Teóło

Da Wikipedia, l'ençiclopedia libara.
(Rimando da Teoło)
Jump to navigation Jump to search
Teoło
comun
Teoło – Panorama
Vedua de Teóło dai cołi.
Locałixasion
StatoItałia Itałia
RejonVèneto – stema Vèneto
ProvinciaPàdoa – stema Pàdoa
Teritorio
Coordinae45°21′00″N 11°40′00″E / 45.35°N 11.666667°E45.35; 11.666667 (Teoło)Coordinae: 45°21′00″N 11°40′00″E / 45.35°N 11.666667°E45.35; 11.666667 (Teoło)
Altitudine16 m s.l.m.
Superficie31km²
Abitanti8441
Densità272,29 ab./km²
FrasionBresseo, Castelnuovo, Feriole, Praja, San Biasio, Tramonte, Treponti (sede del Comune), Villa
Comuni confinantiÀbano, Salvarexe, Galsignano Terme, Rovołon, Sacołongo, Selvasan, Toreja,
Altre informasion
Còd. postałe35037
Prefiso049
Còdaxe ISTAT028089
Còd. catasticałeL100
TargaPD
Nome abitantiteolesi
PatronoSànta Justìna(Teóło),Sàn Biàzio(Castalnòvo e Sàn Biàzio),Santa Marìa de 'l anunciasión(Vìła),Sànta Marìa Màre de ła Céxa(Trepónti),Sànta Marìa Rezìna(Feriòłe),Sàn Benedéto(Sàn Benedéto)
Carte interative
Sito istitusionałe

Teóło el xé un comùn de 8188 abitànti de ła provincia de Padova. El fa pàrt de 'l pàrco rezonàl de i Còłi Eugànei.

Istòria[canbia | canbia el còdaxe]

Ła łezénda ła vółe ca a Teóło (l'antiga Titulus, fórse da ła piéra mésa ła da i Romàni 'ntel 141 a.C. par segnàr i confìni infrà i Patavìni e i Atestìni) ghe sìa nasùo el stòrego e fiłòxofo romàn Tìto Lìvio. 'Ntei ténpi medievàłi ghe xé stà Federico Barbarossa, łe ruìne de 'l cuàł castèło łe xé vixìbiłi ncóra ancuó in locałidà Speroneła,tra Teóło e Castalnòvo. Un'àltra inportànte testimoniànsa de 'l medioèvo el xé el monastièr de i Olivetàni.Teóło caołògo el xé stà séde de vicarià sóto ła Serenìsima. Ancuó 'ntel çéntro de 'l paés se póe miràr el Pałaséto de i Vicàri.

El nom de ła frasión de Feriołe, ancuó conosùa confà xòna residensiałe, ca 'l sàlta fóra zà 'ntel "Dizionario corografico-illustrato dell'Italia" sùito daspo el 1866, el vién fóra da un antìgo capiteło dedicà à ła Purificasión de Marìa Vèrxene dìta in veneçiàn "de ła Seriòła", a 'l inìsio de ła Stràda Montanàra.

Breseo, cuartiér rexidensiàl de Trepónti,el xé nòto parché i ghe fa i ałenaménti el Calcio Padova, ghe xé un'importànte fiera che ła se tègne, fìn dal 1750, 'nte ła secónda doménega de Otóbre.

Łe Frasióni[canbia | canbia el còdaxe]

Trepónti[canbia | canbia el còdaxe]

Trepónti el xé el càołògo de 'l comùn de Teóło e ànca el paés pi popołàdo (çirca 2800 abitànti). El nùgleo orixenàł de ła frasión xé considerà ła Vìła Lùgli Cavàłi, n'tel cuartiér de Breséo, construìda n'tel XVIII siègoło, ła ga ànca un oratòrio, ca el jèra ła céxa de 'l paés,prìma de ła construsión de l'atuàl céxa, dedicàda a Sànta Marìa Màre de ła Céxa, consacràda n'tel 1967 e construìa in stìl architetònego modèrno. Ògni àno, ła secónda doménega de otóbre, a se svòlze l' Antìga Fiéra de Breséo, da 'l nóm de 'l omònimo cuartièr, ca ła xé ła secónda sàgra pi inportànte de 'l Vèneto, dapò ła sàgra de 'l Sóco (Grexignàn de 'l Sóco,VI)

Sàn Biàzio[canbia | canbia el còdaxe]

Sàn Biàzio el xé ła secónda frasión pi popołàda de 'l comùn. El xé un paexéto rexidensiàl situàdo su ła Stràda Montanàra. Ła céxa de 'l paés,intitołàda à Sàn Biàzio,ła xé stàda mensionà par ła prìma òlta n'tel 1172 co un decréto de 'l véscovo de Pàdoa. Ła frasión òspita infasturtùre e servìsi confà supermarcàdi o negòsi.

Castalnòvo[canbia | canbia el còdaxe]

Castalnòvo ła xé ła frasión mànco popołàda de 'l comùn,gavéndo çirca 50 abitànti. Ła xé situàda a 350 mètri su 'l livèło de 'l mar e su un pónto panoràmego,da indóve se pól spasiàr un ànpia vedùda de ła pianùra. Ła céxa paroçiàl,dedicàda à Sàn Biàzio,ła xé na construsión in stìl gòtego e ła se razùnze da na scałinàda rìpida ca ła pòrta su ła somità de ła cołìna su cùi ła xé stàda construìda. Ła xé stàda construìda n'tel XVI siègoło,ad ecesión de 'l canpanìł de 'l siègoło scórso.

Evolusión demogràfega[canbia | canbia el còdaxe]

Abitanti censii


Controło de autoritàVIAF (EN249378622 · WorldCat Identities (EN249378622
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Teóło&oldid=772642"