Zanzibar

Zanzibar

(sw) Jamhuri ya Watu wa Zanzibar (en) People's Republic of Zanzibar (ar) زنجبار
Sorte	Stato federà e rejon aministrativa
Òpara	Civilization V (it)
Posto
Continente	Àfrica
Rejon aministrativa	Tanzània
Dati e sifre
Àrea	2 461 km²
Atività
Creasion	26 de apriłe del 1964

L’arcipelago de Zanzibar el xe on grupo de ìzołe in fronte a la costa setentrionale de el Tanganica (Tanzania). L’ìzoła principale la vien de solito ciamà Zanzibar, anca se el so nome el xe Unguja. Le altre ìzołe xe Mafia, Pemba e altre minori. L’arcipelago el xe anca ciamà Le Ixole de le Spesie.

Storia

Vista dal mar de la Sità de Piera su l'ìzoła de Zanzibar

L’arcipelago de Zanzibar el xe stà abità da popolasioni bantu fin da el secolo XI. De lo steso tempo xe anca i primi contati co el mondo arabo e persiano. El nome Zanzibar vegnarea dal persian (zangi-bar, costa de i neri), ma no ghe testimonianse certe. I portoghexi xe rivà in tel XVI secolo e gavea de i forti su le ìzołe pi grandi. El sultanato omanita ga sempre vù el control politego de Zanzibar e, dal 1698 secolo, Stone Town – cavedal de l’arcipelago – la xera anca la cavedal de el sultanato. L’arcipelago el xe sempre stà importante par le spesie – ciodi de garofano, zenzero, vanilia, noxe moscata, peare e altre – e par el marcà de i sciavi. Tippu Tip, el pi grande produtor de spesie in tel secolo XIX, el xera anca el pi grande marcante de sciavi. El sultan de Zanzibar gavea el control de Mogadiscio, Mombasa, Dar es Salaam e parte de la costa del Tanganica fin a el Cao Delgado, in tel nord de el Mozanbico (Misumbiji). I inglexi i xe stà boni de tor el poder, fazendo rimaner el sultan al so posto par darghe on po’ de fumo su i oci a i residenti, fin dal 1890. En tel 1963, Zanzibar el xe diventà indipendente soto el sultan Jamshid bin Abdullah. En tel 1964, co on colpo de stato el sultan el xe stà parà via e l’arcipelago el sa unio a el Tanganica par formar la Tanzania. Durante el colpo de stato, i neri de Zanzibar ga copà poco manco de la metà de i arabi (5000 su 12000) e oncora ancò se vede che el problema etnico xe a la baxe de tante rivalità politighe e econòmeghe de Zanzibar. La violensa la xe sciopà ne i ultimi tempi tute le olte che ghe stà de le elesioni politeghe, co i partii islamici che voria tor el poder e stacarse da el Tanganica.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Zanzibar
• el detien schemi gràfeghi so

Linganbi foresti

• Zanzibar, in Disionàrio de istòria, Istituto de ła Ençiclopedia Italiana, 2010.
• (EN) Zanzibar / Zanzibar (altra versione)Ençiclopedia Britannica, Encyclopædia Britannica, Inc.