Jon Bon Jovi
| Jon Bon Jovi | |
 | |
| Nasesto/a | 2 de marso 1962 Perth Amboy |
|---|---|
| Paexe de orìxane | USA |
| In atività dal | 1983 - in atività |
| Xènaro muxicałe | Pop metal, Hard Rock, Hair metal, Album oriented rock, Adul alternative rock, Pop rock |
| Instrumento/i | voxe, chitara, pianoforte, armonega a bòca |
| Atività prinsipałe | cantante, ator, cantautore, ator, chitarista, pianista, ator de tełevixion e produtor discogràfego |
| Discografia | |
| Albun | 2 (da sołista) |
| Stùdio | 2 |
| Sito web | http://www.bonjovi.com/ |
      
      | |
Jon Bon Jovi el xe un cantante, muxicista statunitense
Biografia[canbia | canbia el còdaxe]
Jon Bon Jovi el xe nasesto a Perth Amboy (New Jersey), co' l nome de John Francis Bongiovi Jr, da pare statunitense de orixeni itałiane (el bisnon el xe nasùo a Sciacca, ła bisnona a Cianciana, Agrigento) e slovache e da mare statunitense de orixeni todesche e ruse. So mare, Carol Sharkey, ła xe sta na Playboy Bunny (na camariera inte i Playboy Club co ła famoxa divixa), mentre so pare, John Bongiovi, un barbier. John Francis, primo de tre fradèłi (i altri do i xe Anthony e Matt), fin da picoło el ga mostrà un carater forte e ribełe e un forte dexiderio di metersi in mostra; inaxonta nisun xe mai riusìo a disuaderlo dal tegner i cavełi costantemente łonghi.
El ga risevesto ła so prima chitara a sete ani, ma soło a diexe el ga tacà sonarla co serietà, ciapando łesion da un maestro del so cuartier. A trèdexe ani el ga fondà el so primo grupo band, che se ciamava "Starz"; ma el xe riusìo a tegni run soło concerto anca parchè xa existeva naband un mucio pì popołar co'l steso nome. Jon ga canbià ałora el nome in "Raze", ma l'esperiensa l'a portà comuncue a un fałimento.
Drìoman, John el ga partesipà a un provin par el film Footloose e l'è stà sielto par el ròło de protagonistsa da ła Paramount, che gaveva intension de canbiar ła senegiadura da bałarìn a stèła del rock. Cui John ga faxesto ła so prima vera sièlta, rifiutando el ròło: infati el ga afermà che no vołeva naser cofà ator co aspirasion da rockstar, jera ła mùxega el so mondo. Daspuò chel momento el ga tacà crédare pì concretamente a na carièra da cantante e, suportà da ła fameja, speçialmente da so mare Carol, l'a deçidesto de selier un pseudonimo pì fàçiłe da pronunsiar: nase cusì Jon Bon Jovi, utiłixà par ła prima volta co'l ga firmà el contrato co ła prima caxa discografega. Oltra a ła chitara ełetrega, el sona l'àrmonega, el pianoforte e ła chitara acustega, anca se'l so ròło prinçipałe xe cueło de cantante.
El ga frecuentà ła Sayreville War Memorial High School in Parlin, New Jersey, indove el ga conosesto David Bryan, atuałe tastierista del grupo, e Dorothea Hurley (29 de setenbre 1962), ła so atuałe mujer. Ła cubia se ga maridà el 29 de avril 1989 a ła Graceland Chapel a Las Vegas e ga avesto cuatro fiòłi: na femena, Stephanie Rose (nasùa el 31 de magio 1993), e tre masci, Jesse James Louis (nasùo el 19 de febraro 1995), Jacob Hurley (nasùo el 7 de magio 2002) e Romeo Jon (nasùo el 29 de marso 2004). Bon Jovi xera stà scriturà par alcuni film e ga faxesto diverse conparse in alcuni tełefilm, tra i cuałi Sex and the City e Ally McBeal.
Oltra ai dischi co'l grupo, Jon Bon Jovi ga registrà do album da sołista: Blaze of Glory (1990) e Destination Anywhere (1997), oltra a un album non ofisiałe, publegà in Itałia co'l nome John Bongiovi, intitołà The Power Station Years. L'album contien 14 inediti registrai tra 'l 1980 e 'l 1983, remixati e rimasterixai inte'l 1997. Fin deso, Jon, ga vendesto pì de cuarantam miłion de copie co ła band Bon Jovi.
Inte'l 2004, co l'amigo e chitarista del grupo Richie Sambora, ga fondà na scuadra de Arena Football, i Philadelphia Soul, vinsidori del titoło AFL inte'l 2008. Bon Jovi xe anca un gran fan dei New York Giants. Inte'l 2007 el ga dichiarà che uno so pì grandi ramarichi xe stà l'ocaxion perdesta de conoser el so gran titoło, Frank Sinatra. "Pì volte me se ga prexentà l'ocaxion, ma mi go senpre declinà par paura de doverme confrontar co un artista de un łiveło cusì superior", ga dixesto Bon Jovi. El 13 de otobre 2007 el ga conduxesto ła pontada del Saturday Night Live e insieme al grupo ga sonà inte l'ocaxion Lost Highway e Who Says You Can't Go Home.
El 18 de xenaro 2009 Bon Jovi el ga partesipà al concerto par l'insediamento del Presidente Obama cantando A Change is Gonna Come in doto co Bettye LaVette. Senpre inte'l 2009 Jon Bon Jovi ga registrà, insenbre al Washington D.C. Youth Choir, na nova version gospel de ła hit Keep The Faith, inserìa in te l'abum Oh Happy Day: An All-Star Music Celebration. El de 3 magio 2009 el xe entrà inte ła New Jersey Hall of Fame.[1][2]
El 19 de disenbre 2011 el xe stà vitima de death hoax, cioè de ła notisia de ła so morte che ga scumisià a vegnir riprendesta da na stropełà de fonti online. Łu isteso el ga smentìo ła notisia, comentando l'acadùdo co ła fraxe Heaven looks a lot like New Jersey(El paradixo el someja el New Jersey).[3]
Inpegno sociałe e połitico[canbia | canbia el còdaxe]
Durante łe ełesion del 2004 el ga sostegnesto ła nomination de John Kerry. El 21 de setenbre 2005 ga donà un miłion de dołari ad Oprah Winfrey, condutora de un famoxo talk-show in te i Stati Unìi, par ła so fondasion de beneficensa Angel Network. Xe ła pì alta çifra che na çełebrità gabia mai donà a Winfrey. Inte'l 2011 el ga inagurà un ristorante indove che i mano abienti i pol pagar anca co łaori socialmente utiłi; tramite ła so fondasion el ga costruìo anca abitasion par i pì povari[4]. Inte'l 2012 el ga donà 1 miłion de dołari par ła ricostrusion dopo l'Uragan Sandy che ga colpìo i Stati Unìi.
Vita privà[canbia | canbia el còdaxe]
Inte'l 1989, durante na tapa del New Jersey Tour, Jon xe andà de scondon a Las Vegas par spoxar ła so moroxa storega, Dorothea Hurley in te ła Graceland Wedding Chapel. Ła cubia ła 4 fiòłi : Stephanie Rose (1993), Jesse James Louis (1995), Jacob Hurley (2002) e Romeo Jon (2004)
Inte'l 2004, el deventa fondador e propietario prinçipałe de ła scuadra de Arena Football League, i Philadelphia Soul.
El xe aparìo in vari spot publisitari par ła League, co John Elway, famoxo quarterback par i Denver Broncos.
Discografia[canbia | canbia el còdaxe]
Sołista[canbia | canbia el còdaxe]
- 1990 - Blaze of Glory
- 1997 - Destination Anywhere
Co i Bon Jovi[canbia | canbia el còdaxe]
- 1984 - Bon Jovi
- 1985 - 7800° Fahrenheit
- 1986 - Slippery When Wet
- 1988 - New Jersey
- 1992 - Keep the Faith
- 1995 - These Days
- 2000 - Crush
- 2002 - Bounce
- 2005 - Have a Nice Day
- 2007 - Lost Highway
- 2009 - The Circle
- 2013 - What About Now
- 2015 - Burning Bridges
- 2016 - This House Is Not for Sale
- 2020 - 2020
Parteçipasion[canbia | canbia el còdaxe]
- 1987 - Cher - Cher
- 1989 - Alice Cooper - Trash
- 1990 - Ratt - Detonator
- 1991 - Aldo Nova - Blood on the Bricks
Filmografia[canbia | canbia el còdaxe]
Sinema[canbia | canbia el còdaxe]
- Young Guns II - La leggenda di Billy the Kid (Young Guns II), regia de Geoff Murphy (1990)
- Moonlight & Valentino (Moonlight and Valentino), regia de David Anspaugh (1995)
- The Leading Man, regia de John Duigan (1996)
- No Looking Back, regia di Edward Burns (1998)
- Homegrown - I piantasoldi (Homegrown), regia de Stephen Gyllenhaal (1998)
- U-571, regia di Jonathan Mostow (2000)
- Un sogno per domani (Pay It Forward), regia de Mimi Leder (2000)
- Il cacciatore delle tenebre (Vampires: Los Muertos), regia de Tommy Lee Wallace (2002)
- Nickname: Enigmista (Cry Wolf), regia deJeff Wadlow (2005)
- Capodanno a New York (New Year's Eve), regia de Garry Marshall (2011)
Tełevixion[canbia | canbia el còdaxe]
- Sex and the City - serie TV, epixdio 2x13 (1999)
- Ally McBeal - serie TV, 10 epixodi (2002)
- West Wing - Tutti gli uomini del Presidente (The West Wing) - serie TV, epixodio 7x15 (2006)
- 30 Rock - serie TV, epixodio 4x13 (2010)
Premi[canbia | canbia el còdaxe]
- 1990: Golden Globe: Miglior Canzone, Blaze of Glory (da ła cołona sonora de Young Guns II)
- 1997: MTV Europe Music Awards: Best Male, Destination Anywhere
- 2001: Humanitarian of the Year dal The Food Bank of Monmouth & Ocean Counties par el so łaor a favor de ła xente del New Jersey
- 2001: Honorary Doctorate in Humanities Łaurea de ła Monmouth University del New Jersey, par el so suceso cofà artista e par ła so atività umanitaria
- 2010: el otien insenbre al so grupo el premio GLOBAL ICON AWARDS ai EMA di Madrid
Riconosimenti[canbia | canbia el còdaxe]
- Songwriters Hall of Fame (2009) (insieme a Richie Sambora)
- New Jersey Hall of Fame (2009)
- Rock and Roll Hall of Fame (2018)
Curioxità[canbia | canbia el còdaxe]
- El xe stà Jon Bon Jovi a segnałare i Cinderella a ła caxa discografega PolyGram, dopo èsar stà colpìo da na performance de ła band in un łocałe de Filadelfia inte'l 1985. I Cinderella i xe deventai una de łe rock band de maxor suceso de ła segonda metà dei ani '80 e i vendarà pì de 18 miłion de dischi in tuto el mondo. Jon aparise anca insieme a Richie Sambora inte'l video Somebody Save Me dei Cinderella stesi.
- Jon Bon Jovi xe stà anca desixivo inte'l slansar ła carièra dei Skid Row del so amigo Dave Sabo (chitarista in te ła primisima formasion dei Bon Jovi). Tutavia, el raporto co'l grupo xe finìo in bruto modo dopo na picoła tacaìsa co Sebastian Bach.
- El cantante vien çità inte'l Mr. Bean - L'ultima catastrofe, de Mel Smith.
- Inte ła pontada del 7 de łujo 2012 de Raw, CM Punk ga ciamà Chris Jericho "Mr. Bon Jovi", noto riferimento a ła somejansa de Jericho co Jon Bon Jovi.
- Inte'l 13º epixodio de ła 2ª serie de Sex and the City ła protagonista Carrie Bradshaw, interpretada da Sarah Jessica Parker xoga na partìa de twister co Seth, un toxo conosùo in te ał scała de apseto de na psicanałista, interpretà da Jon Bon Jovi.
Altri projeti[canbia | canbia el còdaxe]
Wikimedia Commons el detien imàjini o altri file so Jon Bon Jovi
Notasion[canbia | canbia el còdaxe]
- ↑ New Jersey Hall of Fame - Class of 2009. Lingambo vardà el 27 giugno 2013. (archivià dal lingambo del prinsipio n'te ła data: 24 giugno 2013)
- ↑ International Business Times - Jon Bon Jovi elected to New Jersey Hall of Fame. Lingambo vardà el 27 giugno 2013.
- ↑ «Jon Bon Jovi Victim of Death Hoax», gossipcop.com, 19 dicembre 2011. URL verto in data 28 marzo 2013.
- ↑ Elmar Burchia. «Disoccupati, poveri e senzatetto a cena (quasi) gratis da Jon Bon Jovi», Corriere della Sera, 21 ottobre 2011. URL verto in data 28 marzo 2013.