Paolo Vallesi

Paolo Vallesi
Biografia
Nasimènto	18 de majo del 1964 (60 ani); Firense (Itàlia)
Atività
Ocupasion	cantautor, cantante, artista discogràfego
Zènare	Pop
Instrumento muzicałe	Voze
Targheta discogràfega	Warner Music - Sugar Music - Isola degli Artisti- Joe&Joe
Àlbun	11
Àlbun stùdio	7
Àlbun dal vivo	1
Àlbun compilation	3
Repertòrio
	Pop
Sito web	vallesi.com

Paolo Vallesi (Firense, 18 de majo 1964) el ze un cantante itałian.

El ga ciapà ła só notorietà inte'l 1991. Durando ła só carièra el ga cantà anca in spanjoło, el ze uno dei pochi cantaudori itałiani amà in America Łatina e Spanja; łe sò canson łe ze stà traduzeste in olandeze e portogheze e zlansàe a l'èstaro da artisti cofà Marco Borsato e Alejandro Sanz.

Cariera

Ani '90

Dopo aver studià pianoforte fin da l'età de nove ani, Vallesi el taca łaorar inte'l mondo de ła discografia come arangiador tra Firense e Modena. Inte'l 1989 el ciapa parte a ła trazmision tełeviziva Gran Premio co Pippo Baudo e al Festival de Castrocaro, ndove el vien notà da'l produtor Dado Parisini, che inte'l 1990 el ghe parmete de publegar el primo sìngoło Ritornare a vivere/Sta diventando una donna, el cui brano prensipałe partesipa ad Un disco par l'estate. L'ano drioman Vallesi partesipa al Festival de Sanremo co'l brano Le persone inutili, vinsendo inte ła categoria "Giovani". Inte el magio A vien publegà el só primo àlbun intitołà Paolo Vallesi, che'l razonze ła cuota de 200.000 copie vendùe, fazendo otenjer a'l cantante un disco d'oro. A ła fine de l'ano el vinse el premio de "revełasion de l'ano" inte'l corso de ła manifestasion Vota la voce, premio che ghe ze stà consenjà da Claudio Baglioni. Curiozamente l'ano drìo sarà Vallesi a premiar Baglioni, consenjando el premio par el mejo tour de l'anno.

Inte'l 1992 Paolo el torna a Sanremo inte ła categoria "Big", e el se clasifega a ła tersa pozision co'l brano La forza della vita. El sìngoło el otien un notevołe suceso, rivando a ła prima pozision dei sìngołi pì vendesti in Itałia^[1], e rezultando a fin de ano el cuindezèzemo singoło pì vendùo de'l 1992.^[2] La forza della vita supera el traguardo de łe 500.000 copie vendùe, el vinse un disco de platino, e el strasina łe vendite de l'àlbun omonèmo, segondo łaoro de Vallesi publegà anca so'l marcà spanjoło co'l titoło La fuerza de la vida. El 20 de marso el cantante el scominsia da Milazzo un tour de 45 conserti (tra cui tre date a'l Teatro Smeraldo de Miłan) che'l durarà oto mezi, portandoło in ziro inte i pì prestijozi teatri itałiani.

Da'l 1992, par de pì, Vallesi fa parte de ła Nazionale Italiana Cantanti, coverzendo el ròło de tersin sanco.

Inte el 1994 A vien publegà el terso àlbun Non mi tradire, a'l cuało cołabora Eros Ramazzotti, Biagio Antonacci e Irene Grandi. Inte'l 1996 Vallesi partesipa darecao al festival de Sanremo co'l brano Non andare via, che'l se clasifega noma che al disdotezemo. A sèita l'àlbun Non essere mai grande, publegà da ła CGD. Inte ła varsion in łengua spanjoła de l'àlbun, Vallesi se avałe de ła cołaborasion de Alejandro Sanz inte'l brano Grande. Contenporaneamente ła vecia caza discogràfega de'l cantante ła pùblega Le sue più belle canzoni, un greatest hits co i brani de mazor suceso.

Dopo 3 ani de asensa, dovùi anca a ła nasita del fioło Francesco, Vallesi publega el cuinto àlbun Sabato 17:45, a'l cuało ghe va drìo un novo tour.

Ani 2000

Inte'l 2002 A vien fora Felici di essere, prima rancura "ofisiałe" dei sucesi de Vallesi, co ła zonta de tre brani inediti. El disco el vien reproponesto inte'l 2003 col titoło Best of, e algune variasion a ła tracklist, a cui se zonta un doto co ła cantante spanjoła Mara. Inte'l 2005 Paolo Vallesi partesipa come concorente a'l reality show La talpa e a ła fine de'l zogo se descoverze che el ze łu ła topinara.

Inte'l 2006 el ciapa parte ad O' Scià, el spetàcoło muzegałe ideà da Claudio Baglioni e tegnùo onji ano a Lampedusa. Inte'l steso ano A vien publegà el sìngoło La fionda che antisipa el sesto àlbun de'l cantante, ła cui usida ła stà postisipà pì volte. El 20 de zenaro 2008 l'è ospite de ła trazmision de Rai Uno I migliori anni.

Inte i mezi sucesivi Vallesi partesipa a numarazi spetacołi e trazmision tełevizive, tra cui ła nova edision de'l Cantagiro, che ła se ga desvolzesto a Pescina in Abruso, ła manifestasion benefica par ła So.Spe de Suor Paola, conduzeta da Paolo Bonolis e tenjùo inte'l cuartier roman de Tor di Quinto; Volami inte el cuore, andà in onda so Raiuno e conduzesto da Pupo.

Inte'l 2009 el produze insenbre a Pio Stefanini el primo àlbun de ła Nazionale Italiana Cantanti, curando par l'ocazion i novi arangiamenti dei brani La canzone del sole de Lucio Battisti, Uno su mille de Gianni Morandi e el só suceso La forza della vita, prestando anca el só contributo vocałe in tute łe cover prezenti inte'l disco.

Daspò un tour in varie sità de Itałia e aparision in concerti de altri artisti e amisi cofà Mariella Nava e Ivana Spagna, l'utuno del 2009 vede Vallesi da novo ospite a I migliori anni, programa conduzesto da Carlo Conti so Raiuno, e I fatti vostri in direta so Rai 2.

Ani 2010

Inte l'avril 2012 el publega el so novo sìngoło È bastato un momento, a setenbre de'l steso ano vien fora l'àlbun "I LIVE YOU" co ła repropozision da'l vivo dei só grandi sucesi, un àlbun in usida in Zarmania, Paezi Basi, Fransa e Spanja che'l contien na serie de doti co i cołeghi che i ga cołaborà co łu inte'l corar dei ani.

Inte'l 2014 ad avril el ga tacà el só novo tour, un live de do ore dove el cantaudor fiorentin el reparcorarà el mejo de ła só vintenałe carièra: trenta conserti che i farà tapa in tute łe rejon itałiane.

El 2015 el scominsia un novo tour produzesto insieme al manager Michele Paola. A se inisia da'l Canada par po' spostare in Itałia. El 4 de setenbre 2015 vien fora el sìngoło Il bello che c'è che antisipa el novo àlbun, produzesto insenbre a Pio Stefanini, che'l venjarà fora daspò ben 16 ani da l'ùltemo àlbun de inediti.

L'11 de desenbre 2015 el publega un novo àlbun de inediti intitołà Episodio 1... In questo mondo. Un disco scrivesto e arangià da eło isteso, dove aparise anca do featuring d'ecesion, come Enrico Ruggeri (Respirare) e de'l zogador/ ałenador Gennaro Gattuso che'l se gà prestà par un doto so łe note de'l brano Il cantante e il calciatore, un tributo ad Andrea Pazzagli ex portier de'l Milan e de ła Fiorentina, ancùo desconparìo.

Inte'l 2017 el ze ospite inte ła serada finałe de'l Festival de Sanremo par prezentar in anteprima Pace, brano in doto co Amara e insarìo inte l'àlbun Un filo senza fine.

Inte 'l 2018 el ze a Tale e quale show in ocazion de l'ezibision de Massimo Di Cataldo che'l interpreta ła só canson La forza della vita (1992).

Inte'l 2019 el partesipa cofà concorente a'l programa tełevizivo Ora o mai più, in onda so Rai 1^[3], seguìo da ła "coach" Ornella Vanoni, razonzendo el primo posto. Inte l'ùltema pontada de'l programa el prezenta el só novo sìngoło Ritrovarsi ancora^[4].

El 13 de majo 2019 al Sałon Internasionałe del Łibro de Turin el prezenta ła só autobiografia, La forza della (mia) vita, publegada da Bertoni Editore.

El 27 de setenbre 2019 el pùblega el sìngoło Come brina d'agosto.

Discografia

Albun in studio

Rancure

1996 - Le sue più belle canzoni
2002 - Felici di essere
2003 - Best of

Live

2012 - I live you

Sìngołi

1990 - Ritornare a vivere/Sta diventando una donna
1991 - Le persone inutili/Le persone inutili (baxe muxicałe) - Videoclip
1991 - Le amiche/Lontano
1991 - Quando perdi la donna che hai/Piramidi di luna
1992 - La forza della vita - Videoclip
1992 - Sempre - Videoclip
1992 - Siempre/Sempre (singolo pubblicato in Spagna)
1992 - Di Più - Videoclip
1992 - Ridere di te
1994 - Non mi tradire (4 Remix + Original) - Videoclip
1994 - Voglio fare l'amore con te - Videoclip
1994 - L'eterna danza
1996 - Non andare via
1996 - Grande - Videoclip
1996 - Tutto va bene
1996 - Un bacio interminabile
1999 - L'amore ze un fiore/L'amore ze un fiore (hipnotic version)/L'amore ze un fiore (alternative mix)/Grande (duet with Alejandro Sanz)/L'amore ze un fiore - Videoclip
1999 - C'è
2002 - Felici di essere - Videoclip
2002 - Un dì normale
2003 - Disegno libero
2006 - La fionda - Videoclip
2012 - È bastato un momento - Videoclip
2015 - Il bello che c'è - Videoclip
2015 - In questo mondo - Lyric Video
2016 - Estate 2016 - Videoclip
2017 - Pace (feat. Amara) - Videoclip
2017 - I miei silenzi - Videoclip
2019 - Ritrovarsi oncora - Videoclip
2019 - Come brina d'agosto - Videoclip

Produsion

2009 - L'opportunità - Nasionałe Itałiana Cantanti

Notasion

↑ HitParadeItalia - Top20 del 14 marzo 1992
↑ HitParadeItalia - I singoli più venduti del 1992
↑ Vincenzo Chianese, Ora O Mai Più 2019: news, concorrenti, coach e puntate streaming, in Novella2000, 19 gennaio 2019. entrada il 19 gennaio 2019.
↑ Paolo Vallesi, "Ritrovarsi ancora" ze il brano che segna la rinascita (ligo ronpesto dispunìbiłe in Internet Archive; védarse el istòrego, la prima version e ła ùltema). Tgcom24. entrada l'11 de marso 2019.

Altri projeti

Wikimedia Commons el detien imàjini o altri file so Paolo Vallesi
Scholia el detien schemi gràfeghi so Paolo Vallesi

Linganbi foresti

Sito ufisałevallesi.com.
Paolo VallesiDiscografia nazionale della canzone italiana, Istituto centrale per i beni sonori ed audiovisivi.
(EN) Paolo VallesiAllMusic, All Media Network.
(EN) Paolo VallesiDiscogs, Zink Media.
(EN) Paolo VallesiMusicBrainz, MetaBrainz Foundation.
(EN) Paolo Vallesigenius.com.
(EN) Paolo VallesiInternet Movie Database, IMDb.com.

Controło de autorità	VIAF (EN) 22332514 · ISNI (EN) 0000 0000 5935 2925 · El vałore UBOV514592 de SBN no el xe mija bon. · LCCN (EN) n2019072796 · GND (DE) 134739159 · BNF (FR) cb13940970m (data) · BNE (ES) XX1318352 (data) · WorldCat Identities (EN) n2019-072796

[1] HitParadeItalia - Top20 del 14 marzo 1992

[2] HitParadeItalia - I singoli più venduti del 1992

[3] Vincenzo Chianese, Ora O Mai Più 2019: news, concorrenti, coach e puntate streaming, in Novella2000, 19 gennaio 2019. entrada il 19 gennaio 2019.

[4] Paolo Vallesi, "Ritrovarsi ancora" ze il brano che segna la rinascita (ligo ronpesto dispunìbiłe in Internet Archive; védarse el istòrego, la prima version e ła ùltema). Tgcom24. entrada l'11 de marso 2019.

[1]

[2]

[3]

[4]