Salta al contegnùo

Christina Aguilera

Pending
Da Wikipedia, l'ençiclopedia libara.


Infotaula de personaChristina Aguilera
Biografia
Nasimènto(es) Christina María Aguilera Cànbia el vałor in Wikidata
18 de disenbre del 1980 Cànbia el vałor in Wikidata (43 ani)
Staten Island (New York) (it) Traduzi Cànbia el vałor in Wikidata
Dati personałi
Altri nomiXtina (X-Tina)
Baby Jane Cànbia el vałor in Wikidata
FormasionNorth Allegheny Intermediate High School (en) Traduzi Cànbia el vałor in Wikidata
Altura1,57 m Cànbia el vałor in Wikidata
Atività
Canpo de laoro
Conpozision muzicałe, canto (it) Traduzi e indùstria del spetàcoło Cànbia el vałor in Wikidata
Ocupasion
cantautor, modeło, produtor de cine, ator, dopiador, artista discogràfego, inprendidor, produtor discogràfego, conpozitor, rejista de vìdeo muzicałi, bałarin, muzegante, diretor de cine Cànbia el vałor in Wikidata
Atività1998 - in atività
ZènarePop, dance pop (it) Traduzi, contemporary R&B (it) Traduzi, soul (it) Traduzi, adult contemporary music (it) Traduzi, synth pop, jazz (it) Traduzi, blues, poprock e electro (it) Traduzi Cànbia el vałor in Wikidata
Influense
Instrumento muzicałeVoze Cànbia el vałor in Wikidata
Targheta discogràfega
Àlbun10
Àlbun stùdio8
Àlbun compilation1
Fameja
CògnuzeJordan Bratman (it) Traduzi (2005–2011) Cànbia el vałor in Wikidata
Fiołi
Segno
Cànbia el vałor in Wikidata
Sito webchristinaaguilera.com Cànbia el vałor in Wikidata
IMDB: nm0004694 Allocine: 73217 Rottentomatoes: celebrity/christina_aguilera Allmovie: p295828 TCM: 352904 Metacritic: person/christina-aguilera TV.com: people/christina-aguilera
Facebook place: christinaaguilera X: xtina Instagram: xtina MySpace: christinaaguilera Youtube: UCgBN6eQyZPnsApiL1QW44Hg Pinterest: xtina866 Vimeo: xtina Souncloud: xoxtina Spotify: 1l7ZsJRRS8wlW3WfJfPfNS iTunes: 259398 Last fm: Christina+Aguilera Musicbrainz: b202beb7-99bd-47e7-8b72-195c8d72ebdd Songkick: 246366 Discogs: 77855 Allmusic: mn0000780258

Christina Aguilera, (New York, 18 de disenbre 1980), ła ze na cantaudora, atora, produtora discogràfega, bałarina e modeła statunitense.

Vinsidora de sincue Grammy Awards, ła ga cołesionà pì de 250 dischi tra oro, platino, multiplatino vendendo, tra àlbun e singołi, piasè de 100 miłion de dischi[1][2]. Ła ze stà inserìa al 58º posto inte ła Lista dei 100 migliori cantanti secondo Rolling Stone (ła pì zòvane mensonà in tałe łista[3]) e ła ze stà anca nomenà da Billboard ła 20ª artista mejo de'l diezenio (desenio) 2000-2010.[4] Ła ga anca vinsesto numarozi premi e reconosimenti, tra cui un Latin Grammy Awards, do Billboard Music Award, tre MTV Video Music Awards e do MTV Europe Music Awards.

El só album de debuto, Christina Aguilera, publegà inte'l 1999, el ze l'àlbun de mazor suceso de ła cantante co i singołi nº 1 Genie in a Bottle, What a Girl Wants e Come on Over Baby (All I Want Is You) e 20 miłion de dischi vendesti a łiveło mondiałe. El disco ghe ga fato vinser anca un Grammy Award come mejo artista emerzente a sołi 19 ani.[5] L'ano drìo ła publega un àlbun in spanjoło, Mi reflejo, che'l ghe fa vinser un Latin Grammy Award, e uno de nadałe, My Kind of Christmas.[6] Inte'l 2001 ła consołida ła fama a łiveło mondiałe grasie a'l brano Lady Marmalade, reintarpretà co Mýa, Pink, Lil' Kim e Missy Elliott.

El só segondo àlbun de inediti, Stripped, publegà inte'l 2002, el prezenta numarozi canbiaminti de stiłe muzegałe, de testi, de look (par i cuałi ła zestà anpiamente critegà) e de ła parsonałità de ła cantante stesa. Strasinà da'l contestà Dirrty, l'àlbun el ze riusìo a restar inte łe clasifeghe fin a'l 2004, grasie anca al suceso dei altri singołi da st'altro estrazesti tra cui ła bałada intarnasionałe Beautiful che'l ghe fa vinser el terso Grammy Award, ła sigla de ła NBA Fighter, l'ino femenista Can't Hold Us Down e The Voice Within.

Christina Aguilera ła atua un novo radicałe canbiamento de look par el so terso album de inediti, Back to Basics, el cui tour ga incasà pì de 100 miłion de dołari inte el mondo, creando el so alter ego Baby Jane, ispirà al film Che fin ha fatto Baby Jane?. Da l'album xe sta cavà fora i sìngołi : Ain't No Other Man che ła ghe fa vinser el so cuarto Grammy inte ła categoria par ła mejo performance vocałe femenina, l'intensa bałada Hurt e el tormenton estivo Candyman.[5]

Inte el 2008 ła publega ła so prima racolta de sucesi, Keeps Gettin' Better - A Decade of Hits. Do ani drìo, inte el 2010, ese el so cuarto album in studio conponesto da brani inediti, mai publegài, Bionic, definìo da ła rivista Billboard el mejo àlbun pop mainstream de l'ano. Contenporaneamente avien el só debuto sinematografego, co'l roło de protagonista inte'l film Burlesque, film che ga incasà sìrca 90 miłion de dołari in tuto el mondo[7] e senpre inte el ano isteso ła reseve ła só steła so ła Hollywood Walk of Fame.[8]

Inte el 2011 ła cołabora co i Maroon 5 inte ła hit de suceso Moves Like Jagger, che ła ghe fa vadanjar ła prima nùmaro uno dapò dieze ani, e inte'l 2012 ła publega el só cuinto àlbun de inediti da'l titoło Lotus, trainà dal sìngoło Your Body. Inte el 2015 ła vinse el so cuinto Grammy Award par el brano Say Something, che ła gavea rejistrà de novo insenbre a'l do emerzente A Great Big World a ła fine de'l 2013.[9] Inte'l 2018, daspò sie ani de asensa da ła sena muzegałe, ła pùblega i singołi Accelerate e Fall in Line come singołi verzipista de'l só otavo àlbun Liberation che'l ghe fa otenjer do nomination ai Grammy Awards.

Biografia

[canbia | canbia el còdaxe]

Christina Aguilera ła nase el 18 de desenbre 1980 a Staten Island, New York, so fia de ła pianista e viołinista de orìzene irlandeze Shelly Lorraine Fidler e de'l miłitar de orìzene ecuadoriana Fausto Wagner Javier Aguilera; ła ga na soreła minor de nome Rachel. I primi ani de Christina Aguilera i ze caratarizài da continui spostamenti cauzà da'l łaoro de'l pare; ła fameja ła ghe va drìo prima in Texas, par po' spostarse in New Jersey e łasar par un parìodo el teren merican, trasferindose in Japon.[10] Ła crese in clima difisiŁe, segnà da continui abuzi fìzeghi e psicołòzeghi da parte de'l pare, che'l riva anche a niòzer a łe só stese fie, oltra che a mastrusar de frecuente só mujer.[10][11] Inte'l 1986, drìo l'enèzema viołensa, Shelly ła deside de łasar só marìo e ła se trasferise insieme a łe do fie a Rochester, in Pennsylvania, a ła rezidenza de ła mare, Delcie Mabel Dunfee.[11] Inte'l 1991 ła se spoza da novo co James Kearns. Da'l só matrimonio A nase Michael James Kearns. Fa parte de ła fameja anca Stephanie e Casey Kearns, fiołi de James avùi da'l presedente matrimonio[12].

Dotada de un naturałe tałento vocałe, Aguilera, za a l'età de nove ani ła partesipa a racuanti concorsi łocałi e parfìn a vari show, tra cui Star Search inte'l cuało ła riva segonda grasie a na reintarpretasion de A Sunday Kind of Love de Etta James.[11] Inte'l 1993, a l'età de dòdaze ani, ła partesipa a'l Mickey Mouse Club, insieme a łe future star Britney Spears e Justin Timberlake.[13] Dopo do ani pasài inte'l show Disney ła zvoła in Zapon par rezistrar co'l cantante Keizo Nakanishi ła canson All I Wanna Do.[14] Inte'l 1998, dopo aver partesipà a'l Golden Stag Festival in Romania a'l fianco de Sheryl Crow e Diana Ross, ła ciapa parte co suceso a l'audision par rezistrar el brano Reflection, cołona sonora de'l film d'anemasion Mulan, par el cuało ła Disney ła sercava na cantante co na granda estension vocałe, chiedendo na reintepretasion de Run to You de Whitney Houston.[14] El brano el vien nomenà ai Golden Globe de cheł'ano inte ła categoria "mejo canson orixinałe".[14] L'ano drio ła partesipa a'l festival co sołe artiste done partesipanti Lilith Fair, e ła firma un contrato co ła RCA Records.[11]

1999-2000: El primo àlbun, Christina Aguilera

[canbia | canbia el còdaxe]

El so primo album, l'eponimo Christina Aguilera, vien publegà el 24 de agosto 1999 e el rexulta suito un gran suceso vendendo inte ła so prima setemana de publicasion 250.000 copie inte i Stati Unii, che ghe garantise el debuto a ła prima poxision de ła Billboard 200;[15] l'album vende in totałe 20 miłion de copie inte el mondo,[16] 8.207.000 inte i soli Stati Unii.[17] Christina Aguilera, publegà inte l'era del teen pop, viene ben risevesto da ła critica. Segondo el critico de AllMusic Stephen Thomas Erlewine l'album xe «superfiçiałe, ma superfiçiałe inte el senso mejo posibiłe, ałegro, divertente, coinvolxente e piaxevołe ad ogni ascolto. Tra i tanti album teen pop del 1999, cuesto el par esar el mejo.»[18] El sìngoło de debuto, Genie in a Bottle, contribuise masimamente al suceso de l'album, el raxonxe, infati, ła prima posixision de ła clasifega statunitense[19] e de numaroxi altri paexi in tuto el mondo.[20] Anca i sìngołi sucesivi i otien un bon suceso comerciałe; What a Girl Wants e Come on Over (All I Want Is You), segondo e cuarto sìngoło, i raxonxe ła prima poxision de ła clasifega Billboard, mentre I Turn to You i raxonxe ła tersa poxision.[21] Dopo ła publicasion de sto ùltemo sìngoło ła riseve un Grammy Award come mejo artista emerxente e na nomination a ła mejo interpretasion vocałe femenina pop par Genie in a Bottle.[22] Ła inside anca par el film Sai che c'è di nuovo?, interpretà da Madonna e Rupert Everett, ła canson Don't Make Me Love You.[23]

2000-2001: L'album spagnoło, il disco nadałisio e Lady Marmalade

[canbia | canbia el còdaxe]

El 12 de setenbre 2000 ła publega l'album Mi reflejo, inçidesto par intièro in spagnoło. L'album, che include ła version spagnoła se sincue brani traxesti dal so album de debuto Christina Aguilera co a xonta de sìe brani inediti, el vende8 8 miłion de copie inte el mondo, e vien çertifegà disco de platino da ła RIAA par sìe volte, avendo vendesto 600.000 copie. [24][25][26] Ła raxonxe ła poxision nùmaro vintisete de ła Billboard 200 e ła sima de ła clasifega łatina statunitense, restàndoghe par setanta setemane.[27] Inte el 2001, Mi reflejo, ghe fa vinser un Latin Grammy Award inte ła categoria "mejo album vocałe pop",[28] un World Music Award come miglior artista latina[29] e do Billboard Music Award inte łe categorie mejo album pop femenino e "mejo album pop de un artista emerxente".[30] Inte el 2000 ła parte co ła so prima tournée, Christina Aguilera in Concert, che toca oltre sesanta sità statunitensi, par po' termenar in te'l febraro del 2001 in Japon. Xe stà rejistrà un speciałe sol tour, de ła durada de un'ora so ła rede tełevixiva mericana ABC; el speciałe xe stà drìoman publegà in DVD. Ła direta ła ga rejistrà pì de diexe miłion de spetadori e el DVD, intitołà My Reflection, sertifegà oro inte i Stati Unii.[24]

Senpre inte el steso ano ła inside e ła publega, el 24 de otobre, na racolta de brani nadałisi tradisionałi intitołada My Kind of Christmas, che riese a vender sirca 8 miłion de copie e riseve el disco de platino da ła RIAA.[24][26] Da l'album jera stà estraxesto xa un sìngoło inte el 1999, The Christmas Song, e ne viene estraxesto un ulterior promosionałe Christmas Time, che no'l riese a entrar in clasifega, a difarensa de l'album che raxonxe ła poxision nùmaro vintioto de ła Billboard 200 e ła prima poxision de ła clasifega dei album nadałisi.[31]

Drìoman ła fa doto co Ricky Martin in Nobody Wants to Be Lonely, brano rejistràà da sołita da Martin e inserìo inte l'album Sound Loaded. Drìo ła cołaborasion co Aguilera ła nova version xe andà a sostituir cueła inserìa presedentemente.[32] El sìngoło, publegà el 9 de xenrao 2001, drìomna el xe stà inserìo anca inte ła racolta de Aguilera del 2008. Nobody Wants to Be Lonely otien boni riscontri sia a łiveło nasionałe che internasionałe, raxonxendo ła tredexexema poxision de ła Billboard Hot 100;[33] vien sertifegà oro in Australia, Paexi Basi, Svesia e Svisera.[34] El sìngoło vien nomenà ai Grammy Award del 2002 inte ła categoria mejo cołaborasion pop vocałe, ma no'l riese a vinser el premio, che vien consegnà a ła cołona sonora del film Moulin Rouge!, Lady Marmalade, cover de ła canson del 1975 de Patti LaBelle, reinterpretà da ła stesa Aguilera co Mýa, Pink, Lil' Kim e Missy Elliott. Lady Marmalade, publegà el 21 de marso 2001, ła xe stà una de łe canson de maxor suceso de l'ano, rivando in sima a łe clasifeghe in ùndexe paexi e vegnendo sertifegà disco de platino in sincue.(EN) Andamento di Lady Marmalade nelle classifiche, australia-charts. entrada il 18 maggio 2012. (EN) Andamento di Lady Marmalade nella classifica inglese, chartstats (archivià dal URL orizenałe il 23 luglio 2012). </ref> Inaxonta a vinser el Grammy, el sìngoło riseve sìe nomination ai MTV Video Music Awards inte łe categorie: "video de l'ano", "mejo video pop", "mejo video dance", "mejo vidoe traxesto da un film", "mejo coreografia" e "mejo diresion artistega". Ła vinse noma che in do categorie: "video de l'ano" e "mejo video traxesto da un film".[35]

Inte el majo 2001 ła Warlock Records ła anuncia de vołer publegar l'album inedito Just Be Free inte el sucesivo meze de zugno, sensa el consenso de ła cantante.[36] Aguilera ła ga spiegà che l'album el contegneva vari demo rejistrà a l'età de 14 e 15 ani e che ła version de l'album avesta da ła Warlock no ła respeciava pì come artista: «A son maurà sia come persona che come artista e ciò no se reflete inte łe rejistasion. L'album de nove rejistrasion che go intension de publegar sto utuno el sarà l'album che respeica in pien ła me arte, ła me vizion ła me pasion. Łe nove rejistrasion par Just Be Free ła sarà na nota de na cariera muzegałe che spero ła durarà par tanti ani.»[37] Ła cantante ga po'cità in tribunałe l'eticheta discografega e łe so infiołae, ła Platinum Recordings e ła JFB Music par l'uzo inpropio del so nome e ła łiçensa sol novo album Just Be Free.[36]

2002-2004: Ła cresita parsonałe e muzegałe inte l'àlbun Stripped

[canbia | canbia el còdaxe]
Christina Aguilera ła se ezibise in Make Over durante el Stripped World Tour (2003)

El segondo àlbun de inediti in łengua angleze el ze Stripped, publegà el 13 de otobre 2002. Ła mazor parte de l'album, co-scrivesto da èła, el xe stà influensà da racuanti zènari cofà l'R&B, el soul, el rock, el gospel e l'hip hop. Ła produsion ła ze stà afidà a Scott Storch e Linda Perry, che ga contribuìo anca a ła conpozision de varie trase. Inte l'àlbun A ze prezente anca na cołaborasion co ła cantante Alicia Keys inte'l brano Impossible.[38] Co sto album ła cantante "se ga spojà" (stripped in ingleze sengnifega infati "nua", "spojada") dai pani de ła teenager inzenua, dolse ma co poco spesor, prezentando na nova varsion de se stesa pì maùra e sexy. Durante ła promosion de l'album ła ga pozà par artante riviste, cofà Rolling Stone Magazine e Maxim, metendo in mostra łe so forme, nua o seminua.[39] L'artista, in pì, se ga reprezentà co ben ùndeze piercing e 'l novo soranome "Xtina" tatuà so'l coło.[40] El canbiamento de imàjine de ła cantante xe stà critegà, cusì cofà ła famoza cover de ła rivista Rolling Stone che ła vede conpletamente nua, coerta soło in parte da na chitara.[41] El canbiamento de l'artista xe stà parfetamente evidensià inte'l primo sìngoło da l'album: Dirrty. El brano ga risevùo pezanti critiche inte i Stati Unìi par el testo e par el video, considarai masa provocanti.[42] El video xe stà criticà par l'abiliamento de Aguilera, retegnesto un reciamo al sadomasochismo;[43] in Thaiłandia A xe stà vietà ła riprodusion del video ed ła ze stà fata propaganda anti-Stripped par convinsar łe persone a non conprar l'àlbun, el motivo prinsipałe xe stà na "protesta" contro na scrita che conparise inte'l video che recita "Sex Tour in Thailand";[44] Drìoman A xe stà vietà ła riprodusion del video inte'l paeze aziàtego.[45] Anche inte i Stati Unìi e in Zarmània A ze nasesti dei problemi dopo l'usìda del video: serte parte del video łe xe stà censurae e altre tajae;[46] dopo sto fato serti spetadori consarvadori de MTV, no sodisfati de łe censure, i ga invià na petision par inpedir ła riprodusion del video so'l canałe, criticando sia el testo sesualmente esplisito che'l video contegnente sene masa spente.[47] Aguilera ła ga respondesto a łe critiche invitando łe persone a łe cuałe no ghe piaze el look, a no vardar senplisemente el video.

[41] Nonostante ciò, Stripped el ga vendesto, inte'l soło marcà statunitense, pì de 330.000 copie inte ła prima setimana, debutando a ła segonda pozision de ła Billboard 200;[48] e ła ga vendesto inte'l mondo 14.000.000 de copie.[49] Aguilera ła ga spiegà pì volte che'l canbio de imàjine in Stripped no'l zera finałizà a ła senplise promosion, ma che ła nova imàjine ła respeciava majormente ła só vera parsonałità: «A vojo sperimantar el pì posibiłe. Sarìa sbalià scondar sto łado de ła me parsonałità. Me diverte èsar sexy e forte a'l steso tenpo.»[50]

Aguilera ła se ezibise in The Voice Within durante el Stripped World Tour

El sìngoło Dirrty el ze stà un suceso inte l'Europa setentrionałe, riusìndo a rivar a ła prima pozision in Regno Unìo[51] e inte ła top ten de numarozi paezi.[52] Inte i Stati Unìi el segondo sìngoło, Beautiful, ze stà publegà dopo poco, par via del poco suceso del presedente inte'l Paeze. A se trata de na ballad contro łe descriminasion restà par tanto tenpo in clasìfega, che ła ghe ga restituìo popołarità a ła cantante. El sìngoło el ze rivà a ła segonda pozision de ła Billboard Hot 100.[53] El ga risevùo apresamenti da ła critica, e el ze stà probabilmente el só pì grando suceso.[54] Ła trasa ła ga avesto tanto pì suceso in Europa che in America, infati par el 2002 e el 2003 el ga otegnùo notevołe suceso in Itałia, Austria, Fransa, Belgio e Svisara.[55] Inte i Stati Unìi el sìngoło comuncue el ze stà sertifegà disco d'oro[24] e el ghe ga fato vinser el só terso Grammy, st'altra volta inte ła categoria "mejo intarpretasion vocałe femenina".[5] Grandi sucesi se ga revełà anca i sìngołi drìoman: Can't Hold Us Down, contro łe descriminasion sesuałe, intarpretà in dooto co Lil' Kim; Fighter, co ła cołaborasion de'l chitarista Dave Navarro; e ła ballad The Voice Within. St'altri sìngołi i ga tegnesto ben ła permanensa de l'àlbun in clasìfega fin al 2004.[56]

Daspò ła publegasion de l'àlbun, ła Aguilera ła ga inisià un tour insenbre al cołega e amigo Justin Timberlake denomenà Justified & Stripped Tour. El tour in otantasìe date tute ezaurìe el ga vadagnà setantasìncue miłion de dołari.[49][57] Ła rivista Rolling Stone ło ga definìo el mejo tour de l'ano.[58] Inte l'agosto del 2003 ła se ga ezibìo come artista de vertura dei MTV Video Music Awards co Britney Spears e Madonna: ła performance ga dezvejà tanto resentimento par el bazo so i łavri che se gaveva scanbià łe cantanti, e el ze stà definìo come uno dei momenti pì icòneghi de ła storia de ła manifestasion.[59][60] Inte'l novenbre de'l steso ano ła ga prezentà i MTV Europe Music Award de Edinburgo, vinsendo inte l'istesa serada el premio par "mejo artista femenina".[61]

Inte'l 2004 ła ga insidesto anca ła canson Hello (Follow Your Own Star), scrivesta da eła insenbre a Robert Hoffman e Heather Holley escluzivamente par el łanso comersiałe de l'automobiłe Mercedes-Benz Classe A; ła canson infati ła xe stà utiłizada come cołona sonora del spot del prodoto.[62] Inte'l steso parìodo ła gavarìa dovesto inisiar un tour inte i Stati Unìi, che no'l ga mai visto łuze poichè ła ga subìo de łe łezion a łe corde vocałe.[63] Ła cantante ła ga comuncue publegà altri do sìngołi, non contegnùi in Stripped. El primo, Car Wash, el xe un remix de Rose Royce, canson rezistrada co ła rapper Missy Elliot par el film Shark Tale e Tilt Ya Head Back, in cołaborasion co Nelly. Entranbi i sìngołi i ga otegnùo poco riscontro inte i Stati Unìi, rivando respetivamente a łe pozision sesantatré e sincuantoto de ła Billboard Hot 100.[21]

2006-2008: El ritorno co'l novo sound de Back to Basics e ła prima rancura

[canbia | canbia el còdaxe]
Christina Aguilera ai MTV Video Music Awards 2006

Inte'l marso de'l 2006, Christina Aguilera ła ze ospite de'l Festival de Sanremo, in Itałia, indove ła fa el doto co Andrea Bocelli in Somos novios (It's Impossible), contegnùo inte l'àlbun Amore de'l cantante łìrego.[64] El 10 de agosto de'l steso ano ła pùblega, dopo serti ani de asensa da łe sene, l'àlbun dopio Back to Basics, ispirà al stiłe muzegałe dei ani vinti, trenta e cuaranta, caraterizà da sonorità jazz, blues e soul. [65] L'àlbun, el vien ełezesto da iTunes mejo àlbun pop de l'ano.[66] El rezulta suito un gran suceso e el debuta a ła prima pozision in trèdeze paezi diversi, indove el riese a véndar inte ła só prima setimana 342.000 copie.[67] L'àlbun el vien ben acołiesto da ła critica, e tanti critici e riviste i ło definise un òtemo proseguimento de'l presedente àlbun, Stripped.[68] Inte i Stati Unìi l'àlbun el ga vendesto scuazi do miłion de copie,[24] 10 miłion inte'l mondo.[69] El 17 de novenbre 2006, poco dopo el łanso de l'àlbun, ła cantante ła parte co un łongo tour, el Back to Basics Tour, partìo da l'Europa ła ga tocà numarozi palchi inte i Stati Unìi, Canada, Azia e Oseania, par ła durada de do ani. El steso meze ła fa el doto co Diddy inte ła hit Tell Me, contegnùa inte l'àlbun Press Play de'l rapper newyorkeze.

Parte de'l suceso de l'àlbun el ze da atribuirse al primo singoło Ain't No Other Man, sertifegà disco de platino inte i Stadi Unìi par aver vendùo oltra un miłion de copie,[24] e rivà inte ła top ten de numarozi paezi tra cui Stadi Unìi, Itałia, Austrałia, Nova Zełanda, Canada e Regno Unìo.[21][70] El segondo singoło estraesto el ze ła bałada Hurt, conpagnada da un videoclip direto da Floria Sigismondi, rezista che'l gaveva za cołaborà co Aguilera par el video de Fighter.[71] El singoło no'l eguałia el suceso de ła presedente bałada de Aguilera de Stripped, overo Beautiful. Hurt debuta a ła sentézema pozision de ła Billboard Hot 100, e el riese a razonzer inte łe setimane drio ła nùmaro disnove.[72] Da l'altra parte de'l mondo, invese, el singoło el ze devnetà na hit, e el ga avùo suceso in partegołar modo in Svisara (indove el rientà in clasifega inte'l 2008), Austria, Zarmània e Paezi Basi.[73] Spagna e Itałia no i acołie tanto ben el singoło, che infati no'l entra in clasifega inte'l primo paeze e el razonze soło ła pozision nùmaro dòdeze inte'l segondo, restando in clasifega para soło cuatro setimane.[74] Ła trasa ła vien apresada anca in Regno Unìo, Austrałia e Canada, dove che'l razonze respetivamente łe pozision ùndeze, nove e trentoto.[75] El singoło el vien par zonta sertifegà disco d'arzento in Fransa, oro in Zarmània e platino in altri paezi.[76] Ła sielta par el terso singoło ła ricade so ła pì movimentada Candyman. El singoło el supara sia in vendite che in clasifeghe el só predesesor, vendendo oltra 500.000 copie inte i USA, che ghe parmete de azudegarse el disco d'oro.[24][77] El riese a reconcuistar el marcà itałian che no'l gaveva ben acołiesto Hurt, dove che'l deventa un tormenton estivo inte'l 2007 e el vien sernìo cofà brano ofisiałe de'l canpionato de calcio de Serie A 2007-2008.[78] Inte'l novenbre 2007 A vien publegà in Austrałia el cuarto singoło, Slow Down Baby,[79] mentre in Europa viene diffuso Oh Mother.[80]

Christina Aguilera ła se ezibse co Candyman durante el Back to Basics Tour (2007)

Inte'l steso parìodo, na statua de sera rafegurante ła cantante ła vien insarìa inte'l famozo Madame Tussauds de Łondra, co na senografia che ła riprende el video de Ain't No Other Man.[81] A ła 49ª edision dei Grammy Awards ła vinse inte ła categoria "mejo performance vocałe pop femenina" co Ain't No Other Man[5] e ła tributa James Brown cantando el brano It's a Man's Man's Man's World, resevendo na standing ovation da parte de'l pùblego in sała. In zonta, in cheł'ocazion ła demostra de poder rivar a un Sol5 in piena voze suparando el łimite del Fa che ghe zera stà atribuìo.[26] L'ezecusion ła se ga piasà al terso posto de łe mejo ezibision de ła storia dei Grammy.[26]

El steso ano ła rezistra in zonta na cover, insenbre a Bigelf de'l brano de John Lennon, Mother che'l vien includesto inte ła compilation i cui recavài i ze stà spendesti a fini benefici promovesta da ła Amnesty International, intitołada Instant Karma: The Amnesty International Campaign to Save Darfur, in cui vari artisti i ga rezistrà cover de sucesi de John Lennon par sensibiłizar l'opinion pùblega inte i confronti de ła crizi inte'l Darfur

Inte'l 2008 eła ła aparise cofà guest star inte'l film documentario Shine a Light de Martin Scorsese, dotando insenbre ai Rolling Stones in Live with Me.[82][83] Senpre inte'l 2008 A nase el só primo fio, Max Liron Bratman, a Los Angeles. Ła graviànsa de ła cantante ła zera parò za stà asindentalmente revełada alcune setemane prima da ła rica reditiera mericana Paris Hilton.[84] Daspò el parto l'artista ła ze stà pagà u miłion de dołari par un servisio fotogràfego par ła rivista People insenbre al fio nomenato.[85]

El 7 de novenbre de'l 2008 ła pùblega el só primo greatest hits, Keeps Gettin' Better - A Decade of Hits, antisipà da'l singoło Keeps Gettin' Better che el debuta a ła pozision nùmaro 7 de ła Hot100 mericana. Ła rancura ła ingruma drento tuti i sucesi dei presedenti àlbun e ła conprende anca l'inedito Dynamite, łe nove varsion dei brani Beautiful e Genie in a Bottle, intitołàe respetivamente You Are What You Are (Beautiful) e Genie 2.0., e el doto co Ricky Martin, Nobody Wants to Be Lonely, non contenjesto fin a chel tenpo in nesun àlbun de Aguilera. El ze stà publegà anca in edision deluxe, co ła zonta de un DVD contenjente i video dei majori sucesi de ła cantante, fata ecesion par Can't Hold Us Down e The Voice Within. Ła rancura ła vanta oltra 5 miłion de copie vendùe a łiveło mondiałe, deventando uno dei 20 greathest hits femeniłi de mazor suceso de senpre.[86]

2009-2010: Bionic e el debuto al sinema co Burlesque

[canbia | canbia el còdaxe]
Christina Aguilera durando ła première de'l film Burlesque a Łondra

Inte'l zunjo de'l 2009 Aguilera anuncia un novo àlbun de inediti, publegà l'ano drio, co el titoło de Bionic. .[87] L'àlbun el ga debutà a ła tersa pozision de ła Billboard 200 co 111.000 copie vendùe inte na setimana, otenjendo rezultadi pì scarsi non soło inte i Stati Unìi, ma anca in tuto inte'l resto de'l mondo respeto a cuełi dei dischi presedenti.[88] L'usida de l'àlbunła vien antisipada da'l singoło Not Myself Tonight, publegà el 13 apriłe 2010, che'l riese a razónzer na màsema pozision de ła Billboard Hot 100 soło ła nùmaro vintitre, vendendo 77.000 copie inte ła só prima setemana.[89]

L'àlbun el vien fora inte i negosi l'8 zunjo 2010, non otenjendo un partegołar suceso de vendite, antisipà soło in Nord America da'l singoło promosionałeWoohoo, in doto co ła rapper Nicki Minaj.[90] Ła promosion de'l disco ła va vanti, come anunsià, co un segondo singoło, ła bałada You Lost Me che ła riese rivar in sima a ła clasifega dance statunitense, ma non a entrar inte ła Hot 100.[21] El 22 łujo 2010 A vien publegà so YouTube el video de'l singoło, direto da Anthony Mandler, cusì comentà da Bill Lamb de about.com: «Il sound del brano e il look nel video sembrano voler segnare il ritorno della vera Christina Aguilera. Ammirate ancora una volta una delle voci più potenti della musica.» (El sound de'l brano e el look inte'l video i par vołer senjar el ritorno de ła vera Christina Aguilera. Amiré uncora na volta una de łe voze pì potenti de ła mùzega)

Notasion

[canbia | canbia el còdaxe]
  1. ↑ Christina Aguilera vende più di 100 milioni di dischi. Intanto collabora con William Orbit ed EminemSoundsblog.it, 3 agosto 2011. entrada il 24 aprile 2019.
  2. ↑ Christina Aguilera | MYmovieswww.mymovies.it. entrada il 24 aprile 2019.
  3. ↑ (EN) Rolling Stone: Greatest Singers, Rolling Stone, 27 novembre 2008. entrada il 18 maggio 2012.
  4. ↑ (EN) Billboard: artist of the decade, Billboard. entrada il 18 maggio 2012 (archivià il 15 dicembre 2009).
  5. ↑ 5,0 5,1 5,2 5,3 (EN) Past Winners Search - Christina Aguilera, grammy.
  6. ↑ (EN) Christina Aguilera Awards, bignoisenow.
  7. ↑ BurlesqueBox Office Mojo. entrada il 18 dicembre 2019.
  8. ↑ (EN) Scheda del film Burlesque, The Numbers. entrada il 18 maggio 2012.
  9. ↑ Grammy Awards 2015: lista vincitori, trionfa Sam Smith Beck miglior albumblitzquotidiano.it. entrada il 4 novembre 2020 (archivià dal URL orizenałe il 9 febbraio 2015).
  10. ↑ 10,0 10,1 Donovan, 2003, op. cit., p. XII .
  11. ↑ 11,0 11,1 11,2 11,3 (EN) Christina Aguilera Biography, www.biography.com - A&E Television Networks. entrada il 28 febbraio 2016 (archivià dal URL orizenałe il 2 gennaio 2013).
  12. ↑ Familyxtina-web.com.
  13. ↑ (EN) Celebrity Biographies - Christina Aguilera, Hollywood Auditions. entrada il 18 maggio 2012.
  14. ↑ 14,0 14,1 14,2 (EN) Christina Aguilera why she is famous, Askmen UK. entrada il 18 maggio 2012.
  15. ↑ (EN) Billboard 200 - Week of September 11, 1999, Billboard. entrada il 14 ottobre 2011.
  16. ↑ Francesca Pellegrini, I'm a genie in a bottle, baby, My Movies. entrada il 18 maggio 2012.
  17. ↑ (EN) Gary Trust, Ask Billboard: How "TiK ToK" Winds Up At No. 2, Billboard, 18 dicembre 2009. entrada il 18 maggio 2012.
  18. ↑ (EN) Stephen Thomas Erlewine, Christina Aguilera album, AllMusic review, Billboard. entrada il 14 ottobre 2011 (archivià il 9 novembre 2012).
  19. ↑ (EN) Billboard Hot 100 - Week of August 28, 1999, Billboard. entrada il 18 maggio 2012.
  20. ↑ (DE) Genie in a Bottle Charts History, austriancharts. entrada il 18 maggio 2012.
  21. ↑ 21,0 21,1 21,2 21,3 (EN) Christina Aguilera Billboard Hot 100 History, Billboard. entrada il 18 maggio 2012.
  22. ↑ (EN) Past Winner Search - Christina Aguilera, Grammy.com. entrada il 18 maggio 2012.
  23. ↑ Sai che c'è di nuovo?, Film Up. entrada il 18 maggio 2012.
  24. ↑ 24,0 24,1 24,2 24,3 24,4 24,5 24,6 (EN) RIAA Searchable Database - Christina Aguilera, RIAA. entrada il 18 maggio 2012.
  25. ↑ (EN) J. Freedom du Lac, It Always Translates Into Love, in Washington Post, 27 de agosto 2007. entrada il 30 settembre 2009.
  26. ↑ 26,0 26,1 26,2 26,3 (EN) Christina Aguilera Biography on lyricsystem, Lyrics System. entrada il 30 settembre 2009.
  27. ↑ (EN) Christina Aguilera Billboard 200 History, Billboard. entrada il 18 maggio 2012. (EN) Mi Reflejo - Christina Aguilera, Billboard. entrada il 18 maggio 2012.
  28. ↑ (EN) Latin Past Winners, Grammy.
  29. ↑ (EN) Christina wins World Music Award, bignoisenow, 28 maggio 2001. entrada il 18 settembre 2015.
  30. ↑ (EN) Son By Four Wins Big At Billboard Latin Awards, Billboard.
  31. ↑ (EN) My Kind of Christmas - Christina Aguilera, Billboard. entrada il 18 maggio 2012.
  32. ↑ (EN) Nobody Wants To Be Lonely by Ricky Martin on Songfacts, songfacts.
  33. ↑ (EN) Nobody Wants to Be Lonely history charts, Billbiard. entrada il 18 maggio 2012.
  34. ↑ (EN) ARIA Charts - Accreditations - 2001 Singles, ARIA Charts. entrada il 18 maggio 2012. (NL) Certificazione di NObody Wants to Be Lonely inte i Paesi Bassi, NVPI]. entrada il 18 maggio 2012 (archivià dal URL orizenałe il 12 marzo 2012). (SV) Certificazione di Nobody Wants to Be Lonely in Svezia, Sverigetopplistan. entrada il 18 maggio 2012. (DE) Certificazione di Nobody Wants to Be Lonely in Svizzera, Swisscharts. entrada il 18 maggio 2012.
  35. ↑ (EN) 2000 Video Music Awards, MTV.
  36. ↑ 36,0 36,1 (EN) Shaheem Reid, Christina Aguilera Sues To Stop Release Of Early Recordings. Just Be Free, due June 19, features songs recorded when singer was 14., MTV.
  37. ↑ (EN) Just Be Free Review, Stephen Thomas Erlewine. entrada il 18 maggio 2012.
  38. ↑ (EN) Christina Aguilera Discography of CDs, CD Universe. entrada il 18 maggio 2012.
  39. ↑ (EN) 2002 Rolling Stone Covers, Rolling Stone. entrada il 18 maggio 2012. (EN) Christina Aguilera on Maxim Magazine (JPG), bdbphotos]. entrada il 18 maggio 2012.
  40. ↑ (EN) Christina Aguilera: Five Fun Facts, People. entrada il 18 maggio 2012.
  41. ↑ 41,0 41,1 (EN) How Christina Aguilera Got 'Dirty', abc, 4 luglio 2003. entrada il 4 aprile 2012.
  42. ↑ (EN) Corey Moss, Christina Aguilera Follows Controversial 'Dirrty' With Inspirational 'Beautiful'. New single seeks to outperform surprisingly sluggish lead-off., MTV. entrada il 18 maggio 2012.
  43. ↑ (EN) Tanya L. Edwards, How Dirty Is 'Dirrty'? X-posing The Kinks In X-tina's Video, MTV, 23 ottobre 2002. entrada il 29 marzo 2012.
  44. ↑ (EN) ‘Dirrty’ Controversy Over Derogatory Thai Phrase, Popdirt, 28 settembre 2002. entrada il 29 marzo 2012.
  45. ↑ (EN) Frances Romero, Top 10 Controversial Music Videos, EW, 7 giugno 2011. entrada il 2012.
  46. ↑ (EN) Christina Aguilera’s ‘Dirrty’ Is Less Dirty On MTV-USA, Popdirt, 1º ottobre 2002. entrada il 29 marzo 2012.
  47. ↑ (EN) Petition for remove Dirrty from MTVpopdirt.com, 4 ottobre 2002. entrada il 29 marzo 2012.
  48. ↑ (EN) Eminem-Heavy '8 Mile' Soundtrack Soars To No. 1, Billboard. entrada il 18 maggio 2012 (archivià il 5 de febraro 2012).
  49. ↑ 49,0 49,1 (EN) Christina Aguilera: A Biography by Mary Anne Donovan, Google Books, 16 settembre 2010. entrada il 3 aprile 2012.
  50. ↑ (EN) Christina Aguilera Timeline, People. entrada il 18 maggio 2012.
  51. ↑ (EN) Andamento di Dirrty nella classifica inglese, Chart Archive. entrada il 18 maggio 2012 (archivià dal URL orizenałe).
  52. ↑ (EN) Andamento di Dirrty nelle classifiche mondialinorwegiancharts. entrada il 18 maggio 2012.
  53. ↑ (EN) "Beautiful" charts history, Billboard. entrada il 18 maggio 2012 (archivià il 5 de febraro 2012).
  54. ↑ (EN) Todd Burns, Stylus: Stripped review, Stylus Magazine, settembre 2003. entrada il 18 maggio 2012.
  55. ↑ (EN) Andamento di Beautiful nelle classifiche mondiali, australian-charts. entrada il 18 maggio 2012.
  56. ↑ (EN) Stripped - Christina Aguilera, Billboard. entrada il 18 maggio 2012 (archivià il 5 de febraro 2012).
  57. ↑ (EN) Christina Aguilera's 'Bionic' Disappoints, But Why?, Pop Eater. entrada il 18 maggio 2012 (archivià dal URL orizenałe il 19 giugno 2010).
  58. ↑ Eror: <ref> nisun testo par el marcador popdirt
  59. ↑ (EN) Elysa Gardner, Madonna, Spears, Aguilera shock at MTV Awards, USA Today, 29 agosto 2003. entrada il 2 ottobre 2009.
  60. ↑ Dal bacio tra Madonna e Britney Spears alle esibizioni provocatorie di Miley Cyrus: le performance più scioccanti di sempre, in TPI, 19 aprile 2018. entrada il 30 aprile 2018.
  61. ↑ MTV Europe Music Awards: vince Timberlake ma la star è Christina Aguilera, Rockol. entrada il 18 maggio 2012.
  62. ↑ (EN) Christina Aguilera Hello (Mercedes Benz Commercial), oldmercedes.
  63. ↑ (EN) Christina Aguilera scraps spring tour, Rolling Stone. entrada il 18 maggio 2012.
  64. ↑ SANREMO 2006: CONFERMATO IL DUETTO BOCELLI - AGUILERA, rockol, 4 febbraio 2015. entrada il 19 settembre 2015.
  65. ↑ (EN) Back to Basics review, Mediacritic. entrada il 18 maggio 2012.
  66. ↑ (EN) Christina Aguilera's 'Bionic' slated for June release, The Indipendent. entrada il 18 maggio 2012.
  67. ↑ (EN) Back To Basics Takes Christina Aguilera Back To Billboard's #1, MTV. entrada il 18 maggio 2012.
  68. ↑ (EN) Christina Aguilera Back to Basics review, Starpulse. entrada il 18 maggio 2012.
  69. ↑ (EN) Christina Aguilera, life and work, epagini. entrada il 28 luglio 2012.
  70. ↑ (EN) Andamento di "Ain't no Other Man" nelle classifiche mondiali, australian-charts. entrada il 18 maggio 2012. (EN) 2006 Top 40 Official UK Singles Archive, The Official Charts, 5 agosto 2006. entrada il ottobre 2011.
  71. ↑ (EN) Brie Heramine, Step Right Up! 6 Circus-Themed Music Videos, Teen, 1º maggio 2012. entrada il 16 ottobre 2012.
  72. ↑ (EN) Billboard: Christina Aguilera's Hurt positions, Billboard. entrada il 18 maggio 2012 (archivià il 5 de febraro 2012).
  73. ↑ (DE) Andamento di "Hurt" nella classifica svizzera, Hit Parade. entrada il 18 maggio 2012. (DE) Andamento di "Hurt" nella classifica austriaca, austriancharts. entrada il 18 maggio 2012. (DE) Andamento di "Hurt" nella classifica tedesca, Musicline. entrada il 18 maggio 2012. (NL) Andamento di "Hurt" nella classifica neerlandese, dutchcharts. entrada il 18 maggio 2012.
  74. ↑ (EN) Andamento di "Hurt" nella classifica italiana, italiancharts. entrada il 18 maggio 2012.
  75. ↑ (EN) Andamento di "Hurt" nella classifica inglese, chartstats. entrada il 18 maggio 2012 (archivià dal URL orizenałe il 21 luglio 2012). (EN) Andamento di "Hurt" nella classifica australiana, australian-charts. entrada il 18 maggio 2012. (EN) Andamento di "Hurt" nella classifica "Billboard Canadian Hot 100", Billboard. entrada il 18 maggio 2012.
  76. ↑ (FR) Les Disques D'Or, Disqueen France. entrada il 18 maggio 2012 (archivià dal URL orizenałe il 12 de disenbre 2011). (DE) Gold-/Platin-Datenbank, Musikindustrie. entrada il 18 maggio 2012.
  77. ↑ (EN) Candyman - Christina Aguilera, Billboard. entrada il 18 maggio 2012 (archivià il 5 de febraro 2012).
  78. ↑ Christina Aguilera video e testo di Candyman, sigla degli spot tim, Music Room. entrada il 18 maggio 2012.
  79. ↑ (EN) Christina Aguilera - Slow Down Baby, discogs. entrada il 25 maggio 2012.
  80. ↑ (EN) Christina Aguilera - Oh Mother, discogs. entrada il 25 maggio 2012.
  81. ↑ Il museo delle cere a Londra, Londra.us. entrada il 18 maggio 2012.
  82. ↑ (EN) David Gritter, Film reviews: Shine a Light and 21, The Telegraph, 11 aprile 2008. entrada il 16 ottobre 2012.
  83. ↑ (EN) Instant Karma Amnesty International Campaign, Amazon.
  84. ↑ (EN) Paris Hilton reveals Christina Aguilera pregnancy, Warner Bros.. entrada il 18 maggio 2012.
  85. ↑ (EN) Baby ok magazine offer 1 milion for first photo Christina Aguilera son, Pop Crunch. entrada il 18 maggio 2012.
  86. ↑ (EN) Christina Aguilera: 'Bionic' Billboard Cover Story And Video, Billboard. entrada il 18 maggio 2012 (archivià dal URL orizenałe il 5 novembre 2012).
  87. ↑ (EN) David Balls, Christina Aguilera confirms album title, Digital Spy, 5 gennaio 2010. entrada il 9 febbraio 2010.
  88. ↑ (EN) Keith Caulfield, 'Glee' Rises Past 'Twilight' To Top Billboard 200, Billboard, 16 giugno 2010.
  89. ↑ (EN) Silvio Pietroluongo, B.o.B Weaves Way To Hot 100 No. 1; 'Glee' Generates More Debuts, Billboard, 22 aprile 2010.
  90. ↑ iTunes Store, iTunes. entrada il 4 luglio 2010.

Altri projeti

[canbia | canbia el còdaxe]

Linganbi foresti

[canbia | canbia el còdaxe]


Controło de autoritàVIAF (EN) 55044411 · ISNI (EN) 0000 0000 5518 483X · Europeana agent/base/147375 · LCCN (EN) no00000575 · GND (DE) 123009189 · BNF (FR) cb14027364w (data) · BNE (ES) XX1537129 (data) · NLA (EN) 51306965 · WorldCat Identities (EN) no00-000575
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Christina_Aguilera&oldid=1156818"