Merlara

Da Wikipedia, l'ençiclopedia libara.
Globe icon.svgMerlara
Merlara (it) Cànbia el vałor in Wikidata
Someja


Pozision

45°10′00″N 11°26′00″E / 45.166667°N 11.433333°E45.166667; 11.433333 (Merlara)Coordinae: 45°10′00″N 11°26′00″E / 45.166667°N 11.433333°E45.166667; 11.433333 (Merlara)

StatoItàlia
RejonVèneto
Provinsa Pàdoa Cànbia el vałor in Wikidata

CapitałeMerlara (it) Traduzi Cànbia el vałor in Wikidata
Popołasion
Totałe2 644 (1° de zenaro del 2018) Cànbia el vałor in Wikidata
Red Arrow Down.svg−29 (2017)
Densità123,84 ab/km²
Zènaro
left 1 284 (%48.6)1 234 (%46.7) Òmani
Zeografia
Àrea21,35 km²[1] Cànbia el vałor in Wikidata
Altitùdene13 m Cànbia el vałor in Wikidata
Rente a
Dati istòreghi
Dì festivo
Festa patronałe (8 de setenbre) Cànbia el vałor in Wikidata
PatronoNatività deła Beata Vergine Maria Cànbia el vałor in Wikidata
Còdazi de identifegasion
Còdaze postałe35040 Cànbia el vałor in Wikidata
Còdaze de matricołasionPD Cànbia el vałor in Wikidata
Fuzo oràrio
Clasifegasion climàtegaclima subtropegałe ùmido Cànbia el vałor in Wikidata
Prefiso tełefònego0429 Cànbia el vałor in Wikidata
ID ISTAT028053 Cànbia el vałor in Wikidata
Còdaze catastałe de ItàliaF148 Cànbia el vałor in Wikidata

Sito webcomune.merlara.pd.it Cànbia el vałor in Wikidata

Merlara xe on cumune de 2960 abitanti de ła provincia de Padova.

El comune de Merlara se cata inte ła bassa padana, in mezo al verde e a pochi pasi dale citadine de Montagnana (Pàdoa), Legnago (VR), Badia Polesine (RO).

Evołusion demografica[canbia | canbia el còdaxe]

Abitanti censii


Un fià de storia[canbia | canbia el còdaxe]

El nome Merlara (o Merlarla) el pole derivare da on cognome latino ca indicava el posseso. La scoperta de on ripostiglio de bronzi e sepolcreto in tel 1931 dà voze ala tesi ca ghe sia stà dei insediamenti in epoca preromana.

Vizin al Castelaro dovea esarghe el primitivo Vilagio e solo in tel XV secolo, quando chei posti i xe deventà palude par la derivazion del'Adase, el centro l'è sta portà dove ca l'è desso. PAr quelo ca riguarda la storia del primitivo cristianesimo a Merlara, poco se sa fin al'epoca carolingio-ottaviana, ala quale par ca se riferisa la notizia de na donazzion da parte de Almenico, marchese de Toscana e signor dei vilagi dela Scodosia, al monastièr dela Vangadiza, "di una casa et corte dominicata, con castello et ecclesia..., iul dicitum Merlaria...".

Inte el 1001 tuti i beni de ste zone i ga seguio le vicende dela Casa d'Este, fin ai domini de Francesca de Canova e dopo dela Republica Veneta (metà del XV secolo).

Tanti beni de Merlara i xe sta dà ala nobile fameia Barbarigo, che la ga costruio un rico palazo, sarà da un lato da un alto muro e par el resto da un largo fosso ca ricevea l'acqua dala Frata.

Verso la metà del XIX sec tuti i beni de Merlara i xe passà dala man dei Barbarigo a quele dei Giustiniani, dei Venier e dei Da Zara, ebrei de Padova. I Da Zara ga vendù tuti i loro beni, compresa la Vila, tra el 1952 e el 1966.

Arte e cultura[canbia | canbia el còdaxe]

Da vedare a Merlara ghe xe la Vila Barbarigo, davanti ala Piaza Martiri dela Libertà.

La Vila, parte in via de restauro, l'è de origine zinquecentesca, slargà e ristruturà inte i tempi sucessivi.

Poco distante dala Vila ghè la Ciesa parochiale, riedificà in tel 1891, su na vecia pieve del XV secolo. Dentro la ciesa se pol vedare el quadro dela Natività de Maria, fata da Leandro da Basano. Da vedare anca la "Dormitio Virgis", opera de artista ignoto del XVII secolo. In tel 1666 la fameia Barbarigo ga fato fare la capela de San Dario.

El campanile dela ciesa el iera na Forteza del Castelo Medievale che el iera dove che desso ghe la Vila. Inte un scrito de Salomano se dise che sto campanile l'è sta fato in tel 1300 da un tale Galvano dela fameia dei Camotorti, che el ga volesto esare soterà inte un arca tacà ala parte ocidentale del capanile, che anca oncò se pol vedare tacà.

Tanti capiteli xe stà fati tra el XVIII e el XIX secolo in tele campagne, el pì importane l'è quelo de San Nicola in Graizara.

Merlara la ga anca vari complessi rurali in mezo le campagne: fatorie, colombare, barchese...

Vegnendo da Montagnana, prima da entrare in centro, ghe xe la Cantina Sociale del'Adase-Frata, dove se pol bevare del bon vin.

Bibliografia e fonti[canbia | canbia el còdaxe]

http://www.comune.merlara.pd.it/portal/it Archivià il 9 de novenbre 2009 in Internet Archive.

Sito del Comune de Merlara
 
  1. Istituto nasionałe de statistega (curà da), Istituto nasionałe de statistega, https://www.istat.it/it/archivio/156224. entrada il 16 de marso del 2019.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Merlara&oldid=1083214"