Galzignan Terme

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Galsignano Terme
Galzignan Terme
Someja


Pozision

Map

45°18′00″N 11°44′00″E / 45.3°N 11.733333°E45.3; 11.733333 (Galzignan)Coordinae: 45°18′00″N 11°44′00″E / 45.3°N 11.733333°E45.3; 11.733333 (Galzignan)

StatoItàlia
RejonVèneto
Provinsaprovincia de Pàdoa Cànbia el vałor in Wikidata
Popołasion
Totałe4 288 (1° de zenaro del 2023) Cànbia el vałor in Wikidata
−33 (2018)
Densità235,6 hab./km²
Zènaro
left 2 166 (%50.5)2 124 (%49.5) Òmani
Demònemo galzignanezi
,
  Edit this at Wikidata
Zeografia
Àrea18,2 km²[1] Cànbia el vałor in Wikidata
Altitùdene22 m Cànbia el vałor in Wikidata
Rente a
Dati istòreghi
Dì festivo
Eror Lua: callParserFunction: function "

[[Categoria" was not found.

PatronoMadona del Rosario Cànbia el vałor in Wikidata
Còdazi de identifegasion
Còdaze postałe35030 Cànbia el vałor in Wikidata
Còdaze de matricołasionPD Cànbia el vałor in Wikidata
Fuzo oràrio
Clasifegasion climàtegaclima subtropegałe ùmido Cànbia el vałor in Wikidata
Prefiso tełefònego049 Cànbia el vałor in Wikidata
ID ISTAT028040 Cànbia el vałor in Wikidata
Còdaze catastałe de ItàliaD889 Cànbia el vałor in Wikidata

Sito webgalzignanoterme.org Cànbia el vałor in Wikidata



















































Galzignan (nome ufisałe in italiàn Galzignano Terme) el ze on comun de 4363 àneme de ła provincia de Pàdova. El fa parte del parco rejonałe dei Cołi Euganei.

Zeografia fizega[canbia | canbia el còdaxe]

El paéze de Galzignan l'é in zona cołinare, a 22m s.l.m.

Galzignan confina: a sud co Monséłeze, Arcuà e un fiá anca co Baon, a nord co Toreja e Teóło, a est co Vo', Sinto Euganeo e a ovest co Montegròto e Bataja.

Teritorio[canbia | canbia el còdaxe]

El paéze el se catà drento al parco rejonal dei cołi Euganei a 22m s.l.m, el nase ai piè del monte Rua e del monte Gallo. La zona cołinare de ła sitadina ła ze prevalentemente agricoła, mentre inte ła parte orientaea, inte ła località Civrana, ze prezenti fonteghi de aqua termae salso-bromo-iodica, a 87 °C doparà dai conplesi alberghiéri pa e cure termai e ła fangoterapia.

Etimołozia[canbia | canbia el còdaxe]

El studioso de toponomàstega Dante Olivieri, el dize che el nome del común, el vien fora dal nome latìn de na anéma ciamà Gallicinus co sufiso -anu. Se tratarìa cuindi de on topònemo prediałe, che el ga łasà na pèca de on nome de asegnatario de on fondo ubifegà in tel téren de Galzignan[2]. Intel 1979 ze sta fato on referendum par darghe a Galzignan la zontada de "Terme". El demonimo dei ésari che vive a Galzignan ze in Veneto Galzignanezi e in italián galzignanesi.

Monumenti e loghi de intarese[canbia | canbia el còdaxe]

Architeture Rełijoze[canbia | canbia el còdaxe]

  • Cenobio de Monte Orbiezo
  • Ceza de Sàn Lorenso
Ceza de S. Lorenso
  • Ceza de S. Maria Asunta
Ceza de S. Maria Asunta
  • Ceza dei alpini
  • Monastero del Monte Venda
  • Oratorio de ła Ss. Trinità

Architeture sivili[canbia | canbia el còdaxe]

  • Anfiteatro del Venda
  • Caza Marina
Casa Marina sol monte Venda
  • Rocołeto Bonato (Rocoło del Pianzio)
  • Viła Barbarigo

Architetùre miłitari[canbia | canbia el còdaxe]

  • Base NATO sol Monte Venda

Muzei[canbia | canbia el còdaxe]

  • Muzeo dei cołi Euganei

Àneme ligà a Galzignan[canbia | canbia el còdaxe]

  • Annibale Brasola, ciclista che el ga partecipà a difarenti Giri d'Italia, e fradeło de Elio;
  • Elio Brasola, ciclista e pistard, fradèło de Annibale;
  • Angelo Saggini, poeta nativo de Galzignan el ga conposto alcune opare, ze stà anca sindaco del paeze ma el se suicidà tanto zovane;
  • Giorgio Bertin, vescovo e catołego;
  • Giovanni Commisso, scritor el ga pasà difarente tenpo pai cołi, a Valsanzibio i ghe ga dedicà na távela vizin tacà a ła muràja de Viła Barbarigo co scrito on toco de na so opara;
  • Leopardo Martinengo, połìtico de ła fin del 1800.

Società[canbia | canbia el còdaxe]

Evołusion demografega[canbia | canbia el còdaxe]

Galzignan el ga su pa zo 1510 famejie. Ła popołasion ze aumenta del'1,9% dal 1991-2001 vardando i dati del censimento decenałe del ISTAT. Abitanti censii

Etnie e minoranse fóreste[canbia | canbia el còdaxe]

I foresti che vive a Galzignan inte el 1º zenaro 2019 i ze 73 e i raprezenta l'1,7% de ła zente rezidente. L'etnia pì numarévołe ła ze cheła rumena co 29 àneme.

Tradision e folclore[canbia | canbia el còdaxe]

Sagra del Rozario[canbia | canbia el còdaxe]

Ła prima domènega de otóbre a Galzignan ghe ze e ła sagra, in sto momento de festa intel paèze se svolge el Palio dei Mussi, sta manifestasion se verze co na sfilada in costume d'epoca, i cuai i ricorda ła vitòria de ła Republega de Venesia contro i Turchi inte la bataja de Lepanto del 1571.

Pełegrinajo de ła Madona de ła Salute[canbia | canbia el còdaxe]

Ze on antigo pełegrinajo che el se fa da pì de 600 ani, se ga tacà a n'dare dopo varie epidemie de peste intel 1400, vien fato anualmente da prima domenega dopo Pascua verso Monteortone, dove ghe ze on antigo santuario dedicà a ła Madòna de ła Salute.

Lezende[canbia | canbia el còdaxe]

Ła pria de Spaca[canbia | canbia el còdaxe]

Inte el lato de ła piàça de Galzignan ghe ze na ròla, meşa in mostra. ze ciamà ła pria de Spaca, dal nome del sò proprietario, n'omo che el ga visudo intel esistito 1700, entrà poi in tea lezenda. Spaca el gaveva na locanda, dove i se ferma co łe caroze. El jera perverso e dibołico, ma a prima ociada el pareva parfin zentiłe. Pena rivava un viagiator, eło el ghe n'dava visin soridendo, eo fazeva sentare e rifociłare el ghe ofrjia come omagio na fiàsca de vin gajiardo, che in realtà el contenea on sonifero. Quando che el puaretto el se indormesaea, Spaca, eo copaea co na scortea, par no darghe fastidio a chealtri co na scipetà. Poi eło depredaea de tuto e lo sopeiva soto na grande mandorła che sorgeva la visìn.

Ła s-ciona del Venda[canbia | canbia el còdaxe]

A Galzignan su par el monte Venda ghe ze na cezeta (Cezeta dei alpini), on fià pì su de cuesta ghe ze na masegna, tacà a cuesta ghe ze na granda sciòna. A Galzignan ze dize che a cheła sciòna se ga tacà Noè dopo aver pasà el scravaçàda universałe.

Aministrasion comunałe[canbia | canbia el còdaxe]

Sìndico: Riccardo Masin dal 2013
Sentrałin comunal: 049/9130041
Posta eletronica: info@galzignanoterme.org


Prodoti locałi[canbia | canbia el còdaxe]

Magnare[canbia | canbia el còdaxe]

Par Galzignan, ła tera ła ze tanto inportante, parchè grasie a eła se produze on mùcio de prodoti agrìcułi, anca Galzignan ga piati locałi, i pì inportanti i ze:

  • Fragołe;
  • Ojo de pomełe, el ze racuanto inportante tanto che intel 2014 ze sta fato on premio ciamà "Pomea d'Oro", chel premia l'ojo pì bon dei cołi Euganei anualmente;
  • Panetòn co le Sareze;
  • Sareze;
  • Sparezi, coltivai maziormente inte ła zona tra Valsanzibio e Batajia;
  • Toreşán, i ze dei ozei (Cołombi de tore) che inte łe zone de cołi, soraatuto a Galzignan e Torejia i ze fa inpienii de ripen e fati al forno, ghe ze anca el toreşàn de Breganse che parò ze fato al spiedo;
  • Vin, a Galzignan se produze vini DOC e DOCG, cofà el Moscato dei cołi Euganei e il Fior d'arancio;
  • Zìzołe, da cui se fa el famoso brodo de zìzole.

Trapéli[canbia | canbia el còdaxe]

  • Corbe e i corbetti, i sarjia dei sesti fati da poeoni de castagno che i gavea usi casalinghi ma anca pa' l'agricoltura. A Galzignan ea produzion di stu trapéli jera na atività economica molto svilupà sia cofà merce de scambio sia cofà guadagno vendendo il prodotto mercà paesani.

Modi de dir[canbia | canbia el còdaxe]

  • Te si come Stea, a Galzignan ghe jera on brigante ciamà Giovanni Stella, eło col conbinava calcosa el scapava su pai cołi, el zè da cuesto vien fora sta citasion.[3]
  • In Pianzio no comanda gnanca Dio, el Pianzio ze na locałità de Galzignan dove che na volta che jera on mucio de zente che fazeva conbàtare.
  • Luna co l’aneo e da jorni che ea vecia/angeo ea ze verso ea Calbarina ea piova ze visina. Ea Calbarina ea ze na zona intesa quea de Galzignan no de Moseexe, vizin a Val Pianzio[4]. Co el angeo (ciamà anca vecia) del campanie del paese el ze rivolto verso ea Calabria da jonri ea piova ea ze visina.
  • Te tiro na strejà, co i putini i da conbatare se dize sta frase. Ea streja sarja ma specie de spazoła de fero doparà pa petenare cavai e masci.
  • Majo mojo, fen e ojo

Stèma[canbia | canbia el còdaxe]

El stema comunałe

Orizenałe in italiàn:

Tradòto in Vèneto:

Da ła descrision araldega del stèma comùnal ze poe evincere i sinbołi de Galzignan:

  • El roare e l'olivàro, i cuałi ze do albari tanto presenti inte el paèze;
  • l'albaro presente al centro el voe metàre in risalto ła florida e ła presenza de viła Barbarigo;
  • El smalto argentà el vołe ricordare l'abondanze de łe acue soratuto chełe termałi.[6]

Spor[canbia | canbia el còdaxe]

Bałon[canbia | canbia el còdaxe]

Ła storega scuadra de Galzignan, A.C.D. Galzignano Terme, ricordata par e zo miteghe inpreze inte i ani '80 col zugava in Promosion, intel 2020 ła se ga fuzo insiéme a naltre do scudre co e cuai ła ga creà ła Polisprtiva Real Terme, ła prima squadra de sta nòva società ła zuga intel giron L inte ła seconda Categoria, ghe ze poi l' Atletico Galzignano che mjita anca ea in te el giron L seconda Categoria.

Avegnimenti sportivi[canbia | canbia el còdaxe]

  • "Corri la Mezza alle Terme", dal 2016 ze svolge anualmente na gara de podismo, inserjia inte el calendario dea FIDAL;
  • "Gràn fondo della Spaccapria", dal 2014 se svolge anualmente stà gara de Mountain bike su pa i cołi de Galzignan;
  • Intel 2015 e 2020 ze pasà a Galzignan el Giro d'Italia;
  • "Torneo de calceto zità de Galzignan", dal 2002 se fa anualmente sto torneo inte el canpeto da calceto, organizà dal comùn e da ła paròchia;
  • "Us Kids Venice Open", il golf club de Galzignan intel 2020 el ga ospità on dei pì inportanti tornei de tozati mondiaìi de golf;
  • "Mas duro" intel 2014 Galzignan el ga ospità na gara de duathlon riconosua da ła Federazione Italiana Triathlon.

Filmografia [canbia | canbia el còdaxe]

A Galzignan ze sta girà alcune séne de:

  • Il mercante di Venezia de Michael Radford, inte el 2004;
  • L'alligatore, na serie dea tełevision trasmesa da ła Rai inte el 2020;
  • Sole a catinelle, inte el 2013 co Checco Zalone.

Notasion[canbia | canbia el còdaxe]

  1. voze de refarensaistat.it.
  2. Guido Beltrame, Toponomastica della Diocesi di Padova, Libraria padovana, 1992. entrada il 14 de febraro 2020.
  3. http://www.albigolaro.it/ambiente/
  4. a nord-nordovest de el zentro
  5. 5,0 5,1 http://www.comuni-italiani.it/028/040/stemma.html
  6. Galzignano Terme – Araldicacivicaaraldicacivica.it. entrada il 20 de febraro 2021.

Altri projeti[canbia | canbia el còdaxe]


Linganbi foresti[canbia | canbia el còdaxe]




Controło de autoritàVIAF (EN263379750 · LCCN (ENn2004037767 · GND (DE7650094-9 · WorldCat Identities (ENn2004-037767
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Galzignan_Terme&oldid=1110648"