Trevizo

Trevizo

Treviso (it)
Pozision
45°40′00″N 12°15′00″E45°40′00″N, 12°15′00″E (Trevixo)
Stato	Itàłia
Rejon	Vèneto
Provinsa	Trevizo
Cavedałe de	Trevizo Dipartimento del Tagliamento (it) Marca trevixana
Popołasion
Totałe	84 607 (2023)
Densità	1 522,26 hab./km²
Zènaro	44 308 (%52,4)   (%47,9) 40 529
Demònemo	trevizani ,
Idioma	italian
Zeografia
Àrea	55,58 km²
Bagnà da	Sil e Botteniga
Altitùdene	15 m
Rente a	Carbonera   Siłea   Viłorba   Zero Branco   Pregansioło Paeze Ponzan Cazier Cuinto
Dati istòreghi
Dì festivo	Festa patronałe(27 de apriłe)
Patrono	San Łiberałe
Organizasion pułìtega
Sìndico de Trevizo	Mario Conte (it) (11 de zugno del 2018)
Còdazi de identifegasion
Còdaze postałe	31100
Còdaze de matricołasion	TV
Fuzo oràrio	UTC+1 UTC+2
Clasifegasion climàtega	clima subtropegałe ùmido
Prefiso tełefònego	0422
ID ISTAT	026086
Còdaze catastałe de Itàlia	L407
Premi  medaja al Vałore Miłitare
Sito web	comune.treviso.it

Trevizo (o anca Travizo, in trevizan de sanca Piave) ła ze na sità de 83 167 aneme, caòłogo de ła provinsia de Trevizo.

Trevizo ła ze anca caòłogo de ła Marca Trevizana, tera che da l'alta età de mezo ze famoza par ła richesa culturał e economega. Ła ze situada al sentro de ła pianura vèneta a ła confluensa del Boteniga e dei so rivi inte el fiume Sil e pozada su łe tre cołine del Domo, de Piasa dei Siori e de Sant'Andrea. Ła gà na diocezi tanto granda, che a va oltre anca ai confini de ła provincia, fin a ła province de Pàdoa e Venèsia.

Zeografia

Trevizo ła se cata inte ła pianura veneta, sirca a 15 chiometri a sudovest de ła riva drita de ła Piave a ła confluenza intra el Sil, fiume de sortiva, el Boteniga, che, risevui ła Linbraga e la Piavezeła el riva fin in centro, e el se devide inte tanti canai (Cagnan grando, Cagnan mèdio o Buranei, Rogia o Sileto, el Canal de le Convertie), e ła Storga, che ła bagna el comun a est.

Clima

El clima de Treviso el xe de tipo subcontinental, presentando carateristiche analoghe a ce che se cata in genere inte ła pianura Padano-Veneta, anca co łe dovute e molteplice variazioni microclimatiche a seconda de łe zone. I inverni i xe moderatamente fredi e le istà calde e stòfeghe. Ła mexe de temperature minime inte el trimestre invernale ła xe soto zero, co frecenti jasi, specialmente inte i periodi de stabilità atmosferica co cielo sereno. In ste situazion le temperature minime łe pol desénder de diversi gradi soto el zero.

I episodi nebiosi, a volte persistenti par tuto el dì, ghe xe sopratuto inte łe aree a sud del çéntro Istòrigo. Ła neve a Treviso ła se presenta, co o sensa accumulo inte ła majora parte de łe stajon invernale, anca se ła pianura trevizana ła xe de solito co manco neve che altre aree de ła pianura Veneta e spesso ła muda rapidamente in piòva. Se ga de considerar anca che Treviso el se cata inte ła parte orientałe de ła Pianura Veneto-Furlana e el xe esposto a łe masse de aria continentale da Est che, se bastansa intense, łe pol portar a dì de jaso.

Sto fenomeno xe sempre manco frecuente in ultimi anni, anca se in disenbre 2009 la cità ga visto na nevegada assai intensa.

Le istà le ga un evidente fenomeno de "isola de calore" che specie in certi periodi aflige el çéntro Istòrigo. Durante łe fasi caraterizade da ła prexénsa de l'Anticiclone Subtropical, che inte i ultimi 15 ani se cata praticamente in ogni stajon estiva, durante łe ore de note el caldo inte ła area inte el interno de łe Mure pol esar consistente e determinar valori de temperadura superiori anca de 4-5 gradi rispetto a łe zone periferiche. Durante l'istà łe fasi calde łe pol esser velosemente interrotte da infiltrazioni d'aria fresca che spesso causa fenomeni anca violenti, co tenpèsta e downburst. Łe precipitazioni medie annue łe superava i 900 mm, oncò xe de poco soto e i valori massimi i se cata inte l'autuno e inte ła primavera.

Aeroporto de Trevizo	Mizi												Stajon				Ano
	Zen	Feb	Mar	Apr	Maj	Zug	Luj	Ago	Set	Ot	Nov	Dis	Inv	Pri	Ist	Aut
T. max. mèdia (°C)	7,9	10,2	14,7	18,9	23,7	27,7	30,2	30,1	25,0	19,1	13,4	8,8	9,0	19,1	29,3	19,2	19,1
T. mèdia (°C)	3,3	5,0	9,3	13,4	18,4	22,4	24,6	24,3	19,3	14,2	9,1	4,2	4,2	13,7	23,8	14,2	14,0
T. min. mèdia (°C)	−0,3	0,6	4,5	8,3	13,1	17,1	19,1	18,9	14,4	10,1	5,5	0,8	0,4	8,6	18,4	10,0	9,3
T. max. asołuta (°C)	16,3 (1997)	23,9 (2021)	25,8 (1977)	31,6 (2011)	33,4 (2003/2009)	38,5 (2019)	37,7 (2022)	40,0 (2003)	33,0 (1973/1985/2020)	28,0 (2001)	24,6 (2004)	16,5 (2016)	23,9	33,4	40,0	33,0	40,0
T. min. asołuta (°C)	−14,2 (1985)	−11,0 (1991)	−8,0 (2005)	−2,0 (2003)	1,8 (1979)	6,8 (2001)	9,9 (2000)	8,7 (1968)	4,0 (1972)	−2,2 (2003)	−5,8 (1975)	−11,4 (2009)	−14,2	−8,0	6,8	−5,8	−14,2
Dì de całura (Tmax ≥ 30 °C)	0	0	0	0	1,6	8,6	17,3	16,6	2,1	0,0	0,0	0,0	0,0	1,6	42,5	2,1	46,2
Dì de zeło (Tmin ≤ 0 °C)	16,8	12,3	2,5	0,1	0,0	0,0	0,0	0,0	0,0	0,2	3,4	13,7	42,8	2,6	0,0	3,6	49,0
Dì de jaso (Tmax ≤ 0 °C)	0,1	0,0	0,0	0,0	0,0	0,0	0,0	0,0	0,0	0,0	0,0	0,1	0,2	0,0	0,0	0,0	0,2
Nùvoło (okta al dì)	4	3,8	3,8	4,1	4,0	3,4	2,8	2,7	3,4	4,1	4,5	4,0	3,9	4,0	3,0	4,0	3,7
Precipitasion (mm)	45,2	50,9	60,0	76,3	99,2	83,0	71,9	73,0	97,7	78,0	94,2	63,9	160,0	235,5	227,9	269,9	893,3
Dì de piova	5,4	5,2	5,8	8,5	9,1	8,2	6,9	6,6	6,7	6,8	8,4	6,4	17,0	23,4	21,7	21,9	84,0
Umidità rełativa mèdia (%)	77,6	73,8	70,5	70,1	69,8	69,5	68,0	68,1	70,6	75,7	79,1	78,7	76,7	70,1	68,5	75,1	72,6
Ore de sołe par meze	153,8	166,9	196,2	200,1	245,8	248,1	293,6	260,4	204,9	166,5	132,0	151,3	472,0	642,1	802,1	503,4	2 419,6
Presion atm. a 0 metri s.l.m. (hPa)	1 019,9	1 018,2	1 016,4	1 014,2	1 014,6	1 014,7	1 014,3	1 014,7	1 016,1	1 017,5	1 016,9	1 019,4	1 019,2	1 015,1	1 014,6	1 016,8	1 016,4
Presion de vapor (hPa)	6,5	6,8	8,6	11,0	14,8	18,9	21,0	20,8	16,5	13,3	9,9	7,1	6,8	11,5	20,2	13,2	12,9

El nome

Par che al nome Tarvisium el vegna da na romanizasion de n’altra parola che ła se riferìa ai Taurusci, povoło de area seltega, che el stava sui Monti Tauri a ła fin de łe Alpe Orientai e che se pensa che el gavese costruì ła prima comunidà trevizana. No manca gnanca chi che taca el nome al indoeuropeo tarvos (toro) col sufiso –isium come che fazeva i Romani. N’altra opinion a se rifà al galego trev- dopo canbià in tarv-, che el vołeva dir "vilajo de legno". N'altra ipoteze ła ze cueła che el nòme el vegna da na statua co tre vizi che ła dovea star in beła mostra inte ła piasa central. Par ultema ghe ze ła ipoteze de ła derivasion da do paròłe romane, Ter- e –visi, che łe corispondeva a tre cołi, andove deso a ghe ze el Domo, ła Piasa dei Siori e ła Piasa de Sant'Andrea, dove che saria stà fondada ła sità.

Monumenti

Esendo sede de ła Diocesi de Treviso, in sità ghe ze ła Catedrale, conosua come Domo de Treviso, e altre inportanti ciese. Tra łe architeture sivili se segnała el Pałazo dei Trezento.

Urbanistega

Sudivizion ministrative

Al comune de Trevizo no partien ufisialmente gnanca na frasion, ma al de fora del sentro storego se conta numarozi cuartieri e soborghi che de frecuente i ciapa el nome da ła parochia prezente. A sud del corso del Sil, partindo da ovest, se cata:

• Canisan
• Sant'Anzolo
• Santa Maria del Sil (Borgo Sil)
• San Zen
• San Lazaro
• Sant'Antonin

A nord:

• Sant'Izepo
• Monigo
• Santa Bona
• San Polo
• San Libaral
• San Pałé
• Madona Rovare (Santa Maria del Rovare)
• Selvana (anca nota cofà "Selvana Basa", atual nucleo del cuartier, par destinvarla da ła banda pì a nord oltra vial brigada marche, pì antiga ma manco povołada)
• Fiera (pì precizamente, Sant'Anbrozio de la Fiera).

Località menore łe ze El Ciodo (cinta eztramuraria a nord); Sant'Artien (S.Maria del Rovare); Le Corte (S.Maria del Rovare-S.Pelajo); Borgo Furo, Pale del Cornain (S.Bona); Buza de l'ojo (S.Bona-S.Pelajo); Roncole, Lovera (S.Pelajo); Case Sambugole (Selvana); Vila Pendola (Fiera); la Ghirada, Borgo Mestre(S.Zen); Mure, San Vidal, Confin (Canizzano); Sant'Anzolo baso (S.Angelo); La Moncia, Capeleta(S.Izepo-aeroporto).

Evolusion demografega

Abitanti censii

Zemełaji

• Orliens, Franza (13/9/1965 - 18/12/2007)
• Caen, Franza
• Timisoara, Romanìa
• Curitiba(stato del Paraná), Brasil

Spor

Ste cua łe xe łe scuadre sportive piesè inportanti de ła sità:

• Benetton bałacanestro Treviso
• Sisley pałavoło Treviso
• Trevixo Foot-Ball Club 1993
• Benetton rugby Treviso