Jeff Beck

Jeff Beck
Nome vero	Geoffrey Arnold Beck
Nasesto/a	24 xugno 1944 Wallington London Borough of Sutton
In atività dal	1964
Xènaro muxicałe	Hard Rock, Blues Rock, British Blues, Fusion, Pop Rock, Proto-metal, Funk
Eticheta discografega	Parlophone
Instrumento/i	chitara
Atività prinsipałe	chitarista, compositore, muxegante, chitarrista jazz, conpoxidor de canson, produtor discogràfego e artista discografico
Sito web	http://www.jeffbeck.com

Jeff Beck el cui vero nome xe Geoffrey Arnold Beck (London Borough of Sutton, 24 xugno 1944 xe un chitarista e cantante britanego

El xe uno dei chitaristi pì influenti dei ani sesanta e setanta, e anca fra i pì inportanti par la creansa de ła chitara moderna, contribuindo a mostrar sto stumento in più xeneri, cofà par exenpio el blues rock, heavy metal, fusion e hard rock. Łe paròłe de Slash so Jeff Jeff pol inbrasarse na chitara in òca e col mànego stòrto, e farla sonàr straben istèso!

Biografia

Nei Yardbirds

Nasùo a Wallington, Beck da cèo el cantava 'nte łe céxe e a diexe ani el gà tacà aver le so prime esperiense strumentałi sonando na vècia chitara acustega. El gà scomensà ła so carièra nei primi ani sesanta fasendo el turnista. 'Ntel 1964 el gà avùo ła so prima registrasion par l'eticheta Parlophone che senpre nel steso ano gaveva publicà el singoło del grupo The Fitz and Startz ciamà I'm Not Running Away, che includeva So Sweet so'l lai B. 'Ntel 1965 el xe stà reclutà dai Yardbirds, che gaveva apena perso Eric Clapton che se gaveva trasferìo nei John Mayall's Bluesbreakers. Xe stà co Beck che i Yardbirds xe deventài un grupo famoxo so ła sèna del rock britanico de ła fìn dei ani sesanta. Beck, s'a mostrà masime provèto show man e ne ła formasion, in conpagnìa de Jimmy Page, el gà fato parte anca nel film pòłexe de ła Swinging London: Blow-Up del 1966, in cui i Yardbirds gaveva girà alcune sequénse dove Beck desfasa na chitara (fasendo l'imitasion de Pete Townshend dei Who, sielti in un primo tenpo par el film de de Antonioni).

'Ntel 1966 Beck gà condivixo el pròpio ròło de chitara sołista dei Yardbirds co Jimmy Page. Co el grupo el xe riusìo a insìder un ùgnoło albun, Roger the Engineer (1966); dopo 18 mexi, par raxon de sałute, el gà mołà.

Jeff Beck Group (Nome del grupo de Jeff Beck)

Jeff Beck 'ntel 1968

L'ano drìo Beck gà fondà un nòvo grupo, ciamà Jeff Beck Group; faseva parte anca Rod Stewart ała voce, Ron Wood al baso, Nicky Hopkins al pianoforte e Mick Waller a ła bateria. El grupo gà incixo do albun: Truth (1968) e Beck-Ola (1969). Tuti do sti laori xe stài acòlti un mondo ben da ła critica, e ancùo xe considerài antesignani de l'heavy metal (tra l'altro i gà precedùo de na s-cianta i albun dei Led Zeppelin).

So'l fenìr del 1969, atriti a l'interno del grupo gavea menà Stewart e Wood a sbandonar la formasion. Beck gà creà na segonda formasion del grupo, co Clive Chapman al baso, Max Middleton a e tastiere, Cozy Powell ała bateria e Bob Tench ała voxe. Sto grupo gavea ciapà n'alra diresion artistega rispeto a quèła de prima, unìndo ełementi pop, rock, rhythm'n'blues e jazz, antiçipando ła fusion. I gà publicà do albun: Rough and Ready (1971) e The Jeff Beck Group (1972). Anca sta segonda incarnasion del "Jeff Beck Group" s'à defà drìo un periodo.

'Ntel 1972, Beck gà fato naser na nòva formasion, el power trio Beck, Bogert & Appice, co Carmine Appice a ła batteria e Tim Bogert al baso (sesion ritmica dei Vanilla Fudge); sta formasion gà incixo soło che un singoło de suceso, na cover de Superstition de Stevie Wonder.

Carièra da sołista

'Ntel 1975, Beck gà incixo un albun sołista strumentałe decixamente fusion, Blow by Blow, che gà avùo un suceso insperà de publico e de critica. Sto łavoro xe stà seguìo da na cołaborasion de Beck co Jan Hammer par l'albun Wired (1976), un altro albun un mucio apresà da ła critica.

In seguito, Beck gà incixo in modo sporadico, dedicandosi a propri lavori solisti o discontinue collaborazioni. Fra i lavori solisti si devono citare There and Back (1980, co Simon Phillips e Jan Hammer), Flash (1985, co Rod Stewart e Jan Hammer), Jeff Beck's Guitar Shop (1989, co Terry Bozzio), Crazy Legs (1993), Who Else (1999), e You Had It Coming (2001), Jeff (2003).

Fra łe cołaboasion si pol citàr quełe co Jon Bon Jovi, Les Paul, Cyndi Lauper, Roger Waters (Amused to Death), Brian May (Another World), ZZ Top (XXX), Carlos Santana e co tanti altri artisti de fama mondiałe.

Strumentasion

In xeneràl Jeff sona chitare Fender, anca se durante ła so carièra gà uxà in publico chitare de altre marche tra cui par exenpio ła sełebre Gibson Les Paul e łe Charvel/Jackson, co un modèło sviłupà col steso Grover Jackson. Famoxa xe ła so Fender Esquire del 1954, de cui po' Fender gà reałixà na replice in version limità soło che a 100 exenplari. Atualmente Beck sona na Stratocaster reałixàda da Fender segondo łe caratisteghe ch'el vòłe : el "roller nut", un particołàr caotasto dotà de sfere che agevoła el sbrisàr de łe corde, e łe mecaneghe autoblocanti de ła Schaller, ła cui conbinasion parmete de mantegnir bona l'incordadùra anca a seguito de un uxo drastico de ła łièva del vibrà (tecnica in cui Jeff xe ancora ancùo considerà un mestro); el ponte a do vide, che permete na megio escursion deła łièva; un mànego (acero/pałisandro) reałixà coun profiło esclusivo e, soratuto, e pick-up Fender Hot Noiseless reałixài segondo łe so carateristghe, dotài de na pasta sonora pì calda rispeto ai Noiseless che Fender uxava so'i so modèłi deluxe prima del 2010 (nel corso deła so carièra Beck gà sviłupà diversi pick-up par chitara ełetrica, alcuni dei quałi gode tutora de gran popołarità fra i chitaristi rock, cofà ad esenpio el "JB" reałixà par Seymour Duncan).

Fender produxe e vende repliche de sta chitara sia in edision standard, sia in edision "Custom Shop". Parlando de łe so chitarre, Jeff Beck gà dichiarà (1993) de averne 44, de łe quałi soło na minima parte sarìa strumenti boni, zontando ch'el pì de łe volte selie ła Stratocaster, che considera un strumento un mucio versatiłe. Jeff utiłixa anplificatori prevałentemente de marca Marshall o Fender, e sona soratuto co łe dita, overosìpia sensa l'utiłixo de ła patàca.

Discografia

Yardbirds

• 1965 - For Your Love
• 1965 - Having a Rave Up
• 1966 - Roger the Engineer

Jeff Beck Group

• 1968 - Truth
• 1969 - Beck-Ola
• 1971 - Rough and Ready
• 1972 - Jeff Beck Group

Beck, Bogert & Appice

• 1973 - Beck, Bogert & Appice
• 1974 - Beck, Bogert & Appice Live in Japan

Sołista

• 1975 - Blow by Blow
• 1976 - Wired
• 1980 - There and Back
• 1985 - Flash
• 1989 - Jeff Beck's Guitar Shop
• 1999 - Who Else!
• 2001 - You Had It Coming
• 2003 - Jeff
• 2007 - Official Bootleg USA '06
• 2010 - Emotion & Commotion

Live

• 1977 - Jeff Beck With the Jan Hammer Group Live
• 2006 - Live At BB King Blues Club
• 2012 - Live at "Campovolo Italia loves Emilia" suonando con Zucchero

Racolte

• 1991 - Beckology
• 1995 - Best of Beck

Big Town Playboys

• 1993 - Crazy Legs

Altri album

• 1992 - Jeff Beck & Jed Leiber - Frankie's House (Soundtrack)
• Duff McKagan - Believe in Me (1993)

Altri albun

• 1992 - Jeff Beck & Jed Leiber - Frankie's House (Soundtrack)
• Duff McKagan - Believe in Me (1993)

Curioxità

El gà scrito l'ino del Wolverhampton Hi ho silver lining (hi ho Wolverhampton)

Linganbi foresti

• Sito ufisałe, so jeffbeck.com.
• (EN) Jeff Beck, so Ençiclopedia Britannica, Encyclopædia Britannica, Inc.
• Jeff Beck, so Discografia nazionale della canzone italiana, Istituto centrale per i beni sonori ed audiovisivi.
• (EN) Jeff Beck, so AllMusic, All Media Network.
• (EN) Jeff Beck, so Discogs, Zink Media.
• (EN) Jeff Beck, so MusicBrainz, MetaBrainz Foundation.
• (EN) Jeff Beck, so Internet Movie Database, IMDb.com.

• Sito uficiałe

Altri progetti

• Wikimedia Commons

• Wikimedia Commons el detien imàjini o altri file so Jeff Beck