Giografia de la Tanzania

Da Wikipedia, l'ençiclopedia libara.
Jump to navigation Jump to search
El Monte Kilimajaro
Mapa topografica de la Tanzania

La giografia de la Tanzania la presenta vari aspeti interesanti. En te la Tanzania se cata quasi tuti i ecosistemi africani. El Monte Kilimanjaro la xé la montagna pi alta del continente. Rente del Kilimanjaro se cata el monte Meru e pi a ovest el Oldoinyo le Nkai, che i xé volcani ativi. Senpre a ovest del Kilimanjaro se cata i pianori del Serengeti, che ancó i forma on parco naxional famoxo par le bestie selvadeghe e par i panorami. Rente del Serengeti se cata l’Olduvai Gorge. On vajo do i studioxi i ga fato de i ricatamenti fosili de i primi ominidi. A nord del Serengeti ghe xé vari laghi salai, el pi grando el xé el Lago Natron. Piasé a ovest, al confin co el Kenya e l’Uganda, se cata el Lago Vitoria, el pi grande lago africano. A sud del Vitoria, se cata el Lago Tanganica. El sentro del paexe el xé on pianoro de savane e bascalie.

La costa oceanica la xé calda e umida. So la costa se cata la sità pi grande de la Tanzania, Dar es Salaam. Le ixole de Zanzibar, Penba, e de Mafia, co altre minori, le se cata pena fora da la costa a nord del paexe. El paexe el xé divixo en 25 regioni: 20 en tel continente, 2 so Zanzibar e 2 so Pemba.

Clima[canbia | canbia el còdexe]

El clima el xé caldo tropicale so la costa, pi fresco a l’interno. L’estate la xé quela australe (da novenbre a fevraro). La piova la vien en te la stagion dopo la luna de primavera (marso – magio) e a l’inisio de l’està en tel nord del paexe. A sud, la piova la vien da dicenbre a avril.

Dati[canbia | canbia el còdexe]

Tanzania Roads & Rails.png

Area:

  • totale: 945 087 km²
  • tera: 886 037 km²
  • aque: 59 050 km²

Confini:

Costa: 1 424 km

Elevaxion:

Risorse naturali: energia idroeletrica, stagno, fosfati, fero, carbon, diamanti, tanzanite, oro, gas naturale, nickel

Tera:

  • arabile: 3%
  • utilixà: 1%
  • pascoli: 40%
  • foreste e boschi: 38%
  • altro: 18%

Tera irigà 1 550 km²