Pisacan

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Pisacàn
Taraxacum officinalis DSC02042.JPG
El fior e łe foje del pisacàn
Clasificasion sientìfega
Regno: Plantae
Divixion: Magnoliophyta
Clase: Magnoliopsida
Órdene: Asterales
Fameja: Asteraceae
Gènare: Taraxacum
Spece: T. officinale
Nomenclatura binomiałe
Taraxacum officinale
Weber ex F.H.Wigg., 1780
Nomi comuni
Pisacàn, radici de can
Segui el Projeto Fórme de vita


El pisacàn (o radìcio de can) (nome sientifego Taraxacum officinale) el xe na pianta deła fameja dełe Compositae, pi de preciso dełe Asteraceae.

In todesco el se ciama Loewenzahn, in inglese dandelion, in taljàn tarassaco, dente di leone o soffione. El ga dełe fojete coi bordi tuti tajà a formar come dei "denti" a punta (da qua el nome in taljàn e todesco). Ste foje łe vien su tute insieme dała tera e łe fa dełe rosete. In sima al pecol, da apriłe a otobre, sbocia el fiore tipico zało, ke ała fine el se trasforma in na bala tonda e bianca de pełuki: basta sofiarghe sora e i scapa via tuti (da qua l'altro nome in taljàn).

Łe foje łe ga tanti sałi minerałi e vitamine. El pisacàn el se ciama cusì parchè el ga anca na bona atività diuretica.

In cusina se dopara łe foje tenare deła primavera, mejo se prima ke vegna su i fiori. Se pol magnarle crue in sałata o cote con toketi de łardo o metarle 'ntel risoto (risi e radici). I buti, prima ke se verza i fiori, i se mete via sotaceto, come i càpari.

Ła bała de pełuki del pisacàn