Apartheid

L' apartheid (in afrikaans separasion) el xera ła połìtica de divixion rasiałe fra bianchi, neri e altri grupi ètnici portà vanti in Sudàfrica dal Partito Nasionałe fra el 1950 e'l 1994 par garantir ai bianchi el controło połìtico e econòmico del Paéxe.

'Sta połìtica qua ła xe stà reałizà sarando sù i no-bianchi in enclave formalmente independenti o autogovernàe, ciamàe bantustan, de modo che dal pónto de vista legałe i no-bianchi no i gavése pi ła sitadinansa sudafricana ma i avése soło queła del só bantustan.

In realtà parò łe enclave łe dependéa economicamente dal Sudàfrica vero e propio parché łe era stàe progetàe aposta co póche riserve naturałi e industriałi de modo che el sviłupo econòmico e 'l progreso sociałe de łe só popołasion el fuse quaxi inposìbiłe: in 'sto modo qua xera garantìo che i no-bianchi i ndase lavorar fora da łe só enclave come "ospiti foresti" in Sudàfrica e donca co puchi diriti.

L'apartheid intel pónto de màsima duréza el vietava anca i matrimoni misti e i partiti multirasiałi, oltre a inpor ła separasion rasiałe a scóła, 'ntel lavóro e 'nte ła vita pùblica.

Altri progetti

• Wikimedia Commons

• Wikimedia Commons el detien imàjini o altri file so Apartheid