Giografia del Benin

El Benin el xe na naxion africana che la se presenta come na strisia de tera. El Benin el se cata tra l’equatore e el Tropico del Cancro. La latitudine del Benin la va da 6° 30'N a i 12° 30'N e la longitudine dal 1° E al 3° 40'E. El Benin el confina co Togo a ovest, Burkina Faso e Nizer a nord, Nizeria a est. A sud ghe el Golfo di Guinea. El Benin si estende dal Fiume Nizer in tel nord a l'Oceano Atlantico in tel sud par na distanza de 700 km. El punto pi largo el xe de 325 km.

Aree

El paese el pol esare diviso in quatro aree ziogràfeghe che le va da sud a nord:

La pianura costiera, che inte el punto pi alto la misura solo che 10 metri sul livel del mar. La xe na rejone paludosa co lagune che le comunica co l’oceano.
I altipiani del sud co n’altitudine tra i 20 e i 200 metri. En te le vali se cata i fiumi Couffo, Zou, Oueme.
La pianura co coline rociose - masimo 400 metri de alteza – che la va da Nikki a Save.
Le montagne Atacora a la frontiera co el Togo. El Monte Sokbaro, punto pi alto, el riva a 658 metri sul livel del mar.

Clima

Il clima el xe caldo e umido. La piova mèdia so la costa la xe de 360 milimetri l’ano. Se ga do stagioni de la piova e do stagioni sute. Da aprile a lulio ghe na stagion corta de piova, la seconda la va da setenbre a novenbre. So la costa la tenperatura masima la riva a 31 gradi, ma co n’umidità alta. Pi se sale al nord, e pi sale anca la tenperatura, ma se sbasa l’umidità. Da dicenbre a marzo, el vento seco dal Sahel , l’harmatan, el sofia pulito.