Vicensa
Da Wikipedia, ła ençiclopedia lìbara.
 Vicensa |
|||||||||
|---|---|---|---|---|---|---|---|---|---|
|
|||||||||
| Stato: |  Itałia |
||||||||
| Regione: |  Vèneto |
||||||||
| Provincia: | Vicensa | ||||||||
| Coordinate: | |||||||||
| Altitudine: | 39 m s.l.m. | ||||||||
| Superficie: | 80 km² | ||||||||
| Abitanti: | 113.483 31-12-04 | ||||||||
| Densità: | 1418,5 ab./km² | ||||||||
| Frasion: | Anconetta, Bertesina, Bertesinella, Bugano, Campedello, Casale, Debba, Longara, Maddalene, Ospedaletto, Polegge, San Pietro Intrigogna, Santa Croce Bigolina, Tormeno | ||||||||
| Comuni contigui: | Altavilla Vicentina, Arcugnan, Bolzano Vicentino, Caldogno, Costabissara, Creazzo, Dueville, Longare, Monteviale, Monticello Conte Otto, Quinto Vicentino, Torri di Quartesolo, Villaverla | ||||||||
| CAP: | 36100 | ||||||||
| Prefiso teł: | 0444 | ||||||||
| Codice ISTAT: | 024116 | ||||||||
| Codice catasto: | L840 | ||||||||
| Nome abitanti: | vicentini | ||||||||
| Santo patrono: | San Vincenzo di Saragozza e Madona de Monte Berego | ||||||||
| Giorno festivo: | 8 de setenbre (festa deła Madona de Monte Berego) | ||||||||
  |
|||||||||
| Sito istitusionałe | |||||||||
Vicensa (leto vicensa dai vicentini o anca vicenzha) ła xe na sità del Veneto e ła ga sirca sentoventimiła abitanti, trexentotrentamia co la cinta urbana. La xe capologo de provincia e sede del vescovo.
I abitanti de Vicensa (Vixentini) i xe famusi par èsare soranomenà "Magnagati"; soranome che se cata anca nel famoso proverbio:
"Venessiani gran signori, Padovani gran dotori, Vixentini magnagati, Veronesi tuti mati!"
Vicensa ła xe sta nominà patrimonio de l'umanità da l'UNESCO, par i pałazzi costruìdi dal Paladio.
Indice |
[modìfega] Evołussion demografica
Abitanti censii 
[modìfega] Storia
Par la so arte la se una dele sità pì importanti de la Venessia (e de l'Italia). Le so orijni le xe antiché asà, pare che la sia sta fondada dai Veneti atorno l'VIII secolo a.C., difati xe sta catà, soto la Standa in corso Paladio, i resti de on tenpio veneto e de le laminete votive. Fasilmente la so orijine, come tute le çità venete, xe al'età de bronxo o prima ancora. El so nome, come testimonià da documentasion del 135 a.C., jera Vicetia.
Dopo el desfamento de l'inpero roman vien ocupà e sotomesa in tenpi diversi dai Goti, dai Longobardi e dai Franchi e la resta soto l'influensa dei feudatari, dei re e dei inperadori germanici fin al 1000-1200. On poco a la olta dal 1000, el comun ciapà forsa e se svincola dal poder dei feudatari germanici, pur esendo coesti ancora forti e prexenti fra i nobili de la çità. Vicensa in te el medioevo deventa preda dei diversi potentadi feudali visini che i se la contende: i scalijeri, i Exelin da Roman, i Cararexi, e i Milanexi (tuti o cuasi di orijine germanica). Par non esar pì preda de le mire espansionisteghe dei diversi potentadi, Vicensa deçide de sotometarse a la Republica Veneta, a ch'el tenpo na potensa economega e militar e goernà da on rejime çivile che gavaria garantio, paxe, benesare e libartà de comerçar. Unico periodo de goera xe stà el 1509-1517, la Guera de Cambrai, indove Vicensa xe stà diverse olte ocupà da austriasi o da Venesiani.
On altro momento tragico xe sta la calada dei Lanzichenechi tedeschi a Mantoa del 1630, che ga portà la peste in tuta la Venesia, e a cauxa del coale xe stà costruia la baxilica de Monte Berico. El tempo de la paxe e del benesare finise co l'arivo de le orde napoleoniche in t'el 1797 e dopo co l'ocupasion francexe del 1809-1815. Difati i francexi i ga invaxo la Venesia, e i ga sacheja e spolià conpletamente le çità venete prima de consegnarla ai austriasi. E dopo, dal 1809 al 1815, i ga ocupà la Venesia, mandando via i austriasi e inponendo tase enormi e leva obligatoria par finansiar le canpagne militari (p. ex. canpagna de Rusia). 'Ntel 1848 Vicensa ła se ribela ai Austriasi e i li buta fora dała sità. Dopo na disperata rexistensa, el diexe de giugno, però, la vien ocupà naltra volta dał'esercito austriaco (par sto fato d'arme Vicensa la ga avudo ła so prima medaja de oro al valor militare, ł'altra la ga avuda dopo ła Rexistensa 'nteła seconda guera mondiałe: difati ła xe ł'unica sità d'Italia ad aver do medaje de oro al valor miłitare).
I italiani i ocupa Vicensa in t'el 1866 e dopo puchi ani scumisia la granda emigrasion che ga colpìo tuta la Venesia fin a la fine de la seconda goera mondiale a ondà sucesive.
La prima goera mondial segna asà Vicensa, che esendo in te le retrovie del fronte deventa on çità de smistamento de soldai, armamenti e de ospedai, con grave dano par la so economia.
Anca co la seconda goera mondial Vicensa la subise pesanti bonbardamenti che cauxa la morte de tanti çivili e gravi dani al patrimonio imobiliare e cultural(duomo e baxilica paladiana distruti), Vicensa e a so provincia jera anca n'importante centro par la resistenza partijana, che combattù molto anca intela città. Solo dopo la ocupasion anglo-mericana Vicensa la otien la paxe che ghe consente de tornar a esare in poche dexine de ani na potensa economega e industrial.
[modìfega] Cultura
 Bene proteto da l'UNESCO |
|
| Patrimonio de l'umanità | |
| Sità de Vicensa City of Vicenza and the Palladian Villas of the Veneto |
|
 Piaza dei Signori, de note |
|
| Tipologia | Architetonico |
| Criterio | C (i) (ii) |
| Pericolo | Nisuna indicazion |
| Anno | 1994 |
| Scheda | inglese francese |
| Patrimoni de l'umanità in Italia | |
[modìfega] Monumenti
[modìfega] Progeti del Paładio
- Basilica de Paładio
- Pałazzo Barbaran Da Porto
- Pałazzo Chiericati
- Pałazzo Da Porto Breganze
- Pałazzo Thiene
- Teadro Ołimpego
- Viła Capra ciamà anca la Rotonda
[modìfega] Opera deł'architeto Valle
[modìfega] Musei
- Museo de robe naturali e de robe vece de S. Corona
- Museo del risorgimento e della resistensa
- Posto cole piture e i disegni de Vicensa
- Esposision de piture de Palazzo Leoni Montanari
- Museo dela Real Casa del Portogalo
- Museo picinin dei schei
[modìfega] Schei
Intorno a Vicensa ghe xe fabriche che le laora el fero e i altri metałi, che produse sostanse chimiche e medisine, che fa la carta e che ghe stampa de sora. Pì importante de tuto par l'artigianà xe el setore de l'oro, dove che Vicensa xe considerà la capitałe de l'Italia. La pì grosa esposision de artiginà de l'oro xe VicenzaOro, che ła ga na posision de importansa mondiałe par el setore. Suito dopo l'oro, la roba pì importante par Vicensa xe la pełe, che vien laorà soratuto a Arzignan e a Ciampo, e che la vien spedìa in tuto el mondo. El giornałe più groso de ła provincia, el "Giornale di Vicenza" (Giornałe de Vicensa), el ga la so sede in te la cità de Vicensa.
[modìfega] Roba da magnare
Vicensa la xe importante pal vin, che il ghen produse un fraco de queo bon. Dei meio in tuta la produsion ghe xe i vin dełe xone D.O.C. (Denominasion de Origine Controłà): ła xona D.O.C. Cołi Berici, col Tai, ła xona D.O.C. Breganze, col Bianco, el Roso, el Cabernet, el Sauvignon, el Cabernet Sauvignon, el Pinot Nero, el Marxemin, el Pinot bianco, el Pinot grixo, el Vespaioło (Chardonnay e Sauvignon, kuando ke i ga almanco dodexe gradi, i pol aver ła qualifica agiuntiva superiore; Roso, Cabernet, Cabernet Sauvignon, Pinot nero, Marxemin e Torcołato, dopo almanco do ani de inveciamento, a partire dal primo novenbre deł'ano de produsion, i pol avere anca ła xonta deła qualifica riserva), ła xona D.O.C. Ganbełara, coi Ganbełara, Ganbełara Recioto, Ganbełara Vin Santo e Dureło (vitigno Garganega, da soło o coła xonta de altri vitigni a perla bianca no aromatici, al masimo el 20%). A tuta sta produsion de vin ghe xe da xontarghe anca łe robe da magnare tipiche, che i łe conose anca in giro pal mondo:
- El Bacalà
- Ła Paèta al malgaragno
- El rixo de Grumoło dełe Badese
- I Rixi e bixi
- I Rixi e bruscandołi
- Rixoto coi figadini
- rixi e kumo
- Ła Połenta e osei
- Ła mostarda vixentina
- I rufioi
- Łe fritołe coła maresìna
- I gnochi coła fioreta de Recoaro
- I Bigołi co l'Arna
- I piati cołe erbe: galinele,carleti,ranpùsołi,rosołe,bruschi,pisacàn, maresìna.
- El brocoło fiołaro de Creàso.
- I gnochi de Laghi e Poxina.
- I Toresani de Breganze.
[modìfega] Quartieri
Vicenza ga sete circoscrissioni, divisi in vari quartieri:
Centro Storego: Xe el core de cità, dove i xe tuti i monumenti pi famosi, tute le opere Paladiane, ei edifisi pi importanti dela infrastruttura vixentina
Monte Berego: Xe el quartiere pi elegante, ciamado anca la "Beverly Hills vixentina" xe pien de ville dea xente pi agiata dea cità, e so la so sommità i ga el piassale dea vitoria, chel xe sta inaugurà dopo a fine dea prima goera mondiae, e che offre na vista mozzafià de tuta Vicenza, pi tute e montanje de le prealpi vixentini, xo fin la vale del Pasubio.
San Pio X: Xe 'n moderno rione che xe nà integli ani setanta, xe 'n quartiere afeto da gravi forme de microcriminaita, i ga anca na bruta fama par la so vixinansa co la gebbia de San Pio X e a base Mericana
Bertesina e Bertesinella: Do bei quartieri adiaxenti, che i xe famosi par le do be vile realixa dal Paladio chei sorxe nele imediate visinanse, la vila Ghislanzoni e chea Marcello - Curti.
Borgo Casale: Un quartiere che se inserisce tra el Bacchigliòn e la stassiòn, xe bea l'oasi naturalestega realisà da chei del WWF
San Pietro Intrigogna: Xe un quartiere de venassion agricola, situà tra el Bacchigliòn e a Tesina, de importanssa culturale ghe xe la villa Rubini e a ciesa al so interno
Cattane: Xe el quartiere pi grande e popolare, dea cità, i xe presenti molti imigrati, anca molti meridionai, chei fa de sto quartiere molto misto, xe un quartiere chei presenta i problemi dei grandi quartieri popojari de la periferia, co episodi de crimenalità e difissiè intergassion dea xente chi vien abitar ca.
San Lazzaro - Pomari: do quartieri contigui, San Lazzaro xe sorta intel gli ani sessanta, Pomari inte gli ani otanta, el quartiere de San Lazzaro jera famoso par el alto taso de crimenalità dea xente del quartiere, specialmente spaccio e fabricassion de l'eroina, na droga che ga copà o ga fato copare massa vixentini de sta zona, la zona xe drio mejorare, con edifissi pubblichi come la sede de TVA ed el Giornale de Vicenza, ma ga ancora da curarse, i xe ancora alti i liveli de degrado, prostitussion, presenza de clandestini, e spaccio intela zona.
Villaggio Del Sole: Xe un rione popolare nato intel gli ani sesanta, nei ani setanta, otanta, la jera considerà come el "Bronx Berico" par l'alta crimenalità presente intela zona causata soratuto dal'avento del'eroina in chei ani, desso el quartiere ga molti imigrati, soratuto africani, chei i vive bastanza ben tuti imbacuca insieme, anca se el quartiere ga anco qualche problema de degrado, ghe xe anca na cagnara notevoe causa dal fito trafego sul Viale del Sole che pasa traverso el quartiere
San Bortolo: Storega zona del centro cità dove ghe xe l'ospedae del medesimo nome, xe sta massa rengata da el bombardamento Anglo - Mericano dea Seconda Goera Mondial,xe anca sede de Gendarmeria Europea.
San Paolo: El quartiere "sportivo" de Vicenza dove i ga tute le pissine, el patinodromo ed el palasport
Laghetto: Xe el quartier pi a nord, la xe ciamà cossi, perche lè sopra na zona che un tenpo jera tuta aquitrinosa, intel quartiere tute e vie xe ciamà dopo i laghi del'italia, xe forse el pi tranquio rione dea cità, per la totae assenza de trafego
Ferrovieri: Xe un quartiere a Sud - Ovest, incuneà tra el fiume Retròn e la linea Venessia - Milàn, a prima xente de sto rione jera operai de l'arsenàl de le Ferrovie delo Stato che ga donà el nome de la zona, la ghe jera anca el Lanificio Rossi, cossi che la xente de chel quartiere jera tuti operai, ed el quartiere ga veve nno spiccato senso del "popolare" che ga ncora deso, intel quartiere ghe xe anca el Parco del Retròn, posto de retrovo dei xovani
[modìfega] Scole e università
scołe medie superiori.
Vicensa xe sede destacà de l'Università de Padoa: par Ingegneria ghe xe le lesion de Ingegneria gestionale, ingegneria mecanica, ingegneria mecatronica; par medisina veterinaria ghe xe el corso de sicuresa de la roba che se magna. Se anca sede destacà de l'Università de Verona, che la ga meso su i corsi de economia del comercio internasionałe e Economia e ministrasion dele imprese e de Siense infermieristeghe.
[modìfega] Zénte inportante che xe nada a Vicensa o dintórni
(par ordene alfabedego)
|
|
[modìfega] Bała a canestro
La squadra dele femene de bala a canestro la ga na tradision bela longa, co 12 scudeti, 5 cope dei campioni, na "Coppa Ronchetti" che la ga vinto.
Ricordemo che anca Schio gà una squadra de bala a canestro che gà vinto du scudeti, du "Coppa Ronchetti", tri "Coppa Italia" e una "Supercoppa Italiana".
[modìfega] Bala a volo
La squadra de bala a volo dele femene, parà su in serie A1 in te la staion 1997-98 ga vinto na "Coppa Cev", 2 scudeti de beach volley 4x4 e 4 "Coppa Italia" de beach volley 4x4. Nel 2003 la ga vinto lo scudeto par le fiole che ga manco de 19 ani.
[modìfega] Ministrasion
- Sindaco: Achille Variati
- Comune: 0444 221111
