Gian Antonio Stella
Da Wikipedia, ła ençiclopedia lìbara.
Gian Antonio Stella (Axol, 15 de marso 1953) el xe un giornałista e scritor itałian.
[modìfega] Biografia
El xe nato a Axol (Tv), indove so pare el insegnava, ma el xe originario de Axiago. El ga vivesto a Vicensa.
El xe on inviato e editoriałista del Corriere della Sera, dopo eserse ocupà de cronaca romana e interni e esare sta a longo invià 'ntel Nord Est, da tanti ani el scrive de połitega, cronaca e costume.
El ga vinto pareci premi giornałisteghi, tra cui ł' É, el Barzini, ł'Ischia e el Saint Vincent. Tra i so livri pì famoxi L'Orda, indove el parla de ł'emigrasion italiana a ł'estaro, e Schei, on'indagine sora el Nordest d'Italia. 'Ntel 2005 el ga esordio 'nte ła narativa col romanzo Il maestro magro.
'Ntel 2007 el xe ritornà a ł'inchiesta giornałistega co "La casta" (scrito con Sergio Rizzo), che con oltre 1.000.000 de copie vendue e ben 22 edision el xe sta uno dei livri de major suceso del 2007.
[modìfega] Opare
- 1997 - Schei - Mondadori
- 1998 - Dio Po - Gli uomini che fecero la Padania - Baldini Castoldi Dalai
- 1999 - Lo spreco - Mondadori
- 2000 - Chic - Mondadori
- 2001 - Tribù - Mondadori
- 2002 - L'orda - Rizzoli
- 2004 - Odissee - Rizzoli
- 2005 - Il maestro magro - Rizzoli
- 2005 - Tribù s.p.a. - Feltrinelli
- 2006 - Avanti popolo - Rizzoli
- 2007 - La casta (con Sergio Rizzo) - Rizzoli
- 2007 - La bambina, il pugile, il canguro (racconto) - Corriere della Sera (collana Corti di Carta), po' ripublicà da Rizzoli
