spesiałe. El 14 de majo el se ezibise a ła festa par i 30 ani de Radio Italia tenjùa in piasa Duomo a Miłan. In chel steso pariodo vien fora anca Con due deca, ła prima compilation ofisiałe de cover dedicae ai 883 descargabiłe a maca so Rockit.

El 12 de zugno ze vengnesto fora Hanno ucciso l'Uomo Ragno 2012, riłetura in ciave rap de l'àlbun d'ezordio dei 883 Hanno ucciso l'Uomo Ragno in ocazion dei vinti ani de cariera de Pezzali. L'àlbun el ga l'inedito Sempre noi (co ła partesipasion de J-Ax), oltre a varsion riaranzae de łe trase che conponevano l'àlbun del 1992 ricantae co'i rapper Club Dogo, Entics, J-Ax, Two Fingerz, Fedez, Emis Killa, Ensi, Baby K e Dargen D'Amico[12]. L'àlbun monta suìto in tèsta a ła clasifega come non capitava da cuatro anni, cuando zera stà publegà Time Out. L'ùtema setimana del 2012 el vien sertifegà disco d'oro. El 18 de agosto 2012 a Riccione el tien un concerto insieme a l'amigo e cołega J-Ax par festejar i 30 ani de Radio Deejay, i 90 ani del comun de Riccione e i 20 ani de Hanno ucciso l'Uomo Ragno.

Pezzali ze prezenta anca inte l'àlbun dei Two Fingerz in un doto a tre voze co łori e J-Ax inte'l brano Non capisco cosa vuoi, rifasimento del brano dei 883 Non me la menare. Dopo Sempre noi, vien ciapà fora come sìngoło da l'àlbun anca 6/1/sfigato 2012, in radio dal 20 de łujo. Verso el finir del 2012 Max vien candidà al Premio Videoclip Italiano co'l video de Sempre noi e ai MTV Hip Hop Awards inte ła categoria Best Collaboration.

Inte'l disenbre 2012 el conpone el testo del brano 100.000 parole d'amore, inedito de Davide Merlini, finałista de X Factor. Drìoman el cołabora co i Club Dogo inte'l so àlbun Noi siamo il club Reloaded Edition cantando in L'erba del diavolo e Con un deca. Dal 19 de febraro 2013 Max conduze el programa tełevizivo Le strade di Max.

Max 20 (2013-2014)[canbia | canbia el còdaxe]

El 24 de febraro Pier Paolo Peroni anuncia che se ze drìo łaorar par un novo àlbun, non spesifegando se A se trate de un remake de un presedente àlbun o de un àlbun de inediti. Ad avriłe, vien confarmà che'l de zugno vengnarà fora un novo àlbun, Max 20, contegnente 14 brani dei 883 e di Pezzali reałizài in doto co altri famozi artisti italiani[13] e 5 inediti[14][15]. El 10 de majo ze stà publegà el primo sìngoło ciapà fora da Max 20, intitołà L'universo tranne noi, che otien un gran suceso in Italia. Drìoman vien anunsiae łe 22 date del novo tour[16], de łe cuałe 10 deventae soldout pochi zorni drìoman el scominsio de łe vendite. El cołabora po' co Dargen D'Amico inte'l so àlbun Vivere aiuta a non morire co Due come noi e Emis Killa inte l'àlbun Mercurio co La testa vuota. Sénpre inte'l steso pariodo el apare al sìnema cofà dopiador: el presta infati ła propia voze al personajo Jack Taggert inte'l sètemo film del Marvel Cinematic Universe, Iron Man 3.[17]

A majo 2013 el partesipa in cuałità de zurà a ła segonda stajon de MTV Spit, conduzesto da Marracash. Verso el fenir del meze Pezzali dichiara durante na intarvista a Rockol che'l prosimo àlbun de inediti el sarà l'ùltemo prevedesto inte'l so contrato co ła Warner, e che despò ła so publegasion el podarìa selier de ritirarse [18]. Tutavia, inte'l 2015 el produtor Claudio Cecchetto anuncia de aver rinovà el contrato par n'altri tre ani[19]. A inisio de zugno el partesipa ai Wind Music Awards 2013, durante i cuałi el riseve el disco d'oro par łe vendite de Hanno ucciso l'Uomo Ragno 2012 e canta el sìngoło L'universo tranne noi[20] come durante el Summer Festival 2013 e i MTV Awards. Durante i mezi estivi el se dedica ai incontri co i fan a łe łibrarìe e i sentri comersiałi e a partir dal 22 de łujo el conduze insenbre a Jake La Furia e Paola Iezzi ła nova trasmision de Italia 1 Nord sud ovest est - Tormentoni on the road, ricordando i vari tormentoni de łe istà pasàe.

Max Pezzali se ezibise a Turin co Il presidente di tutto il mondo nel 2013

A setenbre el torna in radio co Ragazzo inadeguato, el segondo sìngoło estraesto da Max 20. Inte l'isteso pariodo el vien par zonta nomenà inte ła categoria Best Italian Act ai MTV Europe Music Awards 2013[21]. El 10 de otobre A ze stà publegà ła só autobiografia I cowboy non mollano mai - La mia storia[21]. Senpre ad otobre vien fora el videoclip de Ragazzo inadeguato, zirà insenbre a Paolo Ruffini, Frank Matano, Andrea Pisani, Luca Peracino e Guglielmo Scilla. Ła canson, tra l'altro, ła vien anca insarìa come cołona sonora inte'l film Fuga di cervelli co ła rezìa de Paolo Ruffini, vegnesto fora inte i sìnema itałiani inte'l novenbre 2013. A novenbr cominsia el Max 20 Live Tour, che si reveła un gran suceso de pùblego co ła mazor parte de łe date rezultàe tuto ezaurìo e co bis a Miłan, Roma, Turin, Mantoa e Firense[22]. Finìo el tour, concludesto el 22 de febraro 2014, el tour el pol vantar oltra 200 000 spetadori in 30 concerti tuti ezaurìi come vendite de bilieti[23].

El 10 de zenaro 2014 A vien in zonta publegà el terso sìngoło ciapà fora da Max 20, intitołà I cowboy non mollano, conpagnà da un video muzegałe anbientà inte'l vecio west[24], seguìo el 18 de marso drìoman dal video ofisiałe de Il presidente di tutto il mondo, n'altro dei brani mai publegà contegnesti in Max 20, in regało ai fan dopo ła concluzion del Max 20 Live Tour[23]. Drìoman el partesipa ai Music Awards 2014 ndove che'l riseve el premio "Disco Multiplatino" par łe vendite de Max 20 e el "Disco Platino" par cuełe del sìngoło L'universo tranne noi. Inte l'istà del 2014 el partesipa anca al Summer Festival cantando L'universo tranne noi da soło e Sei fantastica co Emis Killa, e el vien premià co el "Premio Lunezia Pop par el vałor Musical-Letterario" par el brano Il presidente di tutto il mondo[25].

El 1º de desenbre 2014 el pùblega, in cołaborasion co Radio Deejay, el sìngoło de nadałe Natale con Deejay[26].

Astronave Max (2015-2016)[canbia | canbia el còdaxe]

El 10 de apriłe 2015 A vien anuncià, tramite un Tweet del produtor Claudio Cecchetto, che un novo àlbun de Max Pezzali el ze in via de mixaggio e che'l vegnarà presto publegà[27]. El disco, dal tìtoło Astronave Max e pulegà el 1º de zugno[28], el vien antisipà dai sìngołi È venerdì e Sopravviverai, pubblicati rispettivamente il 24 aprile[29] e el 29 de majo[30]. El 28 de majo, a cuatro zorni da l'usida de'l novo àlbun, Pezzali el partesipa a ła cuarta edision de RadioItaliaLive - Il concerto in Piasa del Domo a Miłan[27]. El 25 de setenbre A vien fora el terso sìngołło ciapà da'l novo àlbun, Niente di grave, mentre a desenbre A vien anuncià che Pezzali el farà parte dei coach de l'edision 2016 de The Voice of Italy.

El 13 de majo 2016 A ze stà publegà Astronave Max - New Mission 2016, na nova varsion de l'àlbun Astronave Max co do brani novi (Due anime e Non lo so) e un àlbun da'l vivo intitołà Max Best Live[31].

Inte'l setenbre 2016 Pezzali el vien sernìo cofà testimonial de ła McDonald's.[32] Inte'l steso parìodo el canałe tełevizivo DMAX, in ocazion de ła trasmision in Itałia de ła serie TV intitołada Harley and the Davidsons, ła ciama el cantante a introdùzer i tre epizodi de ła serie, contando anca come che ła ze nasesta ła só pasion par łe moto e par ła stòrega marca Harley-Davidson.[33][34][35] Senpre inte'l setenbre 2016 Benji & Fede i anunsia ła partesipasion de Max Pezzali a ła canson Traccia numero 3 de'l só novo àlbun 0+, definindo 'sta cołaborasion “un sogno” parché i ze cresésti scoltando łe canson de Max e dei 883.Eror: </ref> de chiusura mancante par el marcador <ref> El 2 de zugno A vien fora Le canzoni alla radio in cołaborasion co Nile Rodgers, primo singoło de'l novo àlbun che gavarìa da vegnir fora entro l'ano, seguìo dal segondo singoło vegnesto fora l'11 de setenbre in cołaborasion co Nek e Francesco Renga, dal titoło Duri da battere.[36] A setenbre A vien anca anuncià che da zenaro 2018 partirà el novo tour in cołaborasion co Nek e Francesco Renga, dal nome Max Nek Renga, il tour.[37] El 18 de otobre Max Pezzali anuncia che'l sełebrarà i 25 ani de cariera co ła publegasion, el 17 de novenbre, del novo àlbun Le canzoni alla radio,[38] che'l sarà na rancura de sucesi del cantante da sołista e altri dei 883, co ła zonta de 7 inediti (includesti Le canzoni alla radio e Duri da battere) e un novo remix del brano Tutto ciò che ho.

El 28 de setenbre 2017 A vien fora inte łe sałe sinematogràfeghe itałiane Chi m'ha visto che'l vede anca ła partesipasion de Max Pezzali.

Notasion[canbia | canbia el còdaxe]

  1. Max Pezzali al Gff, così sono rinato, ANSA, 27 luglio 2013. entrada il 13 dicembre 2013 (archivià il 13 dicembre 2013).
  2. Max Pezzali racconta in un libro la sua storia (e quella degli 883), La stampa, 11 ottobre 2013. entrada il 13 ottobre 2013 (archivià il 14 ottobre 2013).
  3. Max Pezzali, Albanesi.it. entrada il 4 zugno 2013 (archivià dal URL orizenałe il 28 settembre 2013).
  4. Copia archiviatacinquantamila.corriere.it. entrada il 3 aprile 2015 (archivià il 5 aprile 2015).
  5. Reunion 883: Max Pezzali e Mauro Repetto ci pensano, Allsongs.tv, 9 zugno 2012. entrada il 4 zugno 2013 (archivià il 20 ottobre 2013).
  6. 6,0 6,1 Biografia - Max Pezzali, Maxpezzali.it. entrada il 4 zugno 2013 (archivià dal URL orizenałe il 29 aprile 2013).
  7. Concerto degli "883", stasera centomila in piazza Duomo, Corriere della Sera, 21 luglio 1998. entrada il 31 ottobre 2013 (archivià dal URL orizenałe il 19 ottobre 2013).
  8. Una al dì, il photoblog di Max Pezzalimaxpezzalinetwork.com. entrada il 31 marzo 2013 (archivià il 1º febbraio 2013)..
  9. L'intervista a Max Pezzaliangolomusica.blogspot.it. entrada l'11 novembre 2016 (archivià il 13 novembre 2016).
  10. Da fan a collaboratore di Max Pezzali, manda una clip sul brano del suo idolo e viene assunto Archivià il 12 ottobre 2013 Data inte l'URL no conbazante: 12 de otobre 2013 in Internet Archive. adnkronos.com
  11. Festival di Sanremo 2011. Max Pezzali: «Il mio secondo tempo», Mentelocale.it, 17 febbraio 2011. entrada il 31 ottobre 2013 (archivià dal URL orizenałe il 27 maggio 2012).
  12. Max Pezzali: L'Uomo Ragno vent'anni dopo, Loudvision.it, 14 maggio 2012. entrada il 25 giugno 2012 (archivià il 16 giugno 2012).
  13. Max Pezzali nell'occasione torna a cantare con Fiorello nel nuovo disco "Max 20", it.ibtimes.com, 8 maggio 2013. entrada il 9 maggio 2013 (archivià dal URL orizenałe il 12 agosto 2013).
  14. Max Pezzali, a fine maggio nuovo album, Ansa.it, 11 aprile 2013. entrada il 18 aprile 2013 (archivià il 23 ottobre 2013).
  15. Cecchetto twitta: “#MAX20”, nuovo CD di Max Pezzali, Radio Italia, 8 aprile 2013. entrada il 18 aprile 2013 (archivià dal URL orizenałe il 16 aprile 2013).
  16. L'universo tranne noi: il nuovo singolo di Max Pezzali, Radio Italia, 3 maggio 2013. entrada il 6 maggio 2013 (archivià dal URL orizenałe il 18 marzo 2014).
  17. Iron Man 3 al cinema: l’intervista a Max Pezzali, voce di Jack Taggert, Teamworld.it, 24 aprile 2013. entrada il 10 dicembre 2013 (archivià il 12 dicembre 2013).
  18. Pezzali presenta 'Max 20' (e pensa al ritiro): la videointervista, Rockol.it, 28 maggio 2013. entrada il 28 maggio 2013 (archivià il 7 giugno 2013).
  19. Pezzali sale sull'Astronave Max: “A una certa età il capitano diventi tu”, La Stampa, 27 maggio 2015. entrada il 27 maggio 2015 (archivià dal URL orizenałe il 27 maggio 2015).
  20. Wind Music Awards 2013, le premiazioni, Concertionline.com, 4 giugno 2013. entrada l'8 giugno 2013 (archivià l'11 novembre 2014).
  21. 21,0 21,1 Max Pezzali, Ragazzo inadeguato: testo del nuovo singolo da Max 20, Musicroom.it, 19 settembre 2013. entrada il 19 settembre 2013 (archivià dal URL orizenałe il 20 settembre 2013).
  22. Aggiunta nuova data a Torino, Maxpezzali.it, 28 agosto 2013. entrada il 10 dicembre 2013 (archivià dal URL orizenałe il 13 dicembre 2013).
  23. 23,0 23,1 Max Pezzali, “Il Presidente di tutto il mondo” [VIDEO UFFICIALE], Velvetmusic.it, 18 marzo 2014. entrada il 18 marzo 2014 (archivià il 18 marzo 2014).
  24. Nuovo Anno ...nuovo Singolo e nuovo Video!!!, Facebook, 1º gennaio 2014. entrada il 2 gennaio 2014.
  25. Elisa, Nek, Pezzali... Tutti i vincitori del Premio Lunezia 2014, Radio Italia, 9 luglio 2014. entrada il 19 luglio 2014 (archivià dal URL orizenałe il 27 luglio 2014).
  26. Natale con Deejay: Max Pezzali canta la canzone di Natale 2014 di Radio Deejay, Radiomusik.it, 1º dicembre 2014. entrada il 1º dicembre 2014 (archivià il 6 dicembre 2014).
  27. 27,0 27,1 Max Pezzali: il nuovo album è al mixaggio finale, Radio Italia, 10 aprile 2015. entrada il 19 aprile 2015 (archivià il 19 aprile 2015).
  28. È Venerdì di Max Pezzali anticipa l'album Astronave Max e il tour 2015, Optimaitalia.com, 24 aprile 2015. entrada il 24 aprile 2015 (archivià dal URL orizenałe il 25 aprile 2015).
  29. Max Pezzali: l'inedito sta arrivando, nuova hit dell'estate?, Velvetmusic.it, 18 aprile 2015. entrada il 18 aprile 2015 (archivià il 18 aprile 2015).
  30. Max Pezzali: in radio dal 29 maggio con “Sopravviverai”, Allmusicitalia.it, 25 maggio 2015. entrada il 25 maggio 2015 (archivià il 28 maggio 2015).
  31. Due Anime è il nuovo singolo di Max Pezzali: anticipa l'album Astronave Max New Mission 2016, Optimagazine, 28 aprile 2016. entrada il 28 aprile 2016 (archivià il 23 settembre 2016).
  32. Max Pezzali diventa un ‘Crispy lover’ per McDonald’s. Firma Leo Burnettpubblicitaitalia.it. entrada il 1º ottobre 2016 (archivià il 1º ottobre 2016).
  33. Harley e Davidsons e le moto, la storiaansa.it. entrada il 7 gennaio 2017 (archivià l'8 gennaio 2017).
  34. “Harley and the Davidsons”, su Dmax una miniserie sull’origine del mito a due ruotelastampa.it. entrada il 7 gennaio 2017 (archivià l'8 gennaio 2017).
  35. Max Pezzali : “I miei diari della motocicletta sul mito Harley-Davidson”lastampa.it. entrada il 7 gennaio 2017 (archivià il 13 ottobre 2016).
  36. Max Pezzali è tornato con Nile Rodgersrollingstone.it. entrada il 3 giugno 2017 (archivià il 5 giugno 2017).
  37. Copia archiviatatgcom24.mediaset.it. entrada il 12 settembre 2017 (archivià il 12 settembre 2017).
  38. Max Pezzali, ecco l’album Le canzoni alla radio: 7 inediti, 1 remix, 30 hitradioitalia.it. entrada il 18 ottobre 2017.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Max_Pezzali&oldid=1100650"