Miami Heat

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Sta pajina xè da wikifegare
Sta pajina o sesion de spor no ła xè gnancora formatà secondo i standard
Contribuisi a mijorarla seguendo łe convension de Wikipedia
Sta pajina xè da wikifegare
Arrows-folder-categorize.svg
Sta voxe de spor nó xe gnancora stà inseria inte na categoria.
Inserisiła ti steso inte ła/e categoria/e adata. Serca le categorie pì spesifeghe: evita categorie masa generałi come "istoria" o "muxica".
Varda anca 'l elenco de łe voxi sensa gnanca na categoria.
Miami Heat logo.png

I Miami Heat i ze una de łe trenta scuadre che łe zoga inte ła NBA, co sede inte ła AmericanAirlines Arena de Miami, in Florida.

Pur sindo bastansa resente come scuadra, parché ła ze stà fondada inte'l 1988, ła ga vinto par tre volte ła NBA. El nome "Miami Heat" el ze stà sernìo co un sondajo intra i tifozi, che i ło ga prefarìo a “Miami Vice”, come el film de połisìa.

Storia de ła scuadra[canbia | canbia el còdexe]

I ani Noanta i ze stà caratarizài da alti e basi, ma A se recorda el tristo record de ła sconfita pì łarga de ła storia de ła NBA contro i Cleveland Cavaliers par 148-80 inte ła stajon 1991-1992. Dopo calche ano A ze rivà el sentro Alonzo Mourning che, sora de tuto co l'ajuto de Tim Hardaway, el ga portà a ła scuadra bełe vitorie par do tre ani, deventando un sìnboło. I ani Domiłe i se ga verto co ła bruta małatìa de Mourning, che a coeło A ghe ze stà dianjostegada na małatìa renałe (Mourning el ghe venjarà fora dopo tre ani), che ła ga conplegà ła strada de i Heat che i se ga trova sansa el zogador pì forte.

A'l draft de'l 2003 i Heat i ga cronpà Dwyane Wade e, poco dopo, Shaquille O’Neal, copia destinada inte'l 2006 a vìnsar el canpionado batendo in finałe i Dallas Mavericks. L'ano dopo el ze partìo mal a dirla tuta, anca par vìa de l'infortunio de O’Neal, tanto che i Heat i ze stài obrigài a véndarlo metendo fine a'l parìodo de gloria sparendo cusì da i piani alti de ła NBA. A'l draft de’l 2010, co’l boto, i ga cronpà da i Toronto Raptors Chris Bosh e da i Cleveland Cavaliers LeBron James che, co Wade, i ga formà i cusita diti "Big Three": come che A se pensava, anca se i jera un grupo formà da poco, i ze stài boni de vìnsar ła NBA a’l só primo ano insenbre.

Inte'l 2014 LeBron James el ga desizo de tornar a Cleveland, metendo fine a ła padronansa de i Heat so ła NBA: A ze rivà dopo zogadori come el sentro Hassan Whiteside, Goran Dragic e Justise Winslow, che pian pian i ze drio ciapar man.