Pretoria

Da Wikipedia, l'ençiclopedia libara.
Pretoria
sità
Pretoria – Stema Pretoria – Bandiera
Pretoria – Panorama
Locałixasion
StatoSudafrica Sudafrica
ProvinciaGauteng
DistretoTshwane
Munisipałità locałeNo prexente
Aministrasion
SìndicoGwen Ramokgopa
Data de istitusion16 de novenbre 1855
Teritorio
Coordinae25°43′S 28°17′E / 25.716667°S 28.283333°E-25.716667; 28.283333Coordinae: 25°43′S 28°17′E / 25.716667°S 28.283333°E-25.716667; 28.283333
Altitudine1,271 m s.l.m.
Superficie1 644km²
Abitanti2345908
Densità1 426,95 ab./km²
Divixion confinantiJohannesburg
Altre informasion
Còd. postałe0001 • 0002
Prefiso012
Carte interative
Sito istitusionałe

Facebook: 114432635239619 MusicBrainz: 6c0adac7-8e77-4104-9eaa-ff6359a9ee6b

Pretoria xe la cavedal aministrativa de el Sudafrica. Dopo el tempo de l’apartheid, el governo ga dovesto creare tre cavedali, Pretoria, Sità del Cao (legislativa) e Bloemfontein (giudisiaria) par darghe on tocheto de poder a i tre grandi grupi che forma la società sudafricana (neri, meticci – coloured-, e boeri – afrikaaner). De fato, Pretoria xe la vera cavedal.

Pretoria xe na sità situà in tel nord de la rejone de Gauteng. Co Centurion e Soshanguve la forma l’area metropolitana de Tshwane. Tshwane ga na popolasion de do milioni de abitanti, ma bisognaria anca contar i abitanti de sità satelite come Mamelodi, che da sola ga 800 000 abitanti. La zente la parla inglexe, afrikaans, tswana e ndebele.

Storia[canbia | canbia el còdaxe]

La zona de Pretoria la xera abità da grupi ndebele. A questi se sa zontà de i grupi zulu e tswana. No pare comunque che ghe fose de i vilagi stàbiłi prima del 1800. La sità la xe stà fondà da Marthinus Pretorius in tel 1855 che la ga ciamà così par ricordar so pare, Andries Pretorius. Pretoria la xe diventà la cavedal de la Republica del Sudafrica (el Transvaal) in tel 1860. Co la fondasion de Pretoria i boeri ga terminà la migrasion da la rejon de el Cao che gavea portà a la fondasion de le repùbleghe indipendenti de el Transvaal e del Stato Libaro de Orange.

Co la seconda guera boera (1899-1902), le repùbleghe boere ga perso l’indipendensa. I inglexi ga meso insieme le repùbleghe co le colonie de el Natal e del Cao, par formar l’Union del Sud Africa. Pretoria xera la cavedal de l’Union. La sità ga tre università: de Pretoria, la università de tecnologia de Tshwane, e l’UNISA – università del Sudafrica. L’economia se basa so le industrie pesanti del fero.

El nome[canbia | canbia el còdaxe]

Co Marthinus Pretorius xe rivà ne la zona de Tshwane (se pronuncia ciuà’ne), el ga fondà Pretoria. El nome ricorda so pare Andries Pretorius, che el xera ono de i cai de la grande migrasion de boeri dal Cao a l’interno del Sudafrica. Andreis el xera ono de i cai che ga vinto la bataglia de Blood River contro i zulu, e ono de quei che gavea otenù l’indipendenza de el Transvaal (Sand River Convention – 1852). Par questo, i boeri (afrikaners) i considera Pretoria la loro cavedal, e on posto importante par la loro storia. El museo de i Voortrekkers raconta sta storia.

I abitanti originali de sta rejon i vede la storia da n’altro ponto de vista. Par lori, i boeri xe de i invasori che sa tolto la loro tera. La rejon la se ciamava Tshwane, e ga da verghe stò nome anca ancò. En tel 2005, el Consiglio Sudafricano de i Nomi Geografici ga aprovà el cambio de nome. I boeri no xe d’acordo, ma anca tra i neri ghe quei che no i vol canbiar el nome de la sità. El goveno no ga oncora aprovà el cambio.

Controło de autoritàVIAF (EN167343013 · LCCN (ENn79023000 · GND (DE4116098-8 · WorldCat Identities (ENn79-023000
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pretoria&oldid=1026850"