Giografia de le Comore

Giografia de le Comore
Sorte	Geografia di un luogo (it)
Liogo
Rejon aministrativa	Comore
	; ; ; ; ; ; ;

L’arcipelago de le Comore el xe formá da quattro ìzołe pi grandi mese so n’ase nord-ovest sud-est, che le se cata in tel nord del Canal del Mozanbico, tra el Mozanbico e el Madagascar. A le ìzołe pi grandi, se zonta tante ìzołe e scogli picenini. Anca se le xe conosude co i nomi francexi, le ìzołe le xe stá ribatezá co i nomi swahili che zera prima de la colonia. Esse le xe Njazidja (Grande Comore), Mwali (Mohéli), Nzwani (Anjouan), e Mahoré (Mayotte). Le ìzołe le ga n’area de 2 236 chilometri quadrati. El Karthala co i so 2 361 metri, so la Grande Comore, el xe on vulcano ativo.

Njazidja[canbia | canbia el còdaxe]

Njazidja la xe l'ìzoła pi granda, 67 par 27 chilometri, co na superficie totale di 1 146 chilometri quadrati. L’ìzoła la xe de origine vulcanica e la pi recente de formasion in tuto l’arcipelago. Do vulcani i xe i punti pi importanti de la so topografia: La Grille a nord, con n’elevasion de 1.00 metri, el xe spento; el Kartala el xe ativo, la so ultima eruxione la xe del 1977. Tra le do montagne ghe xe n’altipiano de 600 - 700 metri de alteza. La cavedal naxional, Moroni la xe so sta ìzoła.

Nzwani[canbia | canbia el còdaxe]

Nzwani la xe níxola triangolare de 424 chilometri quadrati. Tre cadene montagnoze - Sima, Nioumakele, e Jimilime – le parte da on pico sentrale, el Mtingui (1 575 metri). L’ìzoła la ga na scoliera corallina rente de la riva. Il caoluogo Mutsamudu el xe anca el porto principale.

Mwali[canbia | canbia el còdaxe]

Mwali la xe longa trenta chilometri e larga dodexe. La xe la pi picenina de le quatro ìzołe e la ga na cadena de coline al sentro. Il caoluogo ze Fomboni.

Mahoré[canbia | canbia el còdaxe]

Mahoré la xe la ìzoła pi vecia. La xe longa 39 chilometri, e larga 22. Le coline le xe base (500 m s.l.m.). La bariera coralina la sirconda l’ìzoła. Dzaoudzi el xe el caoluogo aministrativo di Mahoré.

Clima[canbia | canbia el còdaxe]

Il clima el xe tropicale co do stagioni: calda e umida da novembre ad aprile, e una stagione secca inte el resto dell'anno. Le temperature mèdie mensili le va da 23 °C ai 28 °C longo le coste. Anca se la piova la xe tanta (2000 millimetri l’ano), l'acqua la xe scarsa. Co la stagion pi calda se ga anca cicloni.