Calcio Padova

Da Wikipedia, l'ençiclopedia libara.
Infobox de Organizasion Calcio Padova
Flag of Italy.svg
Tipoclub de bałon
scuadra de bałon Cànbia el vałor in Wikidata
Vestiàrio
Caza
Trasferta
Tersa
Fondasion1910 Cànbia el vałor in Wikidata
Desołusion2014 Cànbia el vałor in Wikidata
SedeCalcio Padova Spa
Viale Nereo Rocco, 60
35135 Padova
tel 049 8723555
fax 049 8723522
Sede legałePàdoa
PresidenteItàlia Giuseppe Bergamin
Abolio2014 Cànbia el vałor in Wikidata
FederasionFIGC
AłenadorItàlia Andrea Mandorlini
StàdioStadio Euganeo (32.420)
SporBałon Cànbia el vałor in Wikidata
LigaSerie B Cànbia el vałor in Wikidata
InoForza Padova
Sito ufisiałe


El Calcio Padova ła xe ła scuadra de bałon de Pàdova. El canpo 'ndove che i xuga el xe el stadio Euganeo (32.420 posti da sentarse). I colori de ła scuadra i xe cuei de ła sità de Pàdova, el bianco e el roso, rento el scudo.

Stòria[canbia | canbia el còdaxe]

Fondà el 29 de xenaro 1910, inte ła stagiòn 1922-1923 el se clasifica primo inte el Giron C de ła Lega Nord. Inte el Giron finałe de cuel canpionato el riese far sol che on punto in cuatro partie, e el vien eliminà. A ła riforma dei canpionati de ła stagiòn 1929-1930 el Pàdova el vien inserio inte ła Serie A, ma ła permanensa inte ła masima serie ła dura soło che na stagion a cauxa de ła retrosesion in Serie B. A ła fin de ła stagiòn 1931-1932 el va de novo in Serie A.

Inte ła stagiòn 1957-1958, alenà dal paròn Nereo Rocco,: co ła formuła del "caenaso e contropie" el riva 3° in Serie A, e el deventa ła sorprexa del canpionato.

File:Gastone Zanon.jpg
Gastone Zanon, 255 prexense e 2 gol in maja biancoscudata

I ani sesanta e setanta i se riveła avari de sodisfasion bałonisteghe, fata ecesion par el 1967: pa' ła cavalcada del club biancoscudà, oncora rełegà in Serie B, verso ła finałe de Copa Itałia, xugà contro el Milan de Trapattoni e Rivera e persa par 1-0.

Int'el 1981 el Padova el vinse la Copa Italia Semiprofessionisti, uncò Copa Itàlia de Serie C.

Int'el 1983 el Padova el perde ła finałe del Torneo Anglo-Italiano col Cosenza.

Dopo la retrocesion inte ła Serie C1 dovùa al famoxo caxo de iłesito sportivo (Caso Padova) inte el 1985, e dopo dò stagion in 'sta categoria, el Padova el torna in Serie B. El ritorno in Serie A el vien inte el canpionato 1993-1994, dopo trentadò anni, cò che el vinse par 2-1 el sparejo col Cesena.

L'ano sucesivo, dopo un canpionato caraterixà da rexultai inportanti contro łe grandi (vitorie in caxa su Milan e Inter, e on clamoroxo 1-0 al delle Alpì' ai dani de ła Juventus) ma modesti contro łe piciołe, el se salva grasie al sparejo col Genoa, xugà a Firenze e decixo ai rigori.

Inte ła stagion sucesiva no'l riese a ripetare l'inprexa, retrosedendo co un giron de ritorno privo de mordente.

Dopo on salto al indrìo che ło ga portà a disputar dò stagion in Serie C2, el Padova el xe risalio in Serie C1.

Inte ła stagiòn 2006-2007 i patavini no i parte ben, par po riprenderse inte el giròn de ritorno col arrivo a ła guida de Andrea Mandorlini, che gà sostituio Maurizio Pellegrino; ła squadra, parò, ła conclude ła stagion al setimo posto, fora da ła xona play-off.

El 18 de marso 2008, Ezio Rossi el vien exonerà a cauxa dei scarsi rexultai. E vien ciamà el tenico de ła Berretti, Carlo Sabatini. Ła stagiòn 2007-2008 no ła portarà comuncue ła tanto atexa promosion in Serie B.

Inte ła stagiòn 2008-2009 el Padova el xuga el so primo canpionato de Lega Pro, ex-Serie C1. Na bona partensa ła pare vegnare vanificà da un cało a metà canpionato, cò Sabatini el vien sostituìo da Attilio Tesser; ma dopo on fià de xornae, Sabatini el xe ciamà indrio parché i rexultai i ałontana senpre de pì el Padova da ła xona promosiòn. Ła vitoria al Euganeo del Ravenna ła par metare fin ai sogni de promosion del Padova, ma na incredibiłe serie de sincue partie vinte ła porta el Padova ai play-off. Ełiminà el Ravenna, el Padova el vinse el confronto finałe co ła Pro Patria e el torna in Serie B dopo dodexe ani. A ła fin de ła stagiòn 2009-2010 el se ga salvà batendo rente un sparejo la Triestina, rimanendo cusita in Serie B.

In stajon 2010-2011 el sfiora ła promosion in Serie A perdendo in final el playoff co el Novara. Inte el ano 2011-2012 no riese el Padova a rivar entro i primi sie posti, łasando disputar i playoff a la Sampdoria, che ła vien promosa. Rilevà el alenador Dal Canto, el presidente ło canbia co Fulvio Pea e el costruise na scuadra de xovani de bone speranse. Ma prima del Nadal 2012 el presidente Marcello Cestaro, contro volontà de na gran majoransa de tifoxi[Fonte nesesària], a sorprexa el exonera Pea pa' contratar el alenador Franco Colomba.

Int'el canpionà 2013/'14, Cestaro el vende ła sosietà a on inprenditor bresan, Penocchio. Cestaro covre na parte dei debiti coi so schei, ma łasa na scuadra sensa cao ne coa a on novo presidente de dubia esperiensa e de scarse finanse: ła scuadra ła scominsia małe ła stajion, e ła se ritrova ultima a 0 punti podopo łe prime jornade. Par tuto el campionà ła rimane ai ultimi posti, e ała fin riva ła retrosesion in Lega Pro. El Padova el vien duncue escluxo da tuti i canpionai tałiani de bałon pała stajion 2014/'15, par na disgrasiada situasion finansiaria e pai masa debiti, ma sensa fałire. Cestaro e Penocchio łi ne ris-cia anca de 'ndare in tribunałe.

N'altra scuadra invese ła se iscrive al canpionà de Serie D: ła Biancoscudati Padova, che ła diventa raprexentante de ła sità e de ła vecia tifoxeria par sta stajion cuà. Łi novi propietari xei Bergamin e Bonetto, do imprenditori padoani; el novo ałenator el xe Carmine Parlato. Łi ne vinse el canpionà 2014/'15 e łi ne va suito inte ła Lega Pro, indove łi ne canbia el nome, e łi ne crompra indrio łi diriti e łi trofei del vecio Padova: difati łi ne torna a ciamarse Calcio Padova. Uncò a se połe dire che Padoa ła gà de novo ła so scuadra de bałon. Inte ła stajion 2015/'16, ła scuadra ła navega a mexo clasifega, ma presto ła se acosta masa ała xona retrosesion: Parlato el vien exonerà, e al so posto riva Bepi Pillon. El dà na scosa ała scuadra e, podopo el mercà de xenaro ch'el porta coalche rinforso, al Padova el finise el canpionà al 5° posto de ła Lega Pro 2015/'16, xiron A.

Tifoxeria[canbia | canbia el còdaxe]

I tifoxi del Pàdova i xe gemełai co cuełi del Pałermo, i xe amisi co cuełi del Varexe e del Torres. I xe rivali co quei del Vicensa, dell' Hellas Verona, de ła Triestina e del Napołi. El grupo ultras pi famoxo el xe cueło dei "HAG" che el se ga siolto, el jera un grupo del stadio vecio, el Appiani. Deso come gruppi ghe xe i Gabbiani biancoscudati, i White Shield, i Juniores.

Organico[canbia | canbia el còdaxe]

Roxa[canbia | canbia el còdaxe]

N. Ruolo Xugador
1 Itàlia P Marco Silvestri
2 Itàlia D Andrea Rispoli
3 Itàlia D Michele Franco
4 Finlandia D Jonas Portin
5 Itàlia D Marco Piccioni
6 Itàlia D Trevor Trevisan
7 Itàlia C Marco Gallozzi
8 Arzentina C Matías Cuffa
9 Uruguay A Pablo Granoche
10 Braziłe A Diego Farias
11 Itàlia A Aniello Cutolo
12 Itàlia P Luca Maniero
13 Itàlia D Elia Legati
N. Ruolo Xugador 600px Bianco e Rosso (Croce) e Rosso.png
14 Braziłe C Zé Eduardo
15 Nigeria C Nwankwo Obiorah
16 Itàlia C Federico Viviani
17 Slovenia A Enej Jelenič
18 Itàlia A Andrea Raimondi
19 Itàlia C Niccolò Galli
20 Itàlia C Alessandro De Vitis
21 Senegal A Khouma el Babacar
22 Itàlia P Luca Anania
23 Braziłe D Thiago Rangel Cionek
27 Itàlia D Matteo Piccinni
29 Itàlia D Rolf Feltscher
33 Itàlia D Francesco Renzetti

Cołegamenti forèsti[canbia | canbia el còdaxe]


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Calcio_Padova&oldid=1082427"