Sociałismo nasionałe

El sociałismo nasionałe l'è na ideoloxia del sociałismo chel ciapa na pulitega de tipo trasversale. La xe sta fata in Italia xà inte el corso del procceso risorximental come espresion de la sanca del nasionałismo democratego mazinian, raprexentà soratuto dal pensiero de Carlo Pisacane. Dopo l'unità de Italia, el sociałismo nasionałe resta in tanti sociałisti de raixe maziniane, anca se gavea trionfà l'antinasionałismo de Marx. Inte la Xermania socialłsta, dopo el 1880 ga scuminsià sircolare na analixi de svilupo social che dixea che el proletariato todesco el stava senpre mejo e che la clase mèdia la cresea, al contrario de cuel che dixea Marx. I sociałisti todeschi, anca se no i provava gnanca a rinegar Marx, i scumisiava a n'altra via rispeto al marxismo rivołusionario, e i ga fato el sociałismo gradualista e riformista. Drento al sociałismo riformista e graduałista, el ga catà posto anca el patriotismo.

In Italia, ma anca in Fransa, na serta parte del sociałismo, el jera rivà a poxar le guere coloniałi. So sto fato, i se ga catà unii i Sociałisti gradualisti e i estremisti amiradori de le teorie de Sorel del sindacałismo rivołusionario. Tuti e do, i pensava che xe indispensàbiłe far cresare la parte socioeconomega de la patria, par mejorar le condision de vita de la clase proletaria.