Pionbin

Da Wikipedia, l'ençiclopedia libara.
Jump to navigation Jump to search
Pionbin
comun
Pionbin – Stema
Pionbin – Panorama
Viła Cornaro, ła fasada
Locałixasion
StatoItałia Itałia
RejonVèneto – stema Vèneto
ProvinsaPàdoa – stema Pàdoa
Aministrasion
SìndicoPierluigi Cagnin
Lengue ufisiałiitałian
Teritorio
Coordinae45°36′00″N 11°56′00″E / 45.6°N 11.933333°E45.6; 11.933333 (Pionbin)Coordinae: 45°36′00″N 11°56′00″E / 45.6°N 11.933333°E45.6; 11.933333 (Pionbin)
Altitudine24 m s.l.m.
Superficie29,53km²
Abitanti9443
Densità319,78 ab./km²
FrasionLevada, Ronchi, Torexełe
Comuni confinantiCanpo San Piero, Istrana (TV), Loreja, Morgan (TV), Rexana (TV), Trebaxéłeghe, Vedełago (TV), Xèro Branco (TV)
Altre informasion
Łénguevèneto (var. padoana)
Còd. postałe35017
Prefiso049
Còdaxe ISTAT028064
Còdaxe catastałeG688
TargaPàdoa
Cl. sismegaxona 3 (sismisità basa)
PatronoSant'Ixepo
Dì de festa19 de marso
Carte interative
Pionbin – Mapa
Sito istitusionałe

Pionbin (in itałian Piombino Dese) el xe un comun de 9333 abitanti de ła provincia de Pàdova.

Istoria[canbia | canbia el còdaxe]

Daspò l'alta età de mezo, co łe invaxion barbàreghe e ła rivada dei Longobardi, se ga ła prima citasion de Pionbin: 'nte na boła de papa Ugenio III del 1052, ła xé recordada infrà łe partegnénse de ła pieve de Trebaxéłeghe, a so volta soto ła diòcexi de Trevixo.

'Ntel età de mexo el teritorio el jera oncora particołarixà dal'inportante prexénsa de bóschi e canałi, fondamentałi par l'economia de quiłi tinpi, baxada oncora su casa, pesca e rancura.

El poder del véscovo el xé stà seguìo da queło làico dei comuni, ma de sto qua no se parla de particołari evénti che i revarda el paéxe[1].

Serenìsima[canbia | canbia el còdaxe]

Infrà el Tre e'l Quatroxénto ła salta fora ła Serenìsima, co grandi canbiaminti pal sistema econòmego e sociałe.

Se 'nte ła fin del'età de mexo i fèudi i gaveva smenuìo łe so dimension a faor de ła pìcoła propietà borghexe, a partire dal primo Quatroxento l'agricoltura ła scuminsia a èsare tolta tuta 'nte łe man de ła nobiltà venesiana e da altre póche faméje de spico. Venesia ła gaveva ramai bandonà łe tradisionałi atività marcantiłi e industriałi verte verso l'Oriénte, dedicàndose pitosto a darghe forsa al'economia agrìcoła de ła teraferma da póco conquistada. Sti qua i ì xé i tinpi de łe viłe vènete che łe ga influensà par vèro el teritorio de Pionbin: gavemo notisia de pałasi de siuri fin da ła prima metà del Quatroxénto.

Al stéso ténpo, ła se ga sparpagnada na nóva concesion del teritorio, devegnesto deso łógo dei insediaminti da modifegare e ordenare in funsion del'omo. Cusì i ga fato un bel fià de intervinti par regołare i fiumi Siłe, Xero, Dexe e Marzenego (XVI-XVIII sècoło). Łe inisiative łe capitava speso grasie a łe stese fameje patrisie, prima infrà tute queła dei Cornaro[1].

Viłe[canbia | canbia el còdaxe]

Viła Cornaro
  • El monumento pì importante de Pionbin el xé Viła Cornaro, patrimonio del'umanità proteto dal'UNESCO. Projetada dal Paladio e finida a ła fin del XVI sècoło, ła xé el prinsipałe edifisio del séntro. Ła vegne desegnada e descrita dal steso architeto 'ntel secondo dei sui I quatro libri del'architetura, tanto che ła xé beła.
  • Viła Marcello ła xé n'altro inportante edifisio, del XVIII secolo, che oncora el partegne a ła fameja Marcello. Co sie ètari de parco (al'itałiana vanti, al'inglexe de drio), vixitàbiłe[2], drénto ła contegne el grand sałon da bało al pian nòbiłe che'l òspita bełìsimi afréschi de Giambattista Crosato, méntre łe altre stanse łe xé decorae co stuchi e afreschi del paexista Giuseppe Zais.

Evolusion demografica[canbia | canbia el còdaxe]

Abitanti censii


Note[canbia | canbia el còdaxe]

  1. 1,0 1,1 Pàjina de storia del sito ofisiałe
  2. Sito de ła viła co informasion par na vìxita
Controło de autoritàVIAF (EN142098195 · WorldCat Identities (EN142098195
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pionbin&oldid=772207"