Selvasan
| Selvasan comun | |
|---|---|
 | |
| Locałixasion | |
| Stato |  Itałia
|
| Rejon |  Vèneto
|
| Provinsa |  Pàdoa
|
| Aministrasion | |
| Sìndico | Enoch Soranzo |
| Lengue ufisiałi | itałian |
| Teritorio | |
| Coordinae | 45°23′00″N 11°47′00″E / 45.383333°N 11.783333°E |
| Altitudine | 18 m s.l.m. |
| Superficie | 19,58km² |
| Abitanti | 22305 |
| Densità | 1 139,17 ab./km² |
| Frasion | Caxełe, Feriołe, San Doménego, Tencaroła |
| Comuni confinanti | Àbano, Pàdoa, Ruban, Sacołongo, Teoło |
| Altre informasion | |
| Łéngue | vèneto (var. padoana) |
| Còd. postałe | 35030 |
| Prefiso | 049 |
| Còdaxe ISTAT | 028086 |
| Còdaxe catastałe | I595 |
| Targa | PD |
| Cl. sismega | xona 4 (sismisità un mucio basa) |
| Patrono | San Michièl Arcànxoło |
| Dì de festa | 29 de setenbre |
| Carte interative | |
| |
.svg) | |
| Sito istitusionałe | |
|
| |
Selvasan (in itałian Selvazzano Dentro) el xe un comune de 21 164 abitanti de ła provincia de Padova. Ła popołasion de Selvasan ła ga avuo na crésita davèro vełose a partir dai ani 1960, tołendo na bona parte de xente che, 'ntel fraténpo, ła 'ndava fora dal caołogo. Ancó Selvasan ła xé el secondo comune de ła provincia par abitanti.
El nome el deriva forse da un propietario de tere (Salvitius) che'l gaveva otegnesto qualche canpo da ste parte in tinpi de ła dominasion de Roma. L'orìxene da silva Iani (Bosco de Giano, divinità romana) no ła cata conferme, anca se ghe xé refereminti sul stema del comun. A quei tinpi Selvasan ła jera un insieme de strade che łe partiva da Pàdova, su łe quałi i xé nasesti insidiaminti: sti qua i xé tornai 'ntel Medioevo, insieme a un monastier dedicà Santa Maria de Quarta dei Benedetini. Durante el ténpo de dominasion de ła Serenìsima i teritori de Selvasan, tirai drénto 'ntel vicarià de Teóło, i xé 'ndai a inportanti fameje del patrisiato venesian. El comun vèro e propio el xé nasesto durante el Regno Łonbardo-Vèneto e i sói confini i no xé pì canbiai.
El teritorio comunałe de Selvasan el se slarga a ovest de Pàdova e'l xé costituio da na pianura de orìxene ałuvionałe, da ła quałe łe salta fora łe alture de Montecia (44 m) e del Mòtoło (26 m), ùltimi dei Cołi Eugànei in diresion nord-est.
El xé traversà da ovest a est dal corso del fiume Bachiłion che'l divide el caołogo in dó parte, na a drita e na a ła sanca del fiume. Sto aspeto el ga influensà anca el nome itałian: ła paroła "Dentro" (drénto) el fa referimento a ła poxision del séntro del'abità, catà a ła drita del corso del Bachiłion (de qua dal'aqua come che'l se lese in documinti del XVII sècoło).
Evénti[canbia | canbia el còdaxe]
- Ogni vènere de matin se fa un marcà setemanałe a Tencaroła, 'nte ła piasa cimà propio "mercato". Sénpre in sta frasion ghe xé, a ła fin de agosto, na sagra dedicada a San Bórtoło.
- Al séntro de Selvasan invese se fa ła sagra de Santa Maria del Rosario, de otobre, daspò ła festa rełigioxa.
- Par squaxi tuto el mexe de majo a Feriołe ghe xé el Majo Feriołexe, co stand de gastronomia, xughi, conferense, teatri e mese [1].
Evołusion demografica[canbia | canbia el còdaxe]
Abitanti censii
Fonte[canbia | canbia el còdaxe]
Łigadure foreste[canbia | canbia el còdaxe]
| Controło de autorità | VIAF (EN) 235868292 · WorldCat Identities (EN) 235868292 |
|---|