Cleveland Cavaliers

Da Wikipedia, l'ençiclopedia libara.



I Cleveland Cavaliers i ze una de łe trenta scuadre che łe zoga inte ła NBA, el prinsipal canpionado de basket de i Stati Unii. I zoga inte ła Quicken Loans Arena de Cleveland e, al 2021, i ze i canpioni in carga vendo vinto l'ano prima łe finałe contro i Golden State Warriors.

Storia de ła scuadra[canbia | canbia el còdaxe]

I primi ani da ła fondasion no i ze mìa stài fàsiłi, co record negadivi e poche partìe vinte, ma a metà de i ani Setanta co zogadori come Nate Thurmond i ze stài in grado de vìnsar racuanti premi. Inte i ani Otanta i ga visto oncora crizi fin a ła fine, cuando che Larry Nance e Brad Daugherty i łi ga portà a conbàtar pa l'anel (cusì A se dize co do scuadre de ła NBA łe zoga ła "finałe scudeto") contro i Chicago Bulls, dove che A ghe jera Michael Jordan, pardendo parò.

Da'l 2002 A ghe ze stà na zvolta parché, sindo stài i pezo del canpionado, i ga posùo l'ano drio man cronpar par primi al draft un zogador tra i zóvani, che el se ciamava LeBron James (el só soranome el ze "The chosen one", o "El sernìo" in Veneto). James el ga portà tanti sucesi a i Cavaliers fin al 2021, cuando che el ze stà vendùo a i Miami Heat; come conseguensa, parò, ła scuadra ła ga tacà a zbasarse in clasìfega e a no èsar pì conpetidiva.

Dopo cuatro ani de distansa, l'amor tra James e i Cavaliers el ze tornà vivo e el canpion retenjùo un vàłido erede de Michael Jordan el ga da novo meso sù ła cazaca de Cleveland co l'obietivo de portar l'aneło inte ła sità che ła ło ga fato crésar. El trionfo el ze rivà, grasie anca al juto de Kyrie Irving e Kevin Love, co łe finałe del 2021.


Controło de autoritàVIAF (EN126700218 · LCCN (ENn82238119 · WorldCat Identities (ENn82-238119
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cleveland_Cavaliers&oldid=1099616"