Ciao

Da Wikipedia, l'ençiclopedia libara.
DAB list.svg Dezanbìgua – Se te serchi altri signifegai de ciao, védarse ciao (disanbigua)

Ła paroła ciao ła xe un sałudo amichevole e informałe de ła Łengua vèneta, che el se dòpara sìpia co se se cata e sìpia co se va via.

Ciao el ven da ła paroła veneta s-ciào (o s-ciàvo) che in italian vorìa dir "schiavo" o "servo" [vostro]. Sałudar dixendo ciao l'è quindi conpagno de dir "son servo tuo", "sò a to dispoxision". Sto sałudo el jera doparà da tuti, sensa distinsion de clase sociałe.

El termine originałe s-ciào el existe ncora dèso inte ła łéngua veneta, doparà come esclamasion o par esprimar rasegnasion e in te'l diałeto bergamasco, brescian e ticinese par esprimar soliévo par 'vérsela cavà da un qûalche guaio.

L'espresion "ciao pì!" più o meno vorìa dir (ironicamente) "te sałudo!", variabił a seconda del contesto, ma che più o meno la esprime na reasion de sorprexa co sucede qûalcosa che no se se spetava.

Ła paroła ła sà difondesta in giro par el mondo co łe varie migrasion dei itałiani, ła xe una de łe parołe de ła łéngua itałiana piasè conosùe al mondo e la xe entrà come sałudo informałe anca in te'l lèsico todesco (Tschao), ungherese, e scrito come čau in ceco e slovaco. Sto sałudo el xe difondesto anca in altre łéngue come el fransexe (Tchao), el spagnoło (Chao/Chau) e el portogheze (Tchau).

El sałudo inte łe altre nasion[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ciao&oldid=1061966"