Charles-Joseph de Ligne
Charles Joseph de Ligne (Bruxelles, 23 de majo 1735 – Viena, 13 de disenbre 1814) el xe stà un miłitare, scritor, commediografo e memoriałista bèlzego.
El prinsipe de Ligne, de nobiłe fameja bèlzega, el xe sta on personajo de rilievo par ła storia del Setesento.
Entrà da xovane inte l’exercito austrìago, el se ga distinto particołarmente in fati d’armi avegnù durante ła Guera dei sete ani. El xe rivà in presia a on grado ełevà inte l’exercito e el xe diventà anca amico e consijere de l’inperador Giusepe II. Inte i ani sucesivi el ga continuà ła cariera, senpre ai masimi nivełi. Inte el 1787 el xe 'ndà in Rusia dove el ga ricevù particołari riconosimenti da l'inperatrice Caterina II che el gaveva acompagnà inte el so viajo in Crimea.
Dopo ła morte de l'inperador el se ga ritirà definitivamente a Viena, dedicandose a aministrare łe cospicue proprietà de fameja.
El xe sta anca autore de parece opare leterarie e el xe sopatuto noto par i so Mélanges in 34 vołumi. Inte st'opara autobiografica el ga sunà su on enorme masa de notisie sui personaji pì noti del secoło, documentando i incontri avù co Voltaire, Rousseau, Caterina II de Rusia, Federico el Grande, Luigi XV, Luigi XVI, Maria Antonietta, ła du Barry, Goethe, Casanova, Madame de Staël, Talleyrand e tanti altri personaji che i ga scrito ła storia połitega, culturale e del costume del Setesento.
Opare
[canbia | canbia el còdaxe]
Wikimedia Commons el detien imàjini o altri file so Charles-Joseph de Ligne
el detien schemi gràfeghi so
| Controło de autorità | VIAF (EN) 76319085 · ISNI (EN) 0000 0001 2282 0091 · LCCN (EN) n84012969 · GND (DE) 118572903 · BNF (FR) cb11913020d (data) · NLA (EN) 35787686 · CERL cnp00395639 · WorldCat Identities (EN) n84-012969 |
|---|