Carleti

Carleti

Fiori dei carleti

Clasificasion sientìfega

Regno: Plantae Divixion: Magnoliophyta Clase: Magnoliopsida Órdene: Caryophyllales Fameja: Caryophyllaceae Gènare: Silene Spece: S. vulgaris

Nomenclatura binomiałe

Silene vulgaris

Nomi comuni

carleti, s-ciopeti, tajadełe de ła Madona

I carleti o s-ciopeti o tajadełe de ła Madona i xe dełe erbe che łe buta in primavera e vive fin in autuno. Nase so i prà, dal liveło del mar fin a pi de domiłe metri. Ła pianta (todesco Taubenkropf-Leimkraut, inglese bladder campion, taljàn strigoli) ła ga el nome sientifico de Silene vulgaris, de ła fameja de łe Caryophyllaceae, e ła crese fin 50-60 sentimetri.

I fiori

I fiori, che i se verze fra apriłe e giugno, i par dełe bałete bianco-vioła ciaro che si łe vien schinsàe, łe s-ciopa (da qua el nome s-ciopeti). Łe fojete pena nate (in primavera) łe xe bone da magnar e łe vien doparàe pa' far risoti, minestre, sope e fortaje.

• 

  Łe foje dei carleti

• 

  Fiori dei carleti