Piasoła

Da Wikipedia, l'ençiclopedia libara.
Jump to navigation Jump to search
Piasoła
comun
Piasoła – Stema
Piasoła – Panorama
Locałixasion
StatoItałia Itałia
RejonVèneto – stema Vèneto
ProvinsaPàdoa – stema Pàdoa
Aministrasion
SìndicoRenato Marcon
Lengue ufisiałiitałian
Teritorio
Coordinae45°32′00″N 11°46′00″E / 45.533333°N 11.766667°E45.533333; 11.766667 (Piasoła)Coordinae: 45°32′00″N 11°46′00″E / 45.533333°N 11.766667°E45.533333; 11.766667 (Piasoła)
Altitudine30 m s.l.m.
Superficie41,38km²
Abitanti11207
Densità270,83 ab./km²
FrasionCarturo, Ìxoła Mantegna, Prexina, Tremignon, Vacarin
Comuni confinantiCamixan Visentin (VI), Canpo San Martin, Canpodòro, Curtaroło, Gaxo, Grantòrto, Łìmena, San Dordi in Bosco, Viłafranca Padoana
Altre informasion
Łénguevèneto (var. padoana)
Còd. postałe35016
Prefiso049
Còdaxe ISTAT028063
Còdaxe catastałeG587
TargaPD
Cl. sismegaxona 3 (sismisità basa)
PatronoSan Martin
Dì de festa11 de novenbre
Carte interative
Piasoła – Mapa
Sito istitusionałe

MusicBrainz: df3673fa-695a-4d00-bd1a-20328989f1be

Piasoła so ła Brenta (o senplisemente Piasoła) ła ze un comun italian inte ła Rejon Vèneto e parte de ła Provinsia de Pàdoa, ła conta 11244 abitanti che i ga nome piasołani, i cuałi i festeja ła natività de Santa Marìa che ła caje i 8 setenbre.

El comun el se poza intieramente so ła pianura vèneta a circa 18 km a nord de'l caoliogo provinsiałe. El confina a nord co'l Gado e Grantorto, a nord-ovest co San Dordi in Bosco, a ovest co Canpo San Martin, a sud-ovest co Curtaroło, a sud co Łìmena e Viłafranca Padoana, a sud-est co Canpodoro e a est co Ca' Mizan.

Piasoła so ła Brenta ła ze spartìa inte'l abitato omònimo, łe frasion de Carturo, Ìzoła Mantenja, Prezina, Treminjon, Vacarin e łe locałità de Santa Cołonba e Boschiera.

Arma Comunał[canbia | canbia el còdaxe]

Spartìa in cuarte: ła prima e ła ùltema indorae co na àcuila de arzento in voło, łe mezane verde co zejo de oro.

Xiografìa[canbia | canbia el còdaxe]

El teritorio de Piasoła so ła Brenta l'è intieramente pianejante, co lezieri declivi in prosimità de'l fiume che el forma el confin comunałe a ponente. Denje de nota łe ze łe buze rente ła Brenta, overo łe ex cave de jara, nomadeso lagheti artificiałi, uno de i cuałi de demension notévełe. Par Piasoła pasa anca ła rosta Contarina che ła alimenta el bacino de Prezina e el vecio majo de Piasoła darente ła piasa.

Da'l miraneze riva ła SP10 proseguente fin a'l vezentin, domente da Pàdoa łe SP75 e SP94 łe converze in Piasoła sentro sevitando soto el nome de sta ùltema fin Carminjan de Brenta, altresì ciamà popołarmente el stradon.

Storia[canbia | canbia el còdaxe]

El teritorio comunałe fin al 1268 el partegnéva a ła sità de Vicensa e qui ghe gera un castèło chel jera posidùo dai Dente, faméja che durante ła storia ła gaveva conbatuo par tóre el controło de Padova, e daspò dei Belludi, e a ła fin dei Da Carara. Un prìnsipe de sta faméja qua, Jacopo, el gà łasià tuto el teritorio de Piasoła a ła fióła Maria che, 'ntel 1413, ła gà spoxà Nicolò Contarini, patrision venesian. 'Ntel posto el riva in sto modo el nome che in ténpi più resénti el ga dà el nome a ła viła.

Na trasa del'antigo casteło ła se poe forse capire drénto al zòcoło sora del qual se cata la viła de ancuo. Sto zòcoło poe darse chel sia el recordo de na costrusion che a sua volta ła podeva végnare dal casteło.

Da recordare ła xe anca ła prexensa, 'ntel XIX sècoło de ła faméja Camerini, ła quałe ła ga restorà ła caxa, che ła jera drio cascare in ruina, faxendoła tornare beła come 'ntel pasà. Ła xe anca stada fondamental par l'industriałixasion e par ła strutura del stesso paéxe, infati grasie a ła faméja Camerini łe xe stae turà su caxe e fàbriche par ła mandòpara che che ła łavorava łà drénto. El paéxe el xe stà strasforà conpletamente e el xe pasà, 'ntei ani vinti, da teritorio de sołi canpi a un dei posti più industriałixai del Vèneto.

Cultura e eventi[canbia | canbia el còdaxe]

  • Ogni ùltema doménega del mexe, su ła piasa prinsipałe e su łe vie tacae, ghe xe el marcadin del'antiquariato, considarà, dai esperti, un dei majori e dei pì inportanti in Itałia.
  • Ogni ano ghe xe el piasoła live festival, che xe na serie de concerti. Sti concerti i fa soea piassa camerini. nel domienove (2009) ghe xe sta a Laura Pausini, i Pooh, Franco Battiato e altri.
  • N'altro pónto de riferimento de ła vita sitadina el xe l'inportante fiéra dedicada a San Martin che ła se svolxe 'ntel mexe de novenbre su ła piasa vanti ła viła.

Evolusion demografega[canbia | canbia el còdaxe]

Abitanti censii


Notasion[canbia | canbia el còdaxe]


Linganbi foresti[canbia | canbia el còdaxe]

Controło de autoritàVIAF (EN167788989 · WorldCat Identities (EN167788989
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Piasoła&oldid=962155"