Stà cuà ła xè nà voxe en vetrina. Struca cuà par major informasion!

Giacomo Casanova

Da Wikipedia, l'ençiclopedia libara.
Jump to navigation Jump to search
Broom icon.svg
El modèl {{Bio}} no'l funsiona coretamente parché l'atività aventuriero no ła xe riconosua.
Se posibiłe uxa n'attività prexente inte'l elenco. Te poi propore qua 'l inserimento de n'atività che manca.

Giacomo Girolamo Casanova (Venesia, 2 de apriłe 1725Dux, odierna Duchcov, 4 de giugno 1798) xe stà un scritor, diplomatico e aventuriero vèneto.

Giacomo Casanova
(IT) Giacomo Girolamo Casanova
Casanova ritratto.jpg
SitadinansaRepùblega de Venèsia
Nasimento2 de apriłe 1725 Venesia
Morte4 de xugno 1798 e 1803 Duchcov Chateau e Viena
XenidoriZanetta Farussi (mare) Gaetano Casanova (pare) e Michele Grimani (pare)
Łéngue parlae
Ocupasion
  • traduttore
  • poeta
  • bibliotecario
  • banchiere
  • romanxiero
  • diplomàtego
  • scritore
  • Autor
  • avventuriero
  • autobiografo
Educà aUniversità de Pàdova
PremiOrdine dello Speron d'oro
IMDB: nm0142916
Discogs: 3020946 Find a Grave: 6653395

Resta de lu 'na produsion łeteraria molto vasta ma el vien prinsipalmente ricordà come aventuriero e come cuel che ga fato del so nome el sinonimo de sedutor. A sta fama ga contribuìo verosimilmente ła so pì inportante opera autobiografica: Histoire de ma vie (Storia deła me vita), dove ł’autor el descrive, con ła masima franchesa, tute łe so aventure, i so viaji e i so incontri co' łe done.

L'Histoire ła xe sta scrita in fransexe e ła dovarìa duncue far parte deła leteratura in sta lengoa, siben ła sielta lengoistega ła sia sta detà soło par motivi de difuxion de ł'opera, in cuanto a ł'epoca el fransexe la gera ła lengoa pì conosesta e parlà in Eoropa, come ai tenpi nostri ł'inglexe. Casanova steso, 'nte ła prefasion de ł'Histoire, el ga scrito infati, faxendo riferimento ała major difuxion deła łengoa fransexe

(FR)
« J'ai écrit en français, et non pas en italien parce que la langue française est plus répandue que la mienne. »
(VEC)
« Go scrito in francexe, e no in tałian, parché sta łéngoa ła risponde mejo de ła mia »


Sicuro de ł'imortałità deła so opera, o al fine de garantirseła, Casanova el ga scrito perciò doparando ła łengoa che ła ghe gavaria consentio de ciapare el major numaro posibiłe de potensiałi letori. Tante opare minori, del resto, łe ga scrite in itałian, forse parché el saveva ben che non łe saria mai divegnue on monumento, come invese a xe sta par ła so autobiografia.

A xe da notare, in sto caxo, łe anałogie coł so amigo Carlo Goldoni, el cuałe el ga sielto ało steso modo de scrivare ła propria autobiografia en fransexe.

Ł'autobiografia de Casanova, a parte el vałore leterario, ła xe on inportante documento par ła storia del costume, forse una dełe opare leterarie pì inportanti par conosare ła vita cuotidiana in Eoropa 'ntel '700. A se trata de 'na rapresentasion che, par łe frecuentasion de ł'autor e par ła łimitasion dei posibiłi łetori, ła riferise prinsipalmente dełe clasi dominanti de ł'epoca, nobiltà e borghesia, ma cuesto no 'l ne łimita ł'intarese parché anca i personji de contorno, de cualsiasi estrasion, i xe ben rapresentà. Łèxare st'opara el xe on strumento inportantisimo par conosare el cuotidiano dei uomani e dełe done de ałora, par conprendare dal de drento ła vita de ogni dì.

Fra corti e sałoti, Casanova el ga sfiorà - sensa cuasi gnanca incorzersene - on momento de svolta epocałe deła storia. El ga incontrà pareci fra i grandi del so tenpo e el ne ga documentà i incontri; i gera fra cuesti personaji come Rouseau, Voltaire, ła Pompadour, Mozart, Caterina II de Rusia, Federico II de Prusia. Ma Casanova no 'l ga capìo el spirito de rinovamento che el gavarìa fato xołare la storia verso diresion mai percorse prima. El xe restà łigà fino ała fine al vecio regime e a cueła clase dała cuałe, par nasita, el gera sta escluxo e deła cuałe el ga sercà disperatamente de far parte, anche cuando ormai ła gera irrimediabilmente destinà al tramonto.

Biografia[canbia | canbia el còdaxe]

Dała nasita a cuando che el xe scapà dai Pionbi (1725 - 1756)[canbia | canbia el còdaxe]

Giacomo Casanova el xe nato a Venesia in Całe della Comedia (adeso Całe Małipiero), viçin ała cexa de San Samuele dove el xe sta batezà.[1] So pare gera Gaetano Casanova[2] e ła mare Zanetta Farusi, ma ła voxe popołare ło considerava fruto de 'na rełasion extraconiugałe deła mare col nobiłe Michele Grimani. I genitori i gera atori e soratuto ła mare pare ła gabìa avù suceso 'nte ła so profesion esendo sta cità, con cualche riłievo, da Carlo Goldoni 'nte łe so Memorie, dove ła ga definìa: "....una vedova bellisima e asai valente".

Restà orfano de pare [3] a sołi oto ani e esendo ła mare senpre in viajo a causa deła so profesion, el xe sta ałevà dała nona Marzia Farusi. Giacomo el gera da picinin de cativa sałute. Par sta raxòn, so nona ło fa portà da 'na stria che ła xe riusìa guarirlo dai disturbi faxendo on rito. Dopo che ł'esperiensa infantiłe, ł'intarese par łe pratiche magiche ło ga conpagnà par tuta ła vita ma lu steso el gera el primo a ridare deła credułità che tanti i manifestava 'nte i confronti de ł'exoterismo. El ga studià a ł'università de Padova dove el se ga laureà in dirito 'ntel 1742. Sucesivamente el ga viajà a Corfù e Costantinopołi. Ntel 1743 el xe rientrà a Venesia giusto par vèdare ła morte de so nona Marzia. Co ła morte de so nona, a cui el ghe vołeva on gran ben, a se gà sarà on periodo inportante deła so vita: so mare ła ga decixo de łasàre ła beła e cara (de preso) caxa en Całe deła Commedia [4] e de sistemar i fiołi in modo economicamente pì sostenibiłe. Sto evento el ga segnà profondamente Giacomo, tirandoghe via on inportante punto de riferimento. 'Nte ło steso ano el xe sarà, a cauxa deła so condota pitosto turbołenta, 'ntel Forte de Sant'Andrea dała fine de marso ała fine de lujo. Pì che ł'aplicasion de 'na pena, el xe sta on avertimento tendente a sercar de corezare el so caratare.

Meso in libertà, el xe partìo, grasie ai boni ufici materni, al seguito del vescovo de Martirano[5] (Całabria) che el gera drio 'ndare a asumare ła diocexi. 'Na volta rivà a destinasion el ga ciapà paura par łe condision de aretratesa del łogo, el ga domandà e otegnù el congedo. El ga viajà a Napułi e a Roma, dove 'ntel 1744 el ga ciapà servisio dal cardinal Accuaviva, anbasiador deła Spagna preso ła Santa Sede. Ł'esperiensa ła xe finìa presto a cauxa deła so condota inprudente: infati el gaveva ospità 'ntel Palaso de Spagna, rexidensa ofixial del cardinałe, 'na putea scapà de caxa.

cuando el xe tornà a Venesia par on serto periodo el se ga guadagnà da vivare sonando el viołin 'ntel teatro de San Samuełe, de proprietà dei nobiłi Grimani che, ała morte del pare, avegnua prematuramente (1733), i gaveva asunto ofixialmente ła tuteła del toso, avałorando ła voxe popołare secondo ła cuałe uno dei Grimani, Michele, el fuse el vero pare de Giacomo.

'Ntel 1746 a ghe xe sta ł'incontro col patrisio venesian Matteo Bragadin, che el gavaria mijiorà sostansialmente łe so condision. Colpio da on małore, el nobiłomo el xe sta socorso da Casanova e tanto da convinzarse che, grasie a cuel tenpestivo intervento, el gaveva podesto salvarse ła vita. De conseguensa el ga scuminsià a considerarlo cuaxi come el fioło che no'l gheva mai vù, contribuendo, finché el ga vivesto, al so mantenimento. Ma ła frecuentasion co i nobiłi el ga atirà su de łu ł'intarese dei Incuixitori de Stato e Casanova, su consejo de Bragadin, el ga łasà Venesia aspentando tenpi mejo.

'Ntel 1749 el ga incontrà Henriette, che ła sarìa sta forse el so pì grande amore. Ło pseudonimo el scondeva probabilmente ł'identità de 'na nobildona de Aix en Provence, forse Adelaide de Gueidan [6]. So cuesta e so altre identificasion, i "caxanovisti" i se xe tirà par i cavej par tanti ani. In łinea de masima, come a xe sta sostegnù da pareci studioxi, i personaj cità 'nte łe Memorie i xe reałi. Al più, l'autore el podaria esarse cautełà con cualche picoła acortesa: speso, tratandose de done maridà, alcune łe xe cità co łe inisiałi o co nomi de fantaxia, talvolta ł'età ła vien on fià modifegà par gałanteria o par vanità de ł'autore che no 'l ghe piaxeva cuntare de aventure con done considerà, co i criteri de ałora, in età matura, ma in generałe łe persone łe xe identificabiłi e anca i fati riferìi i xe risultà coreti e riscontrabiłi. Parece identificasion e notisie documentałi łe ga confermà el raconto.

Frontespisio deła so autobiografia

Se cualche erore a ghe xe sta, el xe dovù al anche al fato che, a ł'epoca in cui a xe sta scrite łe Memorie (dal 1789 in po'), a gera pasà tanti ani dai fati e, par cuanto ł'autore el xe posa esare ajutà con diari o apunti, a no gera afato façiłe metare a posto cronołogicamente i eventi. Ogni tanto ł'autore el se faxeva però trasinare dała so vixion teatrałe dełe robe no 'l rinunciava apunto a cualche "colpo de teatro". El ché, peraltro, el contribuise a rendare ła łetura pì piaxevołe.

El problema de ł'atendibiłità del raconto caxanovian el xe tutavia parecio conpleso: ciò ca xe veramente difiçiłe o, in tanti caxi, adiritura inposibiłe da vałutare a xe se i raporti che Casanova riferise de aver intratenù co i personaji i sia rispondenti ała realtà dei fati. Tałuni studioxi i ga ritegnu che 'ntel corpus dełe Memorie a sia sta inserìi dei pasaji totalmente romanzà e de pura invension, basà comuncue su personaji storegamente esistìi e efetivamente presenti 'ntel łogo e 'ntel tenpo deła descrision.

El caso pì eclatante el xe cueło che riguarda ła rełasion de Casanova con suor M.M. [7] e i conseguenti raporti con ł'anbasiador de Fransa De Bernis. A se trata de una dełe parti pì vałide de ł'opera dal punto de vista łeterario e stiłistego. El ritmo del raconto el xe seratisimo e ła tension emotiva dei personaji de straordinario reałismo. Secondo alcuni studioxi el raconto el xe asołutamente veritiero e el se ga ripetutamente tentà ł'identificasion deła donna, secondo altri el raconto el xe de pura fantaxia e baxà so łe confidense del cuogo de ł'anbasador (tałe Rosier) che efetivamente Casanova el conoseva parecio bene. Ła diatriba tra łe varie texi łe continuarà ma, comuncue łe sia łe robe, el vałore de ł'opara non canbia parché ciò che perde el Casanova memoriałista ło guadagna el Casanova romanziere.

'Ntel giugno del 1750, a Lione, Casanova el ga aderìo ała Masoneria. Non pare che ła decixion ła fuse ascrivibiłe a inclinasion ideołogiche, ma pitosto al pragmatego dexiderio de procurarse utiłi ajuti. El ga ragiunto cualche risultato, infati pareci personagi incontrà 'ntel corso deła so vita, come Mozart e Franklin i gera sertamente masoni e alcune façiłitasion avù in varie ocaxion a pararìa dovùe ai benefici derivanti dal far parte de on'organisasion ben radicà in cuaxi tuti i paexi eoropei. 'Nte ło steso periodo el xe 'ndà a Parigi dove el ga inparà el fransexe, che el sarìa diventà ła so łengoa łeteraria oltre che, in pareci caxi, epistołare.

Ritornà a Venesia dopo el łongo sogiorno parixin e altri viaji a Dresda, Praga e Viena, 'nte ła note tra el 25 e el 26 de lujo 1755, el xe sta arestà e portà 'nte i Pionbi. Come d'uxo a ł'epoca, al condanà a non vegneva notificà el capo d'acuxa, né ła durata deła detension cui el gera sta condanà.[8] Ciò, come in seguito el ga scrito, el se ga rivełà danoxo, poiché se el gavese savesto che ła pena ła gera de durata tuto somà soportabiłe, el se sarìa ben vardà da ł'afrontare el ris'cio mortałe de ł'evaxion e soratuto el pericoło deła posibiłe sucesiva ełiminasion da parte dei incuixitori i cuałi, speso, i arivava a operare anca parecio distante dai confini deł Republica. Sti magistrati i gera ł'espresion pì evidente de ł'arbitrarietà del poter ołigarchego che governava Venesia. I gera insieme tribunałe speciałe e sentrałe de spionajo.

Sui reałi motivi de ł'aresto a se xe ciacołà parecio. A xe però zerto è el conportamento de Casanova el gera tegnuo d'ocio dai incuisidori e a resta parece riferte [9] (raporti deł spie pagà dai Incuisidori) che i ne descriveva minutamente i conportamenti, soratuto cuełi considerai socialmente sconvenienti. In definitiva ł'acusa ła gera cueła de "libertinagio" fato con done maridà, de spregio deła rełijon, de circonvension de alcuni patrisi e in generałe de un conportamento pericołoxo par el bon nome e ła stabiłità del regime aristocratego. De fato, Casanova el conduxeva 'na vita alcuanto disordinata ma né pì né manco de tanti ranpoł dełe caxate iłustri: come cuesti el xugava, el barava e el gaveva anca dełe idee abastansa personałi in materia de rełijon e, cuel che xe pezo, non el ghe ne faxeva mistero.

Anche ła so adexion ała Masoneria, che ła gera nota ai Incuisidori, non ła ghe giovava, cusì come ła scandałoxa rełasion intratenua con "suor M.M.", sertamente apartegnente al patrisiato, munega 'ntel convento de S. Maria de i Angeli in Muran, e amante de ł'anbasadore de Francia abate De Bernis. Insuma, ł'ołigarchia al potere non ła podeva tołerare oltre che on individuo ritegnuo socialmente pericołoxo el restase in circołasion.

Tutavia i apoxi, de cui sertamente podeva dispore 'nte ł'anbito del patrisiato, i ło ga ajutà notevolmente par otegnere 'na condana "łeziera". Ła contradision ła xe soło aparente, parché Casanova el xe senpre sta on personajo anbivałente: par estrasion e mezi el faxeva parte de 'na clase subalterna, anche se contigua ała nobiltà, ma par frecuentasion e protesion el podeva parere far parte, a cualche titoło, deła clase al potere. A sto riguardo a va anca dito che el so prexunto pare naturałe, Michele Grimani, el apartegneva a una dełe fameje pì iłustri de ł'aristocrasia venesiana, anoverando ben tre dogi e altretanti cardinałi. Sta paternità ła xe sta rivendicà da Casanova steso 'ntel łibeło Né amori né donne e pare che anca ła somejansa de aspeto e de corporatura dei du avałorase parecio ła texi.

Dała fuga dai Pionbi al ritorno a Venesia (1756 - 1774)[canbia | canbia el còdaxe]

Apena rimesose dało shock de ł'aresto, Casanova el ga scominzià a organizare ła fuga. On primo tentativo el gera sta vanificà da on spostamento de ceła ma, 'nte ła note fra el 31 de otobre e el primo novenbre 1756, el ga meso in ato el so piano: pasando dała ceła ai sofiti, atraverso on buxo 'ntel sofito praticà da on conpagno de recluxion, el frate Marino Balbi[10], sbuxà fora sol teto e po' el se ga całà de novo a ł'interno del pałaso da on abaino. El xe Pasà cuindi, in conpagnia del conplice, traverso varie camare e el xe sta infine notà da on pasante che el pensava che el fuse on vixitator restà sarà drento. cuesti el ga ciamà uno dei adeti al pałaso [11] che el ghe ga verto el porton, consentendo ai du di 'ndar fora e 'ndar via in presia co 'na gondoła.[12] I se ga direti in presia verso Nord. El problema el gera de semenare i inseguitori, infati ła fuga ła butava on'onbra so ł'aministrasion deła giustisia de Venesia e a gera ciaro che i Incuisidori i gavaria tentà de tuto par ciufare i evaxi. Dopo curti sojorni a Bolzan, Monaco de Baviera, dove Casanova finalmente el se ga libarà deła scomoda presensa del frate, Augusta e Strasburgo, el 5 de genaro 1757 el xe arrivà a Parigi, dove 'ntel frattenpo el so amigo De Bernis el gera diventà ministro e cuindi i apoxi i no i ghe mancava.

Rinfrancà e catà 'na sistemasion, el ga scuminsià a dedicarse ała so speciałità: briłar in società, frecuentando cuanto de mejo ła cavadal ła podese ofrire. El ga conosesto tra i altri ła marchexa d'Urfé[13] nobildonna siora e stravagante, con ła cuałe el ga intrategnù 'na longa rełasion, diłapidando pareci schei che eła ła ghe meteva contenta a dispoxision, sojogà dal so fasino e dal consueto coredo de rituałi magichi. Parecio fantaxioxo, el se ga fato promotore de 'na loteria nasional, ało scopo de rinsaldare łe finanse deło stato. El vedeva che cuesto el gera ł'unjoło modo de far contribuire contenti i sitadini ała finansa publica.

Ł'intuision ła gera talmente vałida che ancora adeso el sistema el xe molto praticà. Ł'inisiativa ła xe sta autorixà ofixialmente e Casanova el xe sta nominà Ricevitore el 27 de genaro 1758. 'Ntel setenbre deło steso anno, De Bernis el xe sta nominà cardinałe; on mexe dopo Casanova el xe sta incaricà dal governo fransexe de 'na mision segreta in Olanda[14]. Al so ritorno el xe sta coinvolto inte on'intrigà facenda riguardante 'na gravidansa indexiderà de on'amiga venesiana, Giustiniana Wynne.

De mare itałiana e pare inglexe, Giustiniana ła gera sta al sentro de ł'atension per ła so rovente rełasion co on patrisio venesian, Andrea Memmo. cuesti el gaveva sercato in tuti i modi de spoxarla, ma ła raxon de stato (lu el gera menbro de una dełe dodexe fameje - cusidite apostołiche - pì nobiłi de Venesia) i ghe ło gheva inpedio, a causa de alcuni oscuri trascorsi deła mare de eła. In seguito ało scandało che ne gera vegnù fora, i Wynne i gaveva lasià Venesia. Rivà a Parigi, trovandose insinta e de conseguensa in grose dificoltà, ła tosa ła se ga rivolto par ajuto a Casanova che ej gera on otimo amigo del so amante. Ła letara con cui ła ghe inplorava ajuto ła xe sta catà e a xe singołare come ła putłea ła se rivolge a Casanova in modo s'ceto, dimostrando 'na fiducia totałe in st'ultimo, tegnù conto de ł'enorme ris'cio a cui ła se esponeva (e ło esponeva) 'ntel caxo in cui el mesajo el fuse cascà 'nte łe man sbaglià.

Casanova el se ga prodigà par darghe ajuto ma eò xe incorso in te 'na denuncia, par concorso in pratiche abortive, presentà da on'ostetrica, Reine Demay, in conbuta con on losco personajo, Louis Castel-Bajac, par estorzare schei in canbio de 'na ritratasion. Ł'acuxa ła gera on mucio grave, comuncue Casanova el xe riusìo a cavarseła con ła consueta presensa de spirito e el xe sta prosiolto, mentre ła so acusatrice ła xe finìa in preson. Ła putea ła ga abandonà ł'idea de interonpare ła gravidansa e in seguito ła ga partorìo inte on convento dove ła se gera rifugià. Vendù i so intaresi 'nte ła łoteria, Casanova el se ga inbarcà inte 'na fałimentare operasion inprenditoriałe ('na fabrica de pani) che ła xe naufragà anche a cauxa de 'na forte restrision dełe esportasion derivante dała guera in corso. I debiti che ne ghe gera derivà i ło ga condoto par on fià in prexon (agosto 1759). Come al sołito, el providensiałe intervento de on'amiga, ła siora e potente marchexa d'Urfé, ło ga tirà fora da ł'incomoda situasion. I ani sucesivi i xe sta on intenso continuo peregrinar par ł'Eoropa. El xe 'ndà in Ołanda, po' in Svisera, dove el ga incontrà Voltaire. In seguito in Itałia, a Genoa, Firenze e Roma.

Casanova e łe done

Chi a viveva el fradeo Giovanni, pitore, alievo de Mengs. Durante el sojorno preso el fradeo el xe sta riçevù dal papa Clemente XIII. 'Ntel 1762 el xe ritornà a Parigi, dove el ga riprexo a exercitare pratiche exoteriche insieme ała marchesa d'Urfé, fino a che st'ultima, rexase conto de esare sta par ani ciapà in giro co ł'iłuxion de rinasare xovane e beła per meso de pratiche magiche, ła ga troncà ogni raporto con Casanova che, dopo poco tenpo, el ga lasà Parigi, dove el clima che el se gera creà no 'l ghe gera pì favorevołe, par Łondra, dove el xe sta presentà a corte.

'Nte ła cavedal inglexe el ga conosesto Charpillon[15], con cui el ga sercà de intesare 'na rełasion. Inte sta sircostansa anca el grande sedutor el ga mostrà el so łato debołe e sta scaltra putea ło ga portà fin cuaxi a coparse. No 'l gera on grande amore, ma evidentemente Casanova no 'l podeva acetare de esare tratà con indifarensa da 'na putea cualsiasi. E più lu el se ghe intestardiva, pì eła ło tołeva in giro. Ma ała fine el xe riusìo a liberarse de sta asurda situasion e el se ga direto verso Berlin.

cui el ga incontrà l'inperador Federico el Grande, che el ghe ga oferto on modesto posto de insegnante 'nte ła scoła dei cadeti. Rifiutà sdegnosamente ła proposta, Casanova el se ga direto verso ła Rusia. A Mosca 'ntel diçenbre del 1764 el ga incontrà ł'inperatrice Caterina II, anca eła anesa ała straordinaria cołesion de personaji storeghi incontrà 'ntel corso dełe so peregrinasion sensa fine. A merita 'na riflesion ła straordinaria fasiłità con cui Casanova el gaveva aceso a personaji de primisimo niveło, che serto no i gera uxi a incontrarse con chiuncue. Evidentemente ła fama ło precedeva regołarmente e, almanco par efetto deła curioxità susità, ła ghe consentiva de penetrare 'nte i sircołi pì esclusivi dełe cavedal.

On fià ła cuestion ła se autoałimentava, 'ntel senso che in cualsiasi posto el se trovase, Casanova el se dava senpre on gran da fare par otegnere letare de presentasion par ła destinasion sucesiva. Evidentemente el ghe zontava de suo: el gaveva conversasion briłante, 'na cultura ençiclopedica fora del comun e, cuanto a esperiense de viajo, el ne gaveva acumułà infinite, inte on'epoca dove ła zente non ła viajava on granché. Insuma Casanova el so fasino ło gaveva, e no ło spendeva soło con łe done.

'Ntel 1766 in Połonia a ghe xe sta on epixodio che el ga segnà profondamente Casanova: el dueło col conte Branicki[16]. cuesti, durante on łitigio a cauxa deła bałerina venesiana Anna Binetti[17], ło gheva apostrofà ciamandoło poltron venesian. El conte el gera on personajo de rilievo ała corte del re Stanislao II Poniatowski e par o n straniero privo de cualsiasi coverdura połitica a no gera tanto consejabiłe contrastarlo. cuindi, anca se ofexo pexantemente dal conte, cualsiasi omo de normałe prudensa el se sarìa ritirà co' in bon ordene; Casanova, invese, che evidentemente no 'l gera soło on amabiłe conversator e on abiłe sedutor, ma anca on omo de corajo, ła ga sfidà inte on dueło ała pistoła. Facenda asai pericołosa, sia in caxo de soconbensa che in caxo de vitoria, in cuanto a gera fàsiłe spetarse che i amighi del conte i ne gavaria rapidamente vendicà ła morte.

El conte el ne gera vegnù fora ferìo in modo gravisimo, ma non abastanza da inpedirghe de pregare i so amighi de łasar andare indene ł'aversario, che el se gera conportà secondo łe regołe. Sepur ferìo abastanza seriamente a on braso, Casanova el xe riusìo a lasiare ła Połonia. Ła bona steła ła pareva averghe voltà łe spałe. El se ga direto a Viena, da dove el xe sta espulso.

Tornà a Parigi, el xe subito colpìo (novenbre 1767) da 'na lettre de cachet del re Luigi XV, con ła cuałe a ghe vegneva intimà de łasare el paexe. El provedimento el gera sta domandà dai parenti deła marchesa d'Urfé, i cuałi i intendeva metare al riparo da ulteriori ris'ci łe pur cospicue sostanse de fameja.

El xe 'ndà cuindi in Spagna, ormai ała riserca disperada de 'na cualche ocupasion, ma anca chi no ła xe 'ndà mejo: el xe sta butà in prexon con motivi pretestuoxi e ła facenda ła xe durà pì de on mexe. El ga łasà ła Spagna par andar Provenza dove però el xe ga małà (genaro 1769).

El xe sta asistìo grasie a ł'intervento de Henriette che, 'ntel fratenpo ła gera restà vedova, ła gaveva conservà de lu on otimo ricordo. El ga riprexo, dopo esarse rimeso dała małatia, el so peregrinare, 'ndando a Roma, Napułi, Bułogna, Trieste. In sto periodo a se ga infitio i contati con i Incuixidori venesiani par otegnere ła grasia, che finalmente ła ghe xe sta concesa el 3 de setenbre 1774.

Dal ritorno a Venesia a ła morte (1774 - 1798)[canbia | canbia el còdaxe]

Ritornà a Venesia dopo disdot'ani, Casanova el ga ristabiłio łe vece amicisie, paraltro mai sopìe grasie a on'intensisima atività epistołare. Par vivare, el se ga proposto ai Incuisidori come spia, proprio in favor de cuei che i gera sta tanto decixi prima a condanarlo ała recluxion e po' a costrinzarlo a on longo exiłio. Łe riferte di Casanova no łe xe mai sta particołarmente intaresanti e ła cołaborasion ła se ga trasinà stracamente fin a interonparse par "scarso rendimento". Probabilmente cualcosa in lu ła se oponeva a esar cauxa de persecusion che, avendołe provà in prima persona, łe conoseva ben.

Restà sensa schei, el se ga dedicà a ł'atività de scritor,doparando ła so vasta rede de rełasion par procurare sotoscritori ałe so opare. A ł'epoca a se uxava far sotoscrivare on ordinativo de łivri prima ancora de aver dà ałe stanpe o adiritura fionìo ł'opara, in modo da esar serti de poder sostenere i alti costi de stanpa. Infati ła conpoxision ła vegneva fata manualmente e łe tiradure łr gera base. 'Ntel 1775 el ga publicà il primo tomo deła tradusion de ł'Iłiade. Ła łista de sotoscritori, cioè de cuei che gaveva finansià ł'opara, ła gera davero notevołe e ła conprendeva oltre doxentotrenta nomi fra cuełi pì in vista a Venesia, conprexe łe alte autorità deło stato, siè Procuratori di S. Marco in carica[18] du fiołi del doge Mocenigo, profesori de ł'Università de Padoa e cusì via. Serto, par esare on ex carcerato evaxo, po' grazià, el gaveva dełe bełe frecuentasion. El fato de far parte deła lista no gera tegnuo segreto, ma inte 'na sità picinina, dove tute łe persone che łr cuntava łe se conoseva, a gera de publico dominio, duncue łe adexion łe dimostra che, malgrado łe so vicisitudini, Casanova no 'l gera afato on emarxinà. Anca chi a xe oportuna 'na riflesion so ł'anbivałensa del personajo e sol so eterno osciłare tra ła clase rejeta e cueła priviłexà.

Inte sto steso periodo el ga scuminsià 'na rełasion con Francesca Buschini, 'na putea molto senplice e incolta che par ani ła ga scrito a Casanova, dopo el so secondo exiłio da Venesia, dełe letare (catà a Dux) de on'ingenuità e teneresa cmmoventi[19], doparando on łesico molto influensà dala łengoa venesiana, con evidenti tentativi de italianisar el pì posibiłe el testo. cuesta ła xe sta ł'ultima rełasion inportante de Casanova e łu el xe restà parecio 'tacà ała dona: anca cuando el ne xe sta łontan, ratristà profondamente dała fine deła so vita, el tegneva 'na fita corispondensa con Francesca, oltre a continuare a pagar, par ani, ł'afito deła casa in Barbaria dełe Tołe[20], in cui i gaveva vivesto insieme, inviandoghe, cuando el ne gaveva ła posibiłità, łetare de canbio con discrete some de denaro.

'Nte i ani sucesivi el ga publicà altre opare e el ga sercà de arabatarse come mejo el podeva. Ma el so caratare inpetuoxo el ghe ga xugà on bruto scherso: ofexo platealmente in casa de Grimani da on serto Carletti, col cuałe el gaveva cuestionà par motivi de schei, el se gheva risentìo parché el paron de caxa el gaveva ciapà łe parti del Carletti. El ga decixo a sto punto de vendicarse conponendo on łibeło, Né amori né donne, ovvero la stalla ripulita dove, pur soto on łabiłe travestimento mitołogico, fasilmente svełabiłe, el sostegneva ciaramente de esare lu steso el vero fioło de Michele Grimani, mentre invese Zuan Carlo Grimani el sarìa sta "notoriamente" fruto del tradimento deła mare (Pisana Giustinian Lolin) con on altro nobiłe venesian, Sebastiano Giustinian.

Ritrato del 1788

Probabilmente a gera tuto vero, anca parché 'nte 'na sità dove łe distanse tra łe caxe łe se mixurava a spane, se circołava in gondoła e a ghe gera stuołi de servidori che oviamente i spetegołava a pì non poso, a gera inpensabiłe poder tegnere segreto alcunché. Comuncue anca in sto caxo ł'aristocrasia ła ga fato cuadrato e Casanova el xe sta costreto a ł'ultimo definitivo exiłio. Tutavia ła cuestione no ła xe pasà inoservà sa se gera ritegnù oportuno far sircołare on łibeło anonimo, dove a se replicava ało scrito caxanovian, intitołà "Contrapposto o sia il riffiutto mentito, e vendicato al libercolo intitolato Ne amori ne donne ovvero La stalla ripulita, di Giacomo Casanova".

El ga łasà Venesia 'ntel genaro 1783 e el se ga direto verso Viena. Par un fià el ga fato da segretario a ł'anbasador venesian Sebastiano Foscarini [21] po', ała morte de cuesti, el gà acetà on posto de bibliotecario 'ntel casteło del conte de Waldstein a Dux, in Boemia. Lì el ga pasà i ultimi tristisimi ani deła so vita, tolto in giro dała servitù, ormai inconprexo, e considerà el rełito de on'epoca tramontà par senpre.

Da Dux, Casanova el ga asistìo ała Rivolusion fransexe, ała fine deła Republica de Venesia, al crołar del so mondo. O almanco de chel mondo a cui el gaveva sognà de far parte stabilmente. Ł'ultimo conforto, oltre ałe tante łetare dei amighi venesiani che i ło tegneva al corente de cuanto acadeva 'nte ła so sità, a xe sta ła conpoxision deła Histoire de ma vie, ł'opara autobiografica che ła ga asorbìo tute łe so rexidue energie, scrita cuaxi con furore instancabiłe cuaxi par non farse precedere da 'na morte che ormai el sentiva che ła stava par 'rivare.

Anotasion deła morte de Casanova 'nte i registri de Dux

Scrivendoła, Casanova el riviveva 'na vita asołutamente iripetibiłe, tanto da diventare on mito, 'nte ł'imaginario cołeivo. 'Nna vita opara d'arte. Sicuramente el se rendeva conto, cuntandoła, de cuanto mondo el gavese visto e de cuante esperiense el fuse sta interprete. El xe morto e 4 de giugno del 1798.

Opere de Giacomo Casanova[canbia | canbia el còdaxe]

  • 1752 - Zoroastro, tragedia tradotta dal Francese, da rappresentarsi nel Regio Elettoral Teatro di Dresda, dalla compagnia de' comici italiani in attuale servizio di Sua Maestà nel carnevale dell'anno MDCCLII. Dresda.
  • 1753 - La Moluccheide, o sia i gemelli rivali. Dresda
  • 1769 - Confutazione della Storia del Governo Veneto d'Amelot de la Housaie, Amsterdam (Lugano).
  • 1772 - Lana caprina. Epistola di un licantropo. Bologna.
  • 1774 - Istoria delle turbolenze della Polonia. Gorizia.
  • 1775 - Dell'Iliade di Omero tradotta in ottava rima. Venezia.
  • 1779 - Scrutinio del libro "Eloges de M. de Voltaire par différents auteurs". Venezia.
  • 1780 - Opuscoli miscellanei - Il duello - Lettere della nobil donna Silvia Belegno alla nobildonzella Laura Gusoni. Venezia.
  • 1781 - Le mesager de Thalie. Venezia.
  • 1782 - Di aneddoti viniziani militari ed amorosi del secolo decimocuarto sotto i dogadi di Giovanni Gradenigo e di Giovanni Dolfin. Venezia.
  • 1782 - Né amori né donne ovvero la stalla ripulita. Venezia.
  • 1784 - Lettre historico-criticue sur un fait connu, dependant d'une cause peu connu… Anburgo (Desau).
  • 1784 - Expositionne raisonée du différent, cui subsiste entre le deux Républicues de Venise, et d'Hollande. Vienna.
  • 1785 - Supplément à l'Exposition raisonnée. Vienna.
  • 1785 - Esposizione ragionata della contestazione, che susiste trà le due Repubbliche di Venezia, e di Olanda. Venezia.
  • 1785 - Supplemento ala Esposizione ragionata…. Venezia.
  • 1785 - Lettre a monsieur Jean et Etienne Luzac…. Vienna.
  • 1785 - Lettera ai signori Giovanni e Stefano Luzac…. Venezia.
  • 1786 - Solilocue d'un penseur, Prague chez Jean Ferdinande noble de Shonfeld imprimeur et libraire.
  • 1787 - Histoire de ma fuite des prisons de la Républicue de Venise cu'on appelle les Plombs. Ecrite a Dux en Boheme l'année 1787, Leipzig chez le noble de Shonfeld.
Frontespisio deł Icosameron
  • 1788 - Icosameron ou histoire d'Edouard, et d'Elisabeth cui pasèrent cuatre vingts ans chez les Mégramicres habitante aborigènes du Protocosme dans l'interieur de notre globe, traduite de l'anglois par Jaccues Casanova de Seingalt Vénitien Docteur èn lois Bibliothécaire de Monsieur le Comte de Waldstein seigneur de Dux Chambellan de S.M.I.R.A., Prague à l'imprimerie de l'école normale. Praga.
  • 1790 - Solution du probleme deliacue démontrée par Jaccues Casanova de Seingalt, Bibliothécaire de Monsieur le Comte de Waldstein, segneur de Dux en Boheme e c., Dresde, De l'imprimerie de C.C. Meinhold.
  • 1790 - Corollaire a la duplication de l'Hexaedre donée a Dux en Boheme, par Jaccues Casanova de Seingalt, Dresda.
  • 1790 - Demonstration geometricue de la duplicaton du cube. Corollaire second, Dresda.
  • 1797 - A Leonard Snetlage, Docteur en droit de l'Université de Gottingue, Jaccues Casanova, docteur en droit de l'Universitè de Padoue. Dresda.

Opere publicae dopo la morte de l'autor[canbia | canbia el còdaxe]

  • 1886 - Le Polemoscope, a cura di Gustave Kahn. La Vogue Parigi.
  • 1960-1961 - Histoire de ma vie, F.A. Brockhaus, Wiesbaden e Plon, Parigi. Edizioni italiane basate sul manoscritto originale: Piero Chiara (a cura di), traduzione Giancarlo Buzzi - Giacomo Casanova, Storia della mia vita, ed. Mondadori 1965. VII voll. di cui uno di note, documenti e apparato critico. Piero Chiara e Federico Roncoroni (a cura di) - Giacomo Casanova, Storia della mia vita, ed. Mondadori "I meridiani" 1983. III voll. Ultima edizione Mondadori "I meridiani" 2001.
  • 1985 - Examen des "Etudes de la Nature" et de "Paul et Virginie" de Bernardin de Saint Pierre, a cura di Marco Leeflang e Tom Vitelli. Utrecht, 1985. Edizione italiana: Analisi degli "Studi sulla natura" e di "Paolo e Francesca" di Bernardin de Saint-Pierre, Pendragon (2003).
  • 1990 - Pensieri libertini, a cura di Federico di Trocchio (sulle opere filosofiche inedite rinvenute a Dux). Rusconi Editore Milano.
  • 1993 - Philocalies sur les sottises des mortels, a cura di Tom Vitelli. Salt Lake City.
  • 1993 - Prosopopea Ecaterina II… a cura di Enrico Straub. Francoforte.
  • 2005 - Dell'Iliade d'Omero tradotta in veneziano da Giacomo Casanova. Canti otto. Edizioni della Laguna.
  • 2005 - Iliade di Omero in veneziano. Tradotta in ottava rima. Editoria Universitaria, Venezia.

Vałore leterario e fortuna de ł'opara caxanoviana[canbia | canbia el còdaxe]

Sol vałore letarario e ła vałidità storega de ł'opara de Giacomo Casanova a se xe ciacołà parecio. Intanto a bisogna distinguare tra ł'opara autobiografega e el resto deła produsion. Malgrado i sforsi fati per acreditarse come łeterato, storego, fiłoxofo e adiritura matematico, Casanova no 'l ga avù in vita, e gnanca da morto, nisuna notorietà e nisun suceso. Ła so opara Ła xe sta speso de ocaxion e i so scriti i xe sta creà par otenger on cualche beneficio: ła confutasion de ł'opara de Amelot de la Housaye [22] scrita in gran parte durante ła detension a Barcełona 'ntel 1768, ła gavarìa dovù servire, e infati a xe sta cusì, a ingraziarse el governo venesian e a otegnere ła tanto sospirà grazia.

Ło steso a se pò dire par opare scrite 'nte ła speransa de otegnere cualche incarico da Caterina II de Rusia o da Federico II de Prusia. Altre opare, come ł'Icosameron, łe gavaria dovesto sancire el succeso leterario de ł'autore ma a no xe sta cusì. El primo vero suceso editoriałe el xe otegnù da ł'Historia della mia fuga dai Pionbi che ła ga avù 'na difuxion ła gavaria 'na difuxion imediata e varie edision, sia in italian che in fransexe. A pare cuaxi che Casanova el tołerase łe so creature autobiografiche e el so suceso, continuando a inseguire, con opare non autobiografiche, on suceso leterario che no 'l xe mai rivà.

Sto aspeto el xe sta acutamente oservà da on memoriałista contenporaneo, el prinsipe Charles Joseph de Ligne, el cuałe el ga scrito[23] che el fasino de Casanova el stava tuto 'nte i so raconti autobiografeghi, sia verbałi che trascriti, cioè sia ła narasion sałotiera che ła version stanpà dełe so aventure. Tanto el gera briłante e trasinante cuando cge 'l parlava deła so vita - oserva de Ligne - cuanto teribilmente nojoxo, prołiso, banałe cuando che el parlava o scriveva so altre materie. Ma pare che cuesto, Casanova, non el gabia mai vołù acetarlo. El ghe ne sofriva tremendamente de non aver chel riconosimento leterario o mejo sientifego a cui el anbiva.

Da ciò a se po' conprendare ł'astio 'ntei confronti de Voltaire (Casanova el ga scrito 'nte ł'Histoire che Voltaire el gera on grande omo visto da distante, ma on omo picinin visto da visin), che el scondeva una profonda invidia e una sconfinata ammirazione. cuindi anche contro ła vołontà de ł'autore, łe opare autobiografiche łe gavaria podesto esare on grande suceso editoriałe zà durante ła vita de ł'autore. Ma ciò el xe avegnù en mixura ridota par vari motivi: prinsipalmente parché sto fiłone el xe sta scuminsià tardi.

Inoltre ł'opara "vera", cioè cueła in cui el gaveva trasfuxo tuto sé steso, ł'Histoire, ła xe sta scrita proprio 'nte i ultimi ani de vita e el motivo el xe senplice: infati łu steso el ga afermà, in te 'na łetara del 1791, indirisà a cuel Zuan Carlo Grimani, da łu ofexo tanti anni prima e che el gera sta ła cauxa del secondo exiłio: "…ora che la mia età mi fa credere di aver finito di farla, ho scritto la Storia della mia vita…". A pare cioè che par metare so carta tuto in forma definitiva, ł'autore el dovese prima ametare con sé steso che ła storia ła gera terminà e de futuro davanti da vivare a no ghe ne gera più. Amision cuesta senpre dołoroxa par chiuncue, in particołare par on omo che el gaveva creà 'na vita-capołaoro iripetibiłe.

Ma on altro aspeto, cuesto struturałe, el ga ritardà ła fortuna de ł'opara autobiografega: ł'Histoire ła gera a ł'epoca asołutamente inpublicabiłe. A no xe on caso che ła prima edision del manoscrito conprà da Heinrich Brockhaus de Lipsia 'ntel 1821 ła xe sta publicà, dal 1826 al 1838, però inte 'na version notevolmente rimanegià da Jean Laforgue, el cuałe no 'l se ga łimità a "purgare" ł'opara, tajando pasi ritegnù masa audaci, ma el xe intervegnù a tapeto modificando anca ł'ideołogia de ł'autore, faxendone 'na sorta de giacobin averso ałe ołigarchie dominanti. Ciò a no corispondeva afato ała verità storega, parché de Casanova a se poe dire che el gera ribełe e trasgresivo, ma połiticamente el gera on fautore de ł'ancien régime, come a xe dimostrà ciaramente dal so epistołario, opare specifiche e ła stesa Histoire. Par ł'edision definitiva dełe memorie a se ga dovesto spetare fin a cuando ła caxa Brockhaus ła ga decixo de publicare, insieme a ł'editore Plon de Parigi (dal 1960 al 1962), el testo orixinałe in siè vołumi curà da Angelika Hübscher. Ciò el xe sta dovuo a ł'inpianto generałe de ł'opara, de on cinismo asołutamente inpresentabiłe che incuò - invese - el se ciama modernità.

Casanova el xe el primo scritor de costume moderno. No 'l ga paura de rivełar situasion, inclinasion, atività, trame e soratuto confesion che ghe gera a ł'epoca, e tałi łe xe restà ancora par secołi, asołutamente iriferibiłi. Naturalmente el primo problema, ma cuesto łimità a pochi ani dopo ła morte de ł'autor, el xe sta cueło de aver cità personaji de primisimo piano, con sircostanse molto precixe del so modo de conportarse. Łe memorie łe xe piene dei atori prinsipałi deła storia eoropea del Setesento, sia cueła połitega che culturałe. Probabilmente a se farìa prima a dire de chi Casanova no 'l ga scrito, e chi che no 'l ga incontrà, tanto vasto el xe sta el panorama dełe so frecuentasion. Ma cuesto, come ca se ga dito, el xe marginałe. Ł'altro problema, cuesto insuperabiłe, a xe sta ła sostansiałe "imorałità" de ł'opara caxanoviana.

Ma ciò el deve intendarse come contrarietà ałe abitudini, ai tic, ałe ipocrixie deła fine del Setesento e, ancor de più, del sucesivo secolo, ancora pì fobico e par serti versi molto manco verto de cueło che ło gaveva preceduto. Casanova el ga precorso i tenpi: el gera masa avanti par diventare on autor de suceso. E forse el se ne rendeva perfetamente conto. 'Nte ła letara a Zuan Carlo Grimani, ricordà in precedensa, Casanova, parlando de ł'Histoire, el scrive testualmente: ...cuesta Storia, che verrà diffusa fino a sei volumi in ottavo e che sarà forse tradotta in tutte le lingue... E poi, el domanda 'na risposta …perché io posa porla nei codicilli che formeranno il settimo volume postumo della Storia della mia vita. Tuto cuesto el se ga verificà puntualmente.

Ła fortuna de ł'opara caxanoviana, preso i protagonisti de vertice deła sena letararia mondiałe, ła xe sta ristreta soło a ł'opara autobiografega e ła xe stata vastisima. Scuminsiando da Stendhal, al cuałe a xe sta atribuia ła paternità de ł'Histoire, a Foscolo che el ga meso adiritura in dubio ł'existensa storega del Casanova, a Schnitzler, a Hofmannstahl, a Hese. Pareci i xe sta soło letori e cuindi influensà in modo inconsio, altri i ga scrito opare anbientà 'nte ł'epoca de Casanova e de cui łu el gera protagonista.

A xe inposibiłe i tanti riferimenti, 'nte ła łeteratura moderna, a sta figura che ła ga finio par diventar archetipica. In Itałia ł'intareso el se xe manifestà tra łe fine del ł'Otosento e i primi del Novesento. A xe intaresante notare che ła prima edision italiana deła Historia della mia fuga dai Pionbi ła xe sta curà 'ntel 1911 da Salvatore di Giacomo, el cuałe el ga studià anca i tanti sojorni napołetani de ł'aventuriero e su sto argomento el ga scrito on sajo.[24] A xe seguìi Benedetto Croce[25] e via via tanti altri fin a Piero Chiara.[26]

On capitoło a parte el 'ndarìa dedicà ai "caxanovisti" cioè a tuti cuełi che i se xe ocupaà e i se ocupa, pì o manco profesionalmente, deła vita e de ł'opara del Casanova. Proprio a sta legion de anonimi a se deve infinite identificasion de personagi, revixion e inportantisimi ritrovamenti de documenti. Molto de ł'opara caxanoviana el xe ancora inedito, 'Nte ł'Archivio de Stato de Praga a xe restà sirca 10.000 documenti che i speta de esare studià e publicà, oltre on numaro inprecixà de letare che probabilmente łe xe sepełìe in chisà cuanti archivi de fameja sparsi par l'Eoropa.

Riguardo al mito del sedutor, Casanova, insieme a Don Giovanni, el ne xe sta ł'incarnasion. El paragon el xe d'obligo e el xe sta tema de numaroxe opare critiche. Łe do figure łe xe finìe adiritura par fondarse benché antitetiche. A parte el fato che el venesian el gera on personajo reałe e ł'altro romanzesco, i du caratari i xe ai antipodi: el primo el amava łe so concuiste, el se prodigava con generoxità par farle contente e el sercava senpre de vegnerghene fora con on serto stiłe, łasandose de drio 'na sìa de nostalgia. Ł'altro invese el rapresenta el cołesionista puro, pì mortifaro che vitałe, asołutamente indifarente a ł'imagine de sé e soratuto ai efeti del so agire, concentrà unicamente sol numaro dełe vitime deła so sedusion.

Ł'interpretasion del so mito, secondo alcuni, ła sarìa sta fornia proprio dal łibreto del Don Giovanni de Mozart, scrito da Lorenzo da Ponte, dove Leporello, el servo de Don Giovanni, inte 'n'aria notisima el recita: Madamina il catalogo è cuesto, delle belle che amò il padron mio… e prosegue snociołando łe concuiste sensa numaro, diłigentemente registrae. El fato che ała redasion del libreto a pare gabia partesipà anca Casanova - come tałuni i sostien baxandose so documenti catà a Dux, sol fato che da Ponte e Casanova i se frecuentava e che ł'aventuriero el fuse sicuramente presente ła sira in cui a Praga a xe 'ndà in sena ła prima de ł'opara mozartiana (29 de otobre 1787) - a xe tuto somà marxinałe. cuel ca xe serto a xe che Casanova el se ga misurà col mito de don Giovanni e el ne ga costruìo uno ancora pì grande, sertamente pì poxitivo e soratuto reałe.

Note[canbia | canbia el còdaxe]

  1. Ato de nasita de Giacomo Casanova
    Addì 5 aprile 1725
    Giacomo Girolamo fig.o di D. Gaietano Giuseppe Casanova del c.(uondam) Giac.o Parmegiano comego, et di Giovanna Maria, giogali, nato il 2 corr. battezzato da P. Gio. Batta Tosello sacerd. di chiesa de licentia, P. Comp. il signor Angelo Filosi c.(uondam) Bartolomeo stà a S. Salvador. Lev. Regina Salvi. (En Storia della mia vita, Mondadori 1965, vol. VII pag. 24)
  2. Secondo ła geneałogia tacà ai cuminsi dełe Memorie, ła fameja paterna ła saria stata orixinaria de ł'Aragona, de Saragosa par ł'exatesa. Dała sità spagnoła ł'avo Don Jakob Casanova el gera scapà 'ntel 1429 in seguito al rapimento de 'na munega, Donna Anna Palafox, e el se gera rifugià a Roma dove otegnesto, dopo on ano de prexon, el perdono papałe e ła dispensa dei voti, el se gera maridà co ła so moroxa.
  3. El pare Gaetano Giuseppe Giacomo Casanova (Parma 1697-Venesia 18 de diçenbre 1733) el gera de orixine parmense. El gera 'rivà a Venesia a sedexe ani, 'nte ł'apriłe del 1713, al seguito de on'ansiana atrice, Giovanna Calderoni dita "ła Fragołeta" (nata 'ntel 1662), de cui el se gera invaghio. In seguito el gera 'nda a moroxa da Zanetta Farusi fioła de on savataro, che ła ga maridà el 27 de febraro 1723. Come ator no 'l ga fato 'na gran cariera, in cuesto surclasà da so mujere.
  4. A xe sta fato tanto sercare par catare dove che ła gera ła caxa. A xe serto che al momento del matrimonio tra Gaetano e Zanetta Casanova i du no i gaveva on redito tałe da permetarse 'na spesa de 80 ducati anui. cuindi a xe probabiłe, dopo el matrimonio aveguo el 27 de febraro 1724, che mario e mujere i sia 'nda a vivare a caxa deła mare de Zanetta, Marzia, che ła gera vedova esendo morto el marìo Girolamo Farusi poche setimane prima del matrimonio de so fioła. E cuesta co ogni probabiłità ła xe sta ła caxa dove Casanova el xe nato el 2 de apriłe 1725 co ł’asistensa deła łevatrice Regina Salvi. I Casanova i se ga trasferìi 'nte ła caxa de Całe deła Comedia al ritorno dała fortunada tournée łondinexe cuando i xe rientrà a Venesia col secondogenito Francesco nato a Łondra el primo de giugno 1727. Tałe abitasion ła risulta esare sta de gran rapresentansa, sora tre nivełi, co on sałon al secondo piano che el xe sta doparà in ocaxion de feste. Ł’afito de 80 ducati el gera sirca el dopio deła media che a vegneva corisposta lì visin par apartamenti evidentemente manco de luso. Par conparare el valore del ducato d'argento venesian ałe altre monede corenti a ł'epoca 'nte i Stati eoropei, a se pò consultare sta toła conparativa. A sto punto a pararìa tuto ciaro, a se trata soło de catar in Całe deła comedia on'abitasion che ła corisponda ała descrision: grandesa, sałone al secondo piano e camara al terso, nonché corispondensa co ła proprietà che se sa esare sta con certesa deła fameja Savorgnan. ŁL’unica che podarìa corispondare ała descrision ła xe cueła che se cata 'nte ł’atual Całe Małipiero (zà Całe deła Comedia) al çivego 3082. Ma sora cuesto non tuti i studioxi i concorda, tanto che ła łapide posta in całe Małipiero ła dixe "In una casa di cuesta calle, già Calle della Commedia, naccue il 2 aprile 1725 Giacomo Casanova" senzaa alcun altro pì speçifego ełemento. Alcuni i sostien che a cauxa de łaori interni a no xe pì posibiłe identificar ła strutura orixinaria. On studioxo de ł’argomento (Federico Montecuccoli degli Erri) el ga reçentemente publicà on’anałixi aprofondìa baxà sora łe cuxidite "Condizison" cioè so łe dichiarasion dei rediti imobiliari che vegneva prexentà dai proprietari. A ł’epoca, par verificar ł’exatesa dei dati dichiarà, a se procedeva a on’ispesion direta caxa par caxa fata in ogni parochia dal paroco. cuesto el proçedeva con on serto ordene domandando a ognun el titoło de poseso. I paroni de caxa i dichiarava el titoło de proprietà e i fituari i doveva o exibir el contrato opure giurare łe condision contratuałi. Poiché a xe sta catà el documento dove ła mare de Zanetta, Marzia, ła giurava par ła fioła, 'ntel fratenpo trasferia par laoro a Dresda, che el contrato el prevedeva on afito de 80 ducati anui e che ł’imobiłe gera de proprietà Savorgnan, a conosemo con certesa i dati contratuałi e ła rexidensa indicà so ł’ato cioè Całe deła Comedia. Purtropo łe modifeghe urbanistiche e catastałi intervegnue no łe consente con certesa l’identificasion, anca parché a ł’epoca a no existeva dati catastałi precixi come łi intendemo incuò. Secondo ło studioxo sora cità, ł’abitasion ła xe da identificarse co ła caxa al civego 3089 deła Całe dei orbi che a ł’epoca ła podaria esare sta dexignà come Całe deła Comedia. A corispondaria sia ł’aspeto fisego che ła proprietà. Comuncue tute ste ipotexi łe se move entro on spasio de poche sentenara de metri. I Casanova i stava par motivi de laoro tacà al teatro de San Samuełe, de proprietà dei Grimani. Ste picołe całi pur esendo inte 'na zona parecio frecuentà dai turisti a cauxa del viçino Pałaso Grasi dove a se ałestise mostre de grande riłievo, łe xe presoché dexerte esendo lexermente defiłà rispeto ai flusi de trafego pedonałe che da ł’inbarcadero de San Samuełe el va verso Canpo San Stefano. Probabilmente i ga perso tanto deła so ełegansa e i xe in condision abastanza fatisenti. El teatro intorno a cui a gravedava 'na vita social no 'l ghe pì, el xe sta demołìo e sostituio da 'na scoła. Tuto ł’insieme el fa un fià ł’efeto de on set da dovi i atori i xe scapà par senpre. Documento: Calle della Commedia 324|casa|Giovanna Casanova comica al presente s'attrova in Dresda, giurò Marzia sua Madre|N.H Zuanne e F.llo Co. Savornian|d.ti 80 (annui) Registro dell'anno 1740 Atti della Parrocchia di S.Samuele.
  5. Bernardo Bernardis (1699-1758), vicario generałe in Połonia, nominà vescovo de Martirano el 16 de majo 1743, consacrà el 22 de diçenbre 1743.
  6. Ł’identificasion de "Henriette" insieme a cueła de "Suor M.M." el xe sta uno dei argomenti pì debatù dai caxanovisti. El motivo de tante riserche el xe coneso co ła sentrałità sentimentale de sti du personaji 'nte ła vita de Casanova. El nome de Henriette el ricore de continuo 'nte łe Memorie e ła so identità ła xe sta ben mascarà da ł’autore. Tra łe identificasion ca se gao suseguie cuełe pì autorevołi łe xe da ascrivare a: 1)John Rives Childs (1960) che el ga sostegnù che ła gera Jeanne-Marie d’Albert de Saint Hyppolite nata el 22 de marso 1718, maridà a Jean-Baptiste Laurent Boyer de Fonscolombe, neoda de Joseph de Margalet paròn del casteło de Luynes che el se cata 'nte ła zona descrita da Casanova come cueła de rexidensa de Henriette. 2) Helmut Watzlawick (1989) che el ga sostegnù che se tratava de Marie d’Albertas nata a Marsija el 10 de marso 1722. 3) Louis Jean André (1996) che el gavarìa identificà Henriette in Adelaide de Gueidan (1725-1786). St’ultima regostrusion ła xe sostegnù da un aparato critego inpresionante che traverso 'na racolta minuzioxa de ełementi: letare, ati, iconografia, topografia deła zona, ła conduxe a 'na notevołe verosimijansa de ł’identificasion. A manca ancora però ła prova inopugnabiłe, 'na letera o on cualsiasi manoscrito del Casanova steso che el consenta ł’identificasion serta
  7. Sajo de Barbara Evers-Rothgangel so ła vera identità de Suor M.M.
  8. Ł'inputasion e ła sentensa:
    21 agosto 1755 Venute a cognizione del Tribunale le molte riflesibili colpe di Giacomo Casanova principalmente in dispreso publego della Santa Religione, s. EE. lo fecero arrestare e pasar sotto li pionbi.
    Andrea Diedo Incuisitor.
    Antonio Condulmer Incuisitor.
    Antonio Da Mula Incuisitor.
    L'oltrascritto Casanova condannato anni cincue sotto li pionbi.
    Andrea Diedo Incuisitor.
    Antonio Condulmer Incuisitor.
    Antonio Da Mula Incuisitor.
    (Venesia - Archivio de Stato - Incuisitori de Stato - Anotasion - B. 534, p. 245)
  9. Riferte de Giovanni Battista Manusi, confidente dei Incuisidori de Stato
    Incaricata la mia obbedienza dal Venerato Comando di riferire chi sia Giacomo Casanova, generalmente rilevo ch’è figlio di un comego e di una commediante; viene descritto il detto Casanova di un carattere cabalon, che si fa profittare della credulità delle persone come fece col N.H. Ser Zanne Bragadin, per vivere alle spalle di cuesto o di cuello
    Giovanni Battista Manuzzi, 22 de marso 1755.
    …Mi sovvenne allora che lo steso Casanova parlato mi avea ne’ giorni pasati della Setta de’ Muratori, raccontandomi i onori e vantaggi che si hanno ad esere nel numero de’ confratelli, che vi aveva dell’inclinazione il N.H. Ser Marco Donado per esere arrolato a detta Setta
    Giovanni Battista Manuzzi, 12 luglio 1755.
  10. Marino Balbi (1719-1783), patrisio venesian e munegoo somasco.
  11. A se tratava de on serto Andreoli, custode del palaso, che el Casanova el ga visto vegnere visin, da 'na fesura del porton, "in paruca nera e con on maso de ciavi in man".
  12. Sentensa de condana a cargo de Lorenzo Basadonna, carzeriere del Casanova
    Lorenzo Basadonna era custode delle Prigioni de Pionbi, che esisteva nei camerotti per difetti del suo ministero, da cuali ne provenne la fuga al primo novenbre decorso da Pionbi stesi del P. Balbi somasco, e di Giacomo Casanova, che vi erano condannati, per tenui motivi di contrasto con Giuseppe Ottaviani pur condannato ne’ camerotti, ne commise la interfezione. Presi dal Tribunale gl’esami per rilevare l’origine, e i modi del non ordinario avvenimento, risultò infatti per la confesione stesa del reo il caso per proditorio in ogni sua circostanza. Tutto che però meritase il supplizio maggiore, la clemenza del Tribunale con pieni riflesi di carità e di clemenza è devenuta alla sentenza cui contro estesa''.
    Alvise Barbarigo Inc.r
    Lorenzo Grimani Inc.r
    Bortolo Diedo Inc.r
    1757 – 10 giugno.
    Lorenzo Basadonna sia condannato ne’ Posi per anni dieci.
    Alvise Barbarigo Inc.r
    Lorenzo Grimani Inc.r
    Bortolo Diedo Inc.r
    Venesia, Archivio de Stato, Incuisidori di Stato, Annotazioni, R. 535 c.83.
  13. Jeanne Camus de Pontcarré marchexa d'Urfé 1705-1775, ła ga sposà 'ntel 1724 Louis-Christophe de Lascaris d'Urfé de Larochefoucauld marchexe de Langeac dal cuałe ła ga avù tre fiołi. Ła xe restà vedova 'ntel 1734.
  14. Del viajo in Olanda descrito da Casanova, incaricà de 'na mision diplomatega, a ghe xe on riscontro onesto: el pasaporto a łu riłasà el 13 de otobre 1758 da Matthys Lestevenon van Berkenroode anbasador d'Olanda a Parigi dal 1750 al 1762.
  15. Marie Anne Geneviéve Augspurger dita Ła Charpillon (sirca 1746-1778) nota cortexana łondinese.
  16. Franciszek Ksawery Branicki conte de Korczak (17301819), par łe notisie biografiche su Branicki se veda ła voxe rełativa su en.wiki. Sol contesto storego in cui a se moveva Branicki, che el gera on rapresentante deła nobiltà fiłorusa, el cui serviłismo 'nte i confronti del viçin a ga rapresentà on vero e proprio tradimento, a se pol consultare ła voxe dedicà a Tadeusz Kościuszko in particołare el paragrafo "Ritorno in Polonia".
  17. Anna Binetti (cognome de nasita Ramon) çełebre bałerina, nota in tuta Eoropa. Ła ga sposà 'ntel 1751 el bałerin Georges Binet. Dopo el ritiro dałe sene (sirca 1780) ła se ga dedicà a ł'insegnamento deła dansa a Venesia.
  18. A si trata de Lorenzo Morosini, Alvise Emo, Pietro Pisani, Nicolò Erizzo, Andrea Tron, Sebastiano Venier.
  19. Dełe letare de Casanova ała Buschini a no xe restà gnente ma poiché speso ła Buschini, 'ntel testo, ła ripeteva łe notisie a xe faxiłe ricavare, almanco in parte, el testo dełe łetare ricevù. A Dux a xe sta reperie da Aldo Ravà 38 letare de Francesca Buschini che łe coerze el periodo dal lujo del 1779 a ł’otobre del 1787. De cueste, 33 łe xe sta riportà 'ntel vołume "Letare de done a Giacomo Casanova" a cura de Aldo Ravà (Miłan, Treves 1912). Ł'edision critica pì recente dełe łetare de Francesca (Lettres de Francesca Buschini à G. Casanova, 1996) ła xe sta edita a cura de Marco Leeflang, Utrecht, Marie-Françose Luna, Grenoble, Antonio Trampus, Trieste.
    Ła corispondensa ła consente de ricostruir i anni sucesivi al secondo exiłio de Giacomo Casanova. Atraverso ese a se vive el drama uman deła Buschini ła cuałe, col pasare dei ani, ła gera senpre pì poareta, da dołuri famiłiari causà dal fradeo, che praticamente el viveva ałe so spałe e dała mare, che col tenpo el diventava senpre pì intołerante. cuando Casanova el ga dovesto sospendare i so ajuti in schei, esendo ormai 'nte ł’inposibiłità materiałe de inviarne, ła Buschini ła se ga catà leteralmente in mezo ała strada dovendo łasare ł’apartamento de Barbaria dełe Tołe, non avendo pì ła posibiłità de pagare ł’afito. Nisuna notisia ulteriore a ne xe 'rivà ma ła so testimoniansa de łenta emarginasion ła xe tanto tocante.
  20. El nome deła całe el deriva dała presenza, in tenpi antichi, de fałegnamerie che łe riduxeva in tołe i tronchi de albore. Ła całe ła se cata 'nte łe imediate vicinanse del Canpo s. Giovanni e Paolo.
    Ł'ultima abitasion venesiana de Giacomo Casanova, ła se cata in Barbarìa dełe Tołe, al civico 6673 del sestiere de Casteło. Ł'identificasion serta ła xe sta ricavà da 'na łetara a Casanova de Francesca Buschini, catà a Dux, datà 13 de diçenbre 1783. Ł'apartamento ocupà da Casanova e dała Buschini (de proprietà deła nobiłe fameja Pesaro de S. Stae), afità a 96 łire vènete a trimestre.
  21. Foscarini el xe morto el l 23 de apriłe del 1785.
  22. Nicolas Amelot de La Housaye (Orliens 1634 - Paris 1706)
  23. El brano el xe sta intitołà da ł'autore "Ritratto di Aventuros". De Ligne el xe riusìo a tirar fora con straordinaria esatesa e rendare con estrema obietività i ełementi del caratare del Casanova.
  24. Salvatore di Giacomo "Casanova a Napoli" in Nuova antologia 1922.
  25. Benedetto Croce "Aneddoti di varia letteratura", Napułi 1942. "Di un cantastorie del Settecento e di un luogo delle Memorie di Giacomo Casanova" opara el cui autografo de siè paxene el xe 'ndà a ł'asta a Miłano el 21.5.92.
  26. Piero Chiara el ga curà par Mondadori (1965) ła prima edision itałiana baxà sol manoscrito orixinałe dełe Memorie, el ga scrito on sagio "Il vero Casanova", Mursia (1977) e tanti articołi so ł'argomento.


Bibliografia[canbia | canbia el còdaxe]

Ełenco de opare ordinae alfabeticamente par autore.

Rivista[canbia | canbia el còdaxe]

Filmografia[canbia | canbia el còdaxe]

Łigamenti foresti[canbia | canbia el còdaxe]

Vetrina
Stà cuà ła xè nà voxe en vetrina, identificà come una de łe mejo voxe prodote da ła comunidà
Naturalmente te pui far ben sujerendo e modifegando en mejo!
Voxi de quałidà en altre łengue
Vetrina

Controło de autoritàVIAF (EN61543231 · ISNI (EN0000 0001 2026 9005 · SBN (ITIT\ICCU\CFIV\016950 · LCCN (ENn80095815 · GND (DE118519417 · BNF (FRcb11895403w (data) · BNE (ESXX897235 (data) · ULAN (EN500340287 · NLA (EN35162546 · BAV ADV10145327 · CERL cnp00394427 · NDL (ENJA00435464 · WorldCat Identities (ENn80-095815
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giacomo_Casanova&oldid=784873"