Torexani

Da Wikipedia, l'ençiclopedia libara.

I torexani i xe i cołonbi ke vive sułe tori cołonbare a Breganze, in provinça de Vicensa. I vien cuxinà al speło e magnà coła połenta.

Un speło de torexani

Par 4 persone ghe vol:

  • 2 kiłi de torexani
  • 4 eti de lugànega
  • 2 eti de lardo
  • 2 eti de pan
  • 120 g de ovi
  • 50 g de formajo grana
  • 1 eto de buro
  • sałe e pevare
  • salvia

Spenare e curare i torexani. Rosołare i figadini e łe coradełe co buro e salvia. Tritar tuto e xontarghe ła lugànega e el pan smołà inte el brodo. Xontarghe el formajo gratà e un ovo. Metare drento i torexani sto ripieno e sarare col spago. Inpirare i torexani sul speło, co na feteła de lardo tra uno e ł'altro, cuxinare pian pian sul fogo e versarghe sora ogni tanto el tocio ke casca xo suła lecarda. Suła lecarda se lasa anca łe fete de połenta, in modo ke ła se frìsa e ła ciapa el saor dei torexani. Come keno da bevarghe drio va ben el Cabernet de Breganze.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Torexani&oldid=1110508"