Giografia de la Somalia

Da Wikipedia, l'ençiclopedia libara.
Mapa de la Somalia

La Somalia la xe on paese de l’Africa orientale e la ga na superficie de 637 540 chilometri quadrai. La ocupa la ponta de na region ciamada el Corno de l'Africa parché la mapa la someia al corno de on rinoseronte. En sta region se cata anca Etiopia, Eritrea e Gibuti.

La Somalia la xe formà da altipiani e pianure. En tel nord se cata le Montagne Karkaar che le riva fin so la costa del Golfo de Aden. Il clima el xe caldo tuto l'ano. La piova la vien in do stagioni, co la luna de primavera e a otobre. El paexe el ga on teritorio semiarido e arido, bon solo par la pastorizia transumante praticà da metà de la popołasion. L’agricoltura la xe praticà in tel nord ovest e in tel sud, specialmente inte la region del Giuba. I do fiumi del paese i se cata qi: el Giuba e l’Uebi Scebeli.

Le coste le xe longhe 3 025 km, da Gibuti al Kenya.

Clima[canbia | canbia el còdaxe]

Topografia de la Somalia

I somali i dixe che ghe xe quatro stagioni inte un ano. Do stagioni de la piova (gu e day) e do seche (jilaal e hagaa). La stagione gu la va da la luna de primavera a zugno. En sto tempo i pascoli i xe verdi. L’età de la zente la se calcola dal numaro de stagioni gu che la ga visú. Dopola stagion gu riva la stagion Hagaa, seca. A otobre-novembre riva la piova ciamda hagaa e dopo se cata la stagion la pi dura, jilaal. En tuto l’ano no vien zo pi de 500 mm de piova, co la minima registà in tel nord (150 mm) e la masima so la costa sud (700 mm). Le tenperature le va da 20°-30 °C (minime) a i 40°— 50 °C (masime).

Morfołozia[canbia | canbia el còdaxe]

En tel nord se cata na pianura longo la costa, larga 12 km a ovest, e 2 km a est. Co la piova, la vegetasion la esplode e se cata erba e arbarei verdi. Co la stagion seca, l’erba la sparise. El grupo de montagne del Karkaar, al confin co l'Etiopia, le se leva a 1800 m, fin a rivar a 2100 co la sima del Caseyr. El ponto pi alto de la Somalia xe na cima de 2407 m rente de Erigavo. Le montagne le se sbasa a sud par formar n’altipian seco, l’Ogo. A sud de l’Ogo se cata la pianura de Mudug e la Vale de Nugaal, che la ga fiumi stagionali. En te laz ona a ovest, al confin co l’Etiopia se cata la pianura de Haud. El sud del paexe se cata el Giuba e l’Uebi Scebeli, i do fiumi pereni de la Somalia che i score da i altipiani etiopi al mare, rente de Chisimaio.

Dati generali[canbia | canbia el còdaxe]

Imagine satelitare de la Somalia

Superficie:
tototale: 637 657 km²
tera: 627 337 km²
acqua: 10 320 km²

Area comparativa: poco pi de do olte l’Italia.

Confini:
totale: 2 366 km
paesi confinanti: Gibuti 58 km, Etiopia 1 626 km, Kenya 682 km.

Costa: 3 025 km

Uso del suolo:
terr coltivate: 2%
pascoli permanenti: 69%
foreste e boschi: 26%
altro: 3% (1993 stima)


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giografia_de_la_Somalia&oldid=1099890"