Dar es Salaam

Dar es Salaam sità
Locałixasion
Stato	Tanzania
Rejon	Dar es Salaam
Distreto	Ilala Kinondoni Temeke
Aministrasion
Sìndico	Adam Kimbisa
Teritorio
Coordinae	6°48′S 39°17′E
Altitudine	12 m s.l.m.
Superficie	1 590km²
Abitanti	2698651
Densità	1 697,26 ab./km²
Altre informasion
Còd. postałe	12101
Carte interative

Dar es Salaam la xe la cavedal de la Tanzania. El nome el xe de origine araba e el vol dir casa de la pace. El nome originale da la sità el xera Mzizima, forma corta de Mji wa Uzima – sità de la totalità (intesa come posto dove se vive nel benessere). Co do milioni e mezo de abitanti, Dar es Salaam la xe la sità pi grande de la Tanzania.

Storia

Dar es Salaam la xe sempre stà na zona de marcà tra i abitanti neri e i marcanti arabi-omaniti, indiani e persiani. Anca ancò el porto el xe el pi grande de el paexe e tute le esportasioni (cafe, cotone, agave, medisine, pel) le pasa d eqi. El primo eoropeo a rivar qi l’è stà Albert Roscher de Amburgo en tel 1859. En tel 1866, Seyyid Majid, sultano di Zanzibar, gha dato el nome atuale. La sità la xe stà mesa soto el controlo todesco en tel 1887 co l’arivo de la Compagnia de l’Africa Orientale Todesca. La colonia todesca la xe terminà co la prima guera mondiale, co i inglexi gha vinto la batalia de Kisumu e i gha cambià el nome en Tanganica. Dopo l’indipendensa (1961) el Tanganica el gha fato na federasion co Zanzibar, creando la Tanzania. En tel 1973, el governo de la Tanzania al gha deciso de spostar la cavedal a Dodoma. El cambiamento no el xe mai stato fato del tuto e Dar es Salaam continua a esar la cavedal de facto.