NBA

NBA
	;
Dati
Nome scursà	NBA, НБА, 美职篮, 美職籃, НБА, НБА, НБА, एन बी ए, КъБА, MBA, เอ็นบีเอ, ҰБҚ e MBA
Sorte	basketball association (en) ; lega sportiva professionistica (it) ; basketball league (en) ; base di dati online (it)
Istòria
El renpiasa a	Basketball Association of America (en) (1949)
Creasion	6 de zugno del 1946
Atività
Spor	Bałacanestro
Zestor/diretor	Adam Silver (it) (2014–)
Formà da	NBA Eastern Conference (it) ; NBA Western Conference (it)
Sito web	nba.com

Ła National Basketball Association, conosesta anca come NBA, ła ze ła pì inportante łega de basket americana. Cuà A ghe zoga i pì forti zogadori e el łeveło conpresivo el ze el pì alto al mondo. Fondada a New York el 6 zunjo 1946 col nome de Basketball Association of America (BAA), da un grupo de paroni de i pì grandi pałaseti de hockey so jaso, ła ze deventada NBA intel 1949 dopo ła fuzion co ła łega rivałe National Basketball League: ła prima partìa zogada ła ze stada el 1 novenbre de chel'ano tra i Toronto Huskies e i New York Knickerbockers.

Nàsita e storia de ła NBA

Ani Sincuanta: integrasion rasiałe e règoła de i 24 secondi

Inte ła Mèrega de dopo ła guera A ghe jera ła segregasion rasiałe, ma ła NBA ła ze stada tra i primi a far zogar zogadori afromeregani: Chuck Cooper, Nat Clifton e Earl Lloyd, tuti intel 1950.

Par far pì vełose e pì beło el zogo, che prima el jera anca pezante da védar, intel 1954 A ze stada metùa ła règoła de i 24 secondi par tirar a canestro.

Intel 1959 A ze rivà el zogador Wilt Chamberlain e, par i dieze ani dopo, el ze stà el pì forte che el jirava.

Ani Otanta: i Boston Celtics, i Lakers e Michael Jordan

Dopo ver suparà i problemi co n’altra łega de basket rivałe par via del nome che ła NBA ła scomisiava a farse in jiro pal mondo, inte i ani Otanta ła se ga ingrandìo asé anca fora de i Stati Unii: i zogadori sìnboło come Larry Bird (Boston Celtics) e Earvin “Magic” Johnson (Los Angeles Lakers) i se ga fato ła guera in canpo co grando spetàcoło. Ma un dì inportante, chel canbiarà ła storia de sto sport, el ze stà al draft NBA (el marcà estivo) del 1984, cuando che i Chicago Bulls i ga cronpà ła guardia Michael Jordan, destinà a deventar un sìnboło chel revołusionarà el modo de védar el basket.

Ani Domiłe e uncuò

Col pasar de i ani ła NBA ła ga atirà un saco de zogadori forti, tanto che deso A ze proprio vero che el ze el pì grando e inportante tornèo de basket del mondo. Intanto A ze rivà scuadre e zente nove, anca itałiani (Andrea Bargnani, Danilo Gallinari, Marco Belinelli sora tuti), fazendo sì che ła NBA ła sìe deventada intarnasionałe a tuti i efeti. Deso i ecuiłibri i ze canbiài, de fianco a łe “vecie” San Antonio Spurs e Los Angeles Lakers A se ga fato vanti scuadre come i Golden State Warriors, i Cleveland Cavaliers e altre de forti.

Varda anca

Wikimedia Commons el detien imàjini o altri file so NBA
Scholia el detien schemi gràfeghi so NBA

Controło de autorità	VIAF (EN) 122790672 · ISNI (EN) 0000 0004 0472 7354 · LCCN (EN) n50063691 · GND (DE) 5103713-0 · BNF (FR) cb12472374f (data) · WorldCat Identities (EN) n50-063691