Giografia del Madagascar

Da Wikipedia, l'ençiclopedia libara.
Madagascar
(FR) Madagascar, (MG) Madagasikara
Madagascar sat.png
Xiografia fìxega
Superfise587040
Xiografia Omana
StatoMDG
Łocałità prinsipałiAntananarivo, Toamasina, Fianarantsoa, Mahajanga, Toliara
Poxisionamento
20°S 47°E / 20°S 47°E-20; 47 (Madagascar)Coordinae: 20°S 47°E / 20°S 47°E-20; 47 (Madagascar)



El Madagascar el xe n’ìzoła naxion in te l’Osèano Indian, rente de l’Africa. El se cata di fronte al Mozanbico, co el Canal de Mozanbico che separa i do Stati.

Copertura de i tereni e topografia del Madagascar

El Madagascar el xe montagnoso. Co i so 581,540 km² el xe anca la quarta ìzoła del mondo. Dal ponto de vista geologico, el Madagascar nol xe parte de l'Africa, visto chel se ga stacá da l’India. Dal ponto de vista culturale, la magioranza de la popołasion la xe de origine axiatica-oceanica. El paexe el se pol dividarlo in quatro: la costa orientale, i altipiani sentrali, la costa osidentale e la costa meridionale.

Costa orientale[canbia | canbia el còdaxe]

La fasia de la costa la xe streta – ono o do chilometri – formà da la sedimentaxion de tereni aluvionali. Dopo de sta fasia, scominzia subito on teren ripido chel sale par sirca 500 metri de altitudine. No se cata baie inportanti par tuta la longheza de la costa orientale. Se cata anca el Canale de i Pangalanes, na laguna de 800 km formada da le sabie trasportà da l’oseano e da i depositi fluviali.

Altipiani[canbia | canbia el còdaxe]

I altipiani del sentro i va da 800 a 1800 metri de altitudine. De solito se trata de coline tonde erose da vento e piova, montagne de granito, vulcani spenti, pianure aluvionali e aquitrini, ancò utilizadi come risaie. I altipiani i va dal masicio del Tsaratanana al nord fin al masicio de Ivakoany al sud. I altipiani i ga dirupi a est, e i sende lentamente verso l’ovest. El ponto pi alto el xe de 2 643 metri (Masicio de Ankaratra). Se cata laghi e anca na spacatura longa quasi tuto l’altipian.

Costa osidentale[canbia | canbia el còdaxe]

Sta costa la xe formada da sedimenti e la presenta varie baie e porti naturali, come el porto de Mahajanga. Tuta la costa la sofre del problema de la sedimentizaxion. La forte eroxion de l’interno vol dir che i fiumi i porta sabia al mar. Sta sabia la va a rienpir i fondali longo la costa.

Costa meridionale[canbia | canbia el còdaxe]

La costa merisionale la xe limitada dal Masicio de Ivakoany a est, e da quelo de Isala Roiniforme a nord. Sta region la se divide in tel pianoro de Maafaly e la zona semidesertica ocupada da la popołasion antandroy.

Aque[canbia | canbia el còdaxe]

En Madagascar se cata vari fiumi. El Mananara e el Mangoro i va da i altipiani sentralia la costa orientale. Dal Lago Alaotra nase el fiume Maningory chel va su la costa a est. Altri fiumi corti i disende da i altipiani, par esenpio: el Bemarivo, el Ivondro e el Mananjary. I fiumi che i se buta in tel Canal de Mozanbico i xe pi longhi e manco violenti, visto che i disende on poco a la olta. I pi inportanti i xe el Sanbirano, el Mahajanba, el Betsiboka, e el Mania. En tel sud se cata el Mandrare. Tra i laghi, i pi inportanti i xe el Alaotra, el Kinkony e el Ihotry.

Clima[canbia | canbia el còdaxe]

El clima el xe tropicale su tuta la costa, tenperà a l’interno e arido in tel sud. I venti I xe quasi senpre de sudest. La piova la pol rivar a 3500 mm a l’ano. La piova la xe pi forte su la costa orientale, e l’interno el xe pi suto. El sud el presenta un clima smi arido e anca arido. I cicloni i xe frequenti.

Flora e fauna[canbia | canbia el còdaxe]

Baobab rente de Morondava

L’origine geologica, e la separazion dal resto de le tere emerse, la ga parmeso lo svilupo de na flora e na fauna particolare. En Madagascar no se cata i animali tipici de l’Africa (leon, rinoceronte, girafa, elefante) e nianca tanti serpenti velenoxi. A lo steso tenpo, i retili e i inseti del Madagascar i xe sconosui in Africa. Lo steso se pol dir de le piante. La deforestaxion e la riforestaxion comerciale le sta canbiando le specia presenti, ma el Madagascar el ga oncora grandi foreste autoctone. Se cata pi de 900 specie de orchidee che le se cata solo che chi.

Risorse naturali[canbia | canbia el còdaxe]

Se cata varie piere preziose o semi-preziose. Le coste le xe pescose e ghe on grande potenzial par l’energia idroeletrica. Solo che el 6% del teritorio el xe coltivà, e el 26% el xe formà da foreste.


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giografia_del_Madagascar&oldid=1016027"